Олимпийн үеэр Ц.Анударьд мухар олгойн үрэвсэл оношлогдсон байна. Тодруулбал,өчигдөр тэрээр тогтоол буудлагын дараа бие нь муудаж, эрүүл мэндийн тусламж авчээ.
Гэвч тэрээр өвдөлтөө тэвчиж, тэмцээнээ амжилттай өндөрлүүллээ.
Буудлагын спортын хийн гар бууны 25 метрийн дасгалын хоёр дахь өдрийн буудалтууд өнөөдөр явагдаж байна. Өнөөдөр Ц.Анударь спорт гар бууны 25 метрийн дасгалын түргэн буудлагын тэмцээндээ оролцож, 30 сумаа буудаж, 572 оноотой 34-р байранд жагслаа.
О.Гүндэгмаа 26 байрт орлоо. Эмэгтэйчүүдийн спорт гар бууны 25 метрийн хурдан буудлага дөнгөж сая өндөрлөж, О.Гүндэгмаа 295( 97, 100,98) оноо авсан ч , нийлбэрээр 578 оноогоор 26 дугаар байр эзлэн финалд шалгарч чадсангүй.
Жүдо бөхийн эрэгтэйчүүдийн +100 кг жинд зодоглосон Ө.Дүүрэнбаяр эхний шатанд 2018 оны ДАШТ-ий тавдугаар байрны шагналт Узбекистаны Бекмурод Олтибоевт ялагдаж тэмцээнээ дуусгалаа.
Түүнийг ялсан Олтибоев шөвгийн 16-д 2008, 2012 оны олимпийн хошой хүрэл медальт, 2009, 2010, 2013 оны дэлхийн аваргын мөнгөн медальт Нидерландын Хенк Гролтой барилдана.
Ө.Дүүрэнбаяр нь 2018 оны дэлхийн аваргын хүрэл, Азийн наадмын мөнгөн медальтай
Буудлагын спортын хийн гар бууны 25 метрийн дасгалын хоёр дахь өдрийн буудалтууд эхэллээ. Ц.Анударь түргэн буудлагын 30 сумаа буудаж, 572 оноотой 34 дүгээр байрт жагслаа.
Өнөөдөр буюу долдугаар сарын 30-нд манай улсын 5 тамирчин спортын гурван төрөлд өрсөлдөнө.
08:00. Буудлагын эмэгтэйчүүдийн 25 метрийн гар бууны хурдан буудлага эхэлнэ. Тус төрөлд нийт 44 тамирчин оролцож байгаа бөгөөд эхний өдөр Ц.Анударь 287 оноогоор 29-р байр, О.Гүндэгмаа 283 оноогоор 38-р байранд жагсаж буй. (UBS, SBN, VTV)
10:00. Жүдо бөхийн эрэгтэйчүүдийн +100 кг жингийн эхний шатанд Ө.Дүүрэнбаяр зодоглоно. Тэрээр дэвжээний зургаа дахь барилдааныг 2018 оны ДАШТ-ий тавдугаар байрны шагналт Узбекистаны Бекмурод Олтибоевтой хийнэ.
Тэдний хэн ялсныг шөвгийн 16-д 2008, 2012 оны олимпын хошой хүрэл медальт, 2009, 2010, 2013 оны дэлхийн аваргын мөнгөн медальт Нидерландын Хенк Грол хүлээж байна.
Ө.Дүүрэнбаяр нь 2018 оны дэлхийн аваргын хүрэл, Азийн наадмын мөнгөн медальтай. (EDU, STAR, TV9)
18:10. Усан спортын эрэгтэйчүүдийн 50 метрийн чөлөөт сэлэлтийн төрлийн эхний шатанд М.Дэлгэрхүү өрсөлдөнө. Тэрээр Малави, Эритри, Кипр, Филиппин, Босни ба Херцеговин, Армени болон Олимпын багийн тамирчидтай уралдана. (C1, ETV, TV5)
18:32. Усан спортын эмэгтэйчүүдийн 50 метрийн чөлөөт сэлэлтийн төрлийн эхний шатанд Б.Энххүслэн өрсөлдөнө. Тэрээр Гана, Антигуа ба Барбуда, Камерун, Сент Льюс, Замби, Фижи, Пакистан улсын тамирчидтай уралдана. (C1, ETV, TV5)
“Токио-2020” олимпийн наадмын усанд сэлэлтийн эрэгтэйчүүдийн 200 метрийн эрвээхэй сэлэлтийн төрөлд Унгарын тамирчин К.Милак түрүүлж, олимпийн аварга болсон.
Түүнийг эл төрөлд олимп, дэлхийн дээд амжилт шинэчилнэ гэж таамагласан хүн олон. Милак түрүүлэхдээ олимпын дээд амжилт шинэчилсэн ч дэлхийн рекордыг ахиулах зорилгодоо хараахан хүрч чадаагүй.
Үүний шалтааныг Милак хэрхэн тайлбарласан нь олны анхаарлыг их татаж байна. Токиогийн олимпийн аварга болсон тэрбээр дэлхийн дээд амжилт шинэчилж чадаагүйдээ шортоо буруутгажээ.
Учир нь уралдахынх нь өмнө түүний шорт урагдсан аж. Энэ нь түүний амжилтад, сэтгэл зүйд нөлөөлсөн гэж Милак үзэж байгаа гэнэ.
Маргааш буюу долдугаар сарын 30-нд манай улсын 5 тамирчин спортын гурван төрөлд өрсөлдөнө.
08:00. Буудлагын эмэгтэйчүүдийн 25 метрийн гар бууны хурдан буудлага эхэлнэ. Тус төрөлд нийт 44 тамирчин оролцож байгаа бөгөөд эхний өдөр Ц.Анударь 287 оноогоор 29, О.Гүндэгмаа 283 оноогоор 38 дугаар байрт жагсаж буй. (UBS, SBN, VTV)
10:00. Жүдо бөхийн эрэгтэйчүүдийн +100 кг жингийн эхний шатанд Ө.Дүүрэнбаяр зодоглоно. Тэрээр дэвжээний зургаа дахь барилдааныг 2018 оны ДАШТ-ий тавдугаар байрны шагналт Узбекистаны Бекмурод Олтибоевтой хийнэ.
Тэдний хэн ялсныг шөвгийн 16-д 2008, 2012 оны олимпын хошой хүрэл медальт, 2009, 2010, 2013 оны дэлхийн аваргын мөнгөн медальт Нидерландын Хенк Грол хүлээж байна.
Ө.Дүүрэнбаяр нь 2018 оны дэлхийн аваргын хүрэл, Азийн наадмын мөнгөн медальтай. (EDU, STAR, TV9)
18:10. Усан спортын эрэгтэйчүүдийн 50 метрийн чөлөөт сэлэлтийн төрлийн эхний шатанд М.Дэлгэрхүү өрсөлдөнө. Тэрээр Малави, Эритри, Кипр, Филиппин, Босни ба Херцеговин, Армени болон Олимпын багийн тамирчидтай уралдана. (C1, ETV, TV5)
18:32. Усан спортын эмэгтэйчүүдийн 50 метрийн чөлөөт сэлэлтийн төрлийн эхний шатанд Б.Энххүслэн өрсөлдөнө. Тэрээр Гана, Антигуа ба Барбуда, Камерун, Сент Льюс, Замби, Фижи, Пакистан улсын тамирчидтай уралдана. (C1, ETV, TV5)
Коронавирусийн халдвар авсны улмаас олимпод оролцож чадалгүй хасагдсан харамсалтай тохиолдлын тоо дахин нэгээр нэмэгдлээ.
Энэ удаад Токиод зөвхөн алтан медаль мөрөөдөж ирсэн Америкийн тулгууртай харайгч, дэлхийн хошой аварга Сэм Кендрикс дээрх шалтгааны улмаас олимпыг өнжихөөр болсныг тус улсын Үндэсний олимпын хороо мэдээлэв.
Кендриксийг зочид буудалд тусгаарлажээ.
Тэрбээр Риогийн олимпод 5.85 метр дээгүүр харайж хүрэл медаль хүртсэн бол сүүлийн хоёр ДАШТ-д 5.95, 5.97 үзүүлэлтээр дараалан түрүүлээд байв.
“Токио-2020” олимпийн Монголын багийн элч төлөөлөгч, сүмо бөхийн 69 дэх их аварга Хакухо М.Даваажаргал баг тамирчдаа дэмжиж байна.
