Дэлхийн шилдэг 50 соёлын арга хэмжээгээр албан ёсоор шалгарсан “Туурайн төвөргөөн 2017″ шинэ хөгжим, ардын урлагийн олон улсын их наадам өнөөдөр Төр түмний их шүтээн Мигжид Жанрайсиг бурханы өмнөх талбайд нээлтээ хийлээ.
1999 оноос хойш манай улсад жил бүр зохион байгуулж буй уг наадам эх орноо гадаадад сурталчлах, аялал жуулчлалыг хөгжүүлэхэд хувь нэмэр оруулах нэр хүнд бүхий наадам болж чадсаныг зохион байгуулагчид онцолж байна. Энэ хугацаанд дэлхийн 100 орны 1500 гаруй хөгжимчин, уран бүтээлчийг наадамдаа урьж оролцуулжээ.
Наадмыг зохион байгуулагч С.Бадамхорол хэлэхдээ, “Дэлхийн онцгой сонин, давтагдашгүй 50 аяллыг шалгаруулахад “Туурайн төвөргөөн” багтсан. Энэ жагсаалтад далайн гүнд буй “Титаник” хөлгийг үзэж, өрөө тасалгаанд нь тухлах, Лхаст очиж Далай ламтай өглөөний цай ууж, ярилцах, Английн хатан хаантай зэрэгцэн сууж морины уралдаан үзэх зэрэг өндөр үнэтэй, хүссэн бүхэн оролцох боломжгүй аяллуудыг нэрлэсэн юм билээ. Энэ наадмын оролцогчид Монголын үзэсгэлэнт байгалиар аялахын зэрэгцээ Монголын сор болсон уран бүтээлчид, дэлхийн орчин үеийн урлагийн төлөөлөгчдийн тоглолтыг үзэж, нүүдэлчдийн өвөрмөц соёл, зан үйлтэй танилцдаг тул дэлхийн шилдэг аяллаар шалгарсан. Байгалийн сонин содон тогтоцтой, үзэсгэлэнтэй газарт уран бүтээлчид тоглолтын танхимд тоглосноос илүү сэтгэл хөдлөлтэй, эрх чөлөөтэй болдог. Тиймээс гайхамшигтай энерги ялгардаг. Манайх шиг менежментээр арга хэмжээ зохион байгуулъя, “Туурайн төвөргөөн” наадмын нэрийг ашиглая гэх хүсэлт олон ирдэг. Бидний хийж байгаа ажил дэлхийн сонорт хүрч, эх орныхоо нэрийг дуудуулж байгаад бахархдаг” гэв.
Энэ үеэр Бурхан шашинтны төв Гандантэгчэнлин хийдийн тэргүүн их хамба лам, СГЗ, Гавж Д.Чойжамц айлдвар сургаалиа айлдсан бол лам хуврагууд Хүслийн 5 Тахил, уртын дуучид ая дуугаа өргөлөө.
Мөн “Шилмэл загвар” салоны хамт олон Бурхадын өмсгөл загваруудаа танилцуулж, профессор Бернхард Вульф төгөлдөр хуурын ая эгшгийг эгшиглүүлсэн юм.
Ирэх сарын 04-нийг хүртэл үргэлжлэх тус наадамд оролцогчид маргааш Хархорин хотыг зорих аж.
Дашрамд сонирхуулахад, хүн төрөлхтний урлагийн хамгийн алдартай 50 урлагийн тур тоглолтын нэг болсон уг наадмаас санаа авч Киргизстан, Тайланд, Камбожи зэрэг оронд ижил төстэй наадам зохион байгуулдаг байна.
Их британи, Умард ирландын нэгдсэн вант улсын Уэлсийн нийслэл Кардиф хотноо зохион байгуулагдсан “BBC Cardiff Singer of the World”-д тэргүүн байр эзэлж, дэлхийн шилдэг таван дуучны нэгээр тодорсон Чингис хаан одонт, МУГЖ Г.Ариунбаатар маргааш буюу 6 сарын 22-нд эх орондоо ирнэ. Маргааш 06:30 цагт Чингис хаан нисэх онгоцны буудалд угтаж авах үйл ажиллагаа болох гэнэ.
“Туурайн төвөргөөн 2017” Олон улсын хөгжмийн их наадмын нээлт зургаадугаар сарын 22-ны 11:00 цагт Төр түмний их шүтээн Мигжид Жанрайсиг бурханы өмнөх талбайд болох гэж байна.
ИБНВУ-ын Уэльсийн нийслэл Кардифф хотноо хоёр жил тутамд дуурийн дуучдын дунд зохион байгуулдаг BBC Cardiff Singer of the World тэмцээний “The Song Prize” төрөлд Монгол Улсын гавьяат жүжигчин Г.Ариунбаатар тэргүүлжээ. 
Монгол Улс, Япон Улсын хооронд дипломат харилцаа тогтоосны 45 жилийн ойн хүрээнд Гадаад харилцааны сайд Ц.Мөнх-Оргилын урилгаар Азийн анхны балетын компани болох “Токио Комаки” Монгол Улсад айлчлан тоглолт хийж байна. 
Улсын дуурь бүжгийн эрдмийн театрын тайзнаа өчигдөр анх удаа Игорь Стравинскийн “Галт шувуу” балетыг тоглож, үзэгчдийн хүртээл болголоо. Монгол, Японы дипломат харилцаа тогтоосны 45 жилийн ойн хүрээнд Японы алдартай балетын компани болох “Токио Комаки балет”-ын 50 гаруй уран бүтээлчид Монголд хүрэлцэн ирээд байна. Энэхүү сонгодог балетын гол дүр Иван хунтайжид Монгол Улсын гавьяат жүжигчин, Соёлын Элч Д.Алтанхуяг бүжих бөгөөд “Токио Комаки балет” компанийн уран бүтээлчид “Галт шувуу” балетыг өнөөдөр /2017.06.17/ дахин тоглох гэж байна. Манай үзэгчдэд зориулан Фредерик Шопены “Шопениана” балетыг мөн толилуулах ажээ. 
Дэлхийн таван шилдэг дуучны нэгээр Монгол Улсын гавьяат жүжигчин Г.Ариунбаатар шалгарсан байна.
“Мял Богдын намтар” жүжгийг Дундговь аймгийн Мандалговь хотынхон аймгийн театрынхаа тайзнаас шимтэн үзэв.