Category: соёл-урлаг

Үндэсний урлагийн их театрын 2019 он гартал тоглогдох тоглолтын хувиар гарчээ. Тус театрын уран бүтээлчид энэ сарын 28, 29, 30-нд өвөл цагийн нээлтээ “Наран тамгатай талын Монгол” концертоор нээх аж. Харин ирэх сарын 1,2 нд “Монголын их хатад” бүжгэн туульсын таван жилийн ойн хүндэтгэлийн тоглолт болох бол 18,19 нд “Уул усны шивнээ шинэ уран бүтээлээ үзэгчдэд хүргэнэ.

Сонирхуулахад, тус театрын уран бүтээлчдийн баг өнгөрсөн сарын 24-нөөс энэ сарын 1-ний хооронд Япон улсын Мияги аймгийн үзэгчдэд Монголын үндэсний урлагийн тоглолтоо өргөн бариад иржээ.

Дөрвөн жил тутам зохион байгуулагддаг театрын урлагийн шилдгийг тодруулах ардын жүжигчин, төрийн шагналт, эрдэмтэн, зохиолч, найруулагч Э.Оюуны нэрэмжит “Шилдэг бүтээл-2018” Улсын VIII үзлэгт уралдааны Зүүн бүсийн шалгаруулалт энэ сарын 5-8-ны хооронд Дорноговь аймгийн Данзанравжаагийн нэрэмжит Саранхөхөө театрт болж байна. Тус уралдаанд Саранхөхөө театрын уран бүтээлчид У.Шекспирийн “Лир ван”, Өмнөговь аймгийн хөгжимт жүжгийн театр Ч.Лодойдамбын “Гарын таван хуруу”, Дундговь аймгийн Төв Халхын дуулалт жүжгийн театр Э.Оюуны “Ууган хүү”, Дорнод аймгийн Алтангадас одонт хөгжимт драмын театр Э.Оюуны “Хайр”, Сүхбаатар аймгийн Жаахан шарга театр Софоклын “Эдип хаан” сонгодог драмын жүжгээр өрсөлдөж байна. “Шилдэг бүтээл-2018 уралдааны Зүүн бүсийн шалгаруулалт энэ сарын 8-нд дүнгээ гаргаж, шагнал гардуулах аж.

“Netsuke – Японы уламжлалт гар урлал өнөө цагт” үзэсгэлэн маргааш Монголын Үндэсний музейд нээлтээ хийнэ. Япончууд Эдогийн үеэс эхлээд кимоно хувцасныхаа бүснээс “Netsuke” буюу жижиг гар урлалын чимэглэл бүхий гоёлыг зүүж хэрэглэж эхэлжээ. Япон үндэсний кимоно хувцас нь халаасгүй тул “Netsuke” буюу тамхи зэрэг жижиг зүйлсээ хийх уут бүснээсээ зүүж, уутныхаа уяаны үзүүрт зүүх чимэглэлийг сийлбэрлэн урладаг байжээ.“Netsuke”-г модны ур үндэсээр урладаг. Ингэхдээ гарын алган дээрээ өнхрүүлээд, хаанаас нь ч харсан гар урлалын нарийн хийц, онцлогуудыг шингээж урлах хэрэгтэй ажээ.

Уг үзэсгэлэнг Япон улсын Элчин сайдын Яамны дэмжлэгээр 2018 оны 11 дүгээр сарын 06-аас 12 дугаар сарын 01-ны хугацаанд Монголын Үндэсний музейн үзэсгэлэнгийн танхимд дэглэн толилуулж байна. Үзэсгэлэнгийн үеэр “Netsuke-Японы уламжлалт гар урлал ба Монгол гар урлал-чимэглэл” сэдэвт нээлттэй лекц, ярилцлагыг 11 дүгээр сарын 15-ны 15 цагаас зохион байгуулах юм.

Засгийн газрын хэрэгжүүлэгч агентлаг Соёл, урлагийн газраас 2018 онд улсын санд худалдан авах хөгжмийн том хэлбэрийн шилдэг бүтээлүүдийг тодруулах үйл ажиллагааг Монголын Хөгжмийн Зохиолчдын Холбоотой хамтран энэ сарын 01-30-нд зохион байгууллаа.

Монгол Улсын Засгийн газрын 2006 оны 115 дугаар тогтоолоор баталсан “Хөгжмийн том хэлбэрийн шилдэг бүтээлийг улсын санд худалдан авах журам”-ын хүрээнд зохион байгуулсан уг шалгаруулалтад нийт 12 бүтээл ирсэн юм. Үүнээс БСШУС-ын сайдын тушаалаар байгуулагдсан “Хөгжмийн том хэлбэрийн шилдэг бүтээлийг шинжлэн үзэж, улсын санд худалдан авах талаар дүгнэлт гаргах үүрэг бүхий орон тооны бус мэргэжлийн зөвлөл”-ийн гишүүд нэг бүрчлэн үнэлгээ дүгнэлт өгч Н.Жанцанноров “Ятгын концерт 2”, Ш.Өлзийбаяр “Чингисийн хүүхдүүд киноны хөгжим”, Цэн.Эрдэнэбат “Ятгын II концерт”, Б.Ганхуяг “Байтаг богд” магтуу, Ж.Энхбаяр “Рапсодия” зэрэг 5 бүтээлийг улсын санд худалдан авахаар шийдвэрлэв.

Соёл, урлагийн газрын Урлаг, уран бүтээлийн хэлтсийн дарга Г.Батхуяг болон Хөгжмийн том хэлбэрийн шилдэг бүтээлийг шинжлэн үзэж, улсын санд худалдан авах талаар дүгнэлт гаргах үүрэг бүхий орон тооны бус мэргэжлийн зөвлөлийн гишүүдийн төлөөлөл өчигдөр УДБЭТын тайзнаа болсон “Алтан намар-2018” хөгжмийн наадмын гала тоглолтын үеэр шилдэг бүтээл туурвисан хөгжмийн зохиолчдод батламжийг гардуулсан юм.

Соёл урлагийн газраас цаашид 2018 онд “Улсын санд худалдан авсан хөгжмийн шилдэг бүтээл”-ийн шүүмж хэлэлцүүлэг зохион байгуулах, бүтээлүүдээр цомог /CD/ гаргаж олон нийтийн хүртээл болгох, бүтээлийг мэргэжлийн урлагийн байгууллагуудын урын санд ашиглах боломжийг нэмэгдүүлэх зэрэг олон талт ажлыг зохион байгуулахаар төлөвлөжээ.

Монголын Залуучуудын Холбооноос жил бүр зохион байгуулдаг хайрын шүлгийг магтан дуулагч “Цагаан Уул-2018” яруу найргийн тов зарлагдлаа. 1991 оноос хойш 26 жилийн хугацаанд 20 дахь удаагаа зохион байгуулж буй “ЦАГААН УУЛ” хайрын шүлгийн наадам нь залуу яруу найрагчдын хүсэн хүлээдэг, Монгол хэлний үгсийн сайхныг магтан таниулдаг үйл ажиллагаа болдгоороо залууст танигдсан билээ. Тус наадмыг Монголын Залуучуудын Холбоо, Монголын Зохиолчдын Эвлэл , МҮОНТ “Залуу удирдагч” сан,Монголын сэхээтний холбоо хамтран зохион байгуулах юм.

Наадмын зорилго нь:

• Залуу уран бүтээлчид, яруу найрагчдыг дэмжих тэдний уран бүтээлийг үнэлэх, нийтийн хүртээл болгох, олон нийтэд сурталчлах

• Монгол хэлний үгийн яруу сайхан, өв уламжлалаа түгээн дэлгэрүүлэх олон нийтэд сурталчлах, хүүхэд залуучуудад таниулах.

Хайрын тодорхойлолт: Хайр гэдэг нь мэдрэмжээс үүссэн мэдрэхүй бөгөөд зөрчилгүй байх төгс хэмжигдэхүүн, хурдны дээд хэмжүүр юм. Хайр нь эхлээд өөрийн дотооддоо зөрчилгүй болох ингэснээр гадна талдаа хамгийн дээд хурдаар хайрлах, бусдыг хайрлахыг хэлнэ.

Хайр- Эх орны хайр, эцэг эхийн хайр, хосын хайр, эх дэлхийд буй бүхнийг хайрлах хайр, амийг тэтгэгч болгоныг хайрлах хайр тэдгээрт бүгдэд нь хайр бий.

Цагаан Уул хайрын шүлгийн наадам уламжлал ёсоор 4 үе шаттайгаар явагдах бөгөөд шат бүр тодорхой сэдвийн хүрээнд явагдана.

Дараах линкээр орж бүртгүүлнэ үү. Энд дарж бүтгүүлнэ үү?

Шалгаруулах журам:

1 шат: 2018.11.01-нд оролцогчид чөлөөт сэдвээр оролцоно. Шүүгчдийн зөвлөлийн хурлаар бичгээр шалгаруулалт хийнэ II шатанд тэнцсэн 33 оролцогчдын нэрсийг зарлана.

2 шат: 2018.11.02 Шилдэг 33 оролцогч үндэсний хувцастай оролцох бөгөөд шүүгчдийн шалгаруулалтын оноогоор 13 шилдэг оролцогч шалгарна.

3 шат: Шилдэг 13 оролцогчдоос шүүгчдийн шалгаруулалтын оноогоор 5 шилдэг оролцогч шалгарна.

4 шат: Шилдэг 5 яруу найрагч шалгарч тэргүүн байрын төлөө өрсөлдөнө.

Жич: Оноо тэнцсэн тохиолдолд нэмэлтээр шүлэг уншина.

Орон нутгаас оролцогчид

Орон нутгаас оролцогчид 2018 оны 10-р сарын 25 -аас 10-р сарын 27-ныг дуустал тухайн аймаг, сумын Залуучуудын Холбооны тодорхойлолтын хамтаар Myf@myf.mn хаягаар шүлгээ ирүүлнэ. /Холбогдох утсыг хавсаргах./

Улаанбаатар хотоос оролцогчид

Улаанбаатар хотоос оролцогчид 2018 оны 10-р сарын 27-оос 10-р сарын 31-ныг дуустал МЗХ-ны 2 давхарт 207А тоотод бичгээр болон Myf@myf.mn хаягаар шүлгээ ирүүлнэ.

Материал бүрдүүлэх, хүлээн авах: Хайрын шүлгийн “Цагаан Уул 2018” наадамд оролцогчдын шүлгийг хэвлэмэлээр болон файлаар хүлээн авна.

Тавигдах шаардлага:

• Цахим бүртгэлд хамрагдана. www.myf.mn

• Овог, нэр, утас, аймаг дүүргийн харьяалал, шүлгийн хамт ирүүлнэ. Эдгээр мэдээлэл байхгүй тохиолдолд шүлгийг хүлээж авахгүй болно.

• Яруу найрагч үндсэн сэдвийн дагуу 3 шүлгээр оролцоно.

• Оролцогчид нь 15 ба түүнээс дээш настай байх.

Монголын есөн гайхамшгийн нэг Өмнөговь аймгийн Сэврэй сумын нутаг дахь Хонгорын элсэнд “Элсэн манхны баяр” уламжлалт арга хэмжээг энэ сарын 14, 15-нд зохион байгуулжээ. Энэ үеэр үндэсний бөхийн барилдаан, гар бөмбөгийн тэмцээн, авто машины уралдаан, элсэн манхны оргил булаалдах тэмцээн, говийн уянга дууны уралдаан, элсэн марафон, элсэн баримлын уралдаан зохион байгуулсан байна. Мөн “Увертюра” хамтлаг баярт оролцогчдод зориулан тоглолтоо хийжээ. Уг арга хэмжээнд 1200 гаруй хүн цугларсан байна. Цаашдаа энэхүү арга хэмжээг улам өргөжүүлж жуулчдыг татах зорилготой байгаагаа Өмнөговь аймгийн Засаг дарга Н.Наранбаатар хэлжээ.

“Miss World 2018” тэмцээнд Монгол Улсаа төлөөлөн оролцох гоо бүсгүйн шалгаруулалт өчигдөр боллоо. Дэлхийн мисст оролцох гоо бүсгүйгээр 20 настай Э.Энхриймаа тодорчээ. Өнгөрсөн жилийн дэлхийн мисст улсаа төлөөлөн оролцсон Ц.Энхжин титмээ Э.Энхриймаад шилжүүлэн өглөө.

Дэлхий ертөнцийн хамгийн авьяаслаг, үзэсгэлэнт бүсгүйчүүдийг 68 дахь удаагаа тодруулах гэж буй “Miss World 2018” тэмцээний финалын шатны шалгаруулалт 12 дугаар сарын 8-ны өдөр БНХАУ-ын Саньяа хотноо зохион байгуулагдах аж. Монгол Улсын хувьд 2005 оноос эхлэн оролцож эхэлсэн бөгөөд жил бүр үндэснийхээ ялагчийг оролцуулж, эх орныхоо нэрийг гаргасаар ирсэн юм.

БНСУ-аас Монгол Улсад суугаа Элчин сайдын яам Монгол дахь Солонгос иргэдийн нийгэмлэгтэй хамтран зохион байгуулж буй “Солонгосын долоо хоног 2018” үйл ажиллагааны нээлт Сеүлийн гудамжинд боллоо. Нээлтийн арга хэмжээнд нийслэлийн Засаг дарга бөгөөд Улаанбаатар хотын Захирагч С.Батболд оролцож, үг хэлсэн юм.

Хотын дарга хэлсэн үгэндээ “Монгол Улс БНСУ-тай 1990 онд дипломат харилцаа тогтоож, эртнээс найрсаг харилцаатай, олон улсын түвшинд ч бие биенээ харилцах дэмжиж ирсэн уламжлалтай билээ. Улаанбаатар, Сөүл хотууд анх 1995 онд ах дүүгийн найрсаг харилцаа тогтоосон. Үүнээс хойш өдгөө 23 жил өнгөрч байна. Энэ хугацаанд хотууд харилцаа хамтын ажиллагааг нийгэм, эдийн засгийн бүх л салбарт өргөжүүлэн хөгжүүлсээр ирсэн. Энд хүрэлцэн ирсэн та бүхэн Солонгос Улсын үндэсний соёл урлаг, уламжлал, зан заншлын талаар бага боловч мэдлэгтэй болж, хоёр улсын иргэдийн харилцан ойлголцол нэмэгдэнэ гэдэгт итгэлтэй байна” хэмээн онцлов.

“Солонгосын долоо хоног 2018” арга хэмжээнд Солонгосын үндэсний урлагийн концерт, Солонгос хоолны фестиваль, Солонгос киноны өдөрлөг, Таэквондогийн тэмцээн, Гоо даамны олон улсын тэмцээн, Солонгос дууны тэмцээн зэрэг олон сонирхолтой хөтөлбөр багтжээ.

Нээлтийн арга хэмжээнд БНСУ-ын өв соёлыг өөртөө шингээн үлдээсэн Солонгосын үндэсний хамтлаг, удаан хугацааны турш Солонгосын үндэсний соёлыг судалсаар ирсэн хамтлаг, дуучид оролцохоос гадна Улаанбаатар чуулгын морин хуурын баг бүрэлдэхүүн, Монголын цагдаагийн Сүлд чуулгынхан Солонгосын үндэсний хөгжмийн хамтлагтай хамтран тоглов.

Солонгосын долоон хоног 2018 арга хэмжээ мөн Сөүлийн гудамжинд үргэлжлэх юм.

Харин Солонгосын кино өдөрлөг энэ сарын 18, 19-нд УИД-ийн 5 давхарт байрлах “ICinema” кино театрт болох аж.

Мөн “Элчин сайдын нэрэмжит 6 дахь удаагийн таэквондогийн тэмцээн” энэ сарын 24, 25-нд Спортын төв ордонд болох юм байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Есдүгээр сарын 7-ноос 10-ны өдрүүдэд Болгарын Софи хотод Олон улсын телевиз, киноны “Славянски приказки” наадам зохион байгуулагджээ. Тус наадам нь дэлхийн улс түмнүүдийн соёлын харилцааг хөгжүүлэх, славян ард түмний түүх, соёлыг түгээн дэлгэрүүлэх, олон улсын түвшинд кино урлагийг хөгжүүлэх зорилготой аж.

Энэхүү кино наадамд 20 орчим орны кино найруулагчдын 120 гаруй баримтат болон уран сайхны кино оролцсоноос тэргүүн шагналыг Болгарын найруулагч Ангел Бончевийн “Аврагч эмч” баримтат кино хүртсэн бол Монгол Улсын найруулагч Б.Баярын “Рашаан хад” баримтат кино “Алтан сарнай” тусгай шагнал хүржээ.