Category: соёл-урлаг

Дуурийн дуучин СТА Э.Анхбаяр Оросын алдарт хөгжмийн зохиолч Н.А.Римский-Корсаковын нэрэмжит 11 дэх удаагийн олон улсын дуурийн дуулаачдын Б зэрэглэлийн уралдаанд Дуурь болон Романс гэсэн хоёр төрөлд өрсөлдөж тэргүүн байрт шалгарсан юм. Тэрээр өнөөдөр эх орондоо ирлээ.

Дэлхийн аварга шалгаруулах уралдаан энэ сарын 13-19-ний өдөр болсон бөгөөд манай улсаас дуучин Э.Анхбаяр, Б.Монголхүү, Б.Уранзолбоо, Б.Дэлгэрбаяр нар ур чадвараа сорив. Тэмцээнд 20 гаруй орны 270 орчим мэргэжлийн дуучид хүч сорьсон бөгөөд Дуурийн дуучин СТА Э.Анхбаяр Хөгжмийн зохиолч Б.Шаравын “Монголын тал нутаг” дуугаар оролцож тэргүүн байр эзлэв. Тэрээр Олон улсын А, Б зэрэглэлийн өндөр чансаатай тэмцээнүүдээс тэргүүн, дэд байруудад шалгарч байсан юм.

Дуурийн дуучин СТА Э.Анхбаяр: “Олон улсын Б зэрэглэл буюу дэлхийн аваргын тэмцээнд оролцож хоёр төрөлд алтан медаль хүртсэндээ баяртай байна. Романсын төрөлд Төрийн шагналт, УГЗ, Б.Шаравын “Монголын тал нутаг” дуугаар оролцсон. Энэхүү бүтээлийг өмнө нь Г.Ариунбаатар Английн тайзнаа дуулж байсан. Дэлхий дахин монголын дууг сонирхох болсон нь илт харагдаж байна. Энэ нь олон авьяаслаг дуучид маань монголынхоо дууг гадаадын томоохон тэмцээн, уралдаанд дуулсны ач гавьяа юм. Том тэмцээнээс хос алтан медадьтай ирсэндээ баяртай байна” гэлээ. Тэрбээр Австрийн “Опера бург гарс” дуурийн компанитай хамтран ажиллахаас гадна Унгарын төв театрт уригдан гэрээгээр ажиллаж байгаа юм. Дашрамд сонирхуулахад дээрх тэмцээнд Монголоос өмнө нь МУГЖ П.Ганбат, МУСТА Ч.Бадрал нар оролцож, дэд байр эзэлж байв.

Хэрэв та дуучин Мэрайя Кэригийн “All I Want for Christmas is You” болон “Wham!” хамтлагийн “Last Christmas” зэрэг дуунд дуртай бол танд тохирох хамгийн шилдэг дуунуудын жагсаалтыг танилцуулж байна.

Эдгээр дуунууд нь таны зул сарын баярын үдэшлэг болон хүлээн авалтад тань ид шидийг авчраад зогсохгүй дэлгүүр хэсэж, гэр лүүгээ харихдаа сонсоход хүртэл сэтгэлийг тань хөдөлгөх болно. Тун удахгүй зул сар болон шинэ жилийн баяр болох гэж буйтай холбогдуулан Их Британийн долоо хоног тутмын “Hello!” сэтгүүлээс энэхүү жагсаалтыг гаргажээ.

1. “Slade” хамтлаг – Merry Xmas Everybody

2. “The Pogues” хамтлаг – Fairytale Of New York

3. Лили Аллен – Somewhere Only We Know

4. Мэрайя Кэри – All I Want for Christmas is You by

5. “Wham!” хамтлаг – Last Christmas

6. Деан Мартин – Let it Snow! Let It Snow! Let It Snow!

7. “Band Aid” хамтлаг – Do They Know It’s Christmas?

8. Крис Ри – Driving Home For Christmas

9. Леона Льюис – One More Sleep

10. Шакин Стивенс – Merry Christmas Everyone

11. “Destiny’s Child” хамтлаг – 8 Days of Christmas

12. Бренда Ли – Rockin’ Around the Christmas Tree

13. “Cocteau Twins” хамтлаг – Frosty the Snowman

14. “Жексон 5” хамтлаг – Santa Claus Is Coming to Town

15. “The Temptations” хамтлаг – Rudolph the Red-Nosed Reindeer

16. Бритни Спирс – My Only Wish (This Year)

17. Майкл Бубле, Пуппини эгч дүүс – Jingle Bells

18. Эрта Китт – Santa Baby

19. Жуди Гарланд – Have Yourself a Merry Little Christmas

20. Бобби Хелмс – Jingle Bell Rock

21. Берл Айвз – A Holly Jolly Christmas by Burl Ives

22. “Wizzard” хамтлаг – I Wish It Could Be Christmas Everyday

23. Деан Мартин: Baby it’s Cold Outside

Дуурийн дуучин Э.Анхбаяр Оросын алдарт хөгжмийн зохиолч Н.А.Римский-Корсаковын нэрэмжит олон улсын дуурийн дуулаачдын Б зэрэглэлийн уралдаанд дуурь болон романс гэсэн хоёр төрөлд өрсөлдөж хоёуланд нь тэргүүн байр эзэлжээ. Арванхоёрдугаар сарын 13-19-ний өдрүүдэд болсон уг тэмцээнд нийт 270 орчим дуучин өрсөлдсөн бөгөөд манай улсаас дуучин Э.Анхбаяр, Б.Монголхүү, Б.Уранзолбоо, Б.Дэлгэрбаяр нар оролцсон байна. Дуучин Э.Анхбаяр одоогоор Австрийн Вена хотын “Opera burg gars” театрт ажиллаж байгаа аж. Тэрбээр Унгарын Будапешт хотноо дэлхийн нэрт дуучин Эва Мартоны нэрэмжит уралдаанд тэргүүн байр эзэлснийхээ дараа тус хотын театрт ажиллахаар болсон юм.

Франц Улс дахь Монголын ЭСЯ Булонь-Биянкур хотын захиргаатай хамтран 12 дугаар сарын 13-ны өдөр төгөлдөр хуурч С.Одгэрэлийн төгөлдөр хуурын тоглолтыг Булонь-Биянкур хотын соёлын төвд амжилттай зохион байгууллаа.

Тоглолтыг Булонь-Биянкур хотын захиргаа, хотын зөвлөлийн гишүүд, Франц Улсад суугаа Элчин сайд нар, Францын төрийн байгууллагуудын болон бизнесийн төлөөлөл, Монгол судлаачид, Булонь-Биянкур хотын оршин суугчид зэрэг 400 орчим үзэгч ирж сонирхов. Арга хэмжээг Элчин сайд А.Баттөр нээж үг хэлэв.

Тоглолтын хөтөлбөрт дэлхийн сонгодог бүтээлүүд болон Монголын хөгжмийн зохиолчдын уран бүтээлүүдээс оруулж төгөлдөр хуур, морин хуур, хийл, виолончель хөгжмийн хосолсон тоглолтыг толилуулав. Монголын сонгодог урлагийн хөгжил, монгол аялгүйн өвөрмөц байдлыг үзүүлсэн энэхүү тоглолт францын үзэгчдэд Монгол Улсыг шинэ өнцгөөс нээж харуулсан арга хэмжээ болж чадсан юм.

Тоглолтын дараагаар төгөлдөр хуурын тоглолтыг үзсэн хүндэт зочдод зориулан 400 хүний хүлээн авалт хийж, монгол хоолоор дайллаа.

Найруулагч Б.Өнөртогтохын бүтээл “Монгол гэр” баримтат кино олон улсын “Шилдэг баримтат кино”-гоор шалгарав. Эл киногоор монголчууын аж амьдрал, нүүдэлчин соёлын тухай өгүүлдэг. Зураг авалтыг жилийн дөрвөн улирал дамнуулан, Хөвсгөл аймагт авсан байна.

Жил бүр зохион байгуулдаг олон улсын “Шилдэг баримтат кино” шалгаруулах наадам БНСУ-д болж өндөрлөсөн бөгөөд 130 гаруй орны бүтээл өрсөлджээ. Кино наадмын шүүгчдээр Азийн болон дэлхий нөлөө бүхий кино компанийн удирдлага, мэргэжилтнүүд оролцсон байна. Тэд “Монгол гэр” киног үзээд Монголын онгон дагшин, үзэсгэлэн бүрдсэн нутагт очсон мэт сэтгэгдэл бүрдсэн гэдгээ онцолсон аж.

Нийслэлийн хөгжилд онцгой хувь нэмэр оруулсан, салбартаа олон жил үр бүтээлтэй ажилласан Монголын Урлагийн ажилтны холбооны нарийн бичгийн дарга, МУАЖ Б.Зангад, СТӨ-ний дэргэдэх Эртний сайхан чуулгын гоцлол дуучин, МУАЖ А.Долгор, Монголын дижей, аялагч, олон улс судлаач Ж.Золбаяр нарыг өнөөдөр нийслэлийн дээд шагнал “Хангарди” одонгоор шагнав.

Шагналыг НИТХ-ын дарга С.Амарсайхан, нийслэлийн Засаг дарга бөгөөд Улаанбаатар хотын Захирагчийн үүргийг түр орлон гүйцэтгэгч Ж.Батбаясгалан, нийслэлийн Засаг даргын орлогч Ш.Анхмаа, НЗДТГ-ын дарга М.Отгонбаяр нар гардуулан өглөө.

Монголын Урлагийн ажилтны холбооны нарийн бичгийн дарга Б.Зангад “Нийслэлийн иргэдийн Төлөөлөгчдийн Хурал, нийслэлийн Засаг даргын Тамгын газраас нийслэлийн дээд шагнал Хангарди одонгоор шагнасанд нийт уран бүтээлчдийнхээ өмнөөс болон хувиасаа талархал илэрхийлье. СТӨ-ний 30 жилийн ойн арга хэмжээ саяхан болсон. Энэ ойгоор нийслэлийн удирдлагууд СТӨ-г сэргээн засварлах, үйл ажиллагааг өргөжүүлэн тэлэхэд зориулж 1.5 тэрбум төгрөгийн хөрөнгө оруулалт хийж байгаад Монголын нийт уран бүтээлчид асар их баярлаж байгаа. Бидэнд хийж бүтээх онгод хийморь, урам хайрласанд баярлалаа” хэмээв гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Улсын дуурь бүжгийн эрдмийн театрын уран бүтээлчид арванхоёрдугаар сард тоглох бүтээлүүдийнхээ жагсаалтыг гаргажээ.

Тэд энэ сарын 1-нд А.Бородин “Игорь ван”, 2-нд А.Бородин “Игорь ван” дуурийг тоглосон билээ.

Арванхоёрдугаар сарын 08-нд Ж.Чулуун “Уран хас” балет

Арванхоёрдугаар сарын 09-нд Ж.Чулуун хүндэтгэлийн “Гала” концерт

Арванхоёрдугаар сарын 16-нд П.И.Чайковский “Шелкунчик” балет

Арванхоёрдугаар сарын 22-нд П.И.Чайковский “Шелкунчик” балет

Арванхоёрдугаар сарын 23-нд П.И.Чайковский “Шелкунчик” балет

Арванхоёрдугаар сарын 29-нд П.И.Чайковский “Шелкунчик” балет

Арванхоёрдугаар сарын 30-нд Б.Дамдинсүрэн “Учиртай гурван толгой” дуурь

Нийслэл Улаанбаатар хотыг Зүүн хойд Азийн бизнес, аялал жуулчлал, соёл, санхүүгийн төв болох зорилтын хүрээнд олон улсын чанартай соёл, урлагийн томоохон наадам, үйл ажиллагаануудыг зохион байгуулж байгаагийн нэг нь “UB DANCE” чөлөөт бүжгийн наадам юм.

“UB DANCE” чөлөөт бүжгийн наадмыг “Нийслэлийн Соёл, урлагийн газар” болон “Extreme Crew Studio” хамтран 2018 оны 06 дугаар сард зохион байгуулсан. Энэхүү наадмыг орчин үеийн чөлөөт бүжгийн бүх төрлүүдээр зохион байгуулдаг бөгөөд хүүхэд залуусын чөлөөт цагийг зөв боловсон өнгөрүүлэхэд чухал ач холбогдолтой наадам болдог билээ.

Энэ жилийн UB DANCE чөлөөт бүжгийн шилдэг оролцогч Тайвань улсад зохион байгуулагдах Taipei BBoy City буюу UNDISPUTED -д оролцох эрхийг олгосон бөгөөд 2018 оны 12 дугаар сарын 01-02 ны өдрүүдэд Тайвань улсад Taipei BBoy City тэмцээнд Ub Dance чөлөөт бүжгийн наадмын 1vs1 BBoy төрлийн аварга Ч.Дөлгөөн /bboy duk – HOOLIGANZ CREW/ нь Монгол улсаа төлөөлөн оролцож Дэлхийн аварга боллоо. Мөн тус тэмцээний rocking battle төрлийн хагас шигшээд Э.Баттулга /bboy Crazy Tuk – HOOLIGANZ CREW/ шалгарсан байна.

Тус тэмцээн жил болгон дэлхийн өнцөг булан бүрт брейкданс төрлөөр зохиогддог ба орон орны шилдгүүдээс зөвхөн 16 шилдэг залуусыг Тайвань улсад цуглуулж аваргын төлөө өрсөлдүүлдэг юм. Тэндээс аварга болсон нь дэлхийн одуудтай тулаан хийх эрхийг авдгаараа онцлогтой юм.

Монголын зохиолчдын эвлэл (МЗЭ)-ээс жил бүр уламжлал болгон зохион байгуулж, оны шилдэг яруу найраг, шүлэгчийг тодруулдаг “Болор цом” наадмын бүртгэл эхэллээ.

36 дахь удаагаа зохион байгуулагдаж буй эл наадамд уралдах шүлгийг өнөөдрөөс эхлэн энэ сарын 25-ныг хүртэлх хугацаанд МЗЭ-ийн 206 тоот өрөөнд хүлээн авах юм байна. Түүнчлэн бүртгэлийн хураамж дөрвөн мянган төгрөг бөгөөд э-майл болон факсаар бүтээл авахгүй хэмээн анхааруулжээ. Наадамд оролцох найрагчид зөвхөн энэ онд бичсэн хоёр шүлгээ бүртгүүлэх аж.

Эгшиглэнт эхийн хишигт яруу найрагчийг тодруулах “Болор цом-36” наадмын тов хараахан гараагүй бөгөөд Дорноговь аймагт зохион байгуулахаар төлөвлөжээ.

Улсын драмын эрдмийн театрын энэ сарын үзвэрийн хуваарийг танилцуулж байна. УДЭТ-ын хамт олон энэ сарын 8-нд 18:00 цагт Э.Оюуны “Би эндээс явахгүй” уянгын драмын жүжиг, 20, 21-нд 19:00 цагт, 22-нд 18:00 цагт У.Шекспирын “Ромео, Жульетта” сонгодог жүжгийг үзэгчдэд хүргэх аж.

Сонирхуулахад, тус театрын хамт олон 2018-2019 оны үзвэрийн жилийн нээлтээ өнгөрсөн сард Америкийн алдарт зохиолч К.Людвигийн “Оддын өвчин” инээдмийн жүжгээр нээсэн билээ.