Category: соёл-урлаг

“Авьяаслаг монголчууд-2016” шоуны шилдэг оролцогчдын нэг латин бүжгийн “Moon dance” хамтлаг өчигдөр Буянт-Ухаа спорт цогцолборт болсон “Бүжгийн спортын Улсын аварга шалгаруулах тэмцээн-2017” дархан аварга болж, Дэлхийн аварга шалгаруулах тэмцээнд эх орноо төлөөлөн оролцох эрхээ авлаа.

Тэд өнгөрсөн жил Герман улсын Бремэн хотод болсон Дэлхийн аварга шалгаруулах латин бvжгийн тэмцээнд “Мөсөн хатан” бүжгээр оролцож, тавдугаар байр эзэлж байжээ. Тус хамтлагийнхан эх орондоо анхны латин бүжгийн цомыг авч ирсэн билээ.

Харин энэ жилийн Дэлхийн аварга шалгаруулах тэмцээнийг Австри улсын Вена хотноо зохион байгуулах бөгөөд Монгол Улсаа төлөөлөн тус хамтлагийн 18 бүжигчин, багийн дасгалжуулагч О.Саранхүү, О.Оюунбат нарын хамт явахаар болсон байна.

Манай улсад соёл урлагийн байгууллагын ажилтны өдрийг 1993 оноос хойш тэмдэглэн өнгөрүүлж байна. Ингээд эдүгээ 24 дахь жилтэйгээ золгож байгаа аж.

Монгол Улсын засгийн газрын 2010 оны 172 дугаар тогтоолоор батлагдсан “Түүхэн үйл явдлын ой, тэмдэглэлт өдрийг тэмдэглэх, гавьяат үйлстнийг алдаршуулах, дурсгалыг нь мөнхжүүлэх журам”-ын 4.1.27 дугаар заалтын дагуу жил бүрийн есдүгээр сарын хоёр дахь долоо хоногийн амралтын өдөр “Соёл урлагийн ажилтны өдөр”-ийг хүндэтгэн тэмдэглэсээр иржээ.

Нийслэлийн засаг Даргын Тамгын газар, Нийслэлийн Соёл, урлагийн газар, Монголын урлагийн зөвлөл, Монголын кино урлагийн зөвлөл хамтран кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой “Улаанбаатар” Олон Улсын IX кино наадмыг 2017 оны 10 дугаар сарын 10-15-нд Улаанбаатар хотноо зохион байгуулах гэж байна. Тус кино наадамд Монгол, Америк, Ази, Европын кино уран бүтээлчид болон олон Улсын нэр хүндтэй кино наадмын зохион байгуулагчид оролцоно.

Наадмын нээлт 2017 оны 10-р сарын 10-нд 18:00 цагаас зохион байгуулагдах бөгөөд 2017 оны 10 сарын 10-15-ны хороонд болно. Энэ удаагийн наадмын хүрээнд Нийслэлийн Соёл, урлагийн газраас санаачлан “Улаанбаатар” олон Улсын кино наадмын Монгол киноны уралдааныг зарлаж байна. Тус уралдаан нь “Уран сайхны кино”, “Баримтат кино”, “Хүүхдийн кино бүтээл”, “Нээлтийн кино” гэсэн дөрвөн төрөлд тус бүр нэг кино бүтээлийг шалгаруулж, цом, өргөмжлөл, мөнгөн шагналтай.

Үндсэн шаардлага:

Монгол кино уралдаанд 2016 оны 1 дүгээр сарын 1-нээс 2017 оны 09 дүгээр сарын 15-ны дотор бүтээгдсэн “Уран сайхны кино”, “Баримтат кино”, “Хүүхдийн кино бүтээл”, “Нээлтийн кино” гэсэн дөрвөн төрлийн кино бүтээл байна. Нээлтийн киноны шалгаруулалт нь огт нээлтээ хийгээгүй, шинэ бүрэн хэмжээний Монголын уран сайхны кино оролцох боломжтой. Урьд өмнө нь нээлтээ хийгээгүй шалгарсан кино бүтээл нь “Улаанбаатар” Олон Улсын кино наадмын албан ёсны нээлтийн бүтээл болох эрхийн эзэн болох ба 2017 оны 9 сарын 20-нд олон нийтэд зарлана.

Сонгон шалгаруулах шалгуур:

• Монголын кино урлагийн салбарын өнөөгийн хөгжил, урлаг, уран сайхан болон дуу дүрсний өндөр чанартай бүтээл байх,
• Киноны баг нь уран сайхны кино бүтээх чиглэлээр гурваас доошгүй жил бүр бүтээлтэй ажилласан дадлага туршлагатай байх,
• Англи субтитртай байвал давуу талтай, шалгарсан кинонууд субтитр хийх үүрэг хүлээх,

Сонгон шалгаруулалт:

Сонгон шалгаруулалтыг Нийслэлийн Соёл, урлагийн газар, Монголын кино урлагийн зөвлөл болон тус салбарын төлөөлөл хийж “Улаанбаатар” Олон Улсын IX кино наадмын ажлын хэсэгт танилцуулна. Нээлтийн киноноос бусад шалгаруулалтын эцсийн дүнг 2017 оны 10 дугаар сарын 10-нд зарлана.

Бүрдүүлэх материал болон өргөдлийн маягт

• Өргөдлийн маягт (Тусгай өргөдлийн маягт хавсаргасан болно, мөн
  Нийслэлийн Соёл, урлагийн газрын доорх хаягаар авах боломжтой)
• Киноны товч түүх
• Kино багийн танилцуулга
• Уран бүтээлчийн намтар болон бүтээлийн жагсаалт
• Кино компани, студийн танилцуулга
• Киноны DVD хувь

Хугацаа

• Өргөдлийг холбогдох материалын хамт 2017 оны 9 дүгээр сарын 18-ыг дуустал Нийслэлийн Соёл, урлагийн газарт ирүүлнэ үү.
• Өргөдөлтэй холбоотой асуудлаар Нийслэлийн Соёл, урлагийн газрын
  11-321529 утсаар холбогдоно уу.
• Монголын Кино Урлагийн Зөвлөл. Утас 99011145, 99767176

Монголын хөгжмийн урлагийн ууган сургууль Монгол Улын ардын жүжигчин, Төрийн шагналт С.Гончигсумлаагийн нэрэмжит Хөгжим бүжгийн коллеж буюу Монгол Улсын Консерватори нь дэлхийн хэмжээнд хүлээн зөвшөөрөгдсөн сургууль болжээ. Энэхүү сургууль нь 1937 онд уран сайхны сургууль нэртэйгээр үйл ажиллагаагаа явуулж эхэлсэн байна. Харин энэхүү сургуулийн 80 жилийн ойн баярт зориулан “Миний хөгжим бүжиг” төгсөгчидийн нэгдсэн тоглолт энэ сарын 15-ны өдөр UB PALACE-ын концертын их танхимд болно. Тоглолтонд Сүнс, Соёл Эрдэнэ, Титэм, Хар сарнай, Камертон, Киви, Спайк, Гурав охин, Маралжингоо, Сэрчмаа гэх мэт олон сайнхан дуучид, хамтлаг ая дуугаа өргөх аж.

Монгол Улсын Консерваторийн төгсөгч “Спайк” хамтлагийн ахлагч Р.Номин-Эрдэнэ “Монголын хамгийн анхны охидын хамтлаг сургуулийнхаа 80 жилийн ойн тоглолтонд оролцож ая дуугаа өргөх гэж байгаадаа баяртай байна. Сургуульдаа 1987 онд элсэн орж 12 жил суралцан төгссөн. Манай хамтлаг Дуучин Минжинсор, төгөлдөр хуурч багш Маралгуа, Мөнхтуяа гэсэн гишүүдтэй байгуулагдаж байсан. Тухайн үедээ олон тэмцээн уралдаан оролцож шагнал авч байлаа. Одоо хамтлагийн гишүүд хувиараа уран бүлээлээ хийж зарим нь бизнес эрхэлж байгаа. Бид “Миний хөгжим бүжиг” тоглолтдоо хамтлагаараа нэгдэж хуучны сайхан дуунууд болох “Мөрөөдөл” хэмээх уран бүтээлийг хүргэнэ. Миний хувьд одоохондоо уран бүтээлээ түр хойш тавиад бизнес эрхэлж байгаа. Тун удахгүй үзэгчидээ шинэ клип, дуутай уулзах төлөвтэй байна” хэмээн ярьж тоглолтонд хүрэлцэн ирэхийг уриалсан юм.

С.ОЮУНЖАРГАЛ

Монголын киночдод хэдийнэ танил болсон “48 цаг” кино наадмын бүртгэл эхэлжээ.

Киночдын ур чадварыг дээшүүлэн, авъяаслаг залуу уран бүтээлчдийг тодруулах, олон улсын киночидтой өрсөлдөх боломж олгох, Монголын кино урлагийг дэлхийн тавцанд гаргах зорилготой тус наадам найм дахь жилдээ зохион байгуулагдах гэж байна. Бэсрэг кино нь дэлхийн кино урлагийн тогтсон төрөл хэлбэр төдийгүй томоохон хэмжээний уран бүтээл туурвихад суралцах эхлэл байдаг. Энэ нь бүрэн хэмжээний киноны олон хэсгийг хооронд нь зөв уялдуулж сургадаг гол арга юм. Мөн залуу уран бүтээлчдэд богино хугацаанд түргэн сэтгэж, багаар ажиллах ур чадвар эзэмшүүлэх, бүтээлч сэтгэлгээ, идэвх сонирхлыг нь дэмжих, кино сонирхогчдод мэргэжлийн бус ч өөрийгөө нээх, сорих бололцоо олгох, дэлхийн үе тэнгийн уран бүтээлчидтэй мөр зэрэгцэн алхаж, харилцан туршлага солилцуулахад наадмын гол утга учир, ач холбогдол нь оршино. Энэхүү наадам нь 48 цагийн дотор зоxиолоо бичиж, жүжигчдээ сонгон найруулж, зургаа авч, эвлүүлэг, дуу оруулалтаа xийн, 4-7 минутын богино хэмжээний кино бүтээдэг. Тиймээс ч уран бүтээлчдээс жинхэнэ хурд, уран сэтгэмж шаарддагаараа онцлог билээ. Амьдралынхаа 48 цагийг ур ухаан, хурд хүчээ сорин бүтээлчээр өнгөрүүлэх уран бүтээлчдийг энэ сарын 28-ныг дуустал бүртгэх аж. “48 цаг-Монгол 2017” наадмын шилдгээр шалгарсан бүтээл 2018 оны гуравдугаар сард Франц улсын Парис хотод болох “Filmapalooza” буюу “48 цаг” олон улсын наадамд оролцож дэлхийн 150 орны киночидтэй шилдгийн төлөө өрсөлдөх эрхтэй болох юм.

Дашрамд дурьдахад, “48 цаг кино наадам” анх Монголд 2010 оны есдүгээр сарын 9-16-ны өдрүүдэд Улаанбаатар хотноо зохион байгуулагдаж 22 баг оролцсоноос “iCity” студийн продюсер Ч.Хоролдоржийн “Зүүд” шинжлэх ухааны уран зөгнөлт бэсрэг кино наадмын тэргүүн байрын шагнал хүртэж, АНУ-ын Майами хотноо болсон Олон улсын наадамд оролцсон юм. Манай бүтээл Америк, Европ, Ази, Африк, Австралийн 80 гаруй хотын 3,500 гаруй баг оролцсон эл наадмын шилдэг 16-д багтаж, Канны олон улсын кино наадмын “Бэсрэг киноны булан”-гийн үзлэгт оролцож томоохон амжилт авчирч байжээ.. Монгол залуучууд анхны наадамд сойсон анхныхаа бүтээлээр ийнхүү нэр хүндтэй наадмын шилдэгт тооцогдсон нь монголын киночид дэлхийн бусад томоохон наадмаас шагнал хүртэж, эх орныхоо нэрийг дэлхий даяар цуурайтуулах боломж ойрхон ирсэнийг харуулж байна.

Монгол-Франц төвөөс 2017-2018 оны хичээлийн жил эхэлж буйтай холбогдуулан зохион байгуулж буй нэгэн шинэ арга хэмжээ өнөөдөр 19 цагт Хөгжим Бүжгийн коллежийн Концертын танхимд болох гэж байна. Энэ нь Францын Брөтань мужийн алдарт хөгжимчин Мишель Умоны ‘Кларинет барбар’ буюу ‘Зэрлэг Кларинет’ тоглолт юм.

Мишель Умон нь кларинет бишгүүрээр 30 гаруй жил гоцлон тоглож, уран бүтээл туурвиж буй хөгжимчин бөгөөд тус тоглолтондоо уламжлалт брөтон бүжгийн ая, электрон хөгжим, жазз, сонгодог хөгжмийн бүтээлүүдийг кларинет хөгжмөөр тоглож, үзэгчдийн сонорыг мялаах юм.

Италийн хүүхдийн хамгийн том кино фестиваль “Giffoni film festival”-д бүх насны ангилалд амжилттай оролцсон “Чингисийн хүүхдүүд” кино Монголд нээлтээ хийх гэж байна. Киног Д.Золбаяр найруулсан бөгөөд хурдан морь унаач хүүхдүүдийн тухай өгүүлнэ. Тус киног бүтээхэд Америк, Турк Улсын уран бүтээлчид хамтран ажилласан бөгөөд киног бүтээхэд нэг тэрбум 200 сая төгрөг зарцуулсан гэдэг.

“Чингисийн хүүхдүүд” уран сайхны кино ирэх сарын 10-нд Монголд нээлтээ хийх бөгөөд киноны нээлтийг Монгол улсын филармонийн 45 жилийн ой, Морин хуурын чуулгын 25 жилийн ойн баярын хүрээнд зохион байгуулж байгаагаараа онцлог аж. “Чингисийн хүүхдүүд” киноны хөгжмийн бүрэн хэмжээний концерт ирэх аравдугаар сарын 5-нд “Corporate сonvention сentre”-ийн концертийн их танхимд болох гэнэ. Концерт хоёр хэсгээс бүрдэх бөгөөд нэгдүгээр хэсэгт дэлхийн болон Монголын шилдэг киноны хөгжим тоглох бол дараагийн хэсэгт “Чингисийн хүүхдүүд” киноны хөгжмөөс тоглох юм байна.

“Хурд” хамтлагийн санаачлагаар Онцгой байдлын албанд туслахаар Монголын рок, попынхны хамтарсан “Бид эх орондоо хайртай” хандивын тоглолт Төв цэнгэлдэхэд боллоо.

“Хурд” хамтлагийн санаачлагаар Онцгой байдлын албанд туслахаар Монголын рок, попынхны хамтарсан “Бид эх орондоо хайртай” хандивын тоглолт Төв цэнгэлдэхэд боллоо.

Дуучин Ука бие даасан дөрөв дэх цомогныхоо DJ ZAYA-тай хамтарсан “Don’t stop” хэмээх хип хоп хэмнэлтэй шинэ дууныхаа клипийг цацлаа.

Дууны үгийг Quiza бичсэн бол хөгжмийг Ocean Grey студийнхэн хийжээ.

“DJ болж байна битгий зогсоо

Дэндүү гоё байна битгий зогсоо” хэмээх үгтэй энэхүү дууг сонсоод танд дагаж бүжмээр санагдах биз ээ