Category: спорт

Б.Хонгорзул шөвгийн наймд Риогийн олимпийн аварга, дэлхийн гурван удаагийн аварга Японы Рисако Кавайд 7-0 харьцаагаар ялагдлаа.

Эхний үед манай тамирчныг идэвхгүй барилдсан гэж үзэн торгуулийн 30 секунд тоолсон. Энэ хугацаанд оноо авч чадаагүй тул Кавай нэг оноотой боллоо.

Харин хоёрдугаар үе эхлээд Кавай ард нь гарч хоёр оноо авснаар тэргүүлж эхэлсэн. Тоглолтыг хяналтдаа авч эхэлсэн Кавай дахин хоёр удаа ард нь гарч 4 оноо авснаар 0-7 харьцаагаар Японы аварга яллаа.

Тэрээр шөвгийн дөрөвт Энэтхэг болон Болгарын бөхчүүдийн ялсантай барилдана. Хэрэв Японы бөх финалд шалгарвал Б.Хонгорзул дагаж барилдан хүрлийн төлөө өрсөлдөх боломжтой болно.

Чөлөөт бөхийн эрэгтэйчүүдийн -57 кг жинд зодоглосон Э.Бэхбаяр эхний шатанд 2019 оны Европын аварга Арменийн Арсен Харутюнианыг 1-6 харьцаагаар ялснаар шөвгийн наймд шалгарлаа.

Арменийн бөх эхний үед торгуулийн 30 секунддээ хөл авч түлхэж гарган 1 оноо авсан ч Э.Бэхбаяр давхар хамж ард нь гараад 2 оноо авснаар эхний үе өндөрлөсөн.

Харин хоёрдугаар үе эхлээд удалгүй Э.Бэхбаяр хоёр ч удаа хөл авч түлхэж гаргаад оноогоо хоёроор нэмсэн бөгөөд Арсен идэвх алдсанаар нэг торгууллаа.

Улмаар барилдаан Э.Бэхбаярын хяналтад орж дахин ард нь гарч 2 оноо авснаар 1-6 харьцаагаар хожлоо.

Тэрээр шөвгийн наймд 2019 оны Азийн аварга Ираны Реза Атринагарчитай өнөөдөр 11:40 цагаас барилдана.

Э.Бэхбаяр нь 2015, 2017 оны дэлхийн аваргын хошой хүрэл, 2018 оны Азийн наадмын алтан медальтай бөгөөд Риогийн олимпод 14-р байр эзэлж байв.

Токиогийн олимпийн наадмын чөлөөт бөхийн дөрөв дэх өдрийн барилдаан эрэгтэй, эмэгтэйчүүдийн 57 кг-ын жингийн барилдаанаар эхэллээ.

Эмэгтэйчүүдийн 57 кг-ын жинд ОУХМ Болдсайханы Хонгорзул 1/8 шигшээд Францын туршлагатай бөх Матилде Ривьертэй хүч үзэж 7:5-аар ялав.

Ингэснээр тэрбээр шөвгийн наймд олимп, дэлхийн аварга эзэн орны Рисако Кавайтай барилдана.

Өнөөдөр Монголын чөлөөт бөхийн хоёр тамирчин дэвжээнд гарна.

Хөдөлмөрийн баатар, олимпийн хүрэл медальт, дэлхийн хошой аварга Соронзонболдын Батцэцэг өнөөдөр олимпийн наадмын хүрэл медалийн төлөө хоёр дахиа барилдлаа.

Эмэгтэйчүүдийн 68 кг-д зодоглодог тэрбээр Лондоны олимпоос Монголын чөлөөт бөхийн эмэгтэй тамирчдын түүхэн дэх анхны медалийг хүртсэн. Энэ удаа олимпийн хошой медальтан болохын төлөө Кыргызстаны бөх, Азийн аварга Мээрим Жуманазароватай барилдлаа.

Үндэсний шигшээ баг, “Хилчин” спорт хорооны тамирчин, Архангай аймгийн Хашаат сумын харьяат С.Батцэцэг эл барилдаанд 10:1-ээр ялагдав. Ингэснээр Токиогийн олимпод V байрт шалгарав.

Монголын чөлөөт бөхийн спортын түүхэнд олимпоос медаль авсан анхны төдийгүй цорын ганц эмэгтэй тамирчин, ДАШТ-ий хоёр алт, нэг мөнгө, нэг хүрэл медальтай тэрбээр өмнөх тойргуудад ДАШТ-ий мөнгө, хүрэл медальт Францын бөх Коумба Ларроки, Европын аварга, ОХУ-ын Ханум Велиева нарыг ялсан юм.

Гавьяат тамирчин, Гавьяат дасгалжуулагч, улсын заан З.Дүвчингийн шавь С.Батцэцэг ийнхүү олимпын хошой медалийн үзүүрээс атгаад алдлаа.

Гэвч хагас шигшээд шигшээд Африкийн 10 удаагийн аварга, Нигерийн бөх Блессинг Оборудудуд дийлдэн, хүрэл медалийн төлөө барилдахаар болсон.

Х.Болортуяа шөвгийн наймд дэлхийн аварга, дэлхийн аваргын таван медальтай, Европын хошой аварга Болгарын Тайбе Мустафа Юсейнд 10-0 харьцаагаар хожигдлоо.

Болгарын тамирчин барилдаан эхэлмэгц хөл авч ард нь гарснаар барьцын давуу талтай болж улмаар дараалан 10 оноо авч дуусгалаа.

Хэрэв Тайбе Мустафа Юсейн финалд шалгарвал Х.Болортуяа дагаж барилдан хүрэл медалийн төлөө барилдах боломжтой болно.