Category: соёл-урлаг

Кино урлагийн дээд шагнал гардуулах ёслол “Оскар”-ын наадам ирэх хоёрдугаар сарын 26-нд болно. Одоогоор тус наадамд өрсөлдөх кинонуудыг шалгаруулах ажил үргэлжлэн явагдаж байна. Тухайлбал өчигдөр “Оскар”-ын шагналын баримтат киноны төрлийн эхний шалгаруулалт боллоо. Энэ төрөлд Н.Айшолпан охины тоглосон “Бүргэдийн анчин” кино тэнцжээ.

Баримтат кино төрлийн шалгаруулалтад нийт 145 бүтээл өрсөлдсөнөөс эхний шатанд 15-ыг шигшиж оруулахаар болсон байна. Академийн баримтат киноны шүүгчид таван нэр дэвшигчийг энэ жагсаалтаас дахин шалгаруулж ирэх оны нэгдүгээр сарын 24¬-нд зарлах юм байна. Ингэснээр хоёрдугаар сарын 26-нд болох шагнал гардуулах ёслолд оролцох эрхтэй болох юм.

Монголын баруун хязгаар нутагт, Алтайн уулсын бэлээр нутаглах казах үндэстний нэрийн хуудас болдог бүргэдийн ангийн талаар Британийн BBC агентлаг сурвалжлага бэлтгэж, цахим хуудсандаа нийтэлсэн нь дэлхийн сая сая хүнд хүрсэн юм. Энэ нь Холлвуудын найруулагчийн анхааралд өртсөнөөр “Бүргэдийн анчин” кино бүтээгдсэн билээ.

Улсын драмын эрдмийн театраас жил бүр ахмад жүжигчдийн уран бүтээлийн цэнгүүнийг зохион байгуулдаг уламжлалтай. Тэгвэл энэ удаад Ардын жүжигчин С.Сарантуяагийн “Зүрхнээс зүрхэнд” уран бүтээлийн тайлан тоглолтыг хийхээр болжээ. С.Сарантуяа урлагт 40 жил зүтгэсэн байна. Тэрээр энэхүү цэнгүүнээр 40 жилийн турш тайз, дэлгэцэнд амилуулсан бүтээлүүдээсээ сорчилж үзэгчдэд хүргэх юм байна. Тухайлбал, “Хайр”, “Ээж” гэх хоёр хэсгээс тоглолт бүрдэх бөгөөд түүхэн, инээдмийн, уянгын төрлийн 10 жүжгийн хэсгээс тоглох ажээ.

Цэнгүүн энэ сарын 11-нд 19.00 цагт УДЭТ-т болох бөгөөд энэ үеэр уран бүтээл, жүжиглэх арга барилын талаар “Зүрхнээс зүрхэнд” нэртэй номоо танилцуулах юм.

Оны шилдэг шүлэг шалгаруулах “Болорцом” наадам ирэх жилийн нэгдүгээр сарын 28-ны өдөр Дорнод аймгийн төв Чойбалсан хотод зохион байгуулагдахаар болжээ. Ийнхүү“Болор цом” наадам 2005 онд анх хөдөө орон нутагт зохион байгуулагдах болсноос хойш зургаа дахь аймагтаа хөшгөө нээх гэж буй нь энэ юм.

Тодруулбал, Эрдэнэт, Дархан хотууд болон Архангай, Өвөрхангай, Төв аймгуудад “Болор цом” наадам тайзаа засч байсан билээ. Харин энэ жилийн “Болор цом” наадмыг Завхан аймагт болно гэсэн яриа утга зохиолын хүрээнд гарсан ч ийнхүү Дорнод аймагт зохион байгуулагдах нь тодорхой болжээ. Энэ талаар МЗЭ-ийн гүйцэтгэх захирал М.Саруулдалай албан ёсоор мэдээлсэн байна.

Ирэх 2017 онд Д.Нацагдоржийн нэрэмжит шагналт, нэрт яруу найрагч Данзангийн Нямсүрэнгийн мэндэлсний 70 насны ой тохиож буй. Тиймээс “Болор цом” наадмыг “Эрээн цавын эвдрээгүй найрагч” хэмээн олноо хүндлэгдсэн аглагхан талын их найрагчдаа зориулж, түүний нэрэмжит болгохоор шийдвэрлэсэн юм байна.

Бүжгийн тоглолт

“Улаанбаатар” чуулгын бүжигчид сүүлийн гурван жилийн хугацаанд бүтээсэн шинэ бүтээлүүдээсээ сорчилж “Эрчист ирмүүн” тоглолтоо өнөөдөр үзэгчдэдээ өргөн барих гэж байна. Тоглолтын найруулагч, ерөнхий бүжиг дэглээчээр Соёлын тэргүүний ажилтан Д.Энхгэрэл ажиллаж байна. Тоглолтод “Хангарьд” үндэсний хөгжмийн найрал, “Их Монгол” хамтлаг оролцоно.

Дуурь

Италийн суут хөгжмийн зохиолч Ж.Пуччини гайхамшигтай олон дуурь бичиж, хүн төрөлхтөнд бэлэглэсэн. Түүний “Чио Чио Сан”, “Тоска”, “Богема”, “Турандот” дуурь үзэгч, сонсогчдийг бишрүүлсээр байгаа. Эдгээр дуурь нь манай Улсын дуурь, бүжгийн эрдмийн театрын тайзнаа аль хэдийнэ тавшдаж, уран бүгээлчдийн бяр, чадлыг шалгахаас гадна сонгодог урлагт дуртай үзэгчдийн мэлмийг баясгасаар ирсэн. Энэ дундаас Ж.Пуччинийн “Тоска” дуурийг Дуурь бүжгийн эрдмийн театрын уран бүгээлчид сонгодог урлаг сонирхогч эрхмүүддээ зориулан энэ өдөр толилуулах гэж байна. Энэ үдшийн Тоскад гавьяат жүжигчин С.Мөнгөнцэцэг дуулах бол Каварадоссид Д.Эрдэнэ-Очир, Скарпья гүнд гавьяат жүжигчин Э.Амартүвшин, Чезаре Анжелоттид Э.Бумхүү дуулна. Театраасаа албан ёсоор гарахаа мэдэгдээд буй гавьяат жүжигчин Э.Амартүвшинг энэ үдэш л “Тоска”-гаас харах боломжтой.

Циркийн тоглолт

Өнөөдөр Улаанбаатар чуулгыг зорин “Гайхамшигт цирк” тоглолтыг үзээрэй. Тоглолтод “Улаанбаатар” циркийн жүжигчид Турк, Япон, ХБНГУ, Франц, ОХУ, БНХАУ зэрэг олон оронд тоглосон Олон улсын циркчдийн наадмын шагналт шилдэг үзүүлбэрүүдээ тоглоно.

БНСУ-д уламжлал болгон зохион байгуулагддаг “Korean Culture & Entertainment Awards 2016” олон улсын урлаг соёлын их наадам болжээ. Тус наадмаас “Guys” хамтлагийн уран бүтээлчид шагнал хүртсэн байна.

Уг урлагийн наадам нь Солонгосын болон гадаадын дуу хөгжим, кин драм зэрэг соёл урлагийн салбарын шилдгүүдийг тодруулдаг аж. Тэмцээний дуу хөгжмийн салбарын шилдгээр “Guys” хамтлагийн залуус шалгарч “International Star” буюу “Олон улсын од” шагналыг хүртжээ.

Үүнтэй холбогдуулан тус хамтлагийн залуус ирэх даваа гарагт “Монгол ньюс” мэдээллийн төвд хэвлэлийн бага хурал хийхээр тов зарласан байна. Энэ үеэр “Бид дөрөв дуугаа дуулаад бүхнийг жаргуулъя” дуугаа видео клиптэй нь танилцуулах ажээ.

Монголын баруун хязгаарт, Алтайн уулархаг бүсэд аж төрдөг казахуудаас өөр бүргэдтэй ан хийдэг улс үндэстэн гэж үгүй. Одоогоор тэнд 400 орчим бүргэдтэй анчид бий. Харин Ашол-Пан бол хашир анчны охин. Магадгүй бүргэдтэй анд суралцаж буй тэндхийн цорын ганц эмэгтэй байх. Түүний зургийг өмнө нь BBC телевизийн зураглаач Ашер Свиденский цувралаар гаргаж байсан билээ. Харин энэ удаад тэрээр Саудын Араб руу баримтат киноныхоо нээлтэд оролцохоор явсан юм. Түүний тухай киноны дуу ийнхүү дэлхий дахинаа цацагджээ.

О.ӨНӨР

Ирэх жилийн загварын чиг хандлагыг тодорхойлдог “Гоёл-2017” наадам өчигдөр болж өнгөрсөн билээ. Энэхүү наадмын загварын долоо хоног өнгөрсөн сарын 26-наас эхлэн “Мишээл экспо” төвд явагдсан юм. Хариншилдгүүдийг тодруулах төгсгөлийн арга хэмжээ Соёлын төв өргөөнд болсон. Монголын дизайнеруудын холбооноос 29 дэх жилдээ зохион байгуулж буйуг наадмын хүн бүрийн догдлон байж хүлээдэг шинэ топ моделийг энэ жил шалгаруулсангүй.

Энэ жилийн наадамд уламжлалт ёсоор үе үеийн топ моделиуд болох О.Уянга, О.Пүрэвдулам, Х.Бадамгэрэл, Х.Уянга, Г.Уранцэцэг, С.Ариунбилэг, Э.Сэлэнгэ нар тайзнаа алхаж, авьяаслаг дизайнеруудын хувцсыг үзэгч олонд хүргэсэн юм.

Топ модель тодроогүй ч уламжлалт ёсоор наадмын шилдэг загвар өмсөгчид болоод загвар зохион бүтээгчдийг шалгаруулсан юм. Тухайлбал, Гранпри шагналын эзнээр “Эртний Монгол хийц” загварын товчооны дизайнер О.Уранцэцэг тодорсон бол шилдэг эмэгтэй загвар өмсөгчөөр Д.Долгион, эрэгтэй загвар өмсөгчөөр н.Азжаргал нар шалгарлаа.

Наадмын шагналтнууд:

Ивээн тэтгэгчдийн нэрэмжит шагнал загвар өмсөгч Азжаргал, Золбоо, О.Хулангоо, Адъяа

Тусгай байрын шагнал “Жи Энд Эс” ХХК-нийн Сомо брэндээр дизайнер С.Ганзориг

Тусгай байрын шагнал “Монлайн” ХХК-ийн дизайнер Н.Үнэнбат, н.Цэрэнханд

Шилдэг залуу дизайнер “Урангоо Идэр” брэндийн дизайнер И.Урангоо

Шилдэг үсчин “Видал” салоны үсчин Д.Одонгоо

Шилдэг make up artist “Наруми” студийн нүүр хувиргагч Г.Нармандах

Шилдэг зурагчин М.Цоггэрэл

Шилдэг гоёлын хувцасны дизайнер “Precious Fashion House”-ийн дизайнер Х.Цэрэнлхагва,

Үндэсний хувцасны шилдэг дизайнер Үйлдвэрлэл урлалын политехник коллежийн дизайнер М.Энхтуяа

Өдөр тутмын, чөлөөт, амралтын хувцасны шилдэг дизайнер “Эвсэг” ХХК-ийн хамт олон

Уламжлалт хувцасны загварын шилдэг дизайнер “Ур Ундрах” ХХК-ийн дизайнер Б.Баасансүрэн

Шилдэг загвар зохион бүтээх товчоо “Мастер Додо” ХХК

Гранпри шагналт дизайнер “Эртний Монгол хийц”-ийн дизайнер О.Уранцэцэг

Ирээдүйтэй загвар өмсөгч Г.Бүрд

Фото модель О.Ариунзул

Фото модель Н.Ану

Дэд байрын шагналт модель Ц.Алтантуяа

Шилдэг эрэгтэй загвар өмсөгч н.Азжаргал

Шилдэг эмэгтэй загвар өмсөгч Д.Долгион

Ингээд өчигдөр болсон “Гоёл-2017” наадмын гэрэл зургийг хүргэе.

Гэрэл зургуудыг Ц.МЯГМАРСҮРЭН

Энэтхэг улсдаа хамгийн том,нэр хүндтэй “IFFI GOA” олон улсын кино наадамд Монголын уран бүтээлч хүндтэй зочиноор уригдан оролцсон байна. Тодруулбал, Ази даяар зохион байгууллагддаг хамгийн том нэр хүндтэй энэхүү кино наадамд “ДОЗ ПЛАС” энтертайнмэнтын жүжигчин А.Мөнгөнзул хүндэт зочиноор уригдан оролцжээ. “ДОЗ плас” энтертайнментын “Элэг нэгтэн” кино ээлжит кино наадамд оролцоод иржээ. Тус киноны хувьд олон улсын хэд хэдэн кино наадамд оролцож байсныг уншигчид санаж буй биз ээ.

Тус наадам нь 47 дахь жилдээ зохион байгуулагдаж байгаа бөгөөд энэ удаагийн наадамд 6000 зочид төлөөлөгчид оролцсон байна. Мөн энэхүү наадам нь хамгийн өндөр шагналын сантай гэдгээрээ бусад наадмаасаа ялгардаг аж. Дашрамд сонирхуулахад, “ДОЗ ПЛАС” энтертайнмэнтын бүтээл найруулагч ,жүжигчин Ш.Доржсүрэнгийн “ЭЛЭГ НЭГТЭН” уран сайхны кино Мумбай хотын Олон Улсын кино наадамд өрсөлдөж байгаа бөгөөд эцсийн шалгаруулалт энэ сарын эхээр болох аж. Одоогийн байдлаар эцсийн шалгаруулалтанд 7 кино шалгарч үлдээд байгаа бөгөөд түүний нэг нь “ЭЛЭГ НЭГТЭН” кино. Тун удахгүй Болливүдийн улаан хивс нь дээр Монголын уран бүтээлчид алхах нь тодорхой болжээ.

Ирэх жилийн загварын чиг хандлагыг тодорхойлдог “Гоёл-2017” наадам эхэллээ. Энэхүү наадмын загварын долоо хоног өнгөрсөн сарын 26-наас эхлэн “Мишээл экспо” төвд явагдсан юм. Харин шилдгүүдийг тодруулах төгсгөлийн арга хэмжээ Соёлын төв өргөөнд яг одоо болж байна. Монголын дизайнеруудын холбооноос 28 дахь жилдээ зохион байгуулж буй уг наадмын шилдэг топ моделиор хэн тодрохыг энэ үдэш харах нь ээ.

Дуурь бүжгийн эрдмийн театрын уран бүтээлчид Ж.Пуччинигийн “Тоска” дуурийг 34 дэх жилдээ тоглож байна.

Гурван бүлэг, гурван үзэгдэлт тус дуурийн цомнолыг Ж.Жакоза, Л.Иллика нар зохиож, анх 1900 оны нэгдүгээр сарын 14-нд Ром хотын “Костанци” театрт тоглосон тухай түүхэнд тэмдэглэсэн байдаг. Харин манай дуурийн тайзнаа “Тоска” 1982 оны нэгдүгээр сарын 9-нд анх тоглогдож, Урлагийн гавьяат зүтгэлтэн Л.Эрдэнэбулган найруулж, ардын зураач Ч.Гунгаасүх, удирдаач Ч.Жамсранжав ажиллаж байжээ. 1994 онд “Тоска” дуурийг хоёр дахь тавилтаар тоглоход нь урлагийн гавьяат зүтгэлтэн Ж.Бүрэнбэх удирдаж, энэ найруулгаараа одоо хэр нь үзэгчдэд хүрч байгаа юм.

Үйл явдлаас дурьдвал, Ром хотын төв дэх нэгэн сүмд зураач Каварадосси өөрийн зурсан Магдалена эх дагинын хөргийг харж, хайрт бүсгүй Тоскатайгаа зүйрлүүлэн бодлогоширно. Римийн эрх чөлөөний төлөө тэмцсэний улмаас шоронд хоригдож байгаад оргож гарсан Чезаре Анжелотти энэ сүмд нуугдсан байжээ. Каварадосси Анжелоттитай уулзаж түүнд туслахад бэлэн байгаагаа хэлнэ. Гэтэл алсад их бууны дуу нүргэлж, хоригдол оргосныг зарлана. Каварадосси, Анжелотти хоёр яаравчлан гарах гэтэл хаалга тогшиж, Тоска орж ирнэ.

Үйл явдал цааш хэрхэн өрнөхийг ирэх сарын 3-нд буюу ирэх амралтын өдөр 17.00 цагаас УДБЭТ-ын тайзнаас тольдох боломжтой.