Коронавирусийн халдвараас хамгаалах эсрэг биет эхийнх нь хэвлийд байхад нь хүүхдэд дамждаг болохыг тогтоосон байна. Энэ талаар тус судалгааг хийсэн эрдэмтэд өчигдөр мэдээлжээ.
Филадельфийн Хүүхдийн эмнэлгийн нярайн чиглэлээр мэргэшсэн доктор Дастин Флэннери болон түүний хамтран ажиллагсад нь 1400 гаруй эх болон нярайд судалгаа хийсэн байна. Тэд жирэмсэн байхдаа халдвар аваад эдгэсэн болон халдвартай 83 эмэгтэйгээс 72-ынх нь ихсээр IgG /иммуноглобулин G/ эсрэг биетүүд дамжсан болохыг тогтоосон байна. Мөн коронавирусийн халдварт өртсөн ээжүүдээс төрсөн нэг ч хүүхэд халдвар аваагүй байжээ.
Түүнчлэн эрдэмтэд жирэмсэн эмэгтэйчүүдийг Covid-19-ийн эсрэг вакцинд хамруулснаар хүүхдийг нь мөн хамгаалах боломжтой гэж таамаглаж байгаа тул үүнд чиглэсэн судалгаагаа үрэлжлүүлэх хэрэгтэй гэж үзсэн байна.
Нярай хүүхдүүд халдварт өвчинд өртөмтгий байдаг тул хүүхдээ бусад төрлийн халдварт өвчнөөс хамгаалж байхыг анхааруулжээ. Учир нь томуу, татран зэрэг бусад вирусийн эсрэг биетүүд эхээс урагт дамжих үедээ устдаг тул тэдгээр өвчнөөс хамгаалах вакциныг нь хийлгэж байхыг зөвлөсөн байна.
Тухайлбал, АНУ-ын Өвчний хяналт, урьдчилан сэргийлэх төвөөс ээж нь жирэмсэн үедээ вакцин хийлгэсэн ч хүүхдийг зургаан сар хүрэхэд нь томуугийн эсрэг вакцин тариулахыг зөвлөжээ.