Category: соёл-урлаг

Монгол Улсын төрийн соёрхолт, Соёлын гавьяат зүтгэлтэн, нэрт зохиолч, яруу найрагч З.Дорж, О.Дашбалбар нарын нэрэмжит тус наадам болоход ердөө нэгхэн хоног үлдлээ.

Оюуны боловсролд үнэлж баршгүй хувь нэмрээ оруулсан эх оронч, нэрт яруу найрагчдын алдрыг мөнхлөх, залуу хойч үедээ эх оронч үзлийг түгээн дэлгэрүүлэхээр “Сод Монгол Групп” ХХК-аас яруу найрагч, зохиолчдын дунд хамгийн өндөр шагналтай наадам зарласан. Наадмын нэгдүгээр шатны шалгаруулалт болж, шилдэг 21 яруу найрагчийн бүтээл үлдээд байна. Эдгээр шилдгүүдээс хэн нь Монголын хамгийн өндөр шагналтай, эх орончдын нэрэмжит яруу найргийн наадмын эзэн болох нь маргааш буюу 2018 оны нэгдүгээр сарын 26-ны Дашням, Балжинням давхцсан билэгт сайн өдөр тодорно.

Corporate hotel and Convention center-д болох уг наадамд шилдэг яруу найрагчид, Монголын үе үеийн уран бүтээлч, урлаг соёлын “одод” чуулсан нэгэн үдэш болох нь.

Оюуны бүтээлийн үнэ цэнийг үнэлсэн яруу найргийн энэхүү наадам нь Монголын яруу найраг, утга зохиолын бүтээлийг олонд таниулах, түүний үнэлэмжийг нэмэгдүүлэх зорилготой юм. Энэхүү наадам нь өмнө нь зохиогдож байсан яруу найргийн наадмаас онцлог бөгөөд улаан хивсний баяраар эхлэнэ. Түүнчлэн Ардын жүжигчин А.Долгор, “Харанга”-ын Х.Лхагвасүрэн тэргүүтэй алдарт дуучид ая дуугаа өргөх юм байна.

Наадам: Corporate hotel and Convention center-д 2018.01.26-ны өдрийн 17 цагт болно.

Дашрамд сонирхуулахад, наадмын билетийг https://www.ticket.mn/ -ээс авах боломжтой юм байна.

Энэ сарын 30-нд Францын Везуль хотод 23 дахь удаагаа зохион байгуулагдах Азийн олон улсын кино наадамд Монголын 10 гаруй киног сонгон үзүүлэхээр болсон.Тус наадам манай улсыг онцлох орноор сонгосон төдийгүй Ардын жүжигчин Г.Жигжидсүрэн найруулагчийн онцлон урьжээ.

Түүний найруулсан “Бүлээн нурам”, “Хүн чулууны нулимс”, “Амин мөр” зэрэг бүтээлийг дэлхий дахинд сурталчилан таниулах юм байна. Түүнчлэн тус кино наадмын удирдаач , урлаг судлаач Бастиан Мересонне Монголын 250 гаруй киноноос “Монгол хүү”, “Норжмаагийн зам”, “Сэрэлт”, “Аман хуур”, “Говийн зэрэглээ”, “Солонгын таван өнгө”, “Гарьд Магнай”, “Сүүдэр”, “Аргамжаа”, “Хүсэл шунал” зэрэг шилдэг киног толилуулахаар шийдвэрлэжээ.

Манай улсын нэрт зураачдын уран бүтээлийн үзэсгэлэн БНХАУ-ын ӨМӨЗО-ы нийслэл Хөх хотноо нээгджээ. Анх удаа Хөх хотод нээгдэж байгаа энэ үзэсгэлэнд Монгол Улсын урлагийн гавьяат зүтгэлтэн, Монголын урчуудын эвлэлийн шагналт зураач Ч.Батмөнх, Монголын урчуудын эвлэлийн шагналт зураач Д.Батдорж, Б.Цэрэндорж, С.Нацагдорж зэрэг 24 уран бүтээлчийн 100 гаруй бүтээл дэлгэгдсэн байна.

Оюуны боловсролд үнэлж баршгүй хувь нэмрээ оруулсан эх оронч, нэрт яруу найрагчдын алдрыг мөнхлөх, залуу хойч үедээ эх оронч үзлийг түгээн дэлгэрүүлэх зорилгоор “Сод Монгол Групп” ХХК-аас яруу найрагч, зохиолчдын дунд хамгийн өндөр шагналтай яруу найргийн наадмыг энэ жилээс эхлэн зохион байгуулахаар боллоо. Энэхүү наадам нь Монгол Улсын төрийн соёрхолт Сүхбаатарын одонт, Соёлын гавьяат зүтгэлтэн, нэрт зохиолч, яруу найрагч Зундуйн Дорж, Монгол Улсын Төрийн шагналт, төр нийгмийн нэрт зүтгэлтэн, нэрт зохиолч, яруу найрагч Очирбатын Дашбалбар агсны нэрэмжит бөгөөд энэ сарын 26-нд болох юм байна.

Зохиолч, яруу найрагч З.Дорж, О.Дашбалбар агсны нэрэмжит яруу найргийн наадмын тэргүүн байрын шагнал 10 сая төгрөг, хоёрдугаар байр таван сая төгрөг, гуравдугаар байр ном хэвлүүлэх эрхийн эзэн болно. Хамгийн өндөр шагналын сантай энэхүү яруу найргийн наадмын эхний үе шатанд зохиолчид:

• Их дагина Дондогдуламын үйл хэрэг,
• Их дагина Дондогдуламын эрдэм чадал,
• Их дагина Дондогдуламын нэрээр нэрлэсэн анагаах увдис нь олны дунд түгэн гайхагдсан Дондогдулам рашааны тухай зэрэг сэдвийн хүрээнд

naadam@sodmongolgroup.com и-мэйл хаягаар 01 дүгээр сарын 19-ний өдрийн дотор бүтээлээ илгээх юм байна.

Нэгдүгээр шатанд ирсэн шүлэг, яруу найргийг мэргэжлийн шүүгчид шүүж шалгарсан бүтээлийн эзэд II, III шатанд эх оронч сэдвийн хүрээнд өрсөлдөх юм байна.

Зохиолч, яруу найрагч З.Дорж, О.Дашбалбар агсны нэрэмжит яруу найргийн наадам нь эх оронч сэтгэлгээг алдаршуулах, Монголд оюуны бүтээлийн үнэ цэнийг нэмэгдүүлэх, зохиолч уран бүтээлчдийг дэмжих зорилготой юм. Түүнчлэн Монголын яруу найрагч, зохиолчдын бүтээлийг гадаад хэлээр орчуулан олон улсад гаргах зорилгыг агуулсан болохыг Зохиолч, яруу найрагч З.Дорж, О.Дашбалбар агсны нэрэмжит яруу найргийн наадмыг зохион байгуулагчид онцолж байна.

ЯРУУ НАЙРГИЙН НААДМЫН ТАЛААР МЭДЭЭЛЭЛ АВАХ УТАС: 99096867, 99104180

Улсын драмын эрдмийн театрын жүжигчин, найруулагч Г.Эрдэнэбилэгийн анхны бие даан найруулсан “Аав” уран сайхны кино Хятадын кино театруудад албан ёсны эрхтэйгээр гарч эхэлжээ. Хятадын киноны зах зээлд өөрсдийн бүтээлийг толилуулахаар 2018 онд гадаадын таван кино эрх авсны дөрөв нь АНУ-ынх, нэг нь Монголын уран бүтээлчдийн кино багтжээ.

“Аав” киноны гол дүрүүдэд жүжигчин Ц.Цэрэнболд, Б.Шинэбаяр, Б.Мөнхдэлгэр, Л.Эрдэнэ-Очир, Г.Алтангэрэл, Ардын жүжигчин С.Сарантуяа, Гавьяат жүжигчин Ч.Алтан-Өлзий нарын уран бүтээлчид тоглодог. Уг кино нь “Mongolian Academy Awards-2015” наадмын “Шилдэг кино”-гоор шалгарч, “Шилдэг найруулагч”, “Шилдэг эрэгтэй дүр”-ийн шагналыг тус тус хүртэж байсан юм.

Монголын зохиолчдын байгууллага үүсэн байгуулагдсаны 89 жилийн баяр өнөөдөр тохиож байна. Монголын зохиолчдын эвлэлийн 89 жилийн ойн өдрөөр утга зохиолын оны шилдэг бүтээл шалгаруулах “Алтан-Өд-2017” наадам Хүүхдийн урлан бүтээх төвийн их танхимд боллоо. Тус наадамд нийт 100 гаруй уран бүтээлч зохиол, бүтээлээрээ оролцож, найман төрөлд шилдгүүдээ тодруулсан юм.

2001 оноос эхтэй уг наадамд яруу найраг, хүүрнэл зохиолын томоохон болон богино хэмжээний бүтээл, хүүхдийн зохиол, орчуулга, шүүмж судлал, жүжиг, кино зохиол, шог хошин болон баримтат зохиол гэсэн төрөлд шалгаруулав. 2017 оны “Алтан-Өд” наадамд Яруу найргийн төрөлд “Ес дэх зүүдний аниргүй эрвээхэй” шүлгээр М.Амархүү, Хүүрнэл зохиолын томоохон хэмжээний төрөлд “Аугаа эрин” зохиолоор Б.Номинчимэд, Хүүрнэл зохиолын богино хэмжээний төрөлд “Цэцүүхэй” зохиолоор Ц.Ганболд, Хүүхдийн зохиолын төрөлд “Аз жаргалтай үлгэрүүд” хүүхдийн зохиолоор Ц.Энхтүвшин, Утга зохиолын орчуулгын төрөлд “Пигийн амьдрал” орчуулгаар Б.Сувддулам, Жүжиг, киноны зохиолын төрөлд Д.Жамъяны кино зохиолууд, Утга зохиолын судлал, шүүмжийн төрөлд О.Содномпил тэргүүтэй Уран зохиолын судлал шинжлэлийн редакци, Шог хошин болон баримтат уран зохиолын төрөлд “Цаг цагийн цагаан дурсамж” бүтээлээрээ З.Ядмаа нарын уран бүтээлчид тус тус шалгарлаа. Мөн МЗЭ-ийн 2017 оны шагналыг Н.Гантулга, Г.Дамба, Б.Зархум, Н.Минжинсайхан, Ц.Ням-Осор, Н.Пүрэвдагва, Л.Самбуу, Т.Сэнгэдорж, Д.Дашмөнх нарт хүртээлээ.

Монгол Улсын Филармони Морин хуурын чуулгын “Монголын хөгжмийн зохиолчдын бүтээлүүд” тоглолтоор эхлэхээр бэлтгэж байна. Монгол хөгжмийн зохиолчдын шилмэл бүтээлүүдээс дээжлэн хүргэж байгаа уг тоглолт I сарын 12-нд 19 цагаас Улсын Филармонийн концертын танхимд болох ажээ. Төрийн хошой шагналт, Ардын жүжигчин Н.Жанцанноров, Урлагийн гавьяат зүтгэлтэн, Төрийн шагналт Б.Шарав, залуу хөгжмийн зохиолч Ш.Өлзийбаяр, Ц.Эрдэнэбат зэрэг хөгжмийн зохиолчдын бүтээлүүдийг толилуулна.

Алдарт Дубай нь олон Улсын кино наадмын улаан хивсний ёслолд Монгол Улсаас анх удаа манай хувцас загварын шилдгүүд урилгаар оролцжээ. Тодруулбал Мисс Монгол аялал жуулчлалын холбооны тэргүүн Б.Гантогоо болон Тансаг мода загварын агентлагийн захирал Б.Уянга модель Б.Солонго нар тус наадамд оролцож, олон улсын наадамд эх орныхоо нэрийг зарлуулжээ.

Мисс Монгол аялал жуулчлалын холбоо нь “Film awards TV”-тэй тав дахь жилдээ хамтран ажиллаж байгаа бөгөөд хамтын ажиллагааны хүрээнд ийнхүү тус наадамд уригдана оролцжээ. Мөн дашрамд дуулгахад эх орноо төлөөлөн тус наадамд оролцсон Тансаг мода агентлаг нь “Fashion TV”-тэй хамтарч ажиллах санал авчээ.

“Оддын дайн” цувралын шинэ анги “Star Wars: The Las Jedi” кино хойд Америкт “Оны хамгийн өндөр орлоготой кино”-гоор шалгарлаа хэмээн “Bloomberg” мэдээлжээ. “Comscore”-ийн мэдээлснээр, энэхүү кино өнгөрсөн долоо хоногт 52.6 сая ам.долларын орлого олж, нээлтээ хийснээсээ хойш “Box Office”-ийг гурав дахь долоо хоногтоо тэргүүлж байна. “Star Wars: The Las Jedi” кино 2017 онд АНУ, Канадын кино театруудаас 517.1 сая ам.долларын орлого олжээ. Үүгээрээ нийт 504 сая ам.долларын олсон “Beauty and the Beast” буюу “Гоо Үзэсгэлэн ба Араатан” киноны амжилтыг эвдсэн байна. Харин “Sony Pictures”-ийн уран зөгнөлт, адал явдалт төрлийн “Jumanji: Welcome to the Jungle” кино “Box Office”-т 50.6 сая ам.долларын орлогоор жагсаалтын хоёрдугаарт бичигджээ.

Жил бүр “Улаанбаатарын мөнгөн шөнө” шинэ жилийн баярын цэнгүүнийг Сүхбаатарын талбайд зохион байгуулдаг.

Энэ жилийн цэнгүүний найруулагчаар УДЭТ-ын жүжигчин, найруулагч СТА А.Чингүн ажиллаж, зөвлөх найруулагчаар УДЭТ-ын ерөнхий найруулагч, Төрийн соёрхолт Н.Наранбаатар нар ажиллаж байна. Баярын цэнгүүнд үе үеийн хамтлаг, дуучид оролцож уран бүтээлээ толилуулж он гарах мөчид Нийслэлийн Засаг дарга бөгөөд Улаанбаатар хотын дарга нийслэлчүүддээ мэндчилгээ дэвшүүлнэ.

Мөн энэ үдэш нийслэлийн таван цэгт буюу Сүхбаатарын талбай, Соёл амралтын хүрээлэн, Сүхбаатар дүүргийн Дамбын гүүр, Сонгинохайрхан дүүргийн Баянхошуу, Баянзүрх дүүргийн Маахуур толгойгоос ёслолын буудлага хийхээр болжээ.