“Токио-2020” олимпийн наадмын жүдо бөхийн төрөлд өнөөдөр Монголын хоёр бөх барилдаж байна.
Эмэгтэйчүүдийн -78 кг-д барилдсан ОУХМ Ц.Мөнхцэцэг эхний тойрогт Риогийн олимпын хүрэл медальт, дэлхийн хошой аварга М.Агиурт ялагдан, тэмцээнээ дуусгасан.
Эрэгтэйчүүдийн -100 кг-д ДАШТ-ий хүрэл медальт, Гавьяат тамирчин Л.Отгонбаатар эхний тойрогт Эстонийн Григори Минаскиныг ялсан. Улмаар дараагийн тойрогт Израилын бөхөд ялагдан, үзэгчдийн суудалд шилжив.
МХБХ-ны 2021 оны улирлыг нээж “Атлетик 220”, “Улаанбаатар” клубүүд “Супер цом”-ын төлөө тоглоход “Улаанбаатар” нэмэлт цагт 0:2 харьцаагаар хожлоо.
Хоёр багийн тоглолтын үндсэн цаг 0:0-ээр өндөрлөж нэмэлт цаг сунгахад “Улаанбаатар” клуб болон үндэсний шигшээ багийн хагас хамгаалагч Б.Балжинням 97 дахь минутад эхний гоолыг оруулсан.
Удаах гоолыг “Атлетик 220” клубээс “Улаанбаатар”-т шилжсэн хамгаалагч Д.Төрбат 101 дэх минутад оруулж шинэ багтаа өөрийгөө харуулахын зэрэгцээ гоолын баяраа тэмдэглэлгүй өнгөрөөж хуучин багийнхандаа хүндэтгэл үзүүллээ.
120 минут үргэлжилсэн ширүүн тэмцлийн эцэст ялалт байгуулсан “Улаанбаатар” клуб анх удаа “Супер цом”-ыг өргөлөө.
Наймдугаар сарын 1-нд “Hisense” үндэсний дээд лигийн тоглолтууд эхэлнэ гэж МХБХ-ноос мэдээллээ.
Жүдо бөхийн эмэгтэйчүүдийн -78 кг жинд зодоглосон О.Мөнхцэцэг эхний шатанд их дуулгын хошой хүрэл медальт Израйлийн Инбар Ланирт ялагдаж тэмцээнээ дуусгалаа.
Инбар Ланир нь шөвгийн 16-д Лондон болон Риогийн олимпийн хошой хүрэл медальт, дэлхийн хошой аварга Бразилын Маяра Агуиартай барилдана.
ОУХМ О.Мөнхцэцэг нь 2019 оны дэлхийн цомд мөнгөн медаль хүртэж, 2019 оны ДАШТ-ий 17-р байранд орж байсан.
Өнөөдөр Токиогийн олимпийн жүдо бөхийн тэмцээний зургаа дахь өдөр. Эрэгтэйчүүдийн -100 кг-д Л.Отгонбаатар, эмэгтэйчүүдийн -78 кг-д О.Мөнхцэцэг нар барилдана.
Анх удаа олимпийн спорт болон нэрлэгдсэн 3х3 сагсан бөмбөгийн анхны аваргууд өчигдөр тодорлоо.
Эрэгтэйчүүдийн төрөлд Латвийн шигшээ баг ОХУ-ын багийг 21-18 харьцаагаар хожиж анхны аваргууд болсон бол Сербийн шигшээ баг Бельгийг 21-10 харьцаагаар хожин хүрэл медалийг хүртлээ.
Харин эмэгтэйчүүдийн төрөлд АНУ-ын шигшээ баг мөн ОХУ-ын багийг 18-15 харьцаагаар хожин алтан медалийг хүртсэн бол Хятадын шигшээ баг Францыг 14-16 харьцаагаар хожиж хүрэл медалийн эзэд болсон.
ОХУ-ын баг ийнхүү анхны олимпоос хос мөнгөн медальтай болж байгаа бол зохион байгуулагч Японы хоёр баг шөвгийн наймд ялагдан тэмцээнээ дуусгасан.
Өнөөдөр буюу доlдугаар сарын 29-ны өдөр манай улсын 4 тамирчин спортын хоёр төрөлд өрсөлдөнө.
08:00. Буудлагын эмэгтэйчүүдийн 25 метрийн гар бууны чансаа тогтоох буудлага эхэлнэ. Тус төрөлд Ц.Анударь, О.Гүндэгмаа нар цэц сорино.
10:00. Жүдо бөхийн эрэгтэйчүүдийн -100 кг жингийн эхний шатанд Л.Отгонбаатар зодоглоно. Тэрээр дэвжээний дөрөв дэх барилдааныг Эстонийн Григори Минаскинтай хийнэ. Л.Отгонбаатар нь Риогийн олимпод тавдугаар байр эзэлсэн туршлагатай.
Тэдний хэн ялсныг шөвгийн 16-д 2020 оны Европын аварга Израилийн Петер Палтчик хүлээж байна.
Жүдо бөхийн эмэгтэйчүүдийн -78 кг жингийн эхний шатанд О.Мөнхцэцэг зодоглоно. Тэрээр дэвжээний найм дахь барилдааныг Израилийн Инбар Ланиртай хийнэ.
Тэдний хэн ялсныг шөвгийн 16-д Лондон болон Риогийн олимпийн хошой хүрэл медальт, дэлхийн хошой аварга Бразилын Маяра Агуиар хүлээж байна.
Жүдо бөхийн -81 кг жинд зодоглосон Монгол Улсын иргэн Сайед Моллай олимпоос мөнгөн медаль хүртсэн билээ. Тэгвэл 2012 оны наймдугаар сард гарсан Ерөнхийлөгчийн зарлигийн дагуу түүнд сар бүр 3 сая төгрөгийн урамшуулал олгоно.
Тус зарлигаар олимп, дэлхийн аварга шалгаруулах тэмцээнээс медальт байр эзэлсэн Монгол Улсын иргэнд сар бүр урамшуулал олгохоор тусгасан бөгөөд
Тус зарлигийн дагуу тухайн тамирчны гаргасан амжилтын урамшууллыг дараа оны нэгдүгээр сарын 01-нээс эхлэн олгоно.
АНУ-ын эрэгтэй сагсан бөмбөгийн баг өнөөдөр “Токио-2020” Олимпын наадмын анхны хожлоо авлаа.
Тэд Ираны багтай таарсан бөгөөд тус багийг 120-66 онооны харьцаагаар хожсон юм. Ийнхүү шөвгийн наймд шалгараад буй юм.
АНУ-ын шигшээ баг А хэсгийн эхний тоглолтоо Францын багтай ням гарагт хийж, 83-76 харьцаагаар хожигдсон юм.
Боксын эрэгтэйчүүдийн -57 кг жингийн шигшээ 16-д МУГТ Э.Цэндбаатар Вьетнамын Нгуен ван Дуоныг 5:0 харьцаагаар ялж шөвгийн наймд шалгарлаа.
Тэрээр шөвгийн наймд Доминиканы Алекси Мигел де ла Круз Баез, Гайанагийн Кевин Алликок нарын ялсантай наймдугаар сарын 1-ний 16:48 цагт тоглоно.
Тоглолтын дэвжээний шүүгчээр Колумбийн шүүгч ажилласан бол онооны шүүгчээр Алжир, Аргентин, Польш, Тажикистан, Литвийн шүүгчид ажиллалаа.
Шүүгчдийн оноо өгсөн байдал:
Цэнхэр булангаас гарч тулалдсан Э.Цэндбаатар эхний шатанд Кенийн Николос Оконго Окотыг шүүгчдийн саналаар 3:2 харьцаагаар хожсон билээ.
Талбайн теннисний эмэгтэйчүүдийн ганцаарчилсан төрлийн шөвгийн наймын тоглолтууд өнөөдөр болж Оросын итгэл найдвар Анастасиа Павлюченкова хасагдлаа.
Тэрээр шөвгийн наймд Швейцарын Белинда Бенчичтэй учраа тааран 0:6, 6:3, 3:6 харьцаагаар хожигдсон. Белинда Бенчич ингэснээр шөвгийн дөрөвт Казахстаны Элена Рибакинатай тоглохоор болов.
-165538-1170333138.jpeg)
Мөн нөгөө талд Японы залуу од Наоми Осакаг ялсан Чехийн Маркета Вондрусова Испанийн Паула Бадосаг хожин шөвгийн дөрөвт шалгарлаа. Паула Бадосагийн бэртэл сэдэрч хоёрдугаар сетээс тэмцээнийг дуусгасан юм.
Ингэснээр шөвгийн дөрөвт Маркета Вондрусова Украины Элина Свитолинатай тоглохоор болсон. Уг төрөлд өрсөлдсөн Чехийн Каролина Плишкова, Барбора Кречикова гэсэн шилдэг тамирчид тэмцээнээс хасагдсан.
-165353-191958069.jpeg)
Талбайн теннисний эмэгтэйчүүдийн ганцаарчилсан төрлийн шөвгийн дөрөв:
Медалийн тоглолтууд маргааш үргэлжилнэ.