Category: соёл-урлаг

Вашингтон хотноо энэ сарын 18-ны өдөр “Miss World” буюу “Дэлхийн мисс” шалгаруулах тэмцээний шувтрагын шат болно. Яг найм хоногийн дараа энэ жилийн “Дэлхийн мисс” тодрох юм. Тасалбар нь аль хэдийнэ зарагдаад эхэлчихсэн гэнэ.

Энэ жилийн тэмцээнд 119 орны гоо бүсгүйчүүд өрсөлдөж байгаа. Монголыг төлөөлөн Алтангэрэлийн Баярцэцэг хэмээх бүсгүй тун амжилттай оролцож байна. Авьяасын үзүүлбэрээрээ шилдэг аравт шалгарсан Монголын гоо бүсгүй маань саяхан шүүгчдэд үндэснийхээ бүжгийг бүжиглэн сонирхуулжээ. Ингэхдээ Ардын жүжигчин Н.Сувд гуай “Мандухай цэцэн хатан” кинонд тоглохдоо зүүсэн гоёл зүүсгэлээр чимсэн байна. А.Баярцэцэгийг “Missosol­ogy” сайтад ялалт байгуулах хамгийн өндөр магадлалтай таван бүсгүйн нэгээр тодруулсан юм. “Miss World” тэмцээний албан ёсны хуудас руу орж үзэхэд түүний нэрийг товчлон Бэла хэмээн бичсэн байна. А.Баярцэцэгийн видео танилцуулгыг хэдэн мянган хүн үзэж магтаалын үг бичсэнийг та бүхэн уншиж сонирхоорой.

Дэлхийн улс орнуудын гоо бүсгүйчүүдтэй авьяас чадвараа уралдуулж байгаа монгол эмэгтэй маань англи, испани хэлтэй, 25 настай. КТМС-ийг маркетингийн удирдлага мэргэжлээр төгссөн. Оюутан болсон цагаасаа “Торго модель” агентлагт загвар өмсөгчөөр ажилласан байна. Багаасаа л жүжигчин болохыг мөрөөддөг байсан бөгөөд хэд хэдэн кинонд туслах дүр бүтээжээ. Хамгийн сүүлд “Марко Поло” киноны хоёрдугаар ангид тоглосон юм. 2014 оноос хойш гоо бүсгүй шалгаруулах тэмцээнүүдэд оролцож эхэлсэн тухайгаа нэгэн ярилцлагадаа хэлсэн байдаг. Энэ хугацаанд нэлээд хэдэн тэмцээнд амжилттай оролцсон. “Miss Mongolia 2014” тэмцээний тэргүүн байрын шагналыг хүртэж “Miss International” тэмцээнд оролцох эрхийг авч байсан удаатай.

Дашрамд дурдахад энэ тэмцээнд амжилттай оролцох эсэхэд та бидний санал маш чухал юм байна. Саналыг гар утсаараа өгөх боломжтой. Хамгийн түрүүн Mobbstar app-ийг татаж аваад BA­YARTSETSEG ALTANGER­EL нэрээр хайж олох юм. Хэрхэн саналаа өгөх талаар А.Баярцэцэгийн өөрийнх нь фэйсбүүкт бичсэнийг та бүхэнд толилуулъя.

MOBSTAR – Multimedia Challenge

Энэ нь албан ёсны VOTE-с тусдаа бөгөөд түрүүлсэн нь шилдэг 20-д автоматаар үлдэх таван шалгуурын нэг болох Multimedia шалгуурын шинэ даалгавар юм.

1. ХҮН БҮХЭН MOBSTAR арр татаж авна уу.

2. BAYARTSETSEG AL­TANGEREL гэсэн нэрээр хайж олно.

3. Бүх зураг контент дээр нь хамгийн олон LIKE + COM­MENT нийлбэр оноогоор ялагч болно.

(Та өөрөө ч мөн адил дэмжсэн зураг өөрийнхөө профайл дээрээ оруулж болох бөгөөд #OfficialMobstar #Miss­World #MissWorldMongolia гэж таг хийхээ мартав аа. Таггүй бол шүүгчид харахад гарч ирэхгүй).

Ингээд та бүхэн А.Баярцэцэгийн төлөө саналаа өгч дэмжээрэй. Эх орноо “Дэлхийн мисс” тэмцээнд төлөөлөн оролцож байгаа А.Баярцэцэгтээ амжилт хүсье.

Дэлхийн гоо бүсгүйг шалгаруулдаг “Miss World” тэмцээн АНУ-ын Вашингтон хотноо өнгөрсөн сарын 29-нд эхэлсэн. Тус тэмцээнд манай улсаас “Торго модель” агентлагийн загвар өмсөгч, мисс А.Баярцэцэг оролцож буй юм.

Дэлхийн миссийн албан ёсны санал хураалт дуусахад зургаан хоног үлдээд байна. Уг санал асуулгад тэргүүлбэл финалын шатны шилдэг 10-т автоматаар шалгарах юм. Иймд санал өгөх зааврыг танилцуулж байна.

Нэгдүгээрт: Хэрэв та Iphone утас ашигладаг бол App Store аппликейшнаас “Miss World” аппликейшныг татаж суулгана. Уг аппликейшны Contestants гэсээ хэсгээс Монголоо олоод VOTE дарна.

Хоёрдугаарт:Хэрэв та ANDROID утастай бол http://share.mnctv.mn/s/IFl7gqRGFTILrol линкээр уг аппликейшныг татан, дээрх байдлаар санал өгөх юм. Та утасныхаа дэлгэцийг цэвэрлээд хэдэн ч удаа саналаа өгч болох юм.

Мөн Дэлхийн миссийн тэмцээний Авьяасын үзүүлбэрийн шилдэг 10-т орсон үзүүлбэрүүд дундаас ялагчийг MobStar аппликейшны санал асуулгаар тодруулах юм. Санал өгөхдөө “Mobstar” аппликейшнээс “OFFICIAL MISS WORLD” гэж бичин хайлт хийнэ. Үүний дараа Монголынхоо авъяасын үзүүлбэрийг зүүнээс баруун тийш гүйлгэн “YES” хэмээн саналаа өгч, comment бичиж саналаа өгөх юм.

Манай улсын мисс авьяас үзүүлбэрийн санал хураалтаар одоогоор гуравдугаар байранд жагсаад байна. Хамгийн олон санал авсан тохиолдолд Авьяас үзүүлбэрийн ялагч болох төдийгүй тэмцээний шилдэг 20-д автоматаар шалгаран үлдэх юм.

Улаанбаатар хотын кино теартруудын арванхоёрдугаар сарын 2-8-нд статистик тоолуурыг Монголын кинонуудаас “Рэкет” инээдмийн, адал явдалт кино дахин тэргүүллээ. “Бондоолой фильм”, “Оранж энтертайнмент”-ын хамтын бүтээл “Рэкет” УСК арваннэгдүгээр сарын 23-нд нээлтээ хийснээс хойш кино тоолуурыг хоёр дахь долоо хоногтоо тэргүүлж байгаа юм.

“РЭКЕТ” МУСК-НЫ ТРЕЙЛЕР:

КИНО ТООЛУУР:

#	Нэр	Нээсэн
1	Рэкет МУСК	2016-11-23
2	Хоёр гүүрний цаана МУСК	2016-11-25
3	Барьцаа 007 МУСК	2016-11-18
4	Надын аав мангар МУСК	2016-11-25

“РЭКЕТ” УСК-НЫ ХУВААРЬ:

“Өвлийн тууж” киноны нээлт энэ сарын 15-нд болох талаар кино бүтээгчид өнөөдөр хэвлэлийн хурал хийлээ. Уг киноны зохиолыг нэрт зохиолч Ч.Лодойдамба агсны ач охин Б.Буяндэлгэр бичжээ. Кино сонирхогчид түүнийг “Өнөөдөр”, “Зургаа дахь хүсэл” зэрэг киногоор нь таних буй за. “Өвлийн тууж”-ийн найруулагчаар түүний хань Б.Тулгаа ажилласан бөгөөд монголчуудын хувьд цоо шинэ сэдвийг сонгон авч, хэний ч төсөөлөөгүй өөр түүхийн талаар өгүүлж байгаа гэдгээ онцоллоо.

Киноны гол дүрд Батмэнд, Э.Мөнхтөр, Б.Эрдэнэчимэг, Б.Хулан нар тоглосон бөгөөд тэд ч мөн өмнө нь бүтээж байсанаасаа огт өөр дүрүүдийг бүтээжээ.

Зохиолч Б.Буяндэлгэр:

-Би дүр бүрээ өөрийн гэсэн давтагдашгүй ертөнцтэй байгаасай гэж хүсдэг. Магадгүй, энэ ч утгаараа “Өвлийн тууж”-ийн дүрүүд дотор сайн ч хүн байхгүй, муу ч хүн байхгүй.

Найруулагч Б.Тулгаа:

-Киноны маань агуулга ч, дүрүүд маань ч, үйл явдал нь ч таавар байгаасай. Тэр тааврын хариуг үзэгчид өөр өөрийнхөөрөө олох биз ээ.

Жүжигчин Б.Эрдэнэчимэг:

-“Өвлийн тууж” их хүнд сэдэв хөндсөн боловч үзүүлэх гэсэн зүйл, хэлэх гэсэн санаагаа үзэгчдийн тархинд дарамт үүсгэлгүйгээр илэрхийлж чадсан кино болсон гэж бодож байна.

Жүжигчин Б.Батмэнд:

-Зохиолч, найруулагч хоёр маань “Энэ дүрийг танд зориулж бичлээ” гэхэд надад асар том хариуцлага хүлээлгэж байгаа юм байна даа гэж бодсон.

Жүжигчин Э.Мөнхтөр:

-“Гэмгүй царайны минь цаана гэмээ нуусан” дүрийг хэн нэгэн найруулагч надад санал болгоосой гэж хүсэж байлаа. Намайг энэ хүсэлдээ ид шатаж явах үед найруулагч Б.Тулгаа хүссэн дүрийг минь өгсөн.

Жүжигчин Б.Хулан:

-Найруулагчид намайг ямар ч атаа хорсол тээгээгүй, гэмгүй цайлган дүрээр л хардаг. Харин “Өвлийн тууж”-ийн уран бүтээлчид надад огт өөр өнцөг өгсөнд баяртай байна. Найруулагчийн өгсөн тэр өнцөгийг өөртөө нааж чадсан эсэхээ энэ сарын 15-нд үзэгчидтэйгээ хамт үзнэ бас шүүнэ

“Авьяаслаг Монголчууд 2016” шоуны финалын шатны шалгаруулалт өчигдөр болж, 100 сая төгрөгийн эзнийг үзэгчдийн саналаар тодрууллаа. Хоёр дахь жилдээ зохион байгуулж буй тус тэмцээний финалд найман оролцогч тунаж үлдсэнээс О.Энх-Эрдэнэ үзэгчдийн саналаар тэргүүлсэн бол Б.Шижирбат удааллаа.

“Нуугдсан эрдэнэ” хэмээх тодотголтой О.Энх-Эрдэнэ нэгдүгээр шатандаа “Amarillo by morning” нэртэй кантри стилийн дуу дуулж, үзэгчдээс өндөр үнэлгээ авсан билээ. Гуравдугаар шатандаа тэрээр “Тааруухан дууллаа” гэх үнэлгээг үзэгчдээс авч байсан ч мөн л саналын илт давуу байдлаар финалын шатанд шалгарч чадсан юм. Харин өчигдөр буюу сүүлийн шатанд тэрээр дуучин Х.Төмөрийн дуулсан “Нарт тэнгэрийн дор” дууг дуулж үзэгчдийн сэтгэлийг дахин хөдөлгөж чадсан бололтой.

Түүнд анх авга ах нь “Авьяаслаг Монголчууд” шоунд оролцоод үзээч гэсэн санал тавьсан аж. Тухайн үед үзээд алдъя гэж дуучин маань бодоод уг шоунд оролцсон байна.

Тэрээр Эрдэнэт хотын ТИС-д уул уурхайн цахилгааны инженер мэргэжлээр суралцаж байгаа. Одоо гуравдугаар курсын оюутан юм.

Түүний шоунд оролцсон уран бүтээлийг хүргэе.

АНУ-ын Вашингтон хотноо энэ сарын 18-ны өдөр “Miss World” буюу “Дэлхийн мисс” тэмцээний финалын шатны шалгаруулалт болно. Нийт 120 орны оролцогч өрсөлдөж буй уг тэмцээнд Монголыг төлөөлөн А.Баярцэцэг оролцож буй. Тэрээр авьяасын үзүүлбэрээрээ шилдэг 10-т шалгарсан төдийгүй, финалын шалгаруулалтын өдөр эхний эгнээнд бүжиглэхээр болсон тухай бид өмнө мэдээлсэн.

Дахин нэг баяртай мэдээ дуулгахад миссүүдийн хийж буй Хүмүүнлэгийн ажлын үнэлгээнд тэрээр шилдэг 24-т буюу хагас шигшээд үлдээд байна. Мисс А.Баярцэцэг энэхүү “Агаа эгээ” нэртэй төслөөрөө дамжуулан асрамжийн газрын хүүхдүүдэд үлгэрлэн дууриах, зөвлөн туслах насан туршийн агаа, эгээг нь олж өгдөг аж.

Мөн дэлхийн гоо бүсгүй шалгаруулах “Miss world-2016” тэмцээний санал асуулга дуусахад зургаан хоног үлдсэн бөгөөд хэрэв бид уг санал асуулгад түрүүлбэл финалын өдөр “шилдэг 10-т” автоматаар орох юм.

Эцсийн ялагчийг MobStar aрр-р тодруулах бөгөөд санал асуулга эхэлсэн.

1. Доорх линкээр апп-ыг суулгаад, share.mobstar.com/info.php?id=94697

2. Mobstar-caa “MISS WORLD OFFICIAL” гэж бичээд хайна,

3. Miss World-ын profile гарч ирэх бөгөөд түүн дээрээс Монголынхоо авъяасын үзүүлбэрийг олох,

4. Бөрийн оролцогчийнхоо “зүүнээс (тоо байгаа одоогоор 1000 давсан) баруун тийш гулсуулан YES” хэмээн саналаа өгнө.

‪Б.ГЭРЭЛ

УДЭТ-аас жил бүр “Алтан тайзны эзэд-Бид мартахгүй” хүндэтгэл ёслолын үйл ажиллагааг зохион байгуулдаг уламжлалтай. Уг арга хэмжээгээр тухайн жил тэгш ой нь тохиож буй тайз, дэлгэцийн алдартнуудаа дурсан, хүндэтгэл үзүүлж, уран бүтээлийн дээжээс нь үзэгч олондоо толилуулдаг юм. Энэ жилийн ээлжит дурсамж өдөрлөг маргааш буюу арванхоёрдугаар сарын 10-ны бямба гаригт болох гэж байна. Энэ жил Монголын орчин үеийн уран зохиолыг үндэслэгч, шинэ цагийн театрын урлагийг хөгжүүлэхэд үнэтэй хувь нэмэр оруулсан их зохиолч Д.Нацагдоржийн мэндэлсний 110 жил ой тохиож буй. УДЭТ Д.Нацагдоржоор овоглодог байгууллагын хувьд их зохиолчийн амьдрал, уран бүтээлийн тухай өгүүлсэн “Жаргаагүй нар” жүжгийг өнгөрсөн сард тайзнаа тавьсан билээ. Тэгвэл энэхүү жүжгийг “Алтан тайзны эзэд-Бид мартахгүй” хүндэтгэл ёслолын үйл ажиллагааны хүрээнд бямба гаригт дахин тоглох юм байна.

Мөн энэ жил урлагийн гавъяат зүтгэлтэн Д.Гүрдоржийн мэндэлсний 110, XX зууны манлай жүжигчин, гавьяат жүжигчин Т.Цэвээнжавын 100, соёлын гавьяат зүтгэлтэн А.Таяа, УДЭТ-ын орлогч дарга асан Н.Алтангэрэл, гавьяат жүжигчин Л.Цэндсүрэн нарын мэндэлсний 90, ардын жүжигчин Л.Жамсранжав, театр судлаач, найруулагч Хо.Нацагдорж, соёлын тэргүүний ажилтан, жүжигчин З.Шагдаржав нарын 80, ардын жүжигчин Г.Мягмарнаран, соёлын тэргүүний ажилтан, театрын ахмад ажилтан Р.Эрдэнэчимэг, Р.Доржравдан нарын 70 насны ой тохиож байгаа ажээ. Тиймээс УДЭТ-ынхан эдгээр алтан тайзны эздэдээ хүндэтгэл үзүүлэх юм байна. Энэхүү арга хэмжээний хүрээнд “Алтан тайзны эзэд-Бид мартахгүй” үзэсгэлэн бямба гаригт нээгдэнэ. Мөн өдөр “Алтан тайзны эзэд-Бид мартахгүй” эрдэм шинжилгээний бага хурал болох юм байна. Харин арванхоёрдугаар сарын 16-нд гавьяат жүжигчин Т.Цэвээнжавын мэндэлсний 100 жилийн ойд зориулсан “Монгол талаасаа нэгдүгээр хүн” хүндэтгэлийн тоглолт болно.

ОХУ-ын Буриад улсын ардын жүжигчин, МУСТА дуучин Б.Амархүү энэ сарын 9-нд буюу өнөөдөр “Монгол бөхийн өргөө”-нд бие даасан тоглолтоо хийх гэж байна. Түүний тоглолт 19.00 эхэлнэ.

Тасалбарын үнэ 15 000- 20 000 төгрөгийн үнэтэй бөгөөд Бөхийн өргөөний билетийн касс, тоглолтын постер наасан машинуудаас авах боломжтойгоос гадна 19001617 дугаараар захиалах боломжтой.

Хэсэг хугацаанд уран бүтээлээ завсарлаад байсан “Флаш” хамтлагийн залуус 10 жилийн ойн “Гэрэл түгээе” тоглолтоо өнөөдөр хийнэ.

Тоглолтоор “Хайрын нулимс” “Хайрлах хүсэл” “Бүхнийг дурс” зэрэг хуучны уран бүтээлээ дуулах аж. Тоглолтын тасалбар 10-30 мянган төгрөгөөр борлуулагдаж байгаа юм байна. Тоглолт энэ сарын 9-нд 19.00 цагт “Crocus Event Hall” концертын танхимд болно.

Монголын Урчуудын эвлэлийн “Шинэ урлагийн нэгдэл”-ээс хоёр дахь удаагаа дэглэн тавьж буй “Contemporary Art” exhibition-II үзэсгэлэн өчигдөр МУЭ-ийн үзэсгэлэнгийн танхимд нээлтээ хийлээ.

Монголын орчин үеийн урлагийн хөгжлийн явц, сэтгэлгээний хурд, өнгө төрхийг олон нийтэд таниулах, шинэ залуу уран бүтээлчдийг дэмжих зорилготойгоор хоёр жилд нэг удаа зохион байгуулдаг эл үзэсгэлэнд тодорхой шалгуурыг давсан 21 уран бүтээлчийн бүтээл дэлгэгджээ.

Ингээд энэ удаагийн үзэсгэлэнгийн зохион байгуулагч болон бүтээл нь тавигдсан уран бүтээлчдийн төлөөлөлтэй товч ярилцсанаа хүргэе.

МУЭ-ийн Удирдах зөвлөлийн гишүүн, уран бүтээлч Д.Батзориг:

Анхны үзэсгэлэн 2014 онд тавигдаж байсан. Хоёр жилд нэг удаа зохион байгуулагддаг учир энэ жил 2 дахь удаагаа дэлгэгдэж байна. Энэ үзэсгэлэнгийн гол зорилго нь орчин үеийн урлагийн төрлөөр бүтээл туурвидаг шинэ залуу уран бүтээлч, дүр төрхийг бодлогын хэмжээнд гарган ирэх зорилготойгоор Монголын Урчуудын эвлэлээс зохион байгуулдаг ажил юм. Нийт 36 уран бүтээлчийн 40 гаруй бүтээл ирснээс сонгон шалгаруулалт хийгдэж 21 уран бүтээлчийн 19 бүтээл дэлгэгдсэн. Үзэсгэлэнг амжилттай болгох нэн тэргүүний хүчин зүйл нь дэглэлт байдаг. Бид ч дэглэлтдээ илүү анхаарсан. Ер нь контемпорари урлагийг хөгжүүлье гэвэл орон зайг нь л гаргаж өгөх чухал.

“Art Mongolia” төвийн уран бүтээлч Д.Бат Эрдэнэ:

Энэ үзэсгэлэнд дэлгэгдсэн миний энэ ажил “Empty” буюу хоосон гэдэг нэртэй. Уг санаа нь бол хоосорчихсон, дууссан, хоосон бол хоосон гэсэн утгыг агуулж байгаа юм. Бодит байдал нь цаанаа байгаа юм уу, эсвэл бодит байдал нь хавтгай дээрээ байгаа юм уу гэж харагдахаар хийсэн орон зайн видео арт юм.

“Empty” буюу хоосон.

Манай “Art Mongolia” төвийн дөрвөн уран бүтээлчийн ажил энэ удаагийн үзэсгэлэнд шалгаран оролцож байна. Ер нь бол зохион байгуулагчдын зүгээс үзэсгэлэнд тавигдах бүтээлийн шалгуурт их сайн босго тавьсан байна билээ. Хэлбэр хийц, утга санааны хувьд ч чанартай бүтээлүүдийг сонгож бүтээл бүхэнд орон зайг хангалттай гарган өгч их сайн дэглэжээ.

Урлаг судлаач, зураач П.Ганбат:

Миний энэ бүтээл “Үндсэн хууль” нэртэй. Монгол Улсын Үндсэн хуулинд хүн бүхэн амьд явах эрхтэй гэж заасан ч өнөөдөр энэ эрхээ бид тэгш эдэлж чадаж байна уу? Зарим хүнд хууль өөрөөр сонсогдож, өөрөөр тайлбарлагдаж, өөрөөр уншигдаж байна шүү дээ.

“Үндсэн хууль”

Нийгэм рүү чиглэсэн ийм бүтээл хийхэд орон зай их шаардагдсан. Тийм учраас комтемпорари урлагийн төрлөөр, тэр дундаа инстоляци хэлбэрийг сонгосон. Миний сонгож авсан материал бол нүүрс зөөдөг конверын дамрууд. Нэг л цагт яг ижил хэмжээтэй нүүрс зөөж буй дамрууд хэрнээ өөр өөр элэгдэлтэй даамрууд байх жишээний. Нэг ёсондоо энэ нийгмийн бүтээгдэхүүн болсон хүмүүс бид л гэсэн үг.

“Guys” хамтлаг Солонгос улсад зохион байгуулагдсан “Соёл, урлагийн наадам”-аас шагнал авсан тухайгаа өнөөдөр мэдээллээ. Тус наадмыг 1992 оноос хойш тасралтгүй зохион байгуулж буй бөгөөд энэ жилийн наадмын үеэр гадаадын уран бүтээлчдэд “Олон улсын од” шагнал олгосноороо онцлог болжээ. Guys” хамтлаг өнгөрсөн сарын 30-нд энэхүү шагналаа авчээ. Тус хамтлагийнхан ирэх онд тохиох 20 жилийн ойн босгон дээрээ олон улсын түвшинд үнэлэгдсэн, тэр дундаа Ази тивийг соёл урлагаар тэргүүлэгч улсаас шагнал авсандаа баяртай байна. Энэ жилийн наадмаас “Guys” хамтлагаас гадна АНУ, Хятад, Япон, Малайз улсын уран бүтээлчид энэхүү шагналын эзэн болсон байна. Энэхүү “Олон улсын од” шагналыг олгохдоо мэргэжлийн судалгааны байгууллагын үнэлгээнд үндэслэн, хийж буй уран бүтээлийн чанар, үзэгч, сонсогчдын үнэлгээг харгалзан үздэг байна.

Тус хамтлагийнхан 20 жилийн ойдоо зориулсан цоо шинэхэн уран бүтээлүүдийнхээ дээжээс үзэгчдэд хүргэхэд бэлэн болжээ. Тодруулбал, өнөөдөр 22.00 цагаас “Бид дөрөв дуугаа дуулаад бүхнийг жаргуулъя” гэх уриатай “Одтой өдөр” дууныхаа клипийг цахим хуудсаараа дамжуулан “цацах” гэнэ.

Монгол Улсын Филармонийн гоцлол дуучин СТА Н.Наранбаатарын шинээр гаргасан “Миний захидал” цомгийн албан ёсны нээлт энэ сарын 9-нд HIFI records-д болно.

Тэрбээр хэлэхдээ, “Уран бүтээлээрээ хүмүүжүүлэх, сэтгэлийн цэнгэл бэлэглэх зэрэг үүргийг хүмүүст хүргэх зорилготой. Үүнээс гадна амьд харилцааг эрхэмлэхийг уриалдаг. Орчин үед хүмүүс интернэт, цахим ертөнцөд хэт автаж, цаасан буюу захидлаар харилцах харилцаа багассан учраас цомгоо ийнхүү нэрлэсэн” гэв.

Тус цомогт Монголын хуучны уянгалаг, хит дууг жазз хэмнэлд оруулсан дуунууд болон дэлхий нийтэд хүртээл болсон жазз дуунууд багтсанаараа онцлогтой.

Цомгийг Европын дуу хөгжмийн стандартад нийцүүлэн дуугаралт, эдэлгээ чанарын өндөр түвшинд Герман улсад хэвлүүлсэн бөгөөд продюссерээр Мартин Зенкер ажиллажээ.

Цомгийн баярт хамгийн түрүүнд ирсэн 10 хүнд тэрбээр гарын үсгээ зуран, цомгоо үнэгүй дурсгах аж. Мөн сэтгэлийн үгээ шингээж захиа бичсэн хүмүүсээс шилдэг 10 захиаг шалгаруулан, тэдэнд цомгийн нээлтийн үдэш “Artystry” ресторанд болох хүлээн авалтад оролцох эрхийн бичиг гардуулах аж.