Category: соёл-урлаг

Үндэсний их баяр наадмын хүрээнд иргэд, наадамчин олондоо зориулан “Үндэсний бахархал” тоглолтыг Нийслэлийн Засаг даргын Тамгын газар, Нийслэлийн Соёл, урлагийн газар, Монгол Улсын Үндэсний Урлагийн Их Театртай хамтран өнөөдөр 20:00 цагт Д.Сүхбаатарын талбайд зохион байгуулах гэж байна.

Энэхүү тоглолтоор үндэсний урлагийн шилдэг үзүүлбэрүүдийг иргэд, олон нийтэд зориулан толилуулахаар бэлтгэсэн байна. “Үндэсний бахархал” тоглолт нь язгуур урлагийн үзүүлбэрүүдээс гадна дэлхийн сонгодог бүтээлүүдээс бүрдэж байгаа ба найруулагчаар Монгол Улсын Үндэсний Урлагийн Их Театрын захирал Г.Цоггэрэл ажиллаж байгаа аж.

Үндэсний хөгжмийн их найрлын гайхамшигт аялгуу, уран чадварлаг бүжигчдийн сэтгэл сэргэм бүжиг, их тал нутгийг сануулам уртын сайхан дуунуудаас сонсохын ялдамд мэлмий юугаа баясгаж, сэтгэл зүрхээ хөглөхийг урьж байна гэж Нийслэлийн Соёл урлагийн газраас мэдээллээ.

Тулгар төрийн 2226 жил, Их Монгол Улсын 811 жил, Ардын хувьсгалын 96 жилийн ойн их баяр наадмыг зориулсан “Үндэсний бахархал” тоглолт өнөөдөр 20.00 цагт Д.Сүхбаатарын талбайд болно.

Энэхүү тоглолтыг НЗДТГ, Нийслэлийн Соёл, урлагийн газар, Монгол Улсын Үндэсний Урлагийн Их Театртай хамтран зохион байгуулах юм. Тоглолтын үеэр язгуур урлагийн үзүүлбэрүүдээс гадна дэлхийн сонгодог бүтээлүүдийг нэгэн тайзнаас олон нийтэд толилуулах юм. Тоглолтын найруулагчаар Монгол Улсын Үндэсний Урлагийн Их Театрын захирал Г.Цоггэрэл ажиллаж байна.

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүрээнд иргэд, наадамчин олондоо зориулан жанжин Д.Сүхбаатарын талбайд урлагийн томоохон үйл ажиллагаануудыг зохион байгуулах гэж байна. Тухайлбал, иргэд наадамчин олондоо зориулан жил бүр уламжлал болгон толилуулдаг “Улаанбаатарын үдэш” роп, попын нэгдсэн тоглолтыг Нийслэлийн Засаг даргын Тамгын газар, Нийслэлийн Соёл, урлагийн газраас 2017 оны 07 дугаар сарын 11-ний өдөр 21.00 цагт жанжин Д.Сүхбаатарын талбайд ёслол төгөлдөр зохион байгуулах гэж байна.

Энэ удаагийн “Улаанбаатарын үдэш” хүндэтгэлийн тоглолтын найруулагчаар “Фантастик Продакшн”-ы продюсер Ж.Алтаншагай ажиллаж байгаа бөгөөд 2017 оны трэнд урлагийн үзүүлбэрүүд, тухайлбал “Аьяаслаг монголчууд 2017” шоуны оролцогч Б.Шижирбат, О.Энх-Эрдэнэ, “Киви” хамтлагийн дуучин Ука, Люмино хамтлаг зэрэг олон арван уран бүтээлчдийг оролцуулахаар бэлтгэлээ хангаад байна. Бид энэ удаагийн тоглолтоор 2017 онд www.youtube.com сайтад иргэдийн хамгийн их хандалттай байсан дуу, хөгжим, бүжгийн тоглолтыг олон нийтэд толилуулахаар бэлтгэсэн юм. Энэ үдэш та бүхэн хамгийн дуртай дуугаа сонсож, тайз дэлгэцийн шинэлэг шийдэл, дуу хөгжмийн сонирхолтой найруулгыг үзэх боломжтойгоороо онцлог юм гэж Нийслэлийн Соёл урлагийн газраас мэдээллээ.

Улс, орны ирээдүй болсон залуучуудын хамгийн их сонсох дуртай 10 дууг уншигч таньд хүргэе. Та ч гэсэн эдгээр дуунуудаас сонсож байсан биз ээ.

1. Сүүлийн үед бие даасан уран бүтээлээрээ залуусыг байлдан дагуулж буй Киви хамтлагийн дуучин Укагийн “Маргаашийн нарлуу хамт аялах уу” дуу залуусын дунд хит болж байна.

2. Эвлэг хоолойгоор цээлхэн дуулах Б.Аззаяа охины “Сүүн далай ээж” хэмээх дууг сонсох дуртай залуус их болжээ.

3.Монголын нэртэй рок поп хамтлагуудын нэг Guys-ыхны эрт гаргаж байсан уран бүтээлүүдийг сүүлийн үед залуус шимтэн сонсох болсон. Мөн шинэ уран бүтээлүүд нь ч хит болсоор байгаа юм.

4.Аугаа яруу найрагч Бавуугийн Лхагвасүрэнгийн шүлэг, Монгол Улсын урлагийн гавьяат зүтгэлтэн, орчин цагийн залуусын сонсдог ихэнх хит дууны аяыг зохиосон Л.Балхжавийн аялгуу “Үзэсгэлэнт минь” хэмээх уран бүтээлийг “Харанга” хамтлаг, тэр дундаа Лхагваа дуулсан нь энэхүү уран бүтээлийг хит болгохоос өөр ялтай билээ.

5. “Микроны босс” киноны дуу, Big Gee-ийн шинэ уран бүтээл “Хурдаа нэм” хэмээх хип хоп уран бүтээл эрчээ авсаар л байна.

6. “Лемонс” хамтлагийн дуунд дургүй хүн цөөн байх. Энэхүү уран бүтээл нь тус хамтлагийн хамгийн эрэлтэй, залуусын дунд хит болсон юм. Удахгүй болох “Playtime” амьд хөгжмийн тоглолтод дуулагдах биз.

7. Залуу уран бүтээлч Чойжоогийн намуухан, аялгуулаг дуунуудыг сонсох дуртай залуус бий.

8. Лумино хамтлагийн ах нар ч амьдралд ойрхон уран бүтээлийг хит болгож чадах юм. Цаг үеэ мэдэрсэн энэхүүү уран бүтээлийг хөдөө, хээр, зугаалгаар явах гэж буй залуус хамгийн ихээр сонсож байна.

9. Алдар Камертон хамталгийн сүүлийн үеийн уран бүтээл хуучны дуу шигээ хит болсоор байна.

10. Амьд хөгжим сонирхогч залуусын нэгдэл Соlors хамтлагийн уран бүтээл хит болж чадсаар байна.

Э.МӨНХ

Энэ сард арав гаруй хоног бүх нийтээр амрах тул иргэд амралтын өдрүүдээ хэрхэн тэмдэглэхээ төлөвлөж байгаа. Зарим нь гэртээ кино үзэн амарч, зарим нь аялал, зугаалга, хөдөө, гадаа явахаар зэхэж буй байх. Иймд Монголд нээлтээ хийсэн, хийхээр төлөвлөж буй Холливудын кинонуудыг танилцуулж байна.

“DESPICABLE ME 3”

Зургадугаар сарын 30-ны өдөр Монголд нээлтээ хийгээд буй “Сарыг хулгайлах төлөвлөгөө-3” киног зөвхөн хүүхэд багачууд гэлтгүй насанд хүрэгчид ч сонирхон үзэж байна. “Universal pictures” кино компанийн минионуудын түүхийг өгүүлэх энэхүү бүтээл одоогоор “Бокс оффис” жагсаалтыг тэргүүлсэн хэвээр байна. Энэ удаагийн кинонд Гругийн амьдралд түүний ихэр Дру орж ирснээр үйл явдал өрнөнө. Дру нь сэтгэл булаам, сэргэлэн, хөгжилтэй бас Гругээс илүү сайхан амьдралтай, гэвч Дру түүнтэй хамтарч сүүлийн гэмт хэргийг үйлдэхийг хүссэнээр киноны адал явдал өрнөх аж.

Кино Тэнгис, Өргөө, Гэгээнтэн кинотеатруудаар өдөр бүр гарч байна.

“ХҮН ААЛЗ ЭРГЭН ИРСЭН НЬ”

Энэ лхагва гаригт Монгол Улсад нээлтээ хийгээд буй “Хүн аалз иргэн ирсэн нь” эйкшн төрлийн кино Өргөө, Тэнгис, Гэгээнтэн кинотеатруудын дэлгэцнээ гарч байна. Энэ удаагийн өндөр барилга дундуур дүүлэн нисэгч супер баатар хүн аалз болон жирийн нэг ахлах сургуулийн өсвөр насны хүү Петер Паркерын амьдралыг хэрхэн хослуулж буй талаар кинонд өгүүлнэ. Түүний үйл хөдлөл бүрийг Тони Старк зааж зааварчилж, Паркер удалгүй Хүн аалз хэмээх баатрын дүрд орж эхэлнэ. Кинонд хэрцгий Тас гарч ирснээр түүн хувьд үнэтэй бүхний амьдралд аюул заналхийлэх болно. Энэ бол түүний хувьд бүх хүчээ дайчилсан тулаан байх болно. Хүн аалз эргэн ирсэн нь кино нийт 133 минут үргэлжилнэ.

“ТРАНСФОРМЕРС – СҮҮЛЧИЙН БААТАР”

“Трансформерс-5” буюу “Сүүлчийн хөлөг баатар” кино нь энэ зуны төдийгүй ойрын жилүүдийн хамгийн өндөр хүлээлттэй уран бүтээлд зүй ёсоор тооцогдож байна. Алдартнуудын цугларал Холливудын алдарт найруулагч Майкл Бэй-ийн найруулсан энэ бүтээлийн гол дүрд нь Марк Уоллберг, Антони Хопкинс, Жош Духамел зэрэг алдарт жүжигчид тоглосноос гадна залуу дуучин, бүжигчин Изабелла Мөүнер Робот франчайзад нэгджээ. Сонирхолтой өгүүлэмж, тайлал бүхий 2007 онд эхэлсэн уг цувралын тав дахь бүтээл болох “Сүүлчийн хөлөг баатар” хэмээх энэ цувралд хүн төрөлхтөний түүхийн нэг хэсэгтэй трансформуудын түүх огтлолцох юм. 12 хөлөг баатрын сүүлчийнх нь хэн байх, түүхийн нууцын нугачаанд тэдний аврах түлхүүр хаа нэгтээ нуугдаж байгааг энэхүү кинонд техник, технологийн дэвшлийг ашиглан гайхалтай үзүүлсэн бөгөөд энэ нь тайлал болох юм байна.

Кино Тэнгис, Өргөө, Гэгээнтэн кинотеатруудаар өдөр бүр гарч байна.

-ТУН УДАХГҮЙ ДЭЛГЭЦНЭЭ-

“БИЧИН ГАРИГИЙН ДАЙН”

Анх 2011 онд “Rise of the Planet of the Apes” буюу “Бичин гаригийн сэргэн мандалт” нэртэйгээр гарч байсан энэ кино “The Dawn of the Planet of Apes” нэртэйгээр 2014 онд хоёр дахь цувралаа үзэгчдийн хүртээл болгосон байдаг. Хүн бичний тулаан өнгөрсөн удаад Цезараар удирдуулсан генетикийн өөрчлөлттэй бичний сүрэг өдөр ирэх тусам өсөн нэмэгдэж, хэрэгцээ шаардлага нь өсч буйгаар өрнөдөг. Харин нөгөө талаас арав гаруй жилийн турш хүн төрөлхтөний дунд вирус тархсаны улмаас хүн ам нэлээдгүй цөөрсөн байна. Тэд зэрэгцэн амар амгалан оршихын тулд хэн нь илүү давамгай болохоо харуулна. Харин энэ удаа хүн бичний хооронд юунаас болж дайн өрнөх бол? Бичнүүд хүн төрөлхтөнөөс дутахгүй зэвсэг, техниктэй болж, мөргөлдөөн үүсэхэд хүмүүс бичнүүдийг олзлож буйгаар кино өрнөнө. Гэхдээ тэд нэгэн ертөнцөд мөр зэрэгцэн амьдрах уу, эсвэл аль нэгийгээ зүйл дуусгах уу гэх сонголтын өмнө ирнэ.

Нийт 101 минут үргэлжлэх “Бичин гаригийн дайн” кино долдугаар сарын 14-ний өдрөөс эхлэн Өргөө, Тэнгис кинотеатрын дэлгэцнээ гарч эхэлнэ. Одоогоор цагийн хуваарь төлөвлөгдөөгүй байна.

“ВАЛЕРИАН”

Найруулагч Люсь Бессоны бүтээл “Валериан” адал явдалт, уран зөгнөлт энэхүү кинонд ирээдүйд байж болох гаригийг дүрслэн, хүн төрөлхтөнтэй мөр зэрэгцэн амьдрах харийн амьтдыг дүрслэн гаргажээ. 130 минут үргэлжлэх энэ киног 13-аас дээш насныхан үзэх боломжтой юм. Францын алдарт “Валериан ба Лаурелин” комикоос сэдэвлэсэн тус кинонд цаг хугацаагаар аялан даалгавар биелүүлэгч хүмүүний ертөнцийн тусгай ажилтан Валериан өөрийн хамтрагч Лаурелинтай галактикын эзэнт гүрнийг мөрдөх даалгавар авснаар гариг эрхсийн дунд байрлах ертөнцийн өнцөг булан бүрээс ирсэн мянга мянган өөр төрөл зүйлийн амьтад амьдардаг гайхамшигтай хот Альфад очин үйл явдал өрнөнө.

Тус кино долдугаар сарын 21-ний өдрөөс Өргөө кинотеатрт нээлтээ хийнэ.

• Дэлхийд нэртэй Японы “The Fin”, “The You”, “Churashima Navigator”,
• Швейцарийн “One Sentence.Supervisor” зэрэг инди рок элетроник хөгжмийн 6 хамтлагийн 32 уран бүтээлчид урилгаар хүрэлцэн ирж наадмын хөгжмийн өнгө аясыг тодорхойлно.

Мөн наадмын хүрээнд Монголын рок хөгжмийн домог болсон “Харанга” хамтлагын 30 жилийн ойг тэмдэглэхийн сацуу, “The Lemons”,“Mohanik”, “Nisvanis”, “Magnolian” зэрэг Монголын нэр хүндтэй 11 хамтлаг уран бүтээлээ хүргэнэ.

Мөн наадмыг санаачлагч, захирал Ц. Нацагдорж, “Плейтайм наадмын чухал хэсэг бол залуу хамтлаг дуучдын шинэ хөгжмийг дэмжих замаар Монголын инди, рок, амьд хөгжмийн хөгжилд хувь нэмэр оруулах” зорилготой Шинэ Давалгаа тайзаар Bazo, Even Tide зэрэг нийт 11 хамтлаг, нийлээд Монголын 21 гаруй хамтлагын 100 гаруй залуу уран бүтээлчид 3 өдрийн турш энэхүү хөгжмийн баярыг наадмын үзэгчидтэйгээ хамтран тэмдэглэнэ.

Энэ жил Герман болон БНХАУ-д уран бүтээлээ хүргэж ирсэн The Majesti Label студын DJ Билгүүдэй, Монголын шилдэг 25 DJ-н хамт Нааглихац электрон тайз агуулгыг хөгжим болон орон зайн хувьд шинэлэг, онцлог содон байхаар удирдан, найруулж байна.

Мөн энэ жилийн наадмын хөтөлбөрийн онцлогоор Францын нэрт дуучин Эдит Пиафын алдарт “La vie en rose” дууны нэрээр овоглосон акустик, жазз хөгжмийн тайз шинээр нэмэгдэж, намуухан, романтик орчин, хөгжим, stand up comedy, хөгжилтэй тоглоом, кино зэргийг сонгодог хүмүүст олон төрлийн гэнэтийн, сонирхолтой бэлгийг барихаар ажиллаж байна.

Мөн тус наадам “REPLAY MARKET” гар урлалын хотхоноор дамжуулан залуу уран бүтээлчдэд бүтээлээ сурталчлах боломж олгохоос гадна энэ жилийн наадмын онцлох орчин үеийн бүтээлээр дэлхийд данстай зураач М.Эрдэнэбаярын УЛААН МОРЬ орчин үеийн уран баримлын бүтээлийг сонгон танилцуулж байгаагараа онцлогтой.

Мөн наадмын үеэр хотын иргэд, залуус хог хаягдалаа хэрхэн багасгаж, зөв зохистой ашиглаж, ногоон хөгжлийг дэмжих зорилготой ХОГГҮЙ PLAYTIME 2017 хөтөлбөрийг хэрэгжүүлнэ.

Наадмын түүх

Playtime наадам нь Монгол улсад 1990-ээд оны сүүлч, 2000-аад оны эхээр шинээр дэлгэрч эхэлсэн амьд хѳгжмийн шинэ урсгал, түүний тѳлѳѳлѳл болсон гадаад дотоодын хамтлаг, дуучдын бүтээлийг түгээх онцгой талбар болон жилээс жилд утга агуулга, уран бүтээлчдийн ур чадвар, цар хүрээ, зохион байгуулалтын хувьд тогтворжин хөгжиж ирсэн онцлогтой.

The Lemons, Нисванис, Батчулуун зэрэг олны танил болсон хамтлаг уран бүтээлчид тус наадамд оролцож ирсэн уламжлалтайгаас гадна Magnolium, The Colors, зэрэг залуу хамтлагууд энэхүү наадмаар эхлэн, олонд танигдаж, нэрд гарч байсан түүхтэй. Тус наадамд 2002 оноос хойш давхардсан тоогоор нийт 500 гаруй хамтлаг, дуучид оролцож уран бүтээлээ хүргэж байснаас гадна, 2014 оноос АНУ, Их Британи, ОХУ, Япон, Ѳмнѳд Солонгос, Швед, Польш, Франц, БНХАУ-ын ѲМӨЗУ-ын уран бүтээлчдийг наадамдаа оролцуулж, цар хүрээгээ олон улсын тодотголтой болгон нэмсэн түүхтэй.

Тухайлбал, ОХУ-ын Муммий Тролль, Английн Peter Hook and The Lights, АНУ-ын The Pains of Being Pure at Heart, Шведийн The Radio Dept., Японы Mono, Envy зэрэг дэлхийд алдартай хамтлагууд Playtime наадамд ирж тоглож байсан болно.

2014 оноос Playtime наадмыг Нийслэлийн Засаг Дарга бөгөөд Улаанбаатар хотын Захирагчын ивээл дор, Нийслэлийн Засаг Даргын Тамгын Газартай хамтран зохион байгуулж ирсэн бөгөөд өнгөрсөн 3 жилд давхардсан тоогоор төр, хувийн хэвшил, ТББ болон хэвлэл мэдээллийн салбарын 60 гаруй байгууллагатай үр бүтээлтэй, тогтвортой түншлэлийг бий болгон хамтран ажиллаж иржээ.

Дуурийн урлагийн өлгий нутаг Италийн хошин дуурийн нийтлэг хэв шинжийг бүрдүүлэгч Ж.Россинигийн “Үнсгэлжин” дуурь манай улсад анх удаа олны хүртээл боллоо.Хүн төрөлхтний соёлын гайхамшигт бүтээл болох дуурь нь үүсээд хэдэн жарныг элээжээ. Харин “Үнсгэлжин” дуурь бүтээгдэн үзэгчдийн мэлмийг баясгаад 200-н жилтэйгээ залгаж байгаа юм. Дэлхий нийтээрээ эл дуурийг мэдэн, шүтэж, тэр бүү хэл түүний нэрэмжит жилийг хүртэл зарласан. Гэтэл манай улсад саяхан тавигдсан нь дэндүү хожим гэлтэй. Сонгодог урлагийг ойлгодоггүй, нийтийн дуу, хошин урлагт дурладаг, сэтгэлгээний ядууралд орсон хэмээн шүүмжлэлд ихээхэн өртдөг манай ард түмэн үүнийг үгүйсгэх гэсэн мэт Дуурийн театрын үзэгчдийн суудлыг дүүргэжээ.

Мэдээж дэлхийн сонгодог, Итали, Испани, Орос, Монгол дөрвөн улсын үндэстэндээ хүлээн зөвшөөрөгддөг уран бүтээлчид оролцсон гэдэг утгаараа тоглолтын тасалбар чамлахааргүй үнэтэй байсан юм. Гэсэн ч үзэгчид сонгодог урлагаас татгалзсангүй.Аялгуулан дуулах, тэр тусмаа өргөн утга санаа илэрхийлэн, уран яруу эгшгээр үнэмшилтэй дүр бүтээн үзэгчдийн оюун санаанд нэгийг бодуулж, сэтгэлийн таашаал өгөх дуурийн үндсэн шинжээ “Үнсгэлжин” дуурь бүрэн хадгалсан байв.Уг дуурийг Дэлхийн алдартай удирдаач Якобо Сипари Ди Пескассэролиги удирдаж, Улсын филармонийн Симфони найрал хөгжим бүрэл бүрэлдэхүүнээрээ хөгжимдөж, Италийн алдарт дууучин Франко Черри, Пиэтро Тоскано, Испанийн нэрт дуучин Игнацио Прието, ОХУ-ын төгөлдөр хуурч Викториа Халилова, ОХУ-ын Марийнский театрын гоцлол дуучин Т.Энхбат, УДБЭТ-ын гоцлол дуучин М.Дариймаа, “Ньюанс” хамтлагийн гоцлол дуучин М.Амарсанаа, М.Боргилчулуун, Д.Дүйнхэржав, Д.Шагдарсүрэн болон дуурийн залуу дуучин Э.Очирсайхан нар оролцов.

Цоглог аялгуутай эл дуурийг бүхэлд нь би “өд” шиг хэмээн нэрлэмээр санагдав. Учир нь хөгжмийн хэмнэл нь хүнд биш, агуулга, үйл, явдал, дуурийн баатруудын үзэл бодол, сэтгэлийн хөдлөл, зөрчил хөдөлгөөнийг бүрэн нээж чадсан. Үзэж, сонсоход босоод бүжмээр, сэтгэл хөнгөрөх нь тийн нэрлэхэд хүргэсэн. Мөн гол баатруудын хувцаслалт тод өнгийг голлохын зэрэгцээ, бяцхан охидын шунал хүрмээр дэгжин. Хүн бүрийн үзэж, өөр өөрийнхөөрөө төсөөлдөг “Үнсгэлжин” үлгэрээс бага зэрэг өөр.

Гэхдээ үлгэрээс сэдэвлэсэн гэдэг утгаараа хойд ээж, хоёр эгчдээ ад үзэгдсэн бяцхан охин, ханхүүтэй үдшийн турш бүжээд эцэст нь шаахайгаа орхиж явах зэрэг үйл явдлын ерөнхий чиг шугамыг нь баримталсан байлаа. Нийгэм цаг үеийн асуудалд дарагдаж, төөрөлдөж, тархи нь ядарсан ард түмэн минь үйл явдал, ая эгшиг нь хөнгөн энэ мэтийн урлагаар цангасан байсан мэт санагдсан юм. Үнэхээр л “Үнсгэлжин” дуурь цагаа олж манай эх орны тайзан дээр амилжээ.Итали хэл дээр дуулсан уг дуурийн гол баатруудыг манай улсын уран бүтээлчид голлосон нь бахархмаар. Тэр ч байтугай “Үнсгэлжин” дуурийн өлгий нутаг хэмээх Италид С.Аяна хэмээх монгол бүсгүй үзэсгэлэнт гүнжийн дүрд дуулдаг. Тэрээр гэнэн хонгор, тэгсэн хэрнээ сэтгэлийн хийгээд биеийн асар их дарамтыг даван туулж чадаж байгаа Үнсгэлжингийн дүрд гарамгай сайн хувилсан байлаа. Хэл, соёл, үндэс угсаа, сэтгэлгээ хийгээд олон зүйлээрээ эрс ялгаатай тив тивийн уран бүтээлчид урлаг хэмээх хүн төрөлхтний гайхамшигт бүтээлээр нэгджээ. Түүнд нь бидний цөөхөн монголчууд багтаж, дэлхийн монгол гэдгээ баталж байгаад гүнээ баясмаар.

Аавынхаа авьяасыг өвлөсөн охин энэ сарын 6-нд “Nomuka’s cover night” анхны ковер тоглолтоо хийх гэж байна. Тэрбээр

1) knew you were trouble

2) Rude

3) Come and get it

4) Summertime sadness

5) Hit me baby one more time

6) Nadad Itge ft Munkhbayr

7) Saturn sunrise hamtlag

8) Surprise song

9) Surprise song

10) Slow down

11) I want you to know зэрэг дууг дуулж сонирхуулах юм байна.

Тоглолт Монголын залуучуудын холбооны гурван давхарт байрлах “Циферблат” кафед болно.