УИХ-ын чуулганы хуралдаан 77,6 хувийн ирцтэйгээр эхэллээ. Хуралдаанд Монгол Улсын Ерөнхийлөгч Ц.Элбэгдорж оролцож байна. Тэрбээр Ерөнхий сайдад нэр дэвшиж дэмжигдсэн Ж.Эрдэнэбатын танилцуулгыг чуулганы хуралдаанд уншиж танилцуулав.
Өнөөдрийн чуулганы хуралдаанаар АТГ-ын даргаар Х.Энхжаргалыг томилох тухай, Ерөнхий сайдаар Ж.Эрдэнэбатыг томилох тухай, Сум, дүүргийн иргэдийн хурлыг сонгох сонгуулийн товыг зарлан товлох тухай асуудлуудыг хэлэлцэх юм.