Төрийн соёрхолт, хөгжмийн зохиолч Ц.Нацагдоржийн 65 насны ойн арга хэмжээний хүрээнд “Гүн гэрийн гүнж” дуурийг маргааш УДБЭТ-ын тайзнаа толилуулна.
Тус театрт Ц.Нацагдоржийн энэхүү үндэсний шинэ дуурь өнгөрсөн сарын 5, 6-нд нээлтээ хийсэн юм. Уг дуурийн хөгжмийг Ц.Нацагдорж, цомнолыг Төрийн соёрхолт, СГЗ Д.Төрбат, Т.Зөнбилиг нар бичжээ.
Энэхүү 3 бүлэг 5 үзэгдэл бүхий дуурийн үйл явдал нь манай тооллын өмнөх 50-иад оноос 30-аад онд Хүннү гүрний үед болсон бодит түүхийг өгүүлнэ. Дуурийг доктор Л.Эрдэнэчимэгийн “Нүүдэлчний цуурын арван найман аялгуу буюу гүнгэрийн авхай” судалгааны ажлаас сэдэвлэн бүтээжээ.
МУГЖ, Зууны манлай эстрадын дуучин, поп хатагтай Б. Сарантуяагийн урлагийн тайзнаа дуулсаны 30 жилийн ой энэ жил тохиож байна. Фэнүүддээ үргэлж уран бүтээлийн бэлгээ барьдаг поп хатагтай энэ жил ганзага дүүрэн байна. Өнөөдөр Поп хатагтай Б. Сарантуяа сэтгүүлчидтэй халуун дулаан яриа өрнүүлэн , уран бүтээлийн сонин сайхнаас хуваалцлаа. Өнгөрсөн жил Поп хатагтай Б. Сарантуяа Сэхүүн салхи тоглолтоо төрсөн өдрөөрөө фэнүүддээ зориулж бэлэг барьж байсан бол энэ сарын 19, 20 нд өөрийнхөө төрсөн өдрийн тоглолтыг хийх гэж байна. Энэхүү тоглолт СТӨ-нд 19:00 болно. Тоглолтонд ирсэн хүн бүрт G.MOBLE-ийн дугаар бэлэглэхээс гадна , тоглолтондоо янз бүрийн гэнтийн бэлэг барих гэнэ. Урлагийн тайзнаа гялалзаж яваа поп хадагтай Б.Сарантуяа маань 30 жилийн ой тоглолтоо ирэх 9-р сард болох юм. 
Монгол улсын Филармоноос энэ дөрөвдүгээр сард “Их хотын хэмнэл”
Улсын Драмын Эрдмийн Театрын уран бүтээлчид энэ сард У.Шекспирийн
Монголын уран нугараачид “Гиннесийн ном”-д бүртгүүлэхээр ажиллаж байна. Тодруулбал, ирэх наймдугаар сарын наймдугаар сарын 6-ны өдөр Чингисийн талбайд 350 уран нугараач зэрэг нугарч, “Гиннес”-ийн номонд бүртгүүлэхээр зэхэж байгаа аж. Одоогийн байдлаар Улаанбаатар болон орон нутагт байдаг уран нугаралтын студи, дугуйлангийн сурагчид дунд шалгаруулалт явуулж байгаа бөгөөд удахгүй тэд нэгдсэн бэлтгэлдээ орох юм байна.
Монголын загварын ертөнцийн сайхан бүсгүйчүүдийн нэг мисс, топ модель Х.Бадамгэрэл нэлээд хэдэн сарын өмнө Арабын нэгдсэн Эмират улсын Дубай хотноо зохион байгуулагдсан загварын долоо хоногт амжилттай оролцоод ирсэн. Дэлхийн шилдэг загвар зохион бүтээгчид чуулсан энэхүү шоуны үеэр зохион байгуулагчид нь Х.Бадамгэрэлийн ур чадварыг ихээхэн онцолж байсан бөгөөд түүний ковер зургийг сурталчилгааныхаа нүүр царай болгосон гэдэг.
УДБЭТ энэ амралтын өдрүүдэд “Дөрвөн өнгө” цоо шинэ балетын шоу тоглолтыг тавих гэж байна. Энэхүү тоглолтоор жилийн дөрвөн улирлын өнгийг дөрвөн балетмейстер өөр өөрсдийн бүтээлийн өнгө, арга барилаар тоглох аж. Тоглолтод үндсэн нэг өнгийн тайзан дээр гэрлийн олон талт эффект, дуу, шумны өвөрмөц онцлогийг ашиглах бөгөөд дөрвөн улирлын өнгө төрхийг харуулсан шийдлүүд нар, цас, бороо, салхийг мэдрүүлэх аж. Балетын гоцлол жүжигчин, СТА Г.Батчимэг хөгжмийн зохиолч Эдвард Григийн “Өглөө” аялгууг сонгосон бол ерөнхий балетмейстер, СТА Б.Жаргал хаврын улирлыг Антонио Вивалдигийн алдарт “Дөрвөн улирал” сонатаар үзүүлэхээр сонгожээ. Гоцлол жүжигчин, СТА Э.Эрдэнэжаргал Николас Жаар хэмээх шинэ залуу хөгжмийн зохиолчийн бүтээлээр зуны дэлгэр цагийг илэрхийлнэ.Намрын улирлыг балетын хөтлөх найруулагч Н.Чинзориг Сергей Рахманиновын Төгөлдөр хуурын II симфонийг неоклассик балеттай зохицуулан цоо шинэ бүтээл туурвижээ.
Монгол улсын төрийн соёрхолт, хөгжмийн зохиолч Ц.Нацагдоржийн мэндэлсний 65 жилийн ойг тохиолдуулан түүний гарын шавь нар, мөн хамтран ажиллаж, уран бүтээлээ туурвих явцдаа түүнээс цаг ямагт суралцаж явсан багш шавийн барилдлагатай эрхэм дотны нөхөд, “Нацагдорж сан”-гийн санаачлагаар 2016 оны 04 дүгээр сарын 02-09-ний өдрүүдэд их багшийн хөгжмийн бүтээлүүдийг СУИС, УДЭТ, ҮДБЭЧ, УДБЭТ, Улсын филармони, МХЗХ, ХЦДБЭЧ, Хөгжим Бүжгийн Коллежийн тайзнаа амилуулж, үзэгч түмэндээ толилуулж байна.