Category: соёл-урлаг

“Хурд” хамтлагийн санаачлагаар Монголын рок попын шилдгүүд хамтран Онцгой байдлынхандаа зориулж “Бид эх орондоо хайртай” хандивын тоглолт хийх гэж байна. Тодруулбал, Эх орон, байгаль дэлхийнхээ төлөө сэтгэлээ чилээж, гал түймэртэй тэмцэхэд өөрсдийн сэтгэлийн хандиваа өргөхийг хүсч байгаа 40.000 хүнд зориулан ирэх наймдугаар сарын 26-нд Төв цэнгэлдэх хүрээлэнд хандивын тоглолт хийх гэнэ.

Тасалбарыг 10.000 төгрөгөөр борлуулах бөгөөд тоглолтын орлогоор цугласан бүх мөнгийг онцгой байдлын газарт онгоц худалдан авахад зориулах ажээ. “Гэр бүл, найз нөхөд, ах дүү, ажлын хамт олноороо сайхан тоглолт үзээд эх орныхоо төлөө хандиваа өргөөрэй” гэж тэд уриалжээ.

Цахим тасалбарыг TICKET.mn Тасалбар хүргэлт: 1900 1800

Үндэсний соёл амралтын хүрээлэн Шөнийн парк хөтөлбөрөө ирэх амралтын өдөр буюу долдугаар сарын 28, 29-ний өдрүүдэд зохион байгуулах гэж байна

21:00-02:00 цагийн хооронд та 20,000 төгрөгөөр Парк дээр хязгааргүй тоглонгоо дуучин Маралжингоо, Циркийн үзүүлбэр, Содон хамтлаг, Илбэ, Belly dance, Галтай иог, Pole dance, Улаан туг бүжгийн хамтлагийн тоглолтуудыг сонирхох боломжтой ажээ.

Хөтөлбөр:

✯ Бүх тоглоом дээр хязгааргүй тоглох /21:00-02:00/
✯ Дуучин Маралжингоо
✯ Belly dance
✯ Pole dance /Цэнгүүн/
✯ Шөнийн циркийн үзүүлбэр
✯ Галтай иогийн үзүүлбэр
✯ Улаан туг бүжгийн хамтлаг
✯ Илбийн үзүүлбэр
✯ Мөнгөн бүрээ хамтлаг
✯ Содон хамтлаг

Organized by: Үндэсний Соёл Амралтын Хүрээлэн
Photography by: Undarga Studio Такс нь 20.000 төгрөг ажээ.

“Авьяаслаг Америкчууд” шоу нэвтрүүлгийн энэ жилийн дугаарт “Авьяалсаг Монголчууд” шоуны оролцогч Б.Шижирбатаас гадна Б.Баттулга гэх дахин нэг монгол залуу оролцож буй талаар өмнө нь мэдээлсэн.

Тэрбээр тэмцээний хоёрдугаар шатанд урт модны хоёр үзүүрт гал асаан, түүнийгээ толгой дээгүүрээ эргүүлэх байдлаар циркийн үзүүлбэр үзүүлж, тайзан дээр шүүгчдийг модны хоёр үзүүрт суулган эргүүлсэн нь үзэгчдэд ихэд таалагдаж, шүүгчид түүнд өндөр үнэлгээ өгсөн. Гэсэн ч тэрбээр тэмцээнээ өндөрлүүлжээ. Энэ талаар Б.Баттулга “Aвъяаслаг Aмерикчууд” шоу нэвтрүүлэгт амжилттай оролцож хоёр дугаар шатнаас нэвтрүүлгээ өндөрлүүлж байна. Миний хувьд энэ нэвтрүүлгээс маш их зүйлийг сурч туршлага хуримтлуулсан гайхалтай аялал байлаа. Цаашдын уран бүтээлдээ илүү хичээж ажиллах болно. Олон нийтийн сүлжээнд намайг дэмжиж урам зориг өгсөн бүх хүмүүстээ чин сэтгэлээсээ талархснаа илэрхийлье” хэмээжээ.

“Авьяаслаг Америкчууд” шоуны энэ жилийн дугаарт Монголоос дөрвөн хүн оролцсон.

“Авьаяслаг америкчууд” шоунд Монгол залуу оролцож, эр, бяраа гайхуулжээ. Түүнийг Баттогтохын БАТТУЛГА гэдэг бөгөөд АНУ-ын Чикаго хотод ажиллаж, амьдардаг аж. Тэрээр тус шоунд циркийн урлагийн хүчний үзүүлбэр үзүүлж, эхний шатандаа түвэггүй тэнцсэн байна. Харин түүний хувьд хоёрдугаарт шатанд үзүүлбэрээ илүү хүндрүүлж, сонирхолтой байдлаар хийжээ. Шүүгч Хайди Клум, Ховард Мандел нарыг тайзнаа урьж, үзүүлбэртээ оруулсан товч бичлэг “Авьяаслаг америкчууд” шоуны албан ёсны “YouTube” хуудсанд тавигдсан байна.

Монгол Улсын Гавьяат жүжигчин, Соёлын Элч Д.Алтанхуяг энэ сарын 23, 24-нд АНУ-ын Нью-Йорк хотын Жойс театрт тоглолтоо хийх юм байна. Тэрбээр АНУ-ын Бостон хотоос Нью-Йорк хот руу гэр бүлээрээ нүүж, тус хотод амьдарч байгаа бөгөөд тэнд өөрийн группийг /баг/ байгуулж байгаа ажээ.

Соёлын Элч Д.Алтанхуяг өнгөрөгч тавдугаар сард эх орондоо ирж, Японы анхны балетын компани болох “Токио Комаки балет” компанийн 50 гаруй уран бүтээлчидтэй хамтран монголд анх удаа “Галт шувуу” балетыг зургадугаар сарын 16, 17-нд тоглосон билээ.

Улсын дуурь, бүжгийн эрдмийн театрын тоглолтын 54 дэх улирлын хаалтын дуурь “Чингис хаан” юм. Төрийн шагналт Б.Шаравын “Чингис хаан” дуурийг тус театрын уран бүтээлчид энэ амралтын өдрүүд буюу өнөөдөр, маргааш хоёр эгшиглүүлэх нь ээ.

Хоёр бүлэг, зургаан үзэгдэлт уг дуурь нь анх 2003 оны тавдугаар сарын 3-ны өдөр Улсын дуурь, бүжгийн эрдмийн театрын тайзнаа болж байжээ. Дуурийн цомнолыг Ардын уран зохиолч П.Бадарч бичсэн бөгөөд Их Чингис хааны 1171-1189 он хүртэлх амьдрал, эв нөхөрлөл, тэмцэл тулалдааныг үзүүлсэн байна. Чингис хаан бага балчир насандаа өнчрөл, хагацал, зовлон зүдгүүр, бусдад басамжлагдах, доромжлогдох, баригдах тавигдахын бэрхийг үзсэн ч эх Өүлэний сургаал, өөрийн хатан зориг, мохошгүй тэмцэл, ухаанаараа Их гүрнээ байгуулж, хамаг Монгол улсаа сэргээн мандуулж, Их тулгар төрийг байгуулсан тухай өгүүлэх дуурь юм.

Мөн “Чингис хаан” дуурийг өнгөрсөн 53 дахь улиралд буюу 2016 оны зургадугаар сард Урлагийн гавьяат зүтгэлтэн Ч.Найдандорж шинэчлэн найруулж, удирдаач Урлагийн гавьяат зүтгэлтэн Н.Туулайхүү ажиллаж, үзэгч олны хүртээл болгосон билээ.

Хүүхдийн урлан бүтээх төв, ӨМӨЗО-ны Соёлын солилцооны нийгэмлэг хамтран “Монгол туургатан” хүүхдийн уран бичлэгийн наадмыг ирэх сарын 7-нд зохион байгуулах гэж байна. Наадамд Монголоос 35, Өвөрмонголоос 145 хүүхэд бүтээлээ ирүүлээд байгаа аж. Наадамд ирүүлсэн бүтээлүүдийг “Орд” галерейн анхны үзэсгэлэн болгон дэлгэж, үүнээс зургаан уран бичлэгийг сонгон шалгаруулах юм байна.

“XMF-Хуур Music Festival” хөгжмийн наадмыг анх удаа зохион байгуулах гэж байна. Хоёр өдөр үргэлжлэх тус шоуны эхний өдөр Монголын шилдгүүд болон гадаадын уран бүтээлчид урилгаар дуулах юм. Хоёр дахь өдөр гадаадын шилдэг залуу DJ нарын тоглолт болно.

Тус фестиваль ирэх сарын 25, 26-нд Төв цэнгэлдэх хүрээлэнд болох бөгөөд тасалбар нь энэ сарын 24-нөөс худалдаанд гарах аж. Энэхүү хөгжмийн наадмыг цаашид жил бүр зохион байгуулахаар төлөвлөжээ.

Улаанбаатар хотын анхны соёл, аялал жуулчлалын шөнийн гудамж нээгдээд нэг сарын хугацаа өнгөрчээ. Долоо хоногийн баасан, бямба, ням гаригийн үдэш бүр өөр онцлогтойгоор зохион байгуулагддаг гэрэлт гудамжны энэ долоо хоногийн хөтөлбөрийг хүргэж байна.

Долдугаар сарын 21-ний баасан гаригт “Choreography night” буюу салса, кизомба, бачата, флашмоб зэрэг бүжгийн төрлөөр дагнасан үдэш болох гэж байна. Харин бямба гаригт “Rhythm of the night” нэртэйгээр рэп тулаан, ковер дуучид ая дуугаа өргөнө. Мөн нээлттэй микрофон энэ үеэр ажиллах бөгөөд дуулах хүсэл, сонирхолтой залуусд оройн турш нээлттэй аж.

Долдугаар сарын 23-ны ням гаригт “Cosplay & Comic night” нэртэйгээр зохион байгуулагдана. Энэ үеэр зохион байгуулагчдын зүгээс бэлдсэн “cosplay” залуус оролцохоос гадна дуртай аниме, хүүхэлдэй, кино, тоглоомынхоо дүрд хувирч нэг үдшийг хөгжилтэй өнгөрүүлэх боломжтой юм байна. Уламжлал ёсоор үдэш бүр амьд хөгжмийн тоглолт болон цахилгаан хөгжмийн шоутай.

Монгол улс Испани улстай дипломат харилцаа тогтоосны 40 жилийн ойн хүрээнд Испанийн соёл урлагийг Монголд сурталчлан таниулах, цаашид хоёр орны соёл урлагийн байгууллагууд урт хугацааны хамтын ажиллагаатай ажиллах зорилгоор Испанийн “L’Home Dibuixat” театрын “Помодорогийн адал явдал” хүүхдийн жүжгийг тоглоно. Энэхүү жүжиг нь дуу, дүрсний эффектээр баяжуулагдсан, дэлгэц болон тайзан дээрх харилцан яриагаар өрнөдөг аж. 2015 онд нээлтээ хийсэн тус жүжиг нь Франц, Испани, Польш, БНХАУ, Өмнөд Солонгос зэрэг улсуудад нийт 50 гаруй удаагийн тоглогджээ.