МЗЭ-ийн салбар, УБТЗ-ын дэргэдэх Утга зохиолын нэгдлээс “Ган зам” сонинтой хамтран жил бүр уламжлал болгон зохион байгуулдаг “Ган үзэг-2016” яруу найргийн наадам болох гэж байна. Энэхүү наадам нь эх сайхан монгол хэл, уран яруу найргаараа дамжуулан эх орон, төмөр замын аж амьдралыг хойч үедээ таниулан сурталчилах зорилготой билээ. Яруу найрагчид эх орон, төмөр зам, чөлөөт гэсэн сэдэвтэй гурван шүлгээр оролцох боломжтой. Наадам өнөөдөр 18.00 цагаас Соёлын ордонд болно.
О.ӨНӨР
Нийслэлийн Засаг дарга асны санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж, “Алдрын од” гардуулах ёслолыг жил бүрийн долдугаар сарын 30-ны өдөр зохион байгуулж байхаар болсон билээ. Энэ жилийн “Алдрын од”-ын эзнээр Харанга хамтлагийг тодруулсан байна. Өчигдөр нийслэлийн Засаг дарга бөгөөд Улаанбаатар хотын Захирагч С.Батболд “Алдрын Од” хүндэтгэлийн зүүсгэлийг нь гардуулан өгч, Харанга хамтлагийн хүндэтгэлийн самбарыг СТӨ-ний хажууханд байршуулжээ.
Монголын рок поп хөгжмийн загалмайлсан эцэг, ардчилсан хувьсгалтай мөр зэрэгцэн Монголын урлагт хувьсгал хийж чадсан домогт “Харанга” хамтлаг байгуулагдаад өдгөө 27 жилийн нүүрийг үзсэн байна. Хамтлаг байгуулагдсан түүх гэвэл 1977 онд ардын армид байхдаа хоорондоо танилцаж “Соёмбо” хамтлагт хамт тоглох болсон байдаг. Ингээд 10 гаран жил хамтдаа тоглож байгаад цэргээс халагдаж 1989 онд Драмын театрын дэргэд “Харанга” хамтлагийг байгуулжээ. Ц.Энхманлай 1988 оны сүүлээр Р.Мөнхсайхантай уулзаж хамтлаг байгуулах санаатай байгаагаа хэлжээ. Тэр үед Драмын театрт ажилладаг байсан Мөнхсайхан түүнийг театрын дарга МУАЖ Н.Сувдтай уулзуулсан байна. Ц.Энхманлай түүнд хамтлаг байгуулах хүсэлтэй байгаагаа илэрхийлж Ардын дуу бүжгийн чуулгын дэргэд “Соёл Эрдэнэ” хамтлаг байгуулагдсан байхад драмын театрын дэргэд яагаад рок хамтлаг байж болохгүй гэж хэмээн ятгажээ. Гэтэл энэ уулзалтаас долоо хоногийн дараа театрын зүгээс хамтлаг байгуулахыг зөвшөөрсөн хариу өгсөн байна. Ийнхүү “Харанга” хамтлаг 1989 оны эхээр үндэс сууриа тавьсан юм. Эхэндээ гоцлол гитарчин, дуучнаар Ц.Энхманлай, аргил гитарчнаар Я.Одсүрэн, бөмбөрчнөөр Н.Пүрэвдаш, даралтат хөгжимчнөөр Х.Булган нар тоглож байв. Энэ бүрэлдэхүүн удалгүй өөрчлөгдөж Х.Булган хамтлагаас гарч “Соёл Эрдэнэ” хамтлагт орж армиас халагдаж байсан Ц.Чулуунбатыг хамтлагтаа авчээ. Эхэндээ түүнийг тонмейстерээр хамтлагтаа авах гэж байгаад Х.Булганыг гарсны дараа даралтат хөгжимчнөөр авах санал тавьсан байна. Харин Ц.Чулуунбат аргил гитарчин байсан тул хоорондоо ярилцаж байгаад Я.Одсүрэн хэмнэлт гитарчин болж, Ц.Чулуунбат аргил гитараа тоглох болжээ. Удалгүй дуучнаар “Соёмбо”-д хамт тоглож байсан Х.Лхагвасүрэнг авснаар үндсэн бүрэлдэхүүн тогтсон түүхтэй. Анхандаа хамтлаг нэргүй байсан гэдэг. Драмын театр, Ардын дуу бүжгийн чуулгын уран бүтээлчид дунд нэрийн уралдаан зарласан байна. “Улаанбаатар”, “Бат хаан” зэрэг нэрийн саналууд ирснээс Ардын дуу бүжгийн чуулгын бүжигчин Д.Сүхбаатарын санал болгосон “Харанга” хэмээх нэрийг сонгож байжээ. Хамтлагийн ажил жигдэрч, уран бүтээлдээ шаргуу орсон тэд өмнө нь зохиосон болон шинээр зохиосон 12 дуутай тоглолт хийхээр болж хамтлагийн ахлагч Ц.Энхманлайгийн “Амьдрал” дуугаар тоглолтоо нэрлэжээ. Тоглолт 1989 оны аравдугаар сарын 26-нд тоглохоор товлогдож, тухайн өдрийнхөө 15:00 цагт Соёлын яамны коллегиор орсон байдаг. Коллегийн бүрэлдэхүүнд жүжгийн нэрт зохиолч МУАЖ, МЗЭ шагналт Э.Оюун, АУЗ, МЗЭ шагналт Ш.Сүрэнжав зэрэг Монголын урлаг соёлын алдартай эрхмүүд байв. Коллегийнхон удтал хуралдсаны эцэст Э.Оюун “Ай даа хүний амьдрал эгэл жирийн боловч энэхэн биедээ багтахааргүй их хүслийн далай юм даа… гэж энэ хүүхдүүд мөн ч сайхан хэлсэн байна шүү. Хүүхдүүдийг тоглуулъя” гэж хэлснээр тоглолт тавих эрхийг өгчээ. Ингэж “Харанга” хамтлаг Соёлын яамны коллегиор орж ширүүн шүүмжлүүлж, хатуу шүүлтүүрээр шигшигдсэн сүүлчийн хамтлагуудын нэг болсон түүхтэй. Коллегийн хурал дөнгөж дуусаад тасалбараа зарж эхлэхэд 30 минутад бүх тасалбар зарагдаж дууссанаар ямархуу чансааны хамтлаг гэдгээ харуулж чаджээ. Анхны бие даасан тоглолт болох “Амьдрал” тоглолтыг тухайн үед үзэж байсан сонсогч фэнүүд нь одоог хүртэл мартаагүй биз ээ. Харанга” хамтлаг одоог хүртэл шинэ уран бүтээлээрээ болоод хуучны мартагдашгүй сэтгэлд хоногшсон дуунуудаа сонсогч фэнүүддээ хүргэсээр буй. 70,80-аад оны хүмүүсийн цэл залуу насандаа ид сонсож өссөн домогт “Харанга” хамтлаг 2009, 2011 онуудад Монгол орноо бүтэн тойрч, тоглолт хийсэн. Герман улсад хэвлүүлсэн “Эрин зууны хөг”, “Best of” цомгуудыг “Daimler-Chrysler” болон “Siemens Nixdorf” компаниуд спонсорлож хэвлүүлж байжээ. Мөн “Бодлын тэнгис” (2000), “Ертөнцийн өнгө” (2003), “Special Edition Gold” (2007), гэсэн цомог гаргасан байна. “Харанга” хамтлагийн сэтгэл хоногшсон сайхан дуунуудаас дурьдатгал болговол “Зөвхөн Монголдоо”, “Замд гаръя”, “Энэ бол дурлал биш”, “Энх Тайван”, “Хилэнцэт харц”, “Манан”, “Он жилүүд”, “Эргэх учрал” зэрэг олон дууг нэрлэж болно.
1991 онд “Дэлхий ертөнц”,1993 онд “Миний рок”,1994 онд хамтлагийн таван жилийн ойн тоглолтууд,1995 онд “Тэртээх өдрүүд”,1998 онд “Эрин зууны хөг”,1999 онд “Сэтгэлд шингэсэн дуунууд”,1999 онд 10 жилийн ойн тоглолт, 2003 онд “Ертөнцийн өнгө”, 2004 онд 15 жилийн ойн тоглолт, 2009 онд 20 жилийн ойн тоглолтууд, 2011 онд “Амьдрал 2” зэрэг амьд тоглолтуудаа ард түмэндээ хүргэсэн байна.
“Авьяаслаг монголчууд” тэмцээнд маш амжилттай оролцож, өөрсдийн чадвар, мэдрэмжээрээ олонд танигдсан гайхамшигтай хөгжимчин Х.Бархүү, Б.Мягмарцэрэн нарын бие даасан анхны тоглолт болох гэж байна. Тэд тоглолтоо өнөөдөр буюу долдугаар сарын 31-ний орой 20:00 цагаас цэнгэлдэх хүрээлэнгийн усан онгоц дээр зохион байгуулахаар болжээ. Энэхүү гайхамшигтай залуустай хөгжмийн тансаг аялгууг хамт мэдрэхийг хүсвэл та цэнгэлдэх хүрээлэнг зориорой. Тоглолтын тасалбар 20.000 төгрөг. Хэрэв та тасалбар, болон ширээгээ урьдчилан захиалахыг гэвэл 99707387 утас руу залган, мобайл банкаар мөнгөө шилжүүлэд л болох ажээ.
“Найрсаг Улаанбаатар” хөтөлбөрийн хүрээнд нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж, “Алдрын од” гардуулах ёслолыг жил бүрийн 7 сарын 30-ны өдөр зохион байгуулахаар шийдвэрлэсэн.
Энэ жилийн “Алдрын од” одонг Харанга хамтлаг хүртэхээр болсон бөгөөд 7 дугаар сарын 30-ны 13:00 цагт тус хамтлагын гишүүдэд “Алдрын Од” одонг нь гардуулж өгөх юм.
Харин орой нь 21:00 цагаас Харанга хамтлагт хүндэтгэл үзүүлэх “Алдрын хүндэтгэл” шоу тоглолт Их эзэн Чингис хааны нэрэмжит талбайд болно.
Тоглолтыг Нийслэлийн Соёл урлагийн газар хариуцан зохион байгуулж, ерөнхий найруулагчаар хөгжмийн зохиолч, хөгжмийн найруулагч, продюсер Н.Халиун ажиллаж байна.
Тоглолтын үеэр Харанга хамтлаг өөрсдийн сор болсон уран бүтээлүүдээ толилуулахаас гадна рок попын бүх одод Харанга хамтлагт хүндэтгэл үзүүлж тоглолтод оролцоно.
Алдрын хүндэтгэл тоглолтыг UBS телевиз шууд дамжуулнагэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Монгол улсын төрийн шагналт, Ардын жүжигчин, Хөдөлмөрийн баатар, Зууны манлай уртын дууч Н.Норовбанзадын нэрэмжит уртын дуучдын Олон улсын анхдугаар уралдааныг зарлажээ. Учир нь энэ жил Монгол Улсын Төрийн шагналт, Ардын жүжигчин, Хөдөлмөрийн баатар, Зууны манлай уртын дууч Намжилын Норовбанзадын 85 насны ой тохиож байгаа аж. Тиймээс Монгол Улсын Соёл урлагийн их сургууль Норовбанзад сан болон Монголын уртын дууны холбоотой хамтран Зууны манлай уртын дууч Н.Норовбанзадын нэрэмжит уртын дуучдын Олон улсын анхдугаар уралдааныг ирэх есдүгээр сарын 8-10-ны өдрүүдэд Улаанбаатар хотноо зохион байгуулах гэж байна. Тэмцээнд оролцогчдын хувьд “А”, “Б” гэсэн хоёр зэрэглэлд хамрагдана. Үүнд “А” зэрэглэлд 45 нас хүртэлх мэргэжлийн дуучид болон “Б” зэрэглэлд ардын авьяастан, оюутнууд оролцох боломжтой юм. Энэхүү Олон улсын анхдугаар уралдааны бүртгэл ирэх наймдугаар сарын 5-наас эхлэх бөгөөд сарын хугацаанд Соёл урлагийн их сургуулийн байранд бүртгүүлсэн байх шаардлагатай юм байна.
“Мэргэд гарахын орон” нэрт Төвд-Монгол нэр томъёоны толь бичгийн модон бар
“ЮНЕСКО-гийн “Дэлхийн дурсамж” хөтөлбөрийн Ази номхон далайн бүсийн баримтат
өвийн жагсаалтад бүртгэгджээ. ЮНЕСКО нь улс орны баримтат өвийг улсын болон бүс
нутгийн өвийн бүртгэлд бүртгэх замаар хадгалалт хамгаалалтыг дэмжин
баталгаажуулах, ард иргэдэд өвөө хамгаалах ухамсарт ойлголтыг өгөх, гишүүн
орнуудын хамтын ажиллагаа, харилцан ойлголцлолыг хөгжүүлэх зорилготой ийнхүү
бүртгэж авдаг юм байна.
“Ялагчдын цуваа-Улаанбаатар 2016” моно жүжгийн олон улсын фестиваль наймдугаар сарын 15-19-ний өдрүүдэд Улсын драмын эрдмийн театрт болох гэж байна. Энэхүү фестивал нь “Найрсаг Улаанбаатар” хөтөлбөрийн хүрээнд Монголын моно жүжгийн төвөөс Улсын драмын эрдмийн театр, Улсын хүүхэлдэйн театр, Соёл урлагийн их сургуультай хамтран жил бүр зохион байгуулагддаг аж.
Энэхүү фестивальд Польш, Армен, Орос, Англи, Монголын уран жүжигчид оролцох ба Монгол Улсыг төлөөлж УДЭТ-ын жүжигчин, СТА Ц.Баясгалан “Би Эдит Пиаф” жүжгээрээ 15-ны 19:00 цагт оролцох бол Польшийн жүжигчин Виолета Комар “Дива” /16-ны 19:00 цагт/, Армяны жүжигчин Арам Ованнисян “Үзэсгэлэнт Ара” /17-ны 19:00 цагт/, Оросын жүжигчин Наталья Носова “Би нохой” /18-ны 19:00 цагт/, Английн жүжигчин Кэрил Свифт “Дэнгийн эрвээхэй” жүжгээ /19-ний 19:00 цагт/ толилуулах ажээ.
Монгол Улсын Засгийн газрын тогтоолоор жил бүрийн долдугаар сарын 29, 30-ны өдрийг Бүрэн эрхт байдал, чөлөөт сонгуулийн тэмдэглэлт өдөр болгохоор шийдвэрлэсэн. Энэ өдрийг тохиолдуулан өнгөрсөн жилээс эхлэн “Найрсаг Улаанбаатар” хөтөлбөрийн хүрээнд нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж, “Алдрын од” гардуулах ёслолыг жил бүрийн 7 сарын 30-ны өдөр зохион байгуулахаар шийдвэрлэсэн. Хамгийн анхны “Алдрын Од” одонг Монголын рок попын анхдагчуудын нэг Соёл-Эрдэнэ хамтлаг хүртэж, “Соёлын төв өргөө”-ний урд тус хамтлагийн “Алдрын од”-ын дурсгалын самбарыг байршуулан, “Хонхны дуу” клубээс 100 сая төгрөгөөр “Алдрын Од”-ын эздийг шагнаж урамшуулсан юм.
Тэгвэл энэ жилийн “Алдрын од”-ын эзнээр Харанга хамтлагыг тодруулсан тухай өнөөдөр Нийслэлийн Засаг дарга бөгөөд Улаанбаатар хотын Захирагч С.Батболд, Монгол Улсын баатар, Алдрын од шагналыг санаачлагч, “Хонхны дуу” клубыг үүсгэн байгуулагч Э.Бат-Үүл нар мэдээлэл өглөө.
“Алдрын од” одон хүртэх хамтлаг дуучдыг “Пентатоник” академиас шалгаруулдаг бөгөөд энэ жил Инээмсэглэл, Өргөө, Харанга хамтлагыг “Алдрын од” одонгоор шагнуулахаар нэр дэвшүүлжээ. “Алдрын Од” шагналыг санхүүжүүлэгч “Хонхны дуу” клубын гишүүдийн дунд нууц санал хураалт явуулахад Харанга хамтлаг шалгарсан байна. Харанга хамтлагт “Алдрын од” одонг 7 дугаар сарын 30-ны өдөр гардуулж өгөх бөгөөд энэ үдэш Чингисийн талбайд Харанга хамтлагт хүндэтгэл үзүүлэх шоу тоглолт болж, “Хонхны дуу” клубээс 100 сая төгрөгийг гардуулж өгөх аж.
Өнгөрсөн жилээс эхлэн Нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж эхэлсэн билээ. “Алдрын од” гардуулах ёслолыг жил бүрийн долдугаар сарын 30-ны өдөр зохион байгуулахаар шийдвэрлэсэн. Энэ жилийн “Алдрын од” одонг ямар хамтлаг, дуучинд олгохоор болсон тухай маргааш мэдээлэл өгөхөөр болжээ.
Хэвлэлийн бага хуралд Монгол Улсын баатар, “Хонхны дуу” клубийн тэргүүн Э.Бат-Үүл, Нийслэлийн Засаг дарга бөгөөд Улаанбаатар хотын Захирагч С.Батболд, Нийслэлийн Соёл урлагийн газрын дарга Б.Батцэнгэл нар оролцох юм байна.
Энэхүү арга хэмжээнд урилгаар Монгол Улсын Ерөнхийлөгч Ц.Элбэгдорж, ГХЯ-ны төрийн нарийн бичгийн дарга Д.Ганхуяг, БХЯ-ны төрийн нарийн бичгийн дарга Б.Батсайхан нар оролцохоор болсон аж.
Мөн тоглолтод МУГЖ Т.Ариунаа болон FIRE хамтлаг, Kиви хамтлаг, Colors хамтлаг, Гурван охин, Lemons зэрэг хамтлагууд оролцох юм байна.