Category: соёл-урлаг

Урд зүгээс нэгэн шар могой Монголыг зорин иржээ. Тэр могой аварга биетэй бөгөөд наранд гялалзсан сайхан шар хайрстай. Бас уурлахаараа цав цагаан өнгөтэй болдог. Энэ могой алс холын тэр нутгаас Монголыг зорьсны учир юу юм бол доо. Гүн цэнхэр далай, өндөр уулсыг даван хүний нутгаас монголын талд юуны учир ингэж их хөлс хөдөлмөр гарган ирэв.

Учирыг өгүүлбээс энэхүү могой нэгэн шулмын зараалаар иржээ. Түүнийг өмнөд нутгийн нэгэн хар уулын шулам илбэдсэн бөгөөд Монголд байгаа нэгэн бүсгүйг хорлуулахаар явуулжээ. Ингээд могой явсаар байгаад монголын хилээр давж орж ирлээ. Уулын оройгоор гулсах түүний биеийг алсаас ч харж болохоор тийм сүртэй могой байв. Могой урд төрөлдөө нэгэн хааны хатны үнэнч туслах байсан бөгөөд түүнтэй үй зайгүй найзууд байжээ. Хатан өглөө бүр могойгоо эрхлүүлэн тоглож цэцэрлэгт хамт зугаалан могой ч өндөр өндөр моддыг сүлжин хатныг зугаацуулдаг байжээ.

Хаан тэрхүү могойг зулзага байхад нь алсын аян дайнд мордож ирэхдээ бэлэг болгон авчирч өгчээ. Хааныг нэгэн удаа аян дайнд явсан хойгуур хатанд хор уулган түүнд атаархаж явдаг бага хатан нь хорлосон байв. Энэхүү мэдээг сонсоод хаан маш ихээр гуниглаж хөөрхий хатныг хамгаалж чадсангүй гэж могойг хэдэн хэсэг тасчин хаяжээ. Могой ч эзнээ алдсандаа маш их гунигласан бөгөөд өөрийгөө маш ихээр буруутгажээ. Харин хатан дараа төрөлдөө монголын нэгэн жирийн айлын охин болон төрсөн бөгөөд тэрээр урд насныхаа амьдралыг огтхон ч санадаггүй байлаа.

Гэхдээ хатныг үхэхэд нь нэг зөнч түүнийг хүүгийнхээ хүү болон мэндэлж гурав дахь үедээ эргэн ирж хаан ширээг залгажилна гэж айлджээ. Энэ тухай сонссон бага хатан хэдий хүүгээ хаан болгож бүх эрх мэдлийг аваад байсан ч дараа төрөлдөө эргэн ирж өшөөгөө авах хатныг цагаас нь эрт үхүүлж өөр төрөлд шилжүүлэхийг хүсчээ. Энэхүү хүслээ хар уулын шуламд харуй бүрийгээр очиж хэлснээр тэд хэлэлцэн тохирч таван хэсэг тасчуулсан шар могойг далайн гүнээс олж бүтэн болгож тарнидаад тэрхүү гүнжийн араас нэхүүлэхээр болжээ. Ингээд амь орсон шар могой ачлал энэрлийг нь санан шулмын хүслийг биелүүлж тэрхүү охиныг алахаар ийнхүү Монголын нутагт ирсэн нь энэ ажээ. Могой амсхийн Богд уулын энгэрт хэвтэж байв. Богд уулын савдаг хангарьди харь холоос ирсэн энэ аварга могойг хараад учрыг мэдэж эзэнд нь дохио өгөхөөр нэгэн зүүдийг илгээжээ. Тэр шөнө охины ээж нэг том шар могойг зүүдэлсэн бөгөөд охиныг нь чиглэн явааг олж харжээ. Айсандаа яахаа мэдэхээ байсан ээж нь энэ муухай зүүднийхээ учрыг асуухаар нэгэн үзмэрч дээр очлоо.

Үзмэрч 41 чулуугаа татаж үзээд : –охинд чинь аюул ойрхон байгаа нь харагдаж байна. Амь насанд нь ч халтай юм байна. Хамгаалалт хийж зүүх хэрэгтэй гээд нэгэн толийг өгчээ. Үүнийг байнга зүүж яваарай ерөөсөө биеэсээ салгаж болохгүй шүү гэжээ. Тэгээд тэр удган “Охинд чинь элдэв хий юм харагдаж зүүд нойр нь эвгүйтээд байвал над дээр дагуулж ирээрэй” гэжээ.

Ээж нь охин дээрээ ирж нөгөө толийг өгөхөд охин ихэд гайхаж

-Би энэ толиор яах юмбэ хүүхдүүд шоолно ш дээ, би ерөөсөө ийм юм зүүж чадахгүй ээ гэж цаараглаж гэнэ. Яадаг ч байсан охин минь зүүх хэрэгтэй. Ээж нь ойрд муухай зүүд зүүдлээд байна. Миний охин зүүчих л дээ, цамцныхаа цаагуур зүүчихгүй юу даа гэхэд охин ээжийнхээ сэтгэлийг бодоод зүүгээд ажилдаа явлаа. Гэвч ширээний ард тольдож суугаад нөгөө толио гэнэт санан аваад шургуулгандаа хийчихэв. Хүмүүс юу гэж бодох юм билээ, шал балай юм мухар сүсэг гэж тэрээр боджээ. Ингээд орой ажлаа тараад гэртээ харилаа. Ээж нь охиноо толио зүүгээгүй байгааг хараад бурхан минь чи яагаад толио зүүгээгүй юм бэ гэхэд

-Өө би авч тавиад мартчихаж гээд өрөөрүүгээ тоомжиргүйхэн явж оров.

Ээж нь санамсаргүй цонхоороо харвал хашаан дотор нь аварга том шар могой мушигралдан явж байлаа. Сандарсандаа утсаа шүүрч аван нөгөө удган руу утасдлаа. Та нэг хүрээд ирээч би сая аварга том могой хашаан дотор маань явж байхыг харлаа. Охин минь таны өгсөн толийг ажил дээрээ орхиод ирчихсэн байна гэхэд

• За би одоо яваад очъё, би ч гэсэн тэр аварга могойг харж байна гэж тэрээр хэлэв.
• Ингээд удган ирж тэднийд нэгэн зан үйл үйлдэхээр боллоо. Бүхий л онгод тэнгэрүүдээ дуудан энэхүү могойг яаж буцааж явуулах вэ гэж хэлэлцэж гэнээ. Удалгүй охинд нэгэн рашаан өгөхөд тэрээр ухаан нь балартан унаад өгөв. Охиныг зөөлөн дэвсгэр дээр хэвтүүллээ. Тэгээд удалгүй удган зан үйлийнхээ дунд хэсэгт нь “За одоо хаалгаа онгойлго” гэж хэлэв. Байшингийн хаалгийг онгойлгоход удалгүй гаднаас том шар могой гулсан орж ирлээ. Гэрт байсан хүмүүс айдаст автаж байхад удган тоосон шинжгүй
• Битгий айж сандар, энэ охин энэ могой хоёр бие биенээ таних учиртай, тэд урьд насныхаа дотно харилцаа холбоог санах ёстой, тэгж чадвал охин аврагдаж могой ч эндээс явах болно гэж хэлэв . Могой орж ирэн орчин тойрноо ажиглан гэр дотор нь аяархан гулсан байснаа охиныг олж харан түүн дээр маш хурдан очлоо. Тэгснээ охины царайг харан нэг юм санасан бололтой эргэлзэн тойрон эргэлдэж байгаад түүний зүрхэн дээр толгойгоо тавин ямар нэг юм чагнах мэт удаан байв. Урдах амьдарлаа санасан бололтой могойн нүднээс том том нулимс бөмбөрөв. Тэгээд охиныг биеэрээ ороон яг л эх нь үрээ хайрлан тэврэх мэт өөртөө наагаад хацарт нь хацраа хүргэн хайр дүүрэн харцаар ширтлээ. Ингээд могой өмнөх төрлөө санаж охин ч аюулгүй болж. Тэр могой тэгээд буцаж явсангүй. Богд ууланд үүрээ засан охиныг үхэн үхтэл нь хамгаалж үлдэхээр болжээ. Охин ч өмнөх төрлөө санаж түүнтэй дотносож Богд ууланд очин шар могойтойгоо эрхлэн тоглох болжээ. Төгсөв.2013 /10/6 О.Өнөрцэцэг

“48 цаг-Монгол 2016” бэсрэг кино наадмын шагнал гардуулах ёслолын ажиллагаа өчигдөр /2016.10.07/ “Black box” театрт болж, шилдгүүдээ тодруулсан юм. Долоо дахь жилдээ уламжлал болгон зохион байгуулж буй тус наадамд нийт 28 баг оролцсоноос 18 баг бүтээлээ цагтаа өгч наадмын шалгаруулалтад оролцсон. Гэхдээ нийт 28 баг үзэгчдийн нэрэмжит шагналын төлөө өрсөлдсөн байна.

“48 цаг-Монгол 2016” бэсрэг кино наадмын Гран при шагналын эзнээр “Scream team” багийн “Хүй” кино шалгарчээ. Тус кино багийнхан энэхүү бэсрэг кино наадамд гурав дахь жилдээ оролцож байга бөгөөд аймшиг, нөхөрлөлийн тухай өгүүлэхээр сугалж, “Шилдэг найруулга”, “Шилдэг зураг авалт” номинацийн эзнээр шалгарсан байна.

Ингээд “48 цаг-Монгол 2016” бэсрэг кино наадмын шагналт байруудтай танилцъя.

• Үзэгчдийн нэрэмжит шагнал- Бид хэд багийн “Цагаанаа” кино
• Шилдэг эвлүүлэг- “Нуга амгалан” багийн “Абитаба” кино
• Шилдэг зураг авалт- “Scream team” багийн “Хүй” кино
• Шилдэг жүжигчин – “Нуга амгалан” багийн “Абитаба” киноны жүжигчин Ц.Баясгалан /УДЭТ/
• Шилдэг зохиол- Зэв багийн “Такси” кино
• Шилдэг найруулга- Scream team” багийн “Хүй” кино
• Шилдэг гран при – Scream team” багийн “Хүй” кино тус тус шалгарчээ.

Уг бэсрэг кино наадамд тэргүүн байр эзэлсэн бүтээл нь “Filmapalooza-2017” буюу “48 цаг” олон улсын кино наадамд оролцож, наадмын дээд шагналыг хүртэнэ. Мѳн 2017 oны Каннын олон улсын кино наадмын бэсрэг киноны /Cannes Film Festival, Court Métrage/ буланд киногоо гаргах эрхийн эзэн болох юм.

Монголчуудын амьдрал ахуйг харуулсан Cinelou Films-ын бүтээл “Burn Your Maps” уран сайхны кино Калгаригийн олон улсын кино наадамд 2016 оны 9 дүгээр сарын 23-ны өдөр нээлтээ хийсэн юм. Киноны нээлтэнд Канад Улсын Калгари хотод суугаа Монгол Улсын өргөмжит консул П.Валлис болон кино зурганд оролцсон Алберта мужид амьдарч буй монголчууд оролцож хүрэлцэн ирсэн үзэгчдэд монгол ая дуу, үндэсний хөгжим эгшиглүүлж сонирхуулсан байна.

Жил бүр 40 гаруй орны дэлгэцийн урлагийн уран бүтээлчдийн 200 орчим кино толилуулж, шагнал гардуулах ёслолыг зохион байгуулдаг энэхүү наадамд энэ жил үзэгчдийн шилдэг шагналын төрөлд “Burn Your Maps” кино өрсөлдөж “үзэгчдийн шилдэг зохиол” шагналыг хүртлээ.

“Burn Your Maps” кино нь нэгэн америк гэр бүлийн тухай гарах бөгөөд тус гэр бүл нь зургаан сартай нэг охиноо алдчихсан, сэтгэл зүйчийн тусламж авах хүртлээ харилцаа нь хөндийрчихсэн хүмүүс аж. Харин энэхүү гэр бүлийн найман настай хүү Вэс /жүжигчин Жэйкоб Трэмблэй/ өөрийгөө харийн газар төөрж төрсөн Ганзориг хэмээх Монгол малчин гэж боддог. Үүнийгээ эцэг эхдээ хэлж, гэр бүлийнхний хамтаар Монголын уудам тал нутгаар мартахын аргагүй аялал хийсэн тухай тус кинонд өгүүлдэг байна.

Киноны зураг авалтыг Канадын Альберта мужийн хамгийн том хот болох Калгари хот болон Монгол Улсад хослуулан хийжээ. Учир нь киноны гол үйл явдал хүүгийн төрсөн нутаг гэх Хөвсгөл аймгийн Жаргалант сумын ойролцоо нутагт өрнөдөг байна.

Тус кинонд Канадын Алберта мужийн монголчууд оролцож Монгол соёл, урлаг, үндэсний хувцас, хөгжмийг чадварлаг сурталчилжээ. Мөн МУСТА жүжигчин Ц.Цэрэнболд, жүжигчин Вера Фармига, Виржиниа Мэдсэн болон Мартон Шокас, Сураж Шарма гэх алдартай жүжигчид гайхалтай дүрүүд бүтээсэн юм.

“Calgary International Film Festival” олон улсын кино урлагийн наадам нь жил бүрийн намар 12 хоногийн турш Калгари хотноо зохион байгуулагддаг. Энэ жил 9 дүгээр сарын 21-нээс 10 дугаар сарын 2-ны хооронд зохион байгуулагдсан бөгөөд Канад Улсад нэр хүнд бүхий кино наадмын нэг юм.

Дэлгэрэнгүй мэдээллийг дараах холбоосоор орж үзнэ үү.

http://www.calgaryfilm.com/films/2016/burn-your-maps

Хайрын шүлгийн “Цагаан уул” наадам 18 дахь жилдээ болж өнгөрлөө. Энэ жилийн наадмын тэргүүн байранд МЗЭ-ийн гишүүн, Г.Сэр-Одын нэрэмжит шагналт, яруу найрагч Н.Минжинсайхан тодорч, залуу яруу найрагч Б.Алтанхуяг дэд байрын шагнал хүртлээ.

Наадмын шагналт гуравдугаар байрт яруу найрагч Б.Хургаа, дөрөвдүгээр байрт яруу найрагч Э.Гантулга, тавдугаар байрт А.Сүглэгмаа нар шалгарав. Дээрх наадам нь энэ жил 18 дахь удаагаа болсон бөгөөд Монголын залуучуудын холбооноос санаачлан МЗЭ, МҮОНРТ хамтран зохион байгууллаа.

Монголын залуучуудын холбооноос жил бүр зохион байгуулдаг хайрын шүлгийн “Цагаан-Уул” яруу найргийн наадам өнөөдөр болж байна. Залуу яруу найрагчдын дунд болдог хамгийн чансаатай, нэр хүнд бүхий яруу найргийн наадмын нэг нь хайрын шүлгийн “Цагаан-Уул”. Энэ ч утгаараа залуу яруу найрагчид олноор оролцож шүлгэн хүлгээ сойдог уламжлалтай.

“Цагаан-Уул” наадмыг 18 дахь жилдээ болж байна. Тус наадам энэ жилийн хувьд хайрын шүлэг, богино хэмжээний шүлгэн мессежний уралдаан гэсэн төрлөөр явагдаж байна. Яг одоо сүүлийн шатанд шалгаран үлдсэн шилдэг таван яруу найргчид шүлгээ уншиж байна.

“Харанга” хамтлагийн аргил гитарчин
Урлагийн гавьяат зүтгэлтэн Ц.Чулуунбат “Амьдралын бэлэг” тоглолтоо хийх гэж
байна. Тоглолт өнөөдөр эхэлнэ.

Тоглолтод “Амьдралын бэлэг” нэртэй шинэ
цомогт орсон уран бүтээлүүдээ дуулах аж. Мөн “My street” цомогт орсон
хуучны дуугаа шинэчлэн найруулж “unplugged” хэлбэрээр үзэгчдэд хүргэх юм байна.

Мөн тоглолтын онцлог нь тэрбээр шинэ залуу
уран бүтээлчидтэй дуэт дуулах тухай хэлж байна. Тоглолтод “Харанга”,
“Freezone”, “Guys” хамтлаг, Дуучин МУГЖ П.Наран, Б.Сарантуяа нарын дуучин
оролцох нь ээ.

Тоглолт энэ сарын 7,8-нд 19.00 цагт
“Ub palace”-ийн концертын танхимд болно.

Монгол улсын гавьяат жүжигчин, Монгол улсын Соёлын элч Д.Алтанхуягийн нэрэмжит “Монголын үндэсний балет” улсын анхдугаар уралдаан ирэх арваннэгдүгээр сарын 25, 26-нд болох гэж байна.

Анхдугаар уралдаанд төвийн болон орон нутгаас сонгодог бүжгийн урлагт сонирхолтой , мөн хичээллэж буй оюутан, сурагчид оролцох боломжтой ажээ. Оролцогчдын хувьд 6-8 нас, 9-11 нас, 12-14 нас, 15-18 гэсэн насны ангилалаар өрсөлдөх юм байна. Хоёр үе шаггай зохион байгуулагдах уг уралдааны бүртгэл энэ сарын 1-нээс эхлэсэн бөгөөд сарын хугацаанд бүртгэх гэнэ.
Монгол Улсын Боловсрол, соёл, шинжлэх ухаан, спортын сайдын ивээл дор зохиогдох анхдугаар уралдааныг монголын ирээдүйн балетчдыг нээн илрүүлж, тэдний авьяасыг хөгжүүлэх зорилготой аж. Тус тэмцээнд амжилттай оролцсон хүүхдүүдийг бэлтгэж, 2016 оны арванхоёрдугаар сард болох “Цөмөөхэй” балетын тоглолтод оролцуулах юм байна.

БНСУ-ын Чанвон КС-ийн нэрэмжит Олон улсын утга зохиолын ХХYII фестивальд яруу найрагч М.Уянсүхийн тавьсан илтгэл

Яруу найргийн тухай ярина гэдэг шүлэг бичихээс хэцүү юм. Учир нь хүн төрөлхтний оюун сэтгэлгээний холбоосууд, эрин цагийн гайхамшигт үйл явдлууд, хүн байхын утга учир, эх байгалийн мөн чанар, зүрх сэтгэлийн хөг эгшиг, далд ухамсрын тайлагдашгүй нууцууд гээд ертөнцийн бүхий л юмс үзэгдлийн ил, далд шалтаг шалтгааныг тэмтрэн мэдэрч, дотоод чанадын билиг билгүүнийг нээх шид увдисаараа яруу найргийн ертөнц өөрөө аугаа юм. Энэ нь зүйрлэбэл тэнгэрийн дээрх тэнгэр, далайн гүн дэх далай билээ. Нууцын гүн дэх сансар, нүдэн доторх нүд билээ. Би бол энэ аугаа ертөнцийн хязгааргүй тойрогт эргэлдэн буй хумхийн тоосны ширхэг төдийхөн үзэгдэл. Тийм хэдий ч өнөөдөр надад олдсон эрхэм завшааныг ашиглан та бүхэнтэй Монголын яруу найргийн тухай өөрийн бодлоо хуваалцахыг хүсэж байна.

Монголын яруу найраг маш эртний улбаатай. Тодорхой бус цаг үед тэмдэглэгдэн үлдсэн хадны сүг зургийг хүн төрөлхтний уран сайхны сэтгэлгээний илэрхийлэл, яруу найргийн сүнс хадгалсан дүрс тэмдэглэгээ гэж үзвэл монголчуудын хувьд энэ нь даруй 100 000-70 000 жилийн өмнөх цаг үед хамаарна. Мэдэгдэж байгаа эх сурвалжаар Монголын яруу найраг НТӨ II зуун буюу Хүннү гүрний үеийн 121 оноос эхэлжээ.

“Хүннүгийн дуу” хэмээх харууслын аяст шүлгийн:

“Цагаан уулаа алдаад
Зургаан хошуу мал минь өсөхөө болилоо
Ягаан уулаа алдаад
Эхнэр хатад минь оо энгэсэггүй боллоо” хэмээсэн гайхамшигт мөрүүд үүний гэрч юм.

Ер нь Монголын сонгомол хүүрнэл зохиолууд өөртөө эртнээс нааш шүлэг, яруу найргийн зүйлийг их хэмжээгээр ашиглаж ирсэн онцлогтой бөгөөд монгол угсаатны эртний улсууд болох Сүмбэ, Нирун, Кидан улсуудын үед зохиогдсон бичгийн дурсгалууд ч үргэлжилсэн үг, яруу найраг хослуулан бичдэг уламжлалыг хадгалж ирсэн нь Монголын яруу найргийн хөгжилд ихээхэн ахиц дэвшил авчирсан гэж хэлж болно. Түүхэн сурвалжийн мэдээгээр 500 гаруй шүлэг дуулал зохиосон Кидан зохиолч байсан юм билээ. Он цагийг түүчээлсэн Монголын яруу найргийн уламжлал энэ мэт өртөөлөн явсаар ХIII зуунтай золгожээ.

ХIII зуун буюу Монголын их гүрний сэргэн мандлын үед бичигдсэн түүх-уран зохиолын хосгүй дурсгал бол “Монголын нууц товчоо” судар юм. Зохиогч нь тодорхойгүй энэ судар түүхэн үйл явдлыг уран сайхны аргаар дүрслэн үзүүлсэн бөгөөд домог үлгэр, угсаатны зүй, цэрэг, аян дайны үйл, төрт ёсны түүх, соёл, зан заншил, гүн ухаан, яруу найргаас бүрдсэн цогц бүтээл юм. Энэ сударт монгол шүлгийн уран тансаг шигтгээнүүд нэн элбэг бий. Гэвч тэр бүхнийг энэ богино илтгэлд бүрэн багтаан дурдах боломжгүй тул та бүхнээс энэ удаа хүлцэл өчиж байна. Энэ цаг үед Чойжи-Одсэр, Сэчигүр бичээч, Чинга чинсан, Болд чинсан, Аргусан хорч, Маш-Их, Тогтох, Тогоон, Ариун, Шаазгай, Цагаан зэрэг олон яруу найрагчид төрөн гарчээ.

Дорно дахины яруу найргийн нэгэн тод содон өнгө төрх болсон Монголын эрт эдүгээх яруу найргийн амин сүнс нь баатарлаг туульс, бөө мөргөлийн дуудлага, ардын цэцэн билэгт сургаал үгс, буддын гүн ухааны судар бичгүүд, уламжлалт болон орчин цагийн яруу найрагчдын сонгомол бүтээлүүдэд хадгалдагдаж байдаг юм.

Монгол орны баруун хязгаарт Ойрад ястан амьдардаг. Би бол тэдний нэг. Өндөр цаст уулс шигээ дайчин эрэмгий зан төрхтэй ч их нуурууд шигээ уужуу тайван байж чаддаг миний ард түмэн баатарлаг туульсын эцэг нь билээ. Мөнх цаст Алтайн уулсаар нутагтай Ойрадууд тууль, биелгээ, хөөмий, цуур зэрэг монголчуудын язгуур урлагийн өв санг жинхэнэ утгаар нь хадгалан үлдсэн ард түмэн. Товшуур хөгжмийн аялгуунд хайлдаг баатарлаг тууль гэхэд дунджаар 10 000 шад шүлгээс бүтнэ. Туульч хүн ийм урт туулийг цээжээр хайлна. 7 өдөр, 7 шөнө тасралтгүй хайлдаг тууль ч бий. Бурангуй харанхуйг сөнөөж, гэрэл гэгээ дагуулж төгсдөг баатарлаг тууль нь яруу найргийн томоохон хэмжээний бүтээлийн төрөлд багтах бөгөөд Ойрадын их туульч М.Парчингийн бүтээлүүд ЮНЕСКО-гийн дэлхийн өвд бүртгэгдсэнийг энд тэмдэглэн хэлэхэд таатай байна. Чухам ийм л хязгаар нутагт миний бага нас өнгөрч, яруу найргийн онгод шидийг би өнө мөнхийн хөх уулсаасаа авсан билээ. Монголын яруу найргийн ай сав баатарлаг туульсаар нэн баялаг байдгийн жишээ нь алдарт “Жангар”, “Гэсэр” тэргүүтэн 1000 хол давсан хөлгөн туульсын өв сан юм.

Монголын яруу найргийн бас нэг содон дурсгал бол Цогт хун тайжийн хадны шүлэг. 1

БНСУ-ын Чонан хотод зургаа дахь удаагаа болсон “Чонан – Дэлхийн бүжгийн наадам”-д эх орноо төлөөлөн оролцсон Нийслэлийн Улаанбаатар чуулгын бүжигчид Хамтлагийн төрөлд 3-р байр, Хосын төрөлд 35 хосоос бүжигчин Э.Алдар, Б.Ганчимэг 4-р байрт шалгарчээ. Тэмцээнийг Ардын болон үндэсний, хөгжөөн дэмжигчдийн зэрэг төрлүүдээр зохион байгуулдаг бөгөөд энэ удаагийн наадамд гурван тивийн 17 орны бүжигчид авьяас, ур чадвараа сорьж оролцжээ. “Чонан – Дэлхийн бүжгийн наадам” есдүгээр сарын 28-наас 10 дугаар сарын 2-ны хооронд Сөүл хотын дагуул хотуудад болсон юм.

Улсын Драмын Эрдмийн Театрын уран бүтээлчид “Түүхэн жүжгийн өдрүүд”-ийг эхлүүлээд байна. Тус жүжгийн хүрээнд “Тэнгэрийн хүү” жүжгийг тоглосон. Энэ удаад “Тэмүүжин” жүжгийг тоглохоор зэхэж байна.

Тус жүжгийн зохиолыг МУГЖ С.Жаргалсайхан бичиж 2002 онд тайзнаа тоглож байжээ. Есүхэй эцгийг нь татарт хорлогдоход албат иргэд нь Тэмүүжин хүүг эх болоод дүү нарынх нь хамтаар харь нутагт хаян одож байгаагаар уг жүжиг өрнөж эхэлнэ. Эцэг нэгтэй ч эх ондоотой Тэмүүжин, Бэгтэр хоёрын хоорондын тэмцэл туйлдаа хүрч эцэст нь Тэмүүжин Бэгтэрийг харван ална. Гэсэн ч Тэмүүжин хүүгийн энэ алдаа хожмын өдөр оноо болох байлаа. Энэ мөчөөс эхлэн Тэмүүжин хүү өөрийн үзэл бодол, ухрашгүй байр сууриа олж авч буйгаар жүжиг үргэлжилнэ.

Жүжгийг энэ сарын 8,9-нд буюу ирэх амралтын өдрөөр 17.00 цагт УДЭТ-ын тайзнаа тоглоно.