“Либерти Партнерс” ХХК-ийн захирал Ч.Ганбатыг Эрүүгийн цагдаагийн газраас сэжигтнээр татан Интерполоор долоон сарын эрэн сурвалжилж байна. Түүний оршин суугаа хаяг нь одоогоор тодорхойгүй ч АНУ-ын иргэн болсон гэх мэдээлэл бий. Энэ тухайгаа Ч.Ганбат өнгөрсөн онд төрийн гурван өндөрлөгт хандаж, илгээсэн ил захидалдаа дурдсан байдаг. Тэрээр өөрийгөө хилс хэрэгт буруутгаж байгааг онцолж, Монголд ирж нэр төрөө цэвэрлэнэ гэж мэдэгдээд байсан. Тэгвэл хууль, хяналтын байгууллагынхан Ч.Ганбатыг албадан авчрахаар болсон гэх мэдээлэл гараад байна.