Category: спорт

Токио-2020 паралимпийн XVI наадамд оролцож байгаа 160 улсын баг тамирчдаас өнөөдрийн байдлаар 46 улс паралимпын алт, мөнгө, хүрэл медаль хүртээд байна.

Энэ удаагийн паралимпийн наадмаас БНХАУ-ын баг 19 алт, 10 мөнгө, 17 хүрэл, нийтдээ 46 медальтай тэргүүлж байна. Олон улсын паралимпийн хороо /RPC/ буюу Дүрвэгсэдийн баг 10 алт, 7 мөнгө, 11 хүрэл, нийт 28 медаль, Их Британи улсын баг 9 алт, 10 мөнгө, 9 хүрэл, нийт 28 медаль хүртэж гуравт бичигдэж байна.

Харин тэдний араас АНУ-ын баг 9 алт, 6 мөнгө, 3 хүрэл, нийт 18 медальтай бол Австрали улсын баг 7 алт, 5 мөнгө, 8 хүрэл, нийт 20 медальтай 5 дугаар байрт орж байна.

Алдарт хөл бөмбөгчин 36 настай Криштиану Роналду 18 наснаасаа хойш тоглосон “Манчестер Юнайтед” клубт эргэн очихоор болжээ. Италийн “Ювентус” клубээс “Манчестер Юнайтед” руу шилжих гэж буйгаа тэрээр өөрийн Твиттер хуудсаараа дамжуулан мэдээлсэн байна. “Манчестер Юнайтед” мөн “Гэртээ тавтай морил Криштиану” хэмээн Твиттертээ бичжээ.

“Манчестер Юнайтед” “Ювентус”-тэй Роналдуг авах тохиролцоонд хүрсэн бөгөөд ямар нөхцөлөөр авч байгаа талаар хэлэлцээртээ нарийн тусгах болно гэв. Баасан гаригт Роналду “Ювентус”-ын бэлтгэлд очсон нь багийнхантайгаа салах ёс гүйцэтгэх зорилготой байсан гэж Италийн спортын сэтгүүлчид бичжээ.

Роналду 2003 онд 18 настай байхдаа “Манчестер Юнайтед”-д тоглож эхэлсэн ба зургаан улирлын туршид 118 гоол хийж байв.

Дараа нь “Реал Мадрид”-д есөн улирлын туршид 450 гоол хийсэн байна. 33 насандаа тэрээр Италийн “Ювентус” клубт орж гурван улиралд 101 гоол хийжээ.

С.Ядамдорж дагах барилдаанд 2016 оны Риогийн олимпын аварга Узбекистаны Шерзод Намазовт хоёр вазари үнэлгээ алдан цэвэр ялагдсанаар тэмцээнээ дуусгалаа.

Монголын үндэсний олимпын хорооны бүх гишүүдийн хурал өчигдөр цахим болон танхимаар явагджээ. Хуралд Монголын үндэсний олимпийн хорооны 176 гишүүнээс 104 нь оролцож, 65 хувийн ирцтэй хуралдсан байна. Оролцогчдын 62.5 хувь буюу 66 гишүүн олимпийн төрлийн холбоодын төлөөлөл, үлдсэн 38 гишүүн олимпийн бус төрлийн холбоодын төлөөлөл байжээ. Хурлаар Монголын үндэсний олимпийн хорооны энэ оны эхний найман сарын үйл ажиллагааны мэдээллийг хүргэж, “Токио-2020” олимпийн наадамд Монголын багийн оролцсон тайланг хэлэлцсэн байна.

Мөн Монголын үндэсний олимпийн хорооны гишүүнчлэлийн асуудлыг хэлэлцэж, холбоодоос ирсэн хүсэлтийн дагуу зарим гишүүний эрхийг дуусгавар болгож, зарим хүнийг Монголын үндэсний олимпийн хорооны гишүүнээр сонгожээ. Түүнчлэн Монголын үндэсний олимпийн хорооны ээлжит чуулганы товыг тогтоосон байна. Тодруулбал, хуралд оролцсон гишүүдийн саналаар ирэх арваннэгдүгээр сарын 30-нд Монголын үндэсний олимпийн хорооны чуулганыг хуралдуулахаар болжээ. Тус чуулганаар ирэх олимпийн мөчлөгт Монголын үндэсний олимпийн хороог удирдах бүрэлдэхүүн (ерөнхийлөгч, тэргүүн дэд ерөнхийлөгч, дэд ерөнхийлөгч, Гүйцэтгэх зөвлөлийн гишүүд)-ийг сонгох юм.

Паралимпийн жүдо бөхийн -66 кг жинд зодоглосон Аажимын Мөнхбат эхний шатанд Австралийн тамирчин Вейн Фиппсийг цэвэр ялж шөвгийн наймд шалгарсан юм.

А.Мөнхбат шөвгийн наймд Лондонгийн паралимпийн аварга, Риогийн паралимпийн хүрэл медальт Украины Давид Хоравад цэвэр ялагдлаа.

Монголын 3х3 сагсан бөмбөгийн U21 буюу 21 хүртэлх насны эрэгтэй, эмэгтэй шигшээ багууд “Nations League” цуврал тэмцээнээ дуусгалаа.

Франц, Румын улсад тус бүр гурван өдөр цуврал тэмцээнд тоглосон эрэгтэй баг 4, эмэгтэй баг 6-р байрт орлоо.

Залуу тоглогчдын хувьд туршлага хуримтлуулсан тэмцээн болсон бөгөөд эрэгтэй баг Герман, Нидерландын шигшээ багийг ардаа орхин магтам амжилтыг үзүүллээ.

Эрэгтэй багийн оноо авсан байдал:

• Литви – 520 оноо
• Чех – 455 оноо
• Израил – 430 оноо
• Монгол – 325 оноо
• Герман – 315 оноо
• Нидерланд – 250 оноо

Эмэгтэй багийн оноо авсан байдал:

• Чех – 480 оноо
• Литви – 460 оноо
• Израил – 440 оноо
• Герман – 430 оноо
• Нидерланд – 350 оноо
• Монгол – 270 оноо

Тоглолтын үр дүн:

Эрэгтэй баг:

1. Монгол 11-13 Чех
2. Монгол 11-8 Герман
3. Монгол 4-16 Нидерланд
4. Монгол 18-21 Израил
5. Монгол 11-22 Нидерланд
6. Монгол 14-21 Герман
7. Монгол 9-21 Израил
8. Монгол 14-17 Литви
9. Монгол 17-21 Литви
10. Монгол 18-19 Израил
11. Монгол 13-19 Чех
12. Монгол 8-21 Литви

Эмэгтэй баг:

1. Монгол 9-20 Израил
2. Монгол 5-22 Чех
3. Монгол 10-18 Литви
4. Монгол 5-21 Герман
5. Монгол 7-21 Литви
6. Монгол 8-15 Чех
7. Монгол 8-16 Литви
8. Монгол 10-21 Чех
9. Монгол 8-21 Герман
10. Монгол 7-22 Чех
11. Монгол 14-18 Израил