Category: амьдралын-өнгө

Төв суурин газрын хүн амын хүнсний хэрэгцээнд зориулан 28.3 тн мах бэлтгэн, нөөцлөх ажлын хүрээнд орон нутагт үйл ажиллагаа эрхэлдэг “Эрдэнэ Хүнс” болон “Тайван Өсөх” ХХК-тай хамтран ажиллах гэрээ байгууллаа. Энэ жилийн хувьд мах нөөцлөх хэмжээ өмнөх оноос нэг дахин илүү байгааг албаныхан онцоллоо.

2022 оны хаврын хүнсний хэрэгцээнд зориулж 2022 оны 4 дүгээр сарын 1-ний өдрөөс эхлэн нөөцийн махыг худалдаанд борлуулан, махны үнийн хөөрөгдлийг хязгаарлаж, тогтвортой байх боломжийг бүрдүүлж байгаа юм.

Сүхбаатар аймагт коронавирусийн халдварын батлагдсан тохиолдлыг тусгаарлан эмчлэх халдвартын эмнэлэгт жирэмсэн эмэгтэйчүүдийг хэвтүүлэн эмчилж байгаа юм. Шаардлагатай тохиолдолд төрүүлэх өрөөг ч тусгайлан бэлтгэсэн аж.

Тэгвэл тус эмнэлэгт одоогоор нийт 13 эх амаржиж, 14 хүүхэд эсэн мэнд төрсөн байна.

Тодруулбал, хэдхэн хоногийн өмнө кесарь хагалгаагаар хоёр ихэр охин төржээ. Харин хамгийн сүүлд буюу энэ сарын 21-ний өдөр 38 долоо хоногтой эх мөн эсэн мэнд амаржсан байна. Жирэмсэн эх өөрөөрөө болон хагалгаагаар төрөхөөс хамаарч эмч, эмнэлгийн ажилчдын багийн гишүүдийн тоо харилцан адилгүй байдаг байна.

Хэдийгээр тус аймагт халдварын нөхцөл байдал хүнд байгаа ч одоогоор эх хүүхдийн эндэгдэл, хүндрэл гараагүй аж.

Энэ сарын 22-ны байдлаар Сүхбаатар аймгийн хэмжээнд 33 жирэмсэн эх халдвар авч, ЭМБ-аар эмчлүүлж байна.

Сэлэнгэ аймгийн Сүхбаатар сумын Бор гүвээ багийн 5 дугаар хэсэгт Дунд намаг гэдэг газарт намагт нэг иргэн шигдсэн тухай дуудлагыг орон нутгийн Онцгой байдлын газар энэ сарын 21-ний 05:38 цагт хүлээн авчээ.

Тус аймгийн Онцгой байдлын газрын Эрэн хайх, аврах ангийн алба хаагчид таван км зам туулан 05:50 цагт очиход Дунд намаг гэдэг газраас хойд зүгт 2 км-т иргэн Э/25 настай, эмэгтэй/ намагт шигдсэн, осголтын байдалтай байсныг 1 цаг 10 минут ажиллаж аварч гарган эмнэлгийн анхны тусламж үзүүлж, аймгийн Нэгдсэн эмнэлэгт хүлээлгэн өгсөн байна.

Өмнөд Монгол дахь коронавирусийн халдварын байдлын талаарх мэдээллийг хүргэж байна.

Хэнтий аймгийн Норовлин сумын нутагт Ангирт багийн “Авсад Хайрхан” гэдэг газарт хээрийн түймэр гарч 400 га талбай шатжээ.

Энэ тухай дуудлага өчигдөр буюу аравдугаар сарын 18-нд бүртгэгдсэн байна.

Дуудлагын дагуу тус сумын Засаг даргын Тамгын газрын ажилтнууд түймрийг цурамд оруулж, өчигдөр 16:25 цагт бүрэн унтраасан байна. Улмаар байгаль орчны байцаагчид хүлээлгэн өгсөн талаар ОБЕГ-аас мэдээллээ.

Малч­ид, иргэд, тариаланчдад зориулсан мэдээ: Ойрын хоногуудад ихэнх нутгаар хур тунадас орохгүй, өдөртөө дулаарна.

Зүүн аймгуудын нутгаар солигдмол үүлтэй, бусад нутгаар багавтар үүлтэй. Нийт нутгаар хур тунадас орохгүй. Салхи нутгийн зүүн хэсгээр баруун хойноос, бусад нутгаар баруунаас секундэд 5-10 метр, Дорнод-Дарьгангын тал нутгаар секундэд 12-14 метр хүрч ширүүснэ.

Хангай, Хөвсгөл, Хэнтэйн уулархаг нутаг, Тэрэлж, Онон, Улз, Халх голын хөндий, Дорнод-Дарьгангын тал нутгаар 0-5 градус, Их нууруудын хотгор болон Алтайн өвөр говиор 10-15 градус, бусад нутгаар 4-9 градус дулаан байна.

УЛААНБААТАР ХОТ ОРЧМООР: Багавтар үүлтэй. Хур тунадас орохгүй. Салхи баруунаас секундэд 5-10 метр. 4-6 градус дулаан байна.

БАГАНУУР ОРЧМООР: Багавтар үүлтэй. Хур тунадас орохгүй. Салхи баруунаас секундэд 6-11 метр. 4-6 градус дулаан байна.

ТЭРЭЛЖ ОРЧМООР: Багавтар үүлтэй. Хур тунадас орохгүй. Салхи баруунаас секундэд 5-10 метр. 3-5 градус дулаан байна.

Өглөө 05 цагт Улаанбаатарт: 6 градус хүйтэн, харьцангуй чийг 75 хувь, агаарын даралт 877 гектопаскаль байлаа. Даралт өдөртөө тогтвортой байна.