УИХ дахь МАН-ын бүлэг ээлжит бусаар хуралдаж, УИХ-ын гишүүн Д.Гантулгын бүрэн эрхээсээ түдгэлзэх саналыг хэлэлцсэн юм.
Улсын Ерөнхий Прокуророос Д.Гантулга гишүүнийг 48 цагийн дотор бүрэн эрхээс нь түдгэлзүүлэх хүсэлтийг өчигдөр УИХ-д хүргүүлсэн. Өнөөдөр 48 цагийн хугацаа дуусч буй тул хуулийн хугацаа дуусахаас өмнө бүрэн эрхээсээ түдгэлзэх хүсэлтээ УИХ-ын дарга М.Энхболдод хүргүүлэх ёстой юм байна. Энэ талаар Д.Гантулга гишүүнээс лавлахад “Би энэ хэргийг шалгуулах, олж тогтоохоор идэвхтэй ажиллаж байгаа. Өнөөдөр би яллагдагчаар татагдсан. Ийм учраас нарийн мэдээлэл өгөх боломжгүй байна” гэлээ.