Category: спорт

Монгол Улсаа төлөөлөн олимпод анх удаагаа орж буй 3х3 сагсан бөмбөгийн шигшээ баг маргааш тоглоно. Дэлхийн шилдэг долоон багийн эсрэг хийх тоглолтын талаар товчхон мэдээлэл, таамаг хүргэе.

Сирийн ширээний теннисчин Хенд Заза бол Токиогийн олимпод оролцож буй хамгийн залуу тамирчин. Анхны олимпдоо оролцож байгаа тэрээр 12 настай бөгөөд 2020 оны хоёрдугаар сард эрхээ авсан байна.

Олимпийн эрхийн тэмцээндээ Ливаны 42 настай Мариана Сахакианыг ялсан Хенд Заза улсынхаа бүх насны аварга шалгаруулах тэмцээнд түрүүлжээ.

Сири дэх бусад хүүхдүүдийн адил Зазагийн амьдрал иргэний дайны айдас дунд өнгөрчээ. Гэртээ дөрвөн ширээ нийлүүлэн бэлтгэл хийж байсан түүнд байнга тасарч байдаг цахилгааны хомстол олимпын эрх авахад нь саад болсонгүй.

Таван хүүхэдтэй айлын бага Зазагийн спортын авьяас цусанд нь бий. Түүний дөрвөн ах хөл бөмбөг тоглодог бол аав нь гимнастикийн багшаар ажилладаг байна.

Заза математикт дуртай, Харри Поттерын шүтэн бишрэгч бөгөөд багаас нь дэмжиж спортод оруулсан гэр бүлийнхээ ач тусыг маш том бэлэг хэмээсэн юм.

“Токио-2020” олимпийн наадмын жүдо бөхийн төрөлд Монгол Улс 12 тамирчнаа сойх бөгөөд жүдо бөхийн тэмцээний сугалаа хэдхэн цагийн өмнө болсон билээ.

Тус барилдааны -73 кг-ийн жинд барилдах Ц.Цогтбаатар эхийн тойрогтоо гоц мөргөж хоёрдугаар тойрогтоо Гвинейн Улсын жүдочтой барилдах сугалаа таарсан.

Гэвч Гвиней Улс энэ удаагийн олимпийн наадамд тамирчдаа оролцуулахгүй байхаар шийдвэрлэсэн тул манай улсын бөх гуравдугаар тойрогт барилдахаар боллоо.

Ц.Цогтбаатар Монакогийн Седрик Бесси болон Буркино Фасогийн Лукас Диалло нарын хэн ялсантай нь барилдах юм.

Япон улсын Токио хотноо энэ сарын 23-наас ирэх сарын 8-ны хооронд зуны XXXII олимп, 8 дугаар сарын 24-нөөс 9 дүгээр 5-нд зуны XVI паралимпын наадам зохион байгуулагдах билээ.

Өнөөдөр Монголын паралимпийн хорооноос Монголын пара байт харвааны Үндэсний шигшээ багийн тамирчин Д.Сэлэнгээгийн “Токио-2020” паралимпд оролцох эрх нь баталгаажсан гэдгийг мэдээллээ. Д.Сэлэнгээ анх удаа паралимпд оролцох гэж байгаа бөгөөд ганцаарчилсан төрөлд болон xoлимoг багийн төрөлд өрсөлдөх эрхтэй боллоо.

Токиогийн олимпийн наадмын жүдогийн тэмцээний сугалаа гарлаа.

Энэ удаагийн олимпийн наадмын хөтөлбөрт анх удаа багтсан багийн барилдаанд Монгол Улсын бөхчүүд эхний тойрогт БНСУ-ын жүдочидтой учраа таарсан байна.

Жүдогийн тэмцээний сугалаа сая явагдсан бөгөөд бүрэн эхээр нь хүргэж байна.

Эрэгтэйчүүд:

60 кг: ДАШТ-ий мөнгөн медальт, Гавьяат тамирчин Д.Амартүвшин

66 кг: ОУХМ Ё.Басхүү

73 кг: Азийн аварга Ц.Цогтбаатар

81 кг: ДАШТ-ий алт, хүрэл медальт Саид Молайе

90 кг: Азийн наадмын мөнгөн медальт Г.Алтанбагана

Эхний тойрогтоо дэлхийн чансааг тэргүүлэгч Испанийн Николоз Шеразадишвилитай таарлаа.

-100 кг: ДАШТ-ий хүрэл медальт, Гавьяат тамирчин Л.Отгонбаатар

+100 кг: ДАШТ-ий хүрэл медальт, Гавьяат тамирчин Ө.Дүүрэнбаяр

Эмэгтэйчүүд:

48 кг: Дэлхийн аварга, Гавьяат тамирчин М.Уранцэцэг

63 кг: Улсын дөрвөн удаагийн аварга Б.Ганхайч

52 кг: Азийн АШТ-ий мөнгөн медальт, залуучуудын дэлхийн аварга Л.Сосорбарам

-78 кг: ОУХМ О.Мөнхцэцэг

Багийн барилдаан:

Тэднийг ялж чадвал хоёрдугаар тойрогт ОХУ-ын багтай өрсөлдөх юм.

Манай бөмбөрцгийн хамгийн үнэ цэнэтэй, баяр цэнгэлийн манлай Олимпийн наадамд Монголын баг тамирчид 14 дэх удаагаа оролцоно.

“Токио 2020” зуны олимпийн наадмын эмэгтэйчүүдийн хөлбөмбөгийн тэмцээн эхэллээ.

12 улсын шигшээ баг оролцож буй энэ тэмцээн наймдугаар сарын 6-нд өндөрлөнө. Өчигдөр Шведийн шигшээ баг дэлхийн аварга АНУ-ын хүчтэй багийг 3:0 харьцаатай хожиж, тэмцээний анхны дуулианыг тарилаа. АНУ-ын шигшээ баг Скандинавын хойгийн багт хожигдох хүртлээ 44 тоглолт дараалан ялагдаагүй супер амжилттай байсан юм.

Шведийн шигшээ Америкчуудын хувьд тун эвгүй өрсөлдөгч бөгөөд таван жилийн өмнө Рио Де Жанейрогийн олимпод шөвгийн наймын шатанд АНУ-ыг торгуулийн цохилтоор хожиж, улмаар шигшээ тоглолтод Германы бүсгүйчүүдэд хожигдож, мөнгөн медаль зүүж байсан.

Өчигдөр болсон бусад тоглолтуудын дүнг сонирхуулья.

Европын аварга Нидерландын шигшээ олимпын тэмцээнд анх удаа оролцож буй Африкийн Замби улсын шигшээг 10:3 харьцаатай хожлоо. Бразилын баг Хятадыг илүүрхэж, 5:0 харьцаатай хожсон байна. Бразилын алдартай довтлогч Марта таван олимпод оролцож, 12 гоол оруулаад байна. Их Британийн шигшээ Чилийг 2:0 харьцаатай хожсон бол Японы шигшээ Канадын шигшээтэй 1:1 харьцаатай тэнцжээ. Австралийн шигшээ Шинэ Зеландыг 2:1 харьцатай хожиж, тэмцээнээ амжилттай эхэллээ. Өнөөдөр хөлбөмбөгийн тэмцээнүүд үргэлжлэн явагдана.

Тоглолтуудын дүн:

• Их Британи – Чили 2:0
• Хятад – Бразил 0:5
• Швед – АНУ 3:0
• Япон – Канад 1:1
• Замби – Нидерланд 3:10
• Австрали – Шинэ Зеланд 2:1

Монголын хөлбөмбөгийн холбоо /МХБХ/-ны Үндэсний шигшээ багийн ахлах дасгалжуулагч Япон мэргэжилтэн Шүичи Масэ өчигдөр Улаанбаатарт хотод ирлээ.

“Катар-2022″ ДАШТ-ий урьдчилсан шатны хэсгийн сунгаанд шигшээ багтай анхны хожлоо авч байсан дасгалжуулагч Масэ журмын дагуу тусгаарлагдах юм байна.

Дашрамд дуулгахад, 23 хүртлэх насны Азийн АШТ-ий урьдчилсан шатны сугалаагаар Монголын шигшээ баг J хэсгийн тоглолтуудыг эх нутагтаа зохион байгуулж Тайланд, Малайз, Лаосын багуудтай тоглохоор учраа таарсан билээ.

Тус хэсгийн тоглолтууд 10 дугаар сарын 23-наас Улаанбаатар хотод зохион байгуулах хуваарь гарсан. Манай 23 хүртэлх насны шигшээ багийг үндэсний шигшээ багийн ахлах дасгалжуулагч Япон улсын мэргэжилтэн Шүичи Масэ удирдан тус тэмцээнд оролцоно.