Өнгөрсөн сард чанаргүй зээл 56 тэрбум төгрөгөөр өсжээ. Энэ нь өмнөх сараас гурван хувиар өссөн үзүүлэлт юм. Ингэснээр чанаргүй зээлийн хэмжээ нийтийн зээлийн 10.7 хувийг эзэлж байна. Чанаргүй зээлийн хэмжээ нэмэгдэх нь нэг талаас банкуудыг эрсдэлд оруулж, эргэж зах зээлд гарах мөнгөн урсгалыг багасгадаг. Нөгөө талаас эдийн засгийн нөхцөл байдал сайнгүй байгааг илэрхийлдэг.
Түүнчлэн хугацаа хэтэрсэн зээлийн өрийн үлдэгдэл хоёрдугаар сард 926.8 тэрбум төгрөг болж, өмнөх сараас 92.2 тэрбум төгрөгөөр өссөн юм. Хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 5.4 хувийг эзэлж, өмнөх сараас 0.6 пунктээр өссөн байна.