Монголын чөлөөт бөхийн мастерууд /ахмад тамирчид/-ын холбооны Монгол Улсын аварга шалгаруулах тэмцээн тавдугаар сарын 11-12-нд Спортын төв ордонд болно.
Дөрөв дэх удаагаа зохион байгуулж буй тус тэмцээн таван насны буюу А (35-40 нас), В (41-45 нас), С (46-50 нас), D (51-55 нас), Е (56-60 нас) гэсэн ангилалд 55-62 кг, 70 кг, 78 кг, 88 кг, 100 кг, 100-130 кг-ын жинд алт, мөнгө хүрэл медальтнуудаа тодруулна. Энэхүү УАШТ Дэлхийн бөхийн нэгдсэн холбооны дүрмээр болох бөгөөд барилдаан (2 үе тус бүр 2 минут, завсарлага 30 секунд) нийт 4 минут үргэлжилнэ.