ОХУ-ын Ардын жүжигчин, Төрийн Думын гишүүн Николай Расторгуев “Конь”, “Комбат”, “Позови меня тихо по имени”, “Давай за”, “Солдат”, “Ты неси меня река”, “Там за туманами”, “Березы” зэрэг сэтгэлд хоногшсон олон хит дууны эзэн билээ.
Тэрбээр Монгол дахь шүтэн бишрэгчдэдээ зориулан энэ сарын 8, 9-ний өдрүүдэд Буянт-Ухаа Спортын ордонд “Любэ” хамтлагтайгаа тоглолтоо хийхээр бэлтгэлээ хангаад байгаа ажээ. Тоглолтыг “Любэ” хамтлагийн Монгол дахь фэн хуудсын админ н.Энхдалай болон “Тэнгэрийн Модун” ТББ хамтран зохион байгуулж буй юм. Тоглолтын тасалбар худалдаанд гарсан бөгөөд суудлаасаа хамаарч 40-65 мянган төгрөгийн үнэтэй аж.
Мөн www.ticket.mn сайтаас онлайнаар захиалан авах боломжтойгоос гадна 1900-1800 дугаараар захиалан гэртээ хүргүүлэх, “Петровис”-ын хэрэглэгчид ШТС-ын бүх салбараас тасалбараа 5000 Red Point оноогоор, ВИП тоглолтын тасалбарыг 8900-5555 дугаараар холбогдон үнэгүй тус тус хүргүүлж авах боломжтой юм байна. ВИП тоглолтын тасалбарын үнэ 300 000 төгрөг ажээ.
ОХУ-ын алдарт “ЛЮБЭ” хамтлаг Ази тивд анх удаа Улаанбаатар хотноо энэ сарын 8, 9-нд Буянт-Ухаа спортын ордонд тоглохоор боллоо.
Г.Занабазарын нэрэмжит Дүрслэх урлагийн музей арвин их сан хөмрөгөөсөө үзэгч болон судлаачдад зориулан цуврал үзэсгэлэн зохион байгуулдаг уламжлалтай билээ. Энэ удаад гадаад урлагийн сан хөмрөгөөс Японы модон барын бүтээлүүдээс бүрдсэн ”Дөрвөн улирлын дуу” нэртэй үзэсгэлэнг каталогийн хамт үзэгчдэд сонирхуулахаар болжээ. 
Рок поп урлагийн акулууд хэмээн нэрлэгддэг “Хурд” болон “Никитон” хамтлагийн уран бүтээлчид хамтарсан тоглолт хийхээр болжээ. Тэд “Нүргээн” нэртэй хамтарсан тоглолтоо ирэх 12 дугаар сарын 9, 10-нд хийхээр болсноо цахим хуудсаар дамжуулан мэдэгдсэн байна. Монголын хөгжмийн урлагийн хоёр том хамтлагийн фенүүд хоёр өдөр дуртай дуунуудаа сонсон Улаанбаатар паласт доргих нь.
Алдарт Avengers цувралын шинэ анги Infinte war 2018 оны тавдугаар сарын 4-нд нээлтээ хийхээр товлогдлоо. Марвэл комиксийн супэр баатруудын багийн адал явдлыг харуулдаг тус зөгнөлт киног Марвэл студи болон Валт диснэй, Мошин pictures хамтран бүтээсэн аж. Анх 2012 онд Avengers цуврал гарч байсан бол түүнээс хойш 2015 онд Age of ultron нээлтээ хийж байсан юм.
Монголын Дизайнерүүдийн Холбоо (МДХ) болон Британийн агаарын бохирдлын маск үйлдвэрлэгч Кэмбриж компани, Британийн Элчин Сайдын Яам, Монгол ТВ-тэй хамтран олон нийтийг өвлийн улиралд өөрсдийн эрүүл мэндийг хамгаалах маск зүүхийг уриалан Монгол хэв маягийг тодотгосон загварлаг маскны дизайныг Кэмбриж маск дээр гаргах уралдааныг зохион байгуулсан билээ.
Бүжгийн урлагийн бүх төрлөөр өрсөлдөж хүчээ сорин, өөрийгөө нээн бүжгийн урлагийг сурталчлах, гайхалтай ертөнцөөр аялах боломжийг “UBS” телевиз олгож байна. Монголын бүжгийн урлагийн шилдгүүд нэгэн тайзнаа өрсөлдөж, цэнхэр дэлгэцээр дамжуулан Төгс бүжгийн хэмнэл, Мэдрэмж, уран тансаг хөдөлгөөнийг харуулах Үндэсний контент-“Perfect Dance” шоу нэвтрүүлэгт бүжиглэх дур сонирхолтой, авьяастай хүн бүхэн оролцох боломжтой.
Монгол Улсын төрийн соёрхолт, урлагийн гавьяат зүтгэлтэн С.Сүхбаатарын нэрэмжит “Би бүжигчин болохыг хүснэ” уралдаан зохион байгуулагдаж шилдгүүдээ тодруулах гэж байна. Уг тэмцээн бүжгийн урлагаар дамжуулан хүүхдийг бага наснаас нь үндэсний өв соёлоосоо суралцах, төрөлх хот, нутаг усаараа бахархах үзлийг төлөвшүүлэх, авьяасыг нь нээн хөгжүүлэх, бүжиглэх ур чадвар суулгах, бие бялдрыг нь хөгжүүлэх, өв тэгш хүмүүжил олгох цаашлаад хүүхдэд зориулсан бүжгийн урын санг баяжуулах зорилготой аж. Бүжгийн уралдааныг Нийслэлийн Хүүхэд гэр бүлийн хөгжлийн газар, “Төгөлдөр-Урлаг” төрийн бус байгууллага хамтран энэ сарын 27, 28 өдрүүдэд Нийслэлийн Улаанбаатар чуулгад зохион байгуулж байна. 
