УИХ дахь АН-ын бүлэг өнөөдөр хуралдаж, мэдээлэл хийлээ. Бүлгийн хуралдаанаар Сангийн сайд Ч.Хүрэлбаатар, ХЗДХ-ийн сайд Ц.Нямдорж нарыг огцруулах шаардлагыг дахин хүргүүлэх болсноо мэдэгдсэн юм. Тэрээр 2018 оны төсвийн тухай хуульд ирэх сарын 14-нөөс өмнө өөрчлөлт оруулах шаардлагатай байгааг онцоллоо.
Бид анхны шаардлага дээрээ дараачийн алхмаа хийнэ гэдгээ дурдсан. Бидний шаардлагыг хүлээж авахгүй тохиолдолд Засгийн газрыг бүрэн бүрэлдэхүүнээр нь огцруулах асуудлыг хөндөхөд бэлэн байгаа. Сэтгүүлчид чөлөөтэй үгээ хэлж, үзэл бодлоо илэрхийлэх эрхтэй. Тийм байхад салбарын сайд нь сэтгүүлчдийг тагнасан байвал тун зохисгүй хэрэг болно. Энэ асуудал цаашид илүү тодорхой болно байх. Прокурорын байгууллагаас чагнасан гэдгийг нь нэгэнт тогтоосон гэж бид ойлгосон. Дэлгэрэнгүй мэдээлэл ирээгүй байна. Ерөнхийлөгчийн өргөн барьсан хувилбар, Засгийн газрын өргөн барьсан төслүүдийг УИХ хамтад нь хэлэлцэхээр боллоо. Үүнийг би хувьдаа зөв гэж харж байгаа. Манай улсад гурван төрлийн зорилтот бүлэг байгаа. Тэдний нэг нь хүүхэд. Тиймээс зорилтот бүлгээ ингэж хувилан хувааж болохгүй. Цаашдаа хүүхдийн талаарх бодлогоо Монгол Улс тодорхой болгох хэрэгтэй.
Бүлгийн хэд хэдэн гишүүн Ч.Сайханбилэгийг эргэсэн. Бид энэ асуудлыг ямар нэгэн улс төржилт хийхгүйгээр хуулийн хүрээнд шийдэгдээсэй гэж харж байгаа.