Category: спорт

Categories
мэдээ спорт

Ё.Басхүү Абэд ялагдаж, дагах барилдаан хийх боллоо

Өнөөдөр жүдо бөхийн тэмцээний хоёр дахь өдөр. Эрэгтэй 66 кг-д манай Ё.Басхүү В хэсэгт орсон. Эхний тойрогт хийлээд дараа нь Беларусын Дмитрий Миньковыг торгуулиар ялсан.

Дараа нь хэсгийн аваргын төлөө Японы алдарт Абэ Хифүмитэй барилдлаа. Абэ олимпын өмнө бүх өрсөлдөгчөө цэвэр иппон ялж түрүүлнэ гэж ам гарсан. Эхний тойрогт хийлээд хоёрдугаар тойрогт Голландын Килиан Ле Блушийг иппон ялсан. Гэхдээ нэмэлт цагт ялсан билээ.
Өмнөхөн нь барилдсан дүү Үта нь хагас шигшээд гараад явчихсан, хэвлэл мэдээллийн анхаарал хамт олимпын аварга болно гэж амлаад байгаа ах дүү хоёрт хандсан гэсэн зүйлс сэтгэлийн дарамтад оруулах болов уу. Абэ харин иппон ялах гэж улайрсангүй, идэвх авсаар, барилдаан дуусахад 18 секунд дутуу байхад вазари авч хагас шигшээд шалгарлаа.
Манай бөх дагах барилдаанд Италийн Мануель Ломбардотой барилдана.

1 хүн гэх мэтийн зураг байж болно

Categories
мэдээ спорт цаг-үе

3х3 сагсан бөмбөгийн баг ОХУ-ын шигшээд 5-21 харьцаагаар хожигдлоо

3х3 сагсан бөмбөгийн эмэгтэй баг олимпийн дөрөв дэх тоглолтоо хэсэгтээ нэг ч хожигдоогүй ОХУ-ын шигшээ багтай хийж 5-21 харьцаагаар хожигдлоо.

О.Хулан, М.Цэрэнлхам, Э.Чимэддолгор, Б.Солонго нараас бүрдсэн манай шигшээ багаас

  • М.Цэрэнлхам – 3
  • Э.Чимэддолгор – 2 оноо тус бүр авлаа.

Монголын 3х3 шигшээ багийн тоглолтуудын үр дүн:

  1. Итали 15-14 Монгол
  2. Монгол 9-21 АНУ
  3. Япон 19-10 Монгол
  4. Монгол 5-21 ОХУ

Шигшээ баг дараагийн тоглолтоо маргааш 09:40 цагаас Румыны шигшээ багтай хийнэ.

Categories
мэдээ спорт

Ё.Басхүү торгуулиар ялж, шөвгийн наймд үлдлээ

66 кг-ын эхний тойрогт гоц мөргөсөн манай бөх Ё.Басхүү хоёрын даваанд Беларусийн Д.Минкоуг торгуулиар ялж, шилдэг наймд үлдлээ. Минкоу бол манай 66 кг-ын сайчууд болох Г.Хэрлэн, Д.Төмөрхүлэг нарыг ялж байсан эвгүй учраа. Харин Ё.Басхүүгийн хувьд өмнө нь түүнтэй нэг таарч ялсан бол энэ удаад ч тактикийн барилдаан хийсээр гурван удаа торгуулж, ялалт байгуулав.

Ё.Басхүү хагас шигшээд үлдэхийн төлөө Японы жүдоч, дэлхийн хошой аварга Хифүми Абэтэй барилдана. Манай бөх өмнө нь түүнтэй хоёр таарч, хоёуланд нь ялагдаж байв.
Categories
гадаад мэдээ спорт

Усанд сэлэлтийн төрөлд 18 настай Ахмед Аюб Хафнауи тамирчин олимпийн аварга боллоо

Тунис улсын 18 настай усан сэлэлтийн тамирчин Ахмед Аюб Хафнауи Токиогийн олимпоос 400 метрийн чөлөөт сэлэлтийн төрлөөр алтан медаль хүртлээ. Мөнгөн медалийг Австралийн тамирчин Жек Маклафлин, хүрэл медалийг Америкийн тамирчин Киран Смит хүртлээ.

Эрэгтэйчүүдийн 400 м-ийн чөлөөлт сэлэлт:

1. Ахмед Аюб Хафнауи (Тунис) – 3.43.36.

2. Жек Маклафлин (Австрали) – 3.43.52.

3. Киран Смит (АНУ) – 3.43.94.

Америкийн усан сэлэлтийн тамирчин Чейс Калиж 400 метрийн олон төрөлт сэлэлтээр алтан медаль хүртлээ. Түүний нутаг нэгт Жей Литерленд мөнгөн медалийн эзэн болов. Хүрэл медалийг Австралийн тамирчин Брэндон Смит хүртлээ.

Эрэгтэйчүүдийн 400м-ийн олон төрөлт сэлэлт:

1. Чейс Калиж (АНУ) – 4.09.42. 2. Жей Литерленд (АНУ) – 4.10.28. 3. Брэндон Смит (Австрали) – 4.10.38.

Categories
мэдээ спорт цаг-үе

Л.Сосорбарам Швейцарын Фабьен Кочерт ялагдлаа

Өнөөдөр жүдо бөхийн тэмцээний хоёр дахь өдөр. Эрэгтэй 66 кг-д Ё.Басхүү, эмэгтэй 52 кг-д Л.Сосорбарам нар барилдаж байна.

Л.Сосорбарам В хэсэгт орж, эхний барилдаандаа Узбекистаны Диёра Келдиёроваг өчих мэхээр цэвэр ялсан.
Дараа нь энэ жилийн ДАШТ-ий хүрэл медальт Швейцарын Фабьен Кочертой барилдлаа. Кочер бол 57 кг-д барилдаж байгаад жин бууж ирсэн.
Тун харамсалтай барилдаан боллоо. Бүтэн 3 минут 30 секунд илүүрхсэн манай бөх барилдаан дуусахад 32 секунд дутуу байхад хариу мэхэнд ороод вазари алдаж, ялагдлаа.
Categories
мэдээ спорт

Азийн аварга Б.Чинзориг өнөөдөр Узбекистаны боксчин Абдураймов Элнуртай тулалдана

“Токио 2020” олимпод манай улсаас Боксын төрөлд эрэгтэйчүүдийн 57 килограммын жинд Э.Цэндбаатар, эрэгтэйчүүдийн 63 килограммд Б.Чинзориг, эмэгтэйчүүдийн 75 килограммд М.Мягмаржаргал нар оролцоно.

Тэгвэл эрэгтэйчүүдийн 63 килограммын жинд Б.Чинзориг өнөөдөр 17:18 цагаас эхний тоглолтоо хийнэ. Түүний өрсөлдөгч Узбекистаны тамирчин Элнур Абдураимов юм. Азийн аварга Б.Чинзориг эхний өрсөлдөгч Абдураймов Элнуртай өмнө нь хоёр тоглож нэг ялагдаж, хамгийн сүүлийн тоглолтдоо ялсан билээ.

Элнур Абдураимов нь 27 настай 2017 оны Азийн аварга, 2015 оны тивийн аваргын хүрэл медаль, 2015 оны ДАШТ-ий хүрэл медальт боксчин.

Токиогийн олимпод эрэгтэй найман жинд 187, эмэгтэй таван жинд 102 нийт 289 тамирчин оролцоно. Боксын тэмцээн энэ сарын 24-нөөс наймдугаар сарын 8 хүртэл явагдах бөгөөд нийт 270 тулаан хийж уны XXXII олимпын наадмын аваргын алт болон мөнгө, хүрэл медальтнуудаа шалгаруулна.

Categories
мэдээ нийгэм спорт

МУГД Л.Ундралбатын үсний засалт олны анхаарлыг татлаа

Монгол Улсын гавьяат дасгалжуулагч Л.Ундралбат буудлага спортын ертөнцөд хаана ч “үнэ хүрэх” толгой гэдгийг бүгд мэднэ. Гадаадын олон ч орон түүнийг урьж, топ тамирчин бэлддэг арга туршлагаас нь суралцахыг хүсч, амлаагүй бай шагнал, санал болгоогүй гэрээ хэлэлцээр бараг байхгүй гэхэд болно.

Тэгвэл “Токио-2020” олимпийн үеэр Ундралбатын үсний засалт олны анхаарлыг ихэд татлаа.
Наадмын гоёлоо “өмссөн” гавьяатын толгойн зургийг авах, түүнээс нэрийг нь асуух гадаадын сурвалжлагч, сэтгүүлчдийн оочер ер тасрах шинжгүй. Олимпийн таван цагариг, Алтан соёмбын дүрстэй түүний үсний өвөрмөц дэгжин засалт түмний харааг өөрийн эрхгүй булаана. Наадамд морио уясан уяач хэрхэн гоёдог билээ дээ. Түүний адил тамирчнаа дэлхийн хамгийн том наадамд сойж буй алдарт дасгалжуулагч ингэж гоёх нь аргагүй ээ.

нэг буюу түүнээс олон хүн, зогсож буй хүмүүс болон дотор гэх мэтийн зураг байж болно

нэг буюу түүнээс олон хүн болон зогсож буй хүмүүс гэх мэтийн зураг байж болно

Categories
мэдээ спорт

Л.Сосорбарам эхний учраагаа өчих мэхээр ялав

Жүдо бөхийн эмэгтэйчүүдийн 52, эрчүүдийн 66 кг жингийн барилдаан эхэллээ. Монголын бөх Л.Сосорбарам 52 кг-д таарсан эхний учраа Узбекистаны Д.Келдиороваг өчих мэхээр цэвэр ялж, гараагаа сайхан эхэллээ. Одоо тэрбээр Швейцарын Ф.Кохертой шилдэг наймд үлдэхийн төлөө барилдана.

Тун удахгүй Монголын өөр нэг бөх Ё.Басхүү Беларусийн Д.Минкоутай барилдах юм.
Categories
мэдээ нийгэм спорт

3×3: Ерөнхий сайд Л.Оюун-Эрдэнэ тоглолт үзэж, багаа дэмжив

“Токио 2020” Олимпийн наадамд оролцож буй Монголын 3х3 үндэсний шигшээ багийнхаа талбайн эзэн Японы багийн эсрэг хийсэн тоглолтыг МУ-ын Ерөнхий сайд хүрэлцэн ирж үзэж Монголын багаа дэмжлээ.
ФИБА-гийн Ерөнхий нарийн бичигийн дарга Андреас Загилис манай Ерөнхий сайд Л. Оюун-Эрдэнийг хүндэтгэн ирж хамт тоглолт үзлээ.

1 хүн гэх мэтийн зураг байж болно

Тоглолт үзсэн уулзалтын үеэр ФИБА-гийн Ерөнхий нарийн бичгийн дарга Андреас Загилис Монголын сагсан бөмбөгийн хөгжил болоод Монголын багуудын амжилт дэлхийн хэмжээнд өндөр байгааг дурьдаж манай Ерөнхий сайдад баяр хүргэлээ.

Тоглолтын дараа Ерөнхий сайд баг, тамирчидтай уулзах үеэрээ “Та бүхэн минь энэ хүнд хэцүү цар тахлын үед багийн спортоор анх удаа олимпийн наадамд оролцон түүх бүтээж байгаад чин сэтгэлээсээ талархаж байгаа шүү” хэмээн онцлон хэллээ.

Categories
мэдээ спорт

МУХБ О.Гүндэгмаа хийн гар бууны 10 метрийн дасгалд 30 дугаар байрт жагслаа

Монгол Улсын Хөдөлмөрийн баатар, Бээжингийн олимпын мөнгөн медальт О.Гүндэгмаа долоо дахь олимпдоо онч мэргэнээ сорьж буй. О.Гүндэгмаа энэ удаа хийн гар бууны 10 метрийн буудлагын дасгалд 568 оноогоор 30-р байрт жагслаа. Түүний хувьд 30-ны баасан гаригт өөрийн үндсэн дасгал болох спорт гар бууны 25 метрийн төрөлд онч сорих юм.

нэг буюу түүнээс олон хүн, зогсож буй хүмүүс болон дотор гэх мэтийн зураг байж болно

10 метрийн хийн гар бууны дасгалд БНХАУ-ын Жиан Раншин (587), Грекийн А.Коракаки (585), ОХУ-ын В.Бацарашкина (582), БНХАУ-ын Лин Ю Мэй (579), Францын М.Ламоле (578), Болгарын А.Костадинова (578), Украины О.Костевич (577), Францын С.Говервил (577) нар шигшээд шалгарч, цааш медалийн төлөө буудахаар болов.