Category: соёл-урлаг

Хамгийн том эх газар – Евроази

Хамгийн том цөл – Сахар

Хамгийн том нуруу – Гималай

Хамгийн өндөр уул – Эверест

Хамгийн хүйтэн газар – Өмнөд туйл

Хамгийн халуун газар – Сахарын цөл

Хамгийн том далай – Номхон далай

Хамгийн гүн хонхор-Марианы хонхор

Хамгийн цэнгэг нуур – Байгаль нуур

Хамгийн гүн нуур – Байгаль нуур

Хамгийн том гол – Амазонк мөрөн

Хамгийн урт гол – Нил мөрөн Хамгийн том нуур – Каспийн тэнгис

Хамгийн том мөсөн арал – Greenland

Хамгийн өндөр хүрхрээ – Angel /Венесуэль/

Хамгийн том галт уул – Гуаллатари галт уул

Хамгийн нам дор газар – Сөнөсөн тэнгис

Хамгийн том газар нутагтай улс – ОХУ

Хамгийн жижиг улс – Ватикан

Хамгийн хүн амын нягтрал багатай улс – Монгол

Хамгийн их ширэнгэн ойтой улс – Суринам

Хамгийн элсэрхэг улс – Ливи /нийт газар нутгийн 99% нь цөл/

Хамгийн олон нууртай улс – Канад

Хамгийн олон аралтай улс – Индонез

Хамгийн их хүн амтай улс – Хятад

Хамгийн олон хүн амтай хот – Токио

Хамгийн урт гүүр – Сен денид /Парис/

Хамгийн том галт тэрэгний буудал – Треминан

Гранд Сентрл / Америк, Нью-Йорк /

Хамгийн их хур тунадас ордог улс – Энэтхэг

Хамгийн том амьтан – Цэнхэр халим

Хамгийн хурдан амьтан – Леопард

Хамгийн ухаантай амьтан – Шимпанзе

Хамгийн аюултай амьтан – Шумуул /шумууланд хазуулснаас болж жилд 2-с 3 сая хүн амиа алддаг/

Хамгийн үнэтэй машин – Bugatti Type 57SC Atlantic

Хамгийн жижиг машин – Пил 50

Хамгийн том машин – Белаз 75710

Хамгийн гүн усан сан – Nemo /33,33м гүн бөгөөд 2,500,000л-н багтаамжтай ба Бельгийн нийслэл Бруссельд байдаг/

Хамгийн олон хүүхэдтэй ээж – Валентина Федоровна/69 хүүхэд төрүүлсэн/

Хамгийн тарган эмэгтэй – Терри Смит /317кг/

“Mongolian next top model” шоуны ялагч, загвар өмсөгч Б.Цэрэндолгор ирэх сард болох дэлхийн “Супер модель” тэмцээнд оролцохоор болжээ.

“Супер модель” тэмцээн нь олон улсын чанартай тэмцээнүүдийн нэгт тооцогддог бөгөөд орон орны 120 шилдэг модель өрсөлдөх юм байна. Энэ тэмцээний чансаа өндөр байгаа шалтгаан нь томоохон агентлагууд оролцож, загвар өмсөгчдөд хамтран ажиллах санал тавьдагт оршдог байна.

Б.Цэрэндолгор “Mongolian next top model”шоу нэвтрүүлэгт ялагч болж, олонд танигдсанаасаа хойш “Гурван найз эргэж ирсэн нь” уран сайхны кинонд тоглосон. Мөн Үндэсний оператор “G Mobile” компанийн нүүр царай болсон билээ.

“Нийслэлийн Залуучууд” дэд хөтөлбөрийн хүрээнд “Залуучуудын амралт, чөлөөт цагаа өнгөрүүлэх орчин нөхцөл, үйлчилгээний хүртээмжийг нэмэгдүүлэх” зорилтын хүрээнд соёл, урлагийн шинэ хамтлаг, дуучин залуучуудыг дэмжих, тэдний уран бүтээлийг олон нийтэд сурталчлан таниулах, чөлөөт цагаа зөв боловсон, эрүүл орчинд өнгөрөөх нөхцөлийг бүрдүүлэх зорилгоор нийслэлийн Засаг даргын хэрэгжүүлэгч агентлаг Залуучуудын хөгжлийн газар, “Цацрах эгшиг” ТББ-тай хамтран “Гэрэлтүүл” аяныг зохион байгуулж байна.

Энэхүү аяны хоёр дахь амьд хөгжмийн тоглолтыг энэ сарын 19-нд “Дээврийн хөндий” бүжгийн клубт зохион байгуулах бөгөөд “Something’s Brewing”, “Even Tide”, “After Taste”, “Silhouette Tuesday”, “The Vintage” хамтлагууд оролцох юм.

“Гэрэлтүүл” аяны хүрээнд нээлтийн амьд хөгжмийн тоглолтыг “Бодитоор мэдэрье, эерэгээр харъя” уриатайгаар 2018 оны 07 дугаар сарын 28-ны өдөр нийслэлийн Улаанбаатар чуулгын Их танхимд зохион байгуулж, нийт 300-аад залуучууд үзэж, сонирхсон. Тус тоглолтод поп, метал, алтерьнатив, панк болон рок урсгалын шинэ залуу 8 хамтлагууд, урилгаар “Моханик” хамтлаг оролцсон юм.

Цаашид дуу, хөгжим сонирхогч залуучуудыг дэмжих чиглэлээр олон талт үйл ажиллагаа хэрэгжүүлэхээр төлөвлөн ажиллаж байна гэж нийслэлийн Залуучуудын хөгжлийн газраас мэдээллээ.

”Бид театрт хайртай” ТББ-аас Монголд анх удаа байгалийн задгай орчинд театрчилсан уншлага зохион байгуулахаар болжээ. Дундговь аймгийн Өлзийт сумын нутаг дахь үзэсгэлэнт Цагаан суваргын хормойд Пауло Коэльогийн алдарт “Алхимич” зохиолыг сонгодог хөгжмийн хэмнэлд сонсгох юм байна. Энэ үеэр мэргэжлийн жүжигчин сонгодог зохиолыг хэрхэн амилуулахыг шимтэн сонсох боломжтой аж.

Адал явдал болон театрт дурлагч танд аялангаа урлагийн ертөнцөд саатах боломжийг наймдугаар сарын 18, 19-ний амралтын өдрүүдэд олгож байгаа бөгөөд аяллын автобус 18-ны өдрийн өглөөний 10 цагт Улсын драмын эрдмийн театрын урдаас хөдлөх юм байна.

Аяллын явцад зөвхөн театрчилсан уншлагаа сонсоод зогсохгүй үзэсгэлэнт Цагаан суварга дээрээс нар мандахыг харах, байгалийн сайханд органик цай ууж, цай заслын тухай сонирхолтой яриа өрнүүлж, зөвлөгөө авах, мэргэжлийн тогоочийн хийсэн хоол идэж, хүсвэл өөрийн биеэр оролцох боломжтой ажээ.

Мөн хамтдаа “Алхимич”-ийн ертөнцөөр аялж буй аялагчидтайгаа танилцан, хүссэн сэдвээр ярилцан цагийг өнгөрүүлж, “Сартай уншлага”-ын өмнөх театрчилсан уншлагуудыг үнэ төлбөргүй үзэх, мэргэжлийн гэрэл зурагчдаар аяллын зургуудаа авахуулах боломжтой юм байна.

Төрийн соёрхолт, дуучин, продюсер Д.Болдын соло уран бүтээлийн шинэ цомог “Болд” нэртэйгээр өнгөрсөн зургаадугаар сард худалдаанд гарсан. Тэрээр бие даасан 12 дахь цомогтоо “Торгон мэдрэмж”, “Зүрхний дагина”, “Мартахаасаа өмнө”, “Даам” зэрэг 15 дуугаа багтсан юм. Цомгийн хөгжмийн найруулгыг “Ocean Grey”, Л.Сибастиан, Н.Баярхүү, С.Гантөр хийн дууны үгийг DNK, Ria, ZZ, реппер Цэцэ, Х.Соёмбо, Д.Ган-Очир нар бичин гитарчин Атка, Д.Өлзий-Орших нар хамтран ажиллажээ.

Тэгвэл дуучин Д.Болд энэ сарын 31-нд Буянт Ухаа Спорт ордонд “12 Ертөнц” нэртэй 5 дахь бие даасан тоглолтоо хийхээр тов зарлаад байна. Тэрээр энэхүү тоглолтдоо 2005 оноос хойш гаргасан бүх цомгийн шилдэг хит 40 дуугаа амьд хөгжмийн хамтлагтай толилуулахаар зэхээд байгаа гэсэн шүү.

Түүнчлэн тэрээр шинэхэн цомгийнхоо “Торгон мэдрэмж” болон дуучин Хулантай хамтран дуулсан “Хүрч болохоор” дуунуудаа клипжүүлэн хүргээд байгаа билээ.

“Бүсгүй мэлмий-2” Монгол, Японы эмэгтэй гэрэл зурагчдын хамтарсан гэрэл зургийн үзэсгэлэн ирэх сарын 20-23-ны өдрүүдэд болох гэж байна. Анх 2015 оны дөрөвдүгээр сард “Бүсгүй мэлмий” гэрэл зургийн үзэсгэлэнг гаргаж байжээ.

Уг гэрэл зургийн үзэсгэлэнд бүтээлээ тавих сонирхолтой оролцогчид зургаагаас доошгүй бүтээл тавих ба энэ нь тодорхой цуврал бүтээл дээр ажилласан байж болох аж. Бүтээлийг энэ сарын 15-ны өдрийг хүртэлх хугацаанд хүлээн авна.

Монгол түмний өв уламжлал, соёлыг түгээн дэлгэрүүлэх, хойч үедээ өвлүүлэн үлдээх, спортыг хөгжүүлэх зорилгоор Хүй долоон худагт болж буй “Нүүдэлчин Монгол 2018” өнөөдрийн хөтөлбөрийг танилцуулж байна.

Шанхайн Олон Улсын Балетийн “Dance To The Rhytm Of Shanghai” тэмцээнд манай улсаас Монголын Олон Улсын Балетийн Анхдугаар тэмцээний гранпри шагналт, залуу гавьяат О.Анужин, УДБЭТ-ийн бүжигчин Ц.Хишигжаргал нар оролцож байна. Уг тэмцээн зургаа дахь жилдээ зохион байгуулагдаж байгаа аж. Үүнд 16 орны 125 бүжигчин бүртгүүлсэнээс 73 бүжигчин шалгаран оролцож байна.

О.Анужин өмнө нь Д.Дашлхагва багшаар удирдуулан БНСУ-д зохиогдсон олон улсын балетийн тэмцээнд алтан медаль хүртэж байжээ. Тэрбээр улсын баяр наадмаар гавьяат цол хүртсэн билээ.

Олон улсын уг тэмцээнд алдартай хоёр балетчин хүндэт зочноор уригдан оролцож байгаагийн нэг нь манай улсын гавьяат жүжигчин Д.Алтанхуяг билээ. Харин нөгөө нь Гүрж улсын алдарт балетчин, Гүрж улсын балет театрын захирал Нина Ананиашвили юм.

“Dance To The Rhytm Of Shanghai” тэмцээний шагналын сан 50,000 ам.доллар гэдгээрээ онцлог бөгөөд есөн шүүгч тэмцээнийг шүүн явуулах юм. Тодруулбал, ерөнхий шүүгчээр Данийн Рояал балет театрын уран сайхны удирдаач Франк.А.Андерсен ажиллах бол бүрэлдэхүүнд нь БНХАУ-ын Үндэсний балетын уран сайхны удирдаач Фенг Инг, БНХАУ-ын Лиаонинг Балетын уран сайхны удирдаач Чу Зи Жиао, ОХУ-ын Большой театрын гоцлол бүжигчин Андрис Лиепа, Английн Хатан хааны Рояал Балет театрын балет мастер Гари Авис, АНУ-ын Сан Франциско Балет театрын гоцлооч Тан Юанюан, ОХУ-ын Мариинский Театрын прима балерина Улиана Лопаткина, Өмнөд Африкийн олон улсын балетийн тэмцээн зохион байгуулах хорооны захирал, Мзанси Балет компанийн захирал Дирк Баденхорст, БНСУ-ын олон улсын тэмцээн зохион байгуулах хорооны ерөнхийлөгч Парк Жэй Күн нар багтаж буй.

“Нүүдэлчин Монгол” наадам баасан гарагт Хүй долоон худгийн “Монгол наадам” цогцолборт болно. Наадамд 21 аймаг, есөн дүүрэг, соёлын биет бус өвийг өвлөн уламжлагч 700 гаруй ардын авьяастан, гар урчууд, үндэсний спортын 2000 гаруй тамирчин оролцон өөрсдийн авьяас билэг, ур чадвараараа өрсөлдөнө.

Уг наадам нь Монгол түмний олон зуун жил өвлөн уламжилж ирсэн соёлын биет бус өвийг хамгаалах, судлан сурталчлах, өв уламжлагчдыг тодруулах, соёлын өвийн бүртгэл, мэдээллийн сантай болох гол зорилготой аж. Мөн эх хэл аман уламжлал, ардын язгуур урлаг, гар урлал, байгалийн болон сав ертөнцийн тухай мэдлэг заншил уламжлалт арга технологи, уламжлалт зан үйл, ёслол гэсэн таван ай савын хүрээнд зохиохоор болжээ.

Соёл, урлагийн газрын дарга Г.Эрдэнэбат “Юнескогийн конвенцод нэгдсэнээрээ соёлын биет бус өвийг хамгаалах, сурталчлах, өвлөн уламжлуулах, түгээн дэлгэрүүлнэ. Ингэж байж даяаршиж байгаа нийгэмд бид бусдаас ялгарч чадна. Иймээс энэ том наадмыг өндөр зохион байгуулалттай бэлдсэн. Энэ наадам маань залуучууддаа соёлын биет бус өвийг танин мэдүүлэх, байгаль экологио хайрлан хамгаалахад сургах юм. Мөн эндээс эрт үеийн нүүдэлчин соёлын харах боломжтой” гэлээ.

“Нүүдэлчин Монгол” наадмыг төрөөс соёлын талаар баримтлах бодлого, Юнескогийн 2003 оны “Соёлын биет бус өвийг хамгаалах тухай” конвенцийн тушаалуудад үндэслэн зохиохоор болсон.

С.ОЮУНЖАРГАЛ