Category: соёл-урлаг

Улсын драмын эрдмийн театрын хамт олон Хүүхэд багачуудынхаа хүмүүжил, мэдлэг оюунд нь хөрөнгө оруулалт хийх зорилгоор Олон улсын хүүхдийн эрхийг хамгаалах өдрийг угтан “Хүүхдийн жүжгийн өдрүүд”-ээ зарлаж байна.

Тоглолтын хөтөлбөрт: С.Михалков “Бардам туулай”. Т.Габбе “Үнсгэлжин”, Д.Содномдорж “Норовын намтар” зэрэг УДЭТ-ын хүүхдийн шилдэг уран бүтээлүүдээ тоглох гэж байна.

• Тавдугаар сарын 30-нд 11:00 цагт С.Михалков “Бардам туулай” мюзикл инээдмийн жүжиг
• Тавдугаар сарын 31-нд 11:00 цагт Т.Габбе “Үнсгэлжин” инээдмийн жүжиг
• Зургаадугаар сарын 01-нд 11:00 цагт, 14:00 цагт Д.Содномдорж “Норовын намтар” мюзикл инээдмийн жүжиг тоглогдох болно.

Тасалбарын үнэ: 10.000 төгрөг, Бэлэгтэй 20.000 төгрөг

ЖИЧ: Байгууллага, анги хамт олноороо захиалга өгвөл хөнгөлөлттэй

Тасалбар: Драмын театрын кассаар

Онлайн захиалга: easyticket.mn

Үнэгүй хүргэлт: 1900-1188

Дэлгэрэнгүй мэдээллийг: 99026929, 89403070, 99199794, 95469964

Энэ өдөр Соёлын тэргүүний ажилтан жүжигчин Л.Сөрөлт, дуучин А.Түмэн-Өлзий нарын “Хайрын тэнгэр диваажин” уран бүтээлийн тоглолт болно. Дуучид тоглолт үзэхээр ирсэн азтай нэг үзэгчид 25 сая 800 мянган төгрөгийн эрхийн бичиг гардуулах юм.

Тус хоёр дуучин өнгөрсөн оны аравдугаар сард “Хайрын тэнгэр диваажин” тоглолтоо “Монгол бөхийн өргөө”-нд тоглож байсан. Энэ удаад Эх үрсийн баярт зориулан дахин тоглохоор болжээ. Тоглолтод ирсэн азтай нэг үзэгчийг тодруулж “Алтан сан” хорооллын 2 өрөө байрны урьдчилгаа 30 хувийн эрхийн бичгийг гардуулах аж. Шагналыг шууд гардуулах тул тоглолт үзэхээр ирэхдээ бичиг баримттайгаа ирэхийг сануулж байгаа юм.

Энэ талаар СТА, жүжигчин Л.Сөрөлт “Тоглолтыг амралтын өдрөөр тааруулж тоглохыг уран бүтээлчид боддог. Бид хоёр тэгсэнгүй. Нэг дахь өдөр онцолж тоглож байгаа юм. Үүгээрээ бид ашиг олох гэж олон дахин тоглоод байгаа юм биш шүү гэдэг санааг илэрхийлэхийг хүссэн. Бид өөрсдөө залуу хүмүүс. Тийм учраас нэг ч гэсэн залуу гэр бүл насан туршын үл хөдлөх хөрөнгө буюу орон сууцтай болоосой гэдэг үүднээс “Алтан сан” хороололтой жилийн гэрээ байгуулж 2 өрөө байрны эрхийн бичгийг азтай нэг үзэгчид тоглолтын тайзнаа шууд гардуулахаар болоод байна” хэмээсэн.

Тус компаниас азтанд байрны урьдчилгаа 30 хувь болох 25 сая 800 мянган төгрөгийн эрхийн бичгийг олгох аж. Эрхийн бичгийг гардсан азтан үлдэгдэл 70 хувийг банкны зээлээр эсвэл бэлнээр төлөх юм байна.

“Хайрын тэнгэр диваажин” тоглолт энэ өдрийн 19.00 цагт “Бөхийн өргөө”-нд болно.

Төрийн шагналт, Урлагийн гавьяат зүтгэлтэн, Чингис хааны одонт хөгжмийн зохиолч, Б.Шарав өөрийн уран бүтээлийн “Тэнгэрийн орон” тоглолтыг толилуулахаар болжээ.

Хөгжмийн зохиолчийн тоглолтыг Хэнтий аймгийн нутгийн зөвлөлөөс санаачлан зохион байгуулж буй юм байна. Тоглолт нь хөгжмийн зохиолчийн “Аав ээж хоёр минь” тоглолтын шинэ гарсан DVD болон “Сэрсэн тал” цомгийн нээлт бөгөөд мэргэжлийн дуучин, хөгжимчид оролцохоор онцлогтой аж.

Тоглолтод АЖ А.Долгор, МУГЖ Д.Жаргалсайхан, МУГЖ Г.Эрдэнэбат, МУГЖ Ц.Түвшинтөгс, МУГЖ Б.Сарантуяа, МУГЖ Т.Ариунаа, МУГЖ Х.Лхагвасүрэн, МУГЖ Ө.Уянга, МУГЖ Э.Амартүвшин, МУСТА Б.Эрдэнэтуяа, МУСТА С.Наран, МУСТА О.Хүрэлбаатар, МУСТА Ч.Энхтайван, МУСТА Н.Анхбаяр, МУСТА Б.Гомбо-Очир, МУСТА Э.Төрмандах зэрэг дуучин оролцох нь ээ. Түүнчлэн “Voice” , “Увертюра” зэрэг хамтлаг орох юм байна.

“Тэнгэрийн орон” уран бүтээлийн тоглолт энэ сарын 27-нд 19.00 цагт “Соёлын төв өргөө”-нд болно.

Монголын Үндэсний Кино Урлагийн Академаас зохион байгуулдаг “Академи
Авардс” наадам ирэх сард болно. Үүнтэй холбогдуулан Кино урлагийн
академийн тэргүүн Б.Цогтбаяр, Урчуудын эвлэлийн дарга Б.Төмөрбаатар,
Ардын жүжигчин, МУСГЗ, кино найруулагч Г.Жигжидсүрэн нар мэдээлэл
хийлээ.

Тус академи нь, академийн дээд шагнал гардуулах ёслол хүндэтгэлийн
ажиллагааг сүүлийн 5 жил уламжлал болгон зохион байгуулсаар ирсэн. Энэ
удаад 6 дахь жилдээ кино урлагийн салбар дахь ололт амжилтыг 17
номинацаар шалгаруулж, Академийн шагналыг гардуулах юм байна. Наадамд
өрсөлдөх бүтээлийн бүртгэл эхэлсэн бөгөөд “Хувьсал” продакшны бүтээл
“Атганд үлдсэн эрдэнэ” уран сайхны кино 15 номинацаар наадамд
өрсөлдөхөөр бүртгүүлээд байгаа ажээ.

• Шилдэг кино Best Picture
• Шилдэг эрэгтэй дүр Leading role actor
• Шилдэг туслах эрэгтэй дүр Supporting role actor
• Шилдэг эмэгтэй дүр Leading role actress
• Шилдэг туслах эмэгтэй дүр Supporting role actress
• Шилдэг найруулагч Directing
• Шилдэг зураглаач Cinematography
• Шилдэг зураач Art direction
• Шилдэг хөгжим Music original score
• Шилдэг дуу Music original song
• Шилдэг монтаж Film Editing
• Шилдэг дууны найруулагч Sound Editing
• Шилдэг зохиол Writing screenplay
• Шилдэг дүрсний эффект Visual effects
• Шилдэг нүүр будалт Make-up and hairstyle
• Шилдэг баримтат кино Documentary (feature)
• Шилдэг хөрөнгө оруулагч Best investor

Энэ жилийн наадмын шүүгчдийн бүрэлдэхүүнд Монголын Зохиолчдын эвлэл,
Урчуудын эвлэл, Хөгжмийн зохиолчдын холбоо зэрэг мэргэжлийн урлагийн
байгууллага багтаж буйгаар онцлог аж. Шагнал гардуулах ёслолын ажиллагаа
зургаадугаар сарын 3-ны 17.30 цагт “Их тэнгэр цогцолбор”-т болох юм
байна.

Монголын хүүхдийн зохиолчдын холбооноос хүүхдийн уран бүтээлийн шилдэг ном, бүтээл шалгаруулах “Болор сарнай” наадмыг ирэх 6 дугаар сард зохион байгуулахаар болжээ. Яруу найргийн “Болор цом”, үргэлжилсэн үгийн “Алтан өд” гэх зэрэг томчуудад зориулсан наадам байхаас хүүхдэд зориулсан уран бүтээлийн наадам огт байгаагүй юм.

Иймээс Монголын хүүхдийн зохиолчдын холбооноос санаачлан анх удаа хүүхдийн шилдэг уран бүтээл шалгаруулах “Болор сарнай” наадмыг зохион байгуулахаар болжээ. Эл наадамд 2015 онд хүүхдэд зориулагдан туурвигдсан бүтээл байх бөгөөд шүлэг, яруу найргийн ном, үргэлжилсэн үгийн зохиол, шүүмж судлалын бүтээл гэх төрөл зүйлээр уран бүтээлчид өрсөлдөх юм байна.

Өрсөлдөх бүтээлүүдийг 05-р сарын 25-ны 16 цаг хүртэл Д.Нацагдоржийн нэрэмжит Улаанбаатар хотын нийтийн төв номын сангийн харьяа Баянзүрх дүүрэг дэх салбар номын сангийн байр (Баянзүрх дүүрэг, 12-р хороолол, 58-р байр. Утас: 99172843)-нд хүлээн авах ажээ.

Өмнөд Солонгосын Сөүл хотноо өнгөрсөн
сарын 26-наас энэ сарын 13-ны хооронд зохион байгуулагдсан “Miss
Supertalent Of The World” буюу “Дэлхийн авъяаслаг мисс”-ийн тэмцээнд эх
орноо төлөөлөн оролцсон “Шилмэл загвар” агентлагийн модель, мисс
А.Сайхантамир “Дэд байр”-ын шагналыг хүртсэн байна.

40 гаруй улсын мисс оролцсон тус
тэмцээнээс А.Сайхантамир монгол уртын дуу, үндэсний ёочин хөгжмийн
үзүүлбэрүүдээр оролцсон бөгөөд эдгээр нь шүүгчдээс хамгийн өндөр
үнэлгээг авчээ.

Тэмцээний тэргүүн байранд Чех улсын мисс
тодорсон бол гутгаар байранд Пакистаны мисс орсон байна. “Дэд байр”-ын
эзэн мисс А.Сайхантамир нь “Буриадын мисс” тэмцээний тэргүүн байр,
“Манжуурын мисс” тэмцээний гуравдугаар байрт шалгарч үндэсний хувцас
болон тусгай шагналыг хүртсэн юм.

Б.ГЭРЭЛ

“Эдүгээчилсэн Монгол кино” төслийн
бүтээл “Өнөр бүл, өнөө цагт” уран сайхны кино энэ сарын 15-нд буюу
өнөөдөр 14:00 цагт “Өргөө”, 17:00 цагт “Тэнгис” кино теарт абан ёсны
нээлтээ хийх гэж байна.

Энэхүү киног “Hulegu Pictures”, “Монгол кино нэгтгэл” хамтран бүтээж байгаа юм.

Тэд тэртээ 36 жилийн өмнөх Монголын нийгэм, залуусын хайр дурлал, хүн
чанар, хүнлэг сэтгэлийг маш урнаар дүрсэлж бидний сэтгэл зүрхэнд
хоногшуулж чадсан гайхалтай бүтээлийг ‪эдүгээчлэн дахин бүтээснээ ийнхүү үэзгчдэдээ дэлгэх нь ээ.

Киноны гол дүрд “Мөрөөдлийн театр”-ын жүжигчин Д.Баттөмөр буюу Батаа,
Б.Болормаа, Ардын жүжигчин Г.Мягмарнаран, дүрүүдэд Ардын жүжигчин
Д.Мэндбаяр, Гавьяат жүжигчин Ж.Оюундарь, Л.Дэмидбаатар, Ш.Алтанцэцэг,
жүжигчин О.Долгор, Э.Ууганбаяр, Б.Одончимэг, Соёлын гавьяат зүтгэлтэн
Ш.Гүрбазар нар тоглосон байна.

Энэ цагийн “Өнөр бүл”-д үйл явдал хэрхэн өрнөхийг бүх кино театруудын дэлгэцнээс тольдоорой.

Улсын драмын эрдмийн театрын уран бүтээлчид 85 дахь үзвэрийн жилийн нээлтээ өнгөрсөн сарын 12-нд Уильям Шекспирийн “Ромео Жульетта” сонгодог жүжгээр эхэлсэн билээ. Тэгвэл энэхүү жүжгийг үзэгчдийн хүсэлтээр дахин тоглохоор болсон байна.

Тодруулбал, өнөөдөр 18:00 цагт, маргааш 17:00 цагаас тоглохоор болжээ.

Монголын театрын тайзнаа гурав дахь удаагаа Төрийн соёрхолт, найруулагч Н.Наран­баатарын цоо шинэ дэг тавилтаар амилж байгаа жүжгийн гол дүрүүдэд залуу жүжигчдийг тоглуулж байгаагаараа ихээхэн онцлог болж буй. Энэ удаа Ромеогийн дүрд Б.Шинэбаяр, Жульеттагийн дүрд О.Дөлгөөн нар тоглож байна.

1966 онд анх Монголын театрын тайзнаа “Ромео Жульетта” жүжиг С.Гэндэн найруулагчийн найруулгаар Хүүхэд залуучуудын театрт тавигдаж, Ромеогийн дүрд жүжигчин У.Готов агсан, Жульеттагийн дүрд жүжигчин Б.Энхтуяа нар тоглож байсан юм. Харин 30 жилийн дараа 1996 онд найруулагч Ч.Найдандорж мөн Ч.Чимид гуайн орчуулгаар, яг зохиолын дагуу сонгодог хэлбэрээр нь тавьж гол дүрд жүжигчин О.Гэрэлсүх, Г.Алтанбагана, И.Одончимэг, Г.Урнаа нар тоглосон билээ. Харин энэ удаад Х.Мэргэн гуайн орчуулгаар тавьж буйгаас гадна Уильям Шекспирийн зохиолыг бага зэрэг “эвдэж”, зөвхөн агуу хайрын түүхийг бус өнөөгийн нийгмийн гажуудал, хүмүүсийн зан байдал, шунал хүсэл, үнэт зүйлийн хэмжүүрийг харуулахыг зорьсноороо онцлог гэдгийг уран бүтээлчид нээлтийн үеэр хэлж байсан юм.

Улсын Дуурь Бүжгийн Эрдмийн Театрын уран бүтээлчид Э.Чойдогийн “Шарилжин дундах цэцэг” Римский Корсаковын “Шехерезада” балетыг энэ амралтын өдрөөр тоглох гэж байна.

“Шехеразада” балетыг анх 1963 онд манай улс театрын тайзнаа тавьсан. “1001 шөнийн үлгэр” зохиолоос сэдэвлэсэн эл балетад зах хязгааргүй их далайн дунд хугархай шураг дээр үхэлтэй тэмцэн хөвж буй зоригт Синдбад далайчны амьдралыг харуулдаг. Балетын гол дүрд Синдебад – Х.Мөнгөнхөлөг /СТА/, Гульнера – Ч.Ганчимэг /МУГЖ/, цэргийн тэргүүн – О.Ганцоож /СТА/, балетын жүжигчид оролцон тоглож УГЗ Н.Туулайхүү удирдана.

Харин Э.Чойдогийн “Шарилжин дундах цэцэг” хэмээх нэг бүлэг гурван үзэгдэлт балетын гол дүрд Урангоо /Үзэсгэлэнт бүсгүй/-О.Анужин, Галт /Урангоогийн сэтгэлт залуу/ -М.Од /СТА/, Ширүүнгарьд / Залуу дайчин /-А.Билгүдэй, Ёмбо /Ширүүнгарьдын туслах/ -А.Эрдэнэболд нар тоглох аж. Энэхүү балетын эхэнд олон жилийн өмнө нас эцэслэсэн хоёр баатрын булш харагдана. Булшны нэгэн дээр цэцэг, нөгөө дээр нь шарилж ургасныг харуулж үзэсгэлэнт Урангоо бүсгүй эхний булшны дэргэд гуниглан зогсож буйгаар үйл явдал цааш өрнөдөг.

Эл хоёр балетыг энэ сарын 14, 15-нд 17.00 цагт УДБЭТ-т тоглоно.

Монгол Улсын гавьяат жүжигчин Д.Сосорбарам энэ сарын 29-нд Японоос нэр хүндтэй шагнал хүртэх гэж байна. Тодруулбал, Японы “Никкэй” сонины газраас “Nikkei Asia Prize”шагналыг МУГЖ Д.Сосорбарамд гардуулахаар болжээ. Нэр хүндтэй энэхүү шагналыг тус сонины албанаас жил бүр Азийн бүс нутгийн хөгжил дэвшилд онцгой хувь нэмэр оруулсан эдийн засаг, бизнесийн инноваци, шинжлэх ухаан, технологи, соёл, нийгмийн салбараас тус бүр нэг хүнийг онцлон олгодог байна. Тэгвэл энэ удаагийн соёлын салбарыг Монгол Улсын иргэнд анх удаа олгож байна.