Category: спорт

Categories
мэдээ спорт

3х3 сагсан бөмбөгийн U23 Дэлхийн аваргын тэмцээн Монголд болно

Олон улсын сагсан бөмбөгийн холбоо /FIBA/ 23 хүртэлх насны 3х3 дэлхийн аварга шалгаруулах III тэмцээнийг Улаанбаатар хотноо аравдугаар сарын 11-15-ны өдрүүдэд зохион байгуулах болсныг албан ёсоор зарлалаа.

Монголын 3х3 сагсан бөмбөгийн холбооны Ерөнхийлөгч Л.Мягмаржав: “FIBA 3×3 U23 Дэлхийн аваргыг Монгол улсдаа авчирч байгаадаа бид маш их баярлан, бахархаж байна”
ФИБА-гийн Ерөнхий нарийн бичгийн дарга Андреас Загилис:
“Шинэ улсуудад сагсан бөмбөгт гялалзах боломжийг 3х3 олгож буйн гайхамшигтай үлгэр жишээ Монгол улс болсоор байна” хэмээн тус тус онцоллоо.
Улаанбаатар хотноо 2017 онд Азийн аварга шалгаруулах тэмцээн,с 2019 онд 18 хүртэлх насны дэлхийн аварга шалгаруулах тэмцээнийг амжилттай зохион байгуулж байсан туршлагатай.
Дашрамд дурдахад “Токио-2020” наадамд 3х3 сагсан бөмбөгийн эмэгтэйчүүдийн баг эрхээ аван оролцсон нь Монгол улс түүхэндээ анх удаа багийн спортын төрлөөр олимпод мөрөө үлдээсэн онцлох үйл явдал юм.
Categories
мэдээ спорт

ТОКИО-2020: Сумочийн баримал морьдыг айлгаж байна

“Токио-2020” олимпийг зохион байгуулагчдын өвөрмөц санаа морин спортын оролцогчдыг мухардалд оруулаад байна.

Associated Press агентлагийн мэдээлснээр, хэд хэдэн унаач саадын тулгуур болсон сумочийн баримлаас морьд үргэж, арайхийн айдсаа давж, харайж байна гэж гомдложээ.

Хэд хэдэн морь саадыг давахдаа сүмочийн баримлаас айсан гэнэ. Тамирчид морьдоо тайвшруулахыг хичээж байсан. Сумочийг ийм ойроос харахдаа тэд цочдог гэж Францын унаач Пенелопа Лепревос ярьсан байна.

Баримал яг л жинхэнэ юм шиг. Морьдод саадыг давах үед өөртэй нь “барилдах” гэж буй дүртэй сүмоч таалагдахгүй байгаа нь лавтай гэж унаач Тедди Флок мөн тодруулсан байна.

Морин спортын тэмцээний дэвжээнд япончууд жижиг ордон, гейша, бөмбөр гээд төрөл бүрийн гоёмсог саад байгуулжээ. Гэхдээ тэдний дундаас сумочийн баримал нүдэнд онцгой тусаж байгаа аж. Энэ баримлаас болж зарим тамирчид шаардлагатай оноо авч чадаагүй байж магадгүй гэж тус агентлаг онцолжээ.




Categories
мэдээ спорт

Монголын марафончид Саппорог зорилоо

Олимпийн наадамд оролцох Монголын марафончид болох Ц.Бямбажав, Б.Мөнхзаяа нар дасгалжуулагч Б.Доржпаламын хамт өчигдөр Токиод хүрэлцэн очсон. Тэгвэл манай тамирчид өнөөдөр марафон гүйлт болох Саппоро хотыг зорин нислээ. Манай нөгөө марафонч болох Б.Сэр-Од дасгалжуулагч О.Оюунтуяагийн хамтаар Японд бэлтгэлээ базааж байгаа юм.

Олимпийн наадмын сүүлчийн өдрүүдэд манай марафончид хурд хүч, тэсвэр тэвчээрээ сорин уралдана. Тухайлбал, наймдугаар сарын 7-нд Б.Мөнхзаяа, 8-нд Б.Сэр-Од, Ц.Бямбажав нар хурд сорих юм.
Холын зайд уралдах тамирчдыг эрсдэлээс хамгаалахын тулд хойд нутгийн сэрүүн уур амьсгалтай Саппоро хотод марафоны уралдааныг зохион байгуулахаар шийдвэрлэсэн. Гэвч энэ жил тус хотод урьд урьдынхаас илүү халуун байгаа юм.
Өнөөдөр гэхэд Саппород 33 хэмийн халуун байгаа бөгөөд 8-ны өдөр агаарын температур бага зэрэг буурч, 30 градус орчим байх төлөвтэй.
Categories
мэдээ спорт цаг-үе

ТОКИО-2020: Б.Хонгорзул ялагдаж, V байр эзэллээ

Б.Хонгорзул хүрэл медалийн төлөө Риогийн олимпийн аварга, дэлхийн хошой аварга АНУ-ын Хелен Луйз Марулист – харьцаагаар ялагдсанаар тавдугаар байр эзэллээ.

Эхний үед Хелен хоёр удаа манай тамирчны ард нь гарч 4 оноо авснаар үе дуусав. Харин хоёрдугаар үед АНУ-ын тамирчин торгуулийн 1 оноо алдаж дахин ард нь гарсан ба улмаар 11-0 харьцаагаар АНУ-ын тамирчин яллаа.

Анхны олимпдоо оролцсон 20 настай Б.Хонгорзул эхний шатандаа Европын аваргын хүрэл медальт Францын Матилд Ривиерийг ялсан.

Харин шөвгийн наймд Риогийн олимпын аварга, дэлхийн гурван удаагийн аварга Японы Рисако Кавайд 7-0 харьцаагаар ялагдсанаар хүрэл медалийн төлөө барилдсан юм.

Categories
мэдээ спорт цаг-үе

ТОКИО-2020: Б.Болортуяа хүрэл медалийн төлөө барилдахаар боллоо

Эмэгтэйчүүдийн 53 кг-ын жингийн хагас шигшээ барилдаан боллоо.

“Нур-Султан-2019” ДАШТ-ий хүрэл медальт ОУХМ Бат-Очирын Болортуяа хагас шигшээд ДАШТ-ий хоёр алт, хошой мөнгөн медальт эзэн орны Майю Макүйдатай хүч үзэж 3:6-гаар ялагдав. Тэрбээр олимп, дэлхийн медальтан болох үгүйгээ Камеруны Йозеф Эссомбе, Польшийн Роксана Засич нарын ялсантай маргааш шийднэ.

Categories
мэдээ онцлох-нийтлэл спорт туслах-ангилал

ТОКИО-2020: ​М.Лхагвагэрэл маргааш хүрэл медалийн төлөө барилдахаар боллоо

М.Лхагвагэрэл шөвгийн дөрөвт 2021 оны Пан Америкийн аварга АНУ-ын Габль Дан Стевесонд 5-0 харьцаагаар ялагдаж хүрэл медалийн төлөө барилдахаар боллоо.

Эхний үеийн хоёр дахь минутад Стевесон хөл авч ард нь гараад 2 оноо авснаар үе дууссан. Харин хоёрдугаар үед манай тамирчныг идэвхгүй байна гэж үзэн торгуулийн 30 секунд тоолсон.

Улмаар оноо авч чадалгүй дахин оноо алдаж 3-0 болсон. Улмаар тоглолт АНУ-ын тамирчны хяналтад орж 5-0 болсноор дууслаа.

Хүрэл медалийн барилдаан маргааш 18:25 цагаас эхэлнэ.

Categories
мэдээ спорт цаг-үе

ТОКИО-2020:Б.Болортуяа илт давуу ялж шөвгийн дөрөвт шалгарлаа

Б.Болортуяа шөвгийн наймд Пан Америкийн аваргын алт, мөнгө, хүрэл медальт Эквадорын Луиза Элизабет Валверде Мелендресийг 5-15 харьцаагаар ялж шөвгийн дөрөвт шалгарлаа.

Тэрээр шөвгийн дөрөвт 2018 оны дэлхийн аварга, 2017, 2019 оны ДАШТ-ий мөнгөн медальт Японы Маю Мукайдатай 18:05 цагаас барилдана.

Categories
мэдээ спорт цаг-үе

ТОКИО-2020: М.Лхагвагэрэл Германы бөхийг ялж шөвгийн дөрөвт шалгарлаа

М.Лхагвагэрэл шөвгийн наймд 2020 оны Европын аваргад тавдугаар байр эзэлсэн Германы Геннадиж Кудиновичийг 6-5 харьцаагаар ялж шөвгийн дөрөвт шалгарлаа.

Манай бөх эхний үед нэг оноогоор тэргүүлж байсан. Харин хоёрдугаар үед 5 оноо алдсан ч зөрж 5 оноо авч яллаа.

Тэрээр шөвгийн дөрөвт 2021 оны Пан Америкийн аварга АНУ-ын Габль Дан Стевесонтой 17:45 цагаас барилдана.

Categories
мэдээ спорт

ТОКИО-2020: М.Лхагвагэрэл шөвгийн наймд шалгарлаа

Чөлөөт бөхийн эрэгтэйчүүдийн +125 кг жинд зодоглосон М.Лхагвагэрэл эхний шатанд залуучуудын дэлхийн аваргын мөнгө, хүрэл медальт Беларусийн Зианис Храмианкуг 8-4 харьцаагаар яллаа.

Эхний үед манай тамирчин хөлийг нь авч ард нь гаран 2 оноо авсан ч зөрж ардаа алдан 2 оноо алдлаа. Гэхдээ үеийн төгсгөлд дахин ард нь гарч тооны харьцаа 4-2 болсон.

Харин хоёрдугаар үе эхлээд Зианас түлхэж гарган нэг оноо авсан ч манай тамирчин дахин ард нь гарч хоёр оноо авлаа. Улмаар тоглолт М.Лхагвагэрэлийн талд эргэж 8-4 харьцаагаар яллаа.

Тэрээр шөвгийн наймд 2020 оны Европын аваргад тавдугаар байр эзэлсэн Германы Геннадиж Кудинович болон 2020 оны Азийн аварга Казахстаны Юсүп Батирмурзаев нарын ялсантай 11:47 цагаас барилдана.

М.Лхагвагэрэл нь 2019 оны залуучуудын дэлхийн аваргын хүрэл медальтай.

Categories
мэдээ спорт

ТОКИО-2020: Б.Болортуяа шөвгийн наймд үлдлээ

Чөлөөт бөхийн эмэгтэйчүүдийн -53 кг жинд зодоглосон Б.Болортуяа эхний шатанд Номхон далайн орнуудын хошой аварга Гуамын Ркаела Мари Рамос Акиног цэвэр яллаа.

Үе эхлээд удаагүй байхад даралтаар цэвэр ялснаар шөвгийн наймд шалгарлаа.

Тэрээр шөвгийн наймд Пан Америкийн аваргын алт, мөнгө, хүрэл медальт Эквадорын Луиза Элизабет Валверде Мелендрестэй 11:40 цагаас барилдана.

Б.Болортуяа нь 2019 оны дэлхийн аваргын хүрэл медальтай.