Category: спорт

Categories
ардын-цолтон спорт

ЯПОН УЛС ХҮН АМЫН БУУРАЛТЫГ ЗОГСООНО DNN.MN

Япон улсын ерөнхий сайд Фүмио Кишида парламентын чуулганы нээлт дээр үг хэлэхдээ хүн амынхаа тоон бууралтыгзогсооход чиглэсэн шийдвэртэй арга хэмжээ авах цаг ирснийг мэдэгджээ. Жил ирэх тутам хүн ам нь улам хөгширч, төрөлт багасаж буй Япон улсад өнгөрсөн онд түүхэндээ анх удаа 800,000 хүрэхгүй тооны хүүхэд мэндэлсэн юм. Эрх баригчид өмнө нь төрөлтийн бууралт найман жилийн дараа ийм хэмжээнд хүрнэ гэж тооцоолж байжээ.

Засгийн газраас олон хүүхэдтэй болохыг дэмжсэн янз бүрийн бодлого хэрэгжүүлж, арга хэмжээ авч байгаа ч үр дүнд хүрэхгүй байгаа юм. Өнөөдөр Японы хүн амын дундаж нас 49 болсон нь дэлхийн хэмжээнд зөвхөн Монако хот улсын дараа орох өндөр үзүүлэлт болоод байна. “Манай улс үндэстэн нийгмийн чиг үүргээ хэвийн хадгалж чадах эсэх дээрээ тулаад байна. Хүүхэд төрүүлэхийг дэмжих шийдвэртэй арга хэмжээг хойшлуулахгүйгээр авч хэрэгжүүлэх цаг ирлээ. Бидэнд хүлээх цаг байхгүй” гэж Кишида онцлон хэлжээ. Тэрээр төрөлтийг дэмжих бодлогыг хэрэгжүүлэхэд шаардлагатай төсвийг хоёр дахин нэмсэн төлөвлөгөөг энэ оны зургаадугаар сард танилцуулж, Хүүхэд, Гэр бүлийн асуудал хариуцсан агентлаг дөрөвдүгээрбайгуулна гэдгийг энэ үеэр зарласан байна.

Гэр бүлүүд хүүхэдтэй болоход эдийн засгийн дарамт гол саад болж байгаа гэж судлаачид үздэг. Япон улс нь одоогоор хүүхэд өсгөхөд хамгийн өндөр зардалтай дэлхийн гурав дахь оронд тооцогддог.Энэ үзүүлэлтээр Японы дээр бичигддэг Хятад, Өмнөд Солонгос улсуудад мөн адил хүн ам зүйн хямрал нүүрлээд байгаа юм гэж “Reuters” мэдээлэв.

Д.АМАРСАНАА

 

Categories
спорт

БОРИС ЖОНСОН УКРАИНД ДАХИН АЙЛЧЛАВ DNN.MN

Их Британийн Ерөнхий сайд асан Борис Жонсон Украинд айлчилжээ. Энэ нь өнгөрсөн оны хоёрдугаар сарын 24-нд дайн эхэлснээс хойш тус улсад хийсэн түүний дөрөв дэх удаагийн айлчлал юм. Борис Жонсон дайнд ихээхэн нэрвэгдсэн Киев мужийн баруун хойд хэсгийн Буча, Бородянка хотуудад Украины Ерөнхийлөгч Владимир Зеленскийн хамт очин нөхцөл байдалтай биечлэн танилцжээ.

Өнгөрсөн долоо хоногт болсон Давосын эдийн засгийн чуулганд Борис Жонсон оролцох үедээ Украинд ялалт байгуулахад нь шаардлагатай танк болон бусад зэвсэг техник хэрэгслүүдийг нийлүүлэхийг дэлхийн улс орнуудад уриалсан юм. Жонсоны Украиныг дэмжиж уриалсан энэ үгэнд талархаж байгаагаа Зеленский уулзалтынхаа үеэр илэрхийлжээ.

Дайныг дуусгах цорын ганц зам бол Украины ялалт гэдгийг Борис Жонсон айлчлалынхаа үеэр хэлсэн байна. Их Британи Украинд “Чэлленжер 2” танк нийлүүлнэ гэдгээ өнгөрсөн долоо хоногийн эхээр мэдэгдсэн юм.

Categories
спорт

ҮНДЭСТЭН ДАМНАСАН ГЭМТ ХЭРГИЙН БАЙГУУЛЛАГА” АНГИЛАЛД ОРУУЛАВ

АНУ-ын засаг захиргаа Оросын хувийн цэргийн компани “Вагнер” группийг “үндэстэн дамнасан гэмт хэргийн байгууллага” ангилалд албан ёсоор оруулснаа зарлав.Тус компани нь хөлсний цэргүүдээ Украины дайнд Оросын албан ёсны армитай цуг тулалдуулж байгаа билээ.

Цагаан ордны үндэсний аюулгүй байдлын зөвлөлийн нарийн бичгийн дарга Жон Кирби ерөнхийлөгч Владимир Путиний ойрын хүн гэгддэг Евгений Пригожиний удирддаг “Вагнер” групп одоо Украинд 50,000 орчим цэргээ байлдуулж байгаагийн 80 хувь нь шоронгоос элсүүлсэн хоригдлууд байна гэж мэдээлэв.

АНУ-ын сангийн яам Вагнер Группийг “үндэстэн дамнасан гэмт хэргийн байгууллага” гэж зарласнаар Италийн мафи болон Орос, Японы зохион байгуулалттай гэмт хэргийн байгууллагуудтай нэг ангилалд орж байгаа юм.

Ингэснээр тус байгууллагын олон улсад явуулах банк, санхүү, худалдааны үйл ажиллагаанд өргөн хүрээний хориг үйлчлэхээр болж байна.

“Вагнер бол өргөн хүрээнд харгислал явуулж, хүний эрхийг зөрчдөг гэмт хэргийн байгууллага юм. Вагнерт тусалж буй этгээдүүдийг олж илрүүлэх, илчлэх, үйл ажиллагааг нь таслан зогсоох чиглэлд бид тууштай ажиллах болно” гэж Кирби мэдэгджээ. Кирби бас “Вагнер” Украинд харьцангуй амжилттай байлдааны ажиллагаа явуулж Кремль дэх хүчний харьцаанд нөлөөлөхийг хичээж байна гэж онцлон мэдэгджээ.

“Вагнер нь Оросын зэвсэгт хүчин болон Оросын бусад төрийн байгууллагуудын эсрэг гол өрсөлдөгч хүч болоод байна. Пригожин өөрийн нэр нөлөөг өсгөх, ашиг сонирхлоо хамгаалахад чиглэсэн шийдвэрүүдийг Украины фронт дээр гаргаж буй нь тодорхой болсон” гэж Кирби мэдээлсэн байна.

АНУ-ын засаг захиргаа Оросын хувийн цэргийн компани “Вагнер” группийг “үндэстэн дамнасан гэмт хэргийн байгууллага” ангилалд албан ёсоор оруулснаа зарлав.Тус компани нь хөлсний цэргүүдээ Украины дайнд Оросын албан ёсны армитай цуг тулалдуулж байгаа билээ.

Цагаан ордны үндэсний аюулгүй байдлын зөвлөлийн нарийн бичгийн дарга Жон Кирби ерөнхийлөгч Владимир Путиний ойрын хүн гэгддэг Евгений Пригожиний удирддаг “Вагнер” групп одоо Украинд 50,000 орчим цэргээ байлдуулж байгаагийн 80 хувь нь шоронгоос элсүүлсэн хоригдлууд байна гэж мэдээлэв.

АНУ-ын сангийн яам Вагнер Группийг “үндэстэн дамнасан гэмт хэргийн байгууллага” гэж зарласнаар Италийн мафи болон Орос, Японы зохион байгуулалттай гэмт хэргийн байгууллагуудтай нэг ангилалд орж байгаа юм.

Ингэснээр тус байгууллагын олон улсад явуулах банк, санхүү, худалдааны үйл ажиллагаанд өргөн хүрээний хориг үйлчлэхээр болж байна.

“Вагнер бол өргөн хүрээнд харгислал явуулж, хүний эрхийг зөрчдөг гэмт хэргийн байгууллага юм. Вагнерт тусалж буй этгээдүүдийг олж илрүүлэх, илчлэх, үйл ажиллагааг нь таслан зогсоох чиглэлд бид тууштай ажиллах болно” гэж Кирби мэдэгджээ. Кирби бас “Вагнер” Украинд харьцангуй амжилттай байлдааны ажиллагаа явуулж Кремль дэх хүчний харьцаанд нөлөөлөхийг хичээж байна гэж онцлон мэдэгджээ.

“Вагнер нь Оросын зэвсэгт хүчин болон Оросын бусад төрийн байгууллагуудын эсрэг гол өрсөлдөгч хүч болоод байна. Пригожин өөрийн нэр нөлөөг өсгөх, ашиг сонирхлоо хамгаалахад чиглэсэн шийдвэрүүдийг Украины фронт дээр гаргаж буй нь тодорхой болсон” гэж Кирби мэдээлсэн байна:

Categories
мэдээ спорт цаг-үе

Улсын начин цолны хүндэтгэлийн барилдаан болж байна

Улсын начин цолны хүндэтгэлийн барилдаан Монгол бөхийн өргөөнд эхэллээ. Цар тахлын улмаас гурван удаа өнжөөд байсан начин цолны хүндэтгэлийн барилдаанд улсын аварга П.Бүрэнтөгс, О.Хангай, улсын арслан Э.Оюунболд, Р.Пүрэвдагва тэргүүтэй улс, аймгийн цолтой 256 зодоглож байна.

Энэхүү барилдаан нь шинэчилсэн дүрмээр зохион байгуулж буй анхны барилдаан юм. Тодруулбал, Монголын үндэсний бөхийн холбооны тэргүүлэгчид болон барилдааны дүрмийн зөвлөлийн гишүүд хуралдаж барилдааны дүрэмд өөрчлөлт оруулсан юм. Монголын үндэсний бөхийн барилдааны дүрмийн 4.5 дахь заалтад “1-4-ийн давааны үндсэн хугацаа 15 минут, үндсэн хугацаа дуусахад дан, давхар шуудагны барьцнаас барилдуулах хугацаа 30 минут, санаачилга харах хугацаа 10 минут, нийт 55 минут байна. Таваас дээш давааны үндсэн хугацаа 20 минут, үндсэн хугацаа дуусахад дан, давхар шуудагны барьцнаас барилдуулах хугацаа 40 минут, санаачилга харах хугацаа 10 минут, нийт 70 минут байна. Барилдааны хугацааг дээрх байдлаар тогтоосноор аль ч даваанд санаачилгагүй барилдсан хоёр бөхийн барилдааны нийт хугацаа дуусахад хөлийн цэцүүд хэлэлцээд, санаачилга харах 10 минутад идэвх санаачилга, барьц барих, хорьж барих, илт хамгаалах гэх мэт хөдөлгөөний үйлдлийг харгалзан үзээд идэвх санаачилгагүй бөхийг хасаж, нөгөө бөхийг давуулах” гэсэн байдаг. Үүнийг “Аливаа барилдааны даваа бүрийн барьцгүй барилдах хугацаа 25 минут, барьцгүй барилдах хугацаа дуусахад дан, давхар шуудагны барьцнаас барилдуулах хугацаа 25 минут, нийт 50 минут байна. Аль ч даваанд барилдсан хоёр бөхийн барилдааны нийт хугацаа дуусахад хөлийн цэцүүд хэлэлцээд, тухайн барилдааны туршид идэвх санаачилга, барьц барих, хорьж барих, илт хамгаалах гэх мэт хөдөлгөөний үйлдлийг харгалзан үзээд идэвх санаачилгагүй бөхийг хасаж, нөгөө бөхийг давуулах” болгож өөрчилжээ. Өөрөөр хэлбэл, барилдааны нийт 70 минутыг 50 минут болгон багасгажээ.

Categories
мэдээ спорт

М.Анхцэцэг УАШТ-нд 12 дахь удаагаа түрүүллээ DNN.mn

“UNC-2023” Холбоодын нэгдсэн УАШТ-ий хүндийн өргөлтийн тэмцээн хоёр өдөр үргэлжилж өчигдөр дууслаа. Xүндийн өргөлтийн эмэгтэйчүүдийн -87 кг-ын жинд МУ-ын гавьяат тамирчин Мөнхжанцангийн Анхцэцэг түрүүллээ. Харин -87 кг жинд Г.Чинболор, Г.Марал нар мөнгө, хүрэл медалийн болзол хангав. Тэгвэл эмэгтэй +87 кг-ын жинд “Увс нуур”-ын О.Баянтуул өрсөлдөгчөөсөө 37 кг илүү өргөж, алтан медалийн эзэн болов.

Эмэгтэй -87кг:

  1. М.Анхцэцэг, Алдар /огцом 95, түлхэлттэй 100, нийлбэр 195/
  2. Г.Чинболор, Увс нуур /огцом 55, түлхэлттэй 67, нийлбэр 122/
  3. Г.Марал, Увс нуур /огцом 55, түлхэлттэй 65, нийлбэр 120/
  4. Б.Энхжин, Алдар /огцом 0, түлхэлттэй 80, нийлбэр 80/

Эмэгтэй +87кг:

  1. О.Баянтуул, Увс нуур /огцом 93, түлхэлттэй 112, нийлбэр 205/
  2. А.Баясгалан, Увс нуур /огцом 71, түлхэлттэй 97, нийлбэр 168/
  3. Б.Ичинхорол, Самбуу сан /огцом 46, түлхэлттэй 52, нийлбэр 98/
Categories
мэдээ спорт цаг-үе

Монгол Улсын Хөдөлмөрийн баатар Х.Цагаанбаатар зодог тайллаа DNN.mn

2023 оны Жүдо бөхийн насанд хүрэгчдийн улсын аварга шалгаруулах тэмцээн өнөөдөр эхэллээ.

Энэ үеэр Монгол Улсын хөдөлмөрийн баатар Х.Цагаанбаатар зодог тайллаа.

Хашбаатарын Цагаанбаатар нь Монголын жүдоч. 1984 оны гуравдугаар сарын 19-нд Увс аймгийн Баруунтуруун суманд төрсөн. 1995 оноос анх жүдо барилдаанаар хичээллэж эхэлсэн. 2004 оны Афины олимпоос 60кг-ийн жинд хүрэл медаль хүртсэн, 2009 оны дэлхийн аварга, 2010 оны ДАШТ-ий хүрэл медальт. Монгол Улсын Гавьяат тамирчин, Хөдөлмөрийн баатар цолтой, Азийн наадмын аварга, Азийн хошой аварга, самбо бөхийн дэлхийн хошой аварга. Монгол Улсын оны шилдэг тамирчны “Бөртэ чоно” цомыг гурван удаа (2004, 2006, 2009) хүртсэн нэгэн юм.

Categories
мэдээ спорт

2023 онд манай улсын тамирчдын оролцох томоохон тэмцээнүүдийн хуваарийг гаргажээ DNN.mn

Монголын үндэсний олимпын хорооноос 2023 онд манай улсын тамирчдын оролцох томоохон тэмцээнүүдийн хуваарийг гаргажээ.

  • Боксын эмэгтэйчүүдийн ДАШТ Энэтхэгийн Дели хотод гуравдугаар сарын 15-31-ний хооронд
  • Боксын эрэгтэйчүүдийн ДАШТ Узбекистаны Ташкентад тавдугаар сарын 1-15-ны хооронд
  • Жүдо бөхийн ДАШТ Катарын Дохад тавдугаар сарын 7-14-ний хооронд
  • Таеквондогийн ДАШТ Азербайжаны Бакуд тавдугаар сарын 29-нөөс зургаадугаар сарын 4-ний хооронд
  • 3Х3 сагсан бөмбөгийн ДАШТ Австрийн Вена хотод тавдугаар сарын 30-наас зургаадугаар сарын 4-ний хооронд
  • Усан спортын ДАШТ Японы Фүкүокад долдугаар сарын 14-30-ны хооронд
  • Дугуйн спортын ДАШТ Шотландын Глазго хотод наймдугаар сарын 3-13-ны хооронд
  • Дэлхийн элсний наадам Индонезын Балид наймдугаар сарын 16-23-ны хооронд
  • Буудлагын ДАШТ Азербайжаны Бакуд наймдугаар сарын 14-нөөс есдүгээр сарын 3-ны хооронд
  • Зүүн Азийн залуучуудын наадам Монгол Улсын нийслэл Улаанбаатар хотод наймдугаар сарын 16-23-ны хооронд
  • Хөнгөний ДАШТ Унгарын Будапештад наймдугаар сарын 19-27-ны хооронд
  • Бадминтоны ДАШТ Данийн Копенхаген хотод наймдугаар сарын 21-28-ны хооронд
  • Байт харвааны ДАШТ Германы Берлинд долдугаар сарын 31-нээс наймдугаар сарын 6-ны хооронд
  • Хүндийг өргөлтийн ДАШТ Саудын Арабын Эр-Рияд есдүгээр сарын 2-17-ны хооронд
  • Чөлөөт бөхийн ДАШТ Сербийн Белград хотод есдүгээр сарын 16-24-ний хооронд
  • Азийн наадам БНХАУ-ын Ханжоу хотод есдүгээр сарын 23-наас аравдугаар сарын 8-ны хооронд
  • Азийн танхимын болон тулааны спортын наадам Тайландын Бангкок-Чонбури хотод арваннэгдүгээр сард 17-26-ны хооронд болох юм байна.

Дээрх наадмуудаас наймдугаар сард Улаанбаатар хотноо болох Зүүн Азийн залуучуудлын наадам, ес болон аравдугаар сарыг дамнан үргэлжлэх Азийн наадам хамгийн чухалдаа тооцогдож буй.

Энэ мэдээнд өгөх таны үнэлгээ
Like
Categories
мэдээ спорт

Мөсөн өргөө цогцолборт энэ сарын 13-22-нд спорт холбоодын нэгдсэн УАШТ болно DNN.mn

Спортын 15 холбоо нэгдэн Улсын Аварга Шалгаруулах Тэмцээн(УАШТ)-ээ энэ сарын 13-22-нд зохион байгуулах гэж байгаа талаараа өнөөдөр мэдээллээ.

Хоёр дахь жилдээ болох гэж буй тус тэмцээний зохион байгуулалт, спорт төрлүүдийн талаар Спортын Корпорацын гүйцэтгэх захирал Б.Хосбаяр “Спортын холбоод тус тусдаа тэмцээнээ зохион байгуулж, аваргаа шалгаруулдаг. Тэгвэл хамтарч зохион байгуулснаар хамтын үнэ цэнийг бий болгож байна. Тэмцээнийхээ бүх зүйлийг Азийн наадмын стандартаар хийнэ. Цаашдаа бид Азийн наадмын суурийг Монголдоо нэвтрүүлэхээр зорьж байна” гэлээ.

Холбоодын нэгдсэн УАШТ-ийг спортын томоохон фестиваль, платформ болохоор ажиллаж буйгаа тэрбээр мөн хэлсэн юм. Түүнчлэн Холбоодыг дэмжих сан байгуулжээ. Тус сангаас тэмцээнд оролцож буй спортын холбоо бүрд 15 сая төгрөгийн дэмжлэг өгөх аж.

УАШТ Мөсөн өргөө цогцолборт болох бөгөөд унааны хуваарь хараахан гараагүй байгааг зохион байгуулагчид нь хэлэв.

Тэмцээнд оролцох спорт холбоод

  • Монголын байт харвааны холбоо
  • Монголын жюү жицүгийн холбоо
  • Монголын корнролын холбоо
  • Монголын дугуйн холбоо
  • Монголын кэндогийн холбоо
  • Монголын дугуйт тэшүүрийн холбоо
  • Монголын бүжгийн холбоо
  • Монголын тэргэнцэртэй сэлэмийн холбоо
  • Монголын уулчдын үндэсний холбоо
  • Монголын электрон спортын холбоо
  • Монголын орчин үеийн таван төрөлтийн холбоо
  • Монголын тусгай олимпын хороо
  • Монголын брейк бүжгийн холбоо
Categories
мэдээ спорт

Таэквондогийн ”MNU TEAM CHAMPIONSHIPS’’ тэмцээн эхэллээ DNN.mn

Монголын үндэсний их сургуулийн нэрэмжит “ITF” таэквондогийн ”MNU TEAM CHAMPIONSHIPS’’ тэмцээн өнөөдөр эхэллээ. Энэхүү тэмцээн нь зөвхөн багийн төрлүүдээр зохион байгуулагдаж байгаагаараа онцлогтой юм. Тэмцээн багийн тулаан, багийн түль, багийн хосен суль төрлөөр явагдаж байна. Багийн тулаан нь найм хүртлэх насны охид, хөвгүүд, 11-13 нас, 14-17 нас, насанд хүрэгчдийн эрэгтэй, эмэгтэй ангиллаар эхэллээ. Харин багийн түлийн төрөл нь өсвөр үе, 17 наснаас дээш өсвөр үе, насанд хүрэгчдийн ангиллаар болно. Хосен суль багийн тулаан нь бага нас 13-аас доош нас, 17-оос дээш насны охид, хөвгүүдийн болон насанд хүрэгчдийн багийн ангиллаар явагдах юм байна.

Categories
мэдээ спорт

Кристиано Рональду 2025 он хүртэл Саудын Арабын клубт тоглох гэрээ байгуулжээ DNN.mn

Дэлхийн хөл бөмбөгийн шилдэг тоглогчдын нэг Португалийн Кристиано Рональдо 2025 оныг хүртэл Саудын Арабын Аль Насср клубт тоглох гэрээг байгуулжээ.

Тэрбээр Английн Манчестер Юнайтад клубт харьяалагдаж байгаад хэвлэлд өгсөн ярилцлагатай холбоотой маргааны улмаас тус клубээс явсан юм.

Рональдог хөл бөмбөгийн түүхэнд хамгийн өндөр цалингаар буюу жилийн 177 сая фунт стерлингээр Саудын Арабын клубт тоглох болсон тухай эх сурвалжууд мэдээлж байна.

37 настай тэрбээр “өөр улс орны өөр лигийн клубт шинэ зүйл мэдрэх, туршлага олж авах хүсэлтэй” байгаагаа ярьжээ.

Саудын Про Лигийн есөн удаагийн аварга Аль Насср клуб Рональдотой байгуулсан гэрээгээ “түүхэн үйл явдал” гэж онцолсон байна.

Гэрээ нь тус улсын мэргэжлийн лигийн тамирчид төдийгүй ард түмэн, хойч үе, охид хөвгүүдэд урам зориг өгөх ач холбогдолтойг онцолжээ.

Өнгөрсөн зун Саудын өөр нэг клуб Аль Хилалын тавьсан 305 сая фунт стерлингийн гэрээний саналаас Рональдо татгалзаж байв.

Тухайн үед тэр Манчестер Юнайтед клубт сэтгэл хангалуун байгаагаа мэдэгдэж байжээ.

Харин арваннэгдүгээр сарын эхээр Пиерс Морганы ярилцлагын шоунд оролцохдоо Рональдо тус клубийн дасгалжуулагч Эрик тен Хагтай санал зөрөлддөг, таагүй харилцаатай байгаагаа ярьсан нь маргаан үүсгэж, Манчестер Юнайтедаас явахад хүргэж байв.

Тэрбээр 2021 оны наймдугаар сард Манчестер Юнайтед клубт орсноосоо хойш 346 тоглолтод оролцохдоо 145 гоол оруулсан юм.

Долоо хоногт 500,000 фунт стерлинг авах Юнайтед клубтэй байгуулсан гэрээ нь дуусахад долоон сарын хугацаа үлдээд байсан ч Рональдо “харилцан зөвшилцсөний үр дүнд” ярилцлагынхаа дараа тус клубээс явж байжээ.

Саяхан тэр Катар 2022-т оролцоод таван өөр дэлхийн аваргын шалгаруулах тэмцээнд гоол оруулсан түүхэн дээд амжилтыг тогтоосон юм.