Гүржийн нийслэл Тбилис хотноо олимпийн эрхийн оноо олгох Гран
При тэмцээн өчигдөр эхэлсэн билээ. Тус тэмцээнд дэлхийн 67 орны эрэгтэй 230,
эмэгтэй 163, нийт 393 жүдоч өрсөлдөж байна. Манай улсаас Хөдөлмөрийн баатар,
гавьяат тамирчин Х.Цагаанбаатарын удирдлагад эрэгтэй 6, эмэгтэй 4, нийт 10 бөх
барилдаж байна.
Тэмцээний эхний өдөр эрэгтэйчүүдийн 60 кг-ын жинд гавьяат тамирчин Д.Амартүвшин
мөнгө, гавьяат тамирчин Г.Болдбаатар хүрэл медаль хүртэв. Мөн эмэгтэй 52 кг-ын
жинд А.Цолмон шагналт VII байр эзлэв.
Тэмцээний хоёр дахь өдөр буюу өнөөдөр эрэгтэй 73 кг, 81 кг, эмэгтэй 63 кг, 70
кг-ын жингийн барилдаан болно. Манай улсаас эрэгтэй 73 кг-ын жинд Г.Одбаяр, 81
кг-д О.Ууганбаатар, эмэгтэй 63 кг-ын жинд Б.Мөнгөнчимэг, 70 кг-д Ц.Наранжаргал
нар барилдах юм.