Эдийн засгийг идэвхжүүлэх 100 хоногийн хүрээнд шийдвэрлэсэн эхний ажлуудын талаар Ерөнхий сайд Н.Алтанхуяг “Бүтээн байгуулалтын цаг”-аар танилцууллаа
5 дугаар сарын 10-ны Засгийн газрын хуралдаанаар жижиг, дунд үйлдвэрлэлийн зориулалтаар импортлож буй тоног, төхөөрөмж, сэлбэг хэрэгслийг Гаалийн албан татвар, НӨАТ-аас чөлөөлөх тухай хуулийг дахин сэргээж, үйлчлэх хугацааг сунган, 2016 оны 12 дугаар сарын 31-ний өдрөөр дуусгавар болгох нь зүйтэй гэж шийдвэрлэж, хуульд өөрчлөлт оруулах тухай хуулийн төслийг УИХ-д өргөн мэдүүлэхээр боллоо.
Жижиг, дунд үйлдвэрлэлийн НӨАТ-ын босго нь 10 сая төгрөг байгааг 50 сая болгох, борлуулалтын орлого нь 1,5 тэрбум төгрөг хүртлэх аж ахуйн нэгжүүдийн төлсөн орлогын НӨАТ-ын орлогын 90 хувийг буцааж олгохоор НӨАТ-ын татвараас чөлөөлөх тухай хуулийн төсөлд тусгасан, УИХ энэ долоо хоногт хэлэлцэнэ
Дорноговь аймагт жилд 2 сая 240 мянган тн цемент үйлдвэрлэх хүчин чадалтай үйлдвэрүүд ашиглалтад орох гэж байна. Бизнес эрхлэгчидтэй уулзахад ийм том хэмжээний үйлдвэр байгуулахад тоног төхөөрөмж шинэчлэх, үйлдвэрээ өргөтгөх шаардлагатай байна. НӨАТ-ын татвар өндөр төлдөг, энэ асуудалд Засгийн газар зохицуулалт хийж өгөөч гэсэн хүсэлт тавьсан.
Хөрөнгө оруулалтын тухай хуулийг хэрэгжүүлэх зорилгоор томоохон төсөл хөтөлбөрүүдийн бүтээн байгуулалт хийх тодорхой хугацаанд импортын гаалийн болон нэмэгдсэн өртгийналбан татвараас аж ахуйн нэгжийг түр чөлөөлөх буюу татвар төлөх хугацааг 2 жил хүртлэх хугацаагаар хойшлуулах нөхцөлийг бүрдүүлэх нь зүйтэй гэж Засгийн газар үзсэн. Ингэснээр бүтээн байгуулалт, барилгын ажлыг төлөвлөсөн хугацаанд, хуваарийн дагуу хүлээлгэн өгөх, техник тоног төхөөрөмжөөс хамаарсан саатал доголдол гарахаас сэргийлэх, мөн бүтээн байгуулалтын хугацаанд гарах зардлын 15.5 хувийг хэмнэх боломжтой юм гэж Ерөнхий сайд хэллээ.
Мөн албан татвар төлөгчийн төлсөн НӨАТ-ын 2 хувийг буцааж олгох тухай хуулийн төслийг УИХ-д энэ долоо хоногт өргөн барихаар шийдвэрлэсэн гэлээ.
Засгийн газар Өрийн удирдлагын тухай хуулийн төслийг УИХ-д өргөн мэдүүлсэн байна. Дотоодын нийт бүтээгдэхүүнд өрийн эзлэх хувь 70 орчим хувь байхаар хуулийн төсөлд тусгажээ.
Төсвийн зардлыг хэмнэх зарим арга хэмжээний тухай Засгийн газрын тогтоол гарсан. Төр засгийн үйлчилгээг эрхлэх газрын менежментийг зөв хэлбэрт оруулж, төрийн үйлчилгээнд хувийн хэвшлийнхэн ижил тэгш эрхтэй оролцох нөхцөлийг бүрдүүлэх, орон нутгийн төсвийн хувьд цалин, хөлснөөс бусад бараа, үйлчилгээний зардлыг 20-иос доошгүй хувь бууруулах, орон тоо нэмэх шийдвэр гаргахгүй байх, сул чөлөөтэй орон тоонд томилгоо хийхгүй байх, гадаад албан томилолтын зардлыг тэвчих, зайлшгүй тохиолдолд зорчих төлөөлөгчийн тоог хязгаарлах, төсвийн хөрөнгөөр бизнес ангиллын нислэгээр зорчихгүй байх, дүрэмт хувцсыг гамтай хэрэглэж, эдэлгээний хугацааг уртасгах замаар хэмнэлт бий болгох, дүрэмт хувцасны загварыг 10 жилийн дотор өөрчлөхгүй байх зэргийг Засгийн газрын тогтоолд тусгажээ.
Аймаг, сумын төвд дэд бүтцийн шийдэлтэй амины орон сууц барьж буй иргэд ипотекийн зээл авах боломжтой болсон бөгөөд орон нутагт ипотекийн зээлийн хүү зээлийн хүү 7 хувь байхаар шийдвэрлэлээ гэж Ерөнхий сайд мэдэгдлээ.
Хувийн хэвшлийг дэмжих зорилгоор “Тавантолгой-Ханбогд-Ханги чиглэлийн авто зам төсөл”-ийн концессийн гэрээ байгуулахаар шийдвэрлэсэн байна. 400 гаруй км энэ зам ашиглалтад орвол нүүрс, бусад түүхий эдийн хилээр нэвтрэлт нэмэгдэж, экспорт нэмэгдэнэ. Түүхий эдийн үнийн өрсөлдөх чадвар сайжрах зэрэг ач холбогдолтой.
Австри улсын 40 сая еврогийн хөнгөлөлттэй зээлийг эрүүл мэндийн салбарт, тухайлбал, Хавдар судлалын үндэсний төв, Эх нялхсын эрүүл мэндийн үндэсний төвийн тоног төхөөрөмжийг шинэчлэх, Оношилгоо, шинжилгээний хөдөлгөөнт эмнэлэг байгуулах, УБ хотын цэвэр, бохир усны хоолойг шуудуу ухалгүйгээр шинэчлэх технологи, гал унтраах техник, тоног төхөөрөмж, Төрийн тусгай албаны эмнэлэгийн шинэчлэлд зориулж орчин үеийн лаборатори, дүрс оношилгоо, мэс засал, яаралтай тусламж эрчимт эмчилгээний тоног төхөөрөмж тус тус худалдан авахад зарцуулахаар шийдвэрлэсэн байна.
Эдийн засгийг идэвхжүүлэх ажлын хүрээнд 2014 оны 05 дугаар сарын 10-ны өдрийн Засгийн газрын хуралдаанаар шийдвэрлэсэн асуудлууд
№ Шийдвэрлэсэн асуудал Гарах үр дүн, ач холбогдол
1 Гаалийн албан татвараас, Нэмэгдсэн өртөгийн албан татвараас чөлөөлөх тухай хуулийн төсөл Манай Улсад 66500 аж ахуйн нэгж үйл ажиллагаагаа явуулж байгаагаас 92 хувь нь 20 хүртэлх ажиллагсадтай жижиг, дунд үйлдвэрлэл эрхлэгчид ба үүний 80 орчим хувь нь тоног төхөөрөмжөө шинэчлэх, үйлдвэрлэлээ өргөтгөх шаардлагатай гэсэн судалгаа байна. Иймд жижиг, дунд үйлдвэр эрхлэгчдийн тоног төхөөрөмжийг шинэчлэх, бүтээгдэхүүний чанар, тоо хэмжээ болон өрсөлдөх чадварыг нэмэгдүүлэх цаашлаад импортыг орлох бүтээгдэхүүн үйлдвэрлэх нөхцөлийг бүрдүүлэх зорилгоор тус хуулийг дахин сэргээж үйлчлэх хугацааг 2.5 жилийн хугацаагаар сунгаж 2016 оны 12 дугаар сарын 31-ний өдрөөр дуусгавар болгох нь зүйтэй гэж үзсэн.
2 Гаалийн тариф, гаалийн татварын тухай хуульд нэмэлт оруулах тухай хуулийн төсөл Хөрөнгө оруулалтын тухай хуулийн 11.2 дахь хэсэгт “барилгын материал, газрын тос, хөдөө аж ахуйн боловсруулах болон экспортын бүтээгдэхүүний үйлдвэр барих, нано, био болон инновацийн технологи агуулсан бүтгээгдэхүүний үйлдвэр барих, эрчим хүчний үйлдвэр болон төмөр зам барих тохиолдолд импортолсон техник, тоног төхөөрөмжийг барилга угсралтын ажлын хугацаанд гаалийн албан татвараас чөлөөлж болно” гэж заасан боловч Татварын ерөнхий хуулийн 3.2-т “татварыг зөвхөн татварын хуулиар зохицуулна” гэсний дагуу холбогдох татварын хуульд нэмэлт, өөрчлөлт оруулах зайлшгүй шаардлагатай байна.
Иймд Хөрөнгө оруулалтын тухай хуулийг хэрэгжүүлэх зорилгоор томоохон төсөл хөтөлбөрүүдийн бүтээн байгуулалт хийх тодорхой хугацаанд импортын гаалийн болон нэмэгдсэн өртгийналбан татвараас аж ахуйн нэгжийг түр чөлөөлөх буюу татвар төлөх хугацааг 2 жил хүртлэх хугацаагаар хойшлуулах нөхцлийг бүрдүүлэх нь зүйтэй гэж үзсэн. Ингэснээр аливаа бүтээн байгуулалт, барилгын ажлыг төлөвлөсөн хугацаанд, хуваарийн дагуу хүлээлгэн өгөх, техник тоног төхөөрөмжөөс хамаарсан саатал доголдол гарахаас сэргийлэх, мөн бүтээн байгуулалтын хугацаанд гарах зардлын 15.5 хувийг хэмнэх боломжтой байна.
3 Төсвийн зардал хэмнэх зарим арга хэмжээний тухай Төсвийн урсгал зардлыг 10-30 хувиар багасгана. Төсвийн албан хаагч, ажилчдын цалин хөлс хасагдахгүй.
4 Нэмэгдсэн өртгийн албан татварын тухай хуулийн шинэчилсэн найруулгын төсөл Монгол Улсын Шинэчлэлийн Засгийн газрын үйл ажиллагааны хөтөлбөрт тусгагдсан зорилго, зорилтыг хэрэгжүүлэх, бизнест ээлтэй орчин бүрдүүлэх замаар татварын 2 дахь үе шатны шинэчлэлийн хүрээнд Нэмэгдсэн өртгийн албан татварын тухай хуулийн шинэчилсэн найруулгын төслийг боловсруулсан.
1. Албан татвар төлөгчийн төлсөн 2 хувийн татварыг буцаан олгох;
2. Албан татвар төлөгчөөр бүртгэгдэх босгын хэмжээг инфляци, эдийн засгийн өсөлттэй уялдуулан өөрчлөх;
3. Нэмэгдсэн өртгийн албан татварын падааныг электрон хэлбэрт оруулах;
4. Хариуцлагатай холбоотой зохицуулалтыг олон улсын жишигт нийцүүлэх;
5. Татварын энгийн ойлгомжтой байх зарчмын хүрээнд хоёрдмол агуулга бүхий зарим нэр томъёо, тухайлбал, албан татвар төлөгч, суутгагч, бараа, ажил, үйлчилгээ зэргийг нэг мөр оновчтой тодорхойлсон.
5 Төр, засгийн үйлчилгээг эрхлэх газрын талаар авах зарим арга хэмжээний тухай Төсвийн зардал багасна. Менежментийн зөв хэлбэрт орно. Төрийн үйлчилгээнд хувийн хэвшлийнхэн ижил эрхтэй оролцох нөхцөл бүрдэнэ.
6 “Засгийн газрын автобааз” улсын төсөвт үйлдвэрийн газрын талаар авах зарим арга хэмжээний тухай Засгийн газрын тогтоолын төсөл Төсвийн зардал багасна. Менежментийн зөв хэлбэрт орно. Төрийн үйлчилгээнд хувийн хэвшлийнхэн ижил эрхтэй оролцох нөхцөл бүрдэнэ.
7 Орон сууцны ипотекийн зээлийн ерөнхий журамд нэмэлт, өөрчлөлт оруулах тухай Засгийн газрын тогтоолын төсөл Аймаг, сумын төвд дэд бүтцийн шийдэлтэй амины орон сууц барьж буй иргэд ипотекийн зээл авах боломжтой болно. Аймаг, сумын төвийн ипотекийн зээлийн хүү 7 хувь болно.
8 Төрийн өмчийг 2014-2016 онд хувьчлах, өөрчлөн байгуулах үндсэн чиглэл батлах тухай Улсын Их Хурлын тогтоолын төсөл Төрийн өмч эзэнтэй болно.
9 Алтанбулаг худалдааны чөлөөт бүсэд зорчигч, бараа, тээврийн хэрэгслийг нэвтрүүлэх түр журам батлах тухай Засгийн газрын тогтоолын төсөл Алтанбулаг худалдааны төвийн үйл ажиллагааг эхлэнэ.
10 “Тавантолгой-Ханбогд-Ханги чиглэлийн авто зам төсөл”-ийн концессийн гэрээ байгуулах зөвшөөрөл авах тухай Нүүрс, бусад түүхий эдийн хилээр нэвтрэлт нэмэгдэж, экспорт нэмэгдэнэ. Түүхий эдийн үнийн өрсөлдөх чадвар сайжирна.
11 “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-д нэмэлт, өөрчлөлт оруулах тухай хуулийн төсөл Үнийн зөрүү гэдэг асуудал байхгүй болно. Нэмэлт ажил хийнэ гэдэг асуудал арилна. Хугацаа сунжирч үргэлжилдэг асуудал байхгүй болно. Ажлын гүйцэтгэлийн чанар сайжирна.
12 Эдийн засгийн өршөөлийн тухай хууль Далд эдийн засгийн нөлөө буурна. Хөрөнгө оруулалт нэмэгдэнэ.
13 ТӨХ-Лондонгийн хөрөнгийн бирж групп хоорондын байгуулсан гэрээнд тусгагдсан 2012 оны 1,5 сая ам.долларын төлбөрийн асуудал Монголын хөрөнгийн биржийн үйл ажиллагааг олон улсын жишигт хүргэх
14 Виз хөнгөвчлөх тухай Монгол улс руу визгүй зорчих орны тоо нэмэгдэнэ. Жуулчны тоо нэмэгдэнэ.
15 Монгол улсын Засгийн газар, Австри улсын Засгийн газар хооронд байгуулсан “Санхүүгийн хамтын ажиллагааны хэлэлцээр”-ийн хүрээнд хэрэгжүүлэх төслийн тухай Австри улсын 40 сая еврогийн хөнгөлттэй зээлийг доорх чиглэлд зарцуулна. Хавдар судлалын үндэсний төвийн эд, эс шинжилгээний лабораторийн тоног төхөөрөмж; Оношилгоо, шинжилгээний хөдөлгөөнт эмнэлэг; Эх нялхсын эрүүл мэндийн үндэсний төвийн тоног төхөөрөмж; УБ хотын цэвэр, бохир усны хоолойг шуудуу ухалгүйгээр шинэчлэх технологи, Гал унтраах техник, тоног төхөөрөмж; Төрийн тусгай албаны эмнэлэгийн шинэчлэлд зориулж орчин үеийн лаборатори, дүрс оношилгоо, мэс засал, яаралтай тусламж эрчимт эмчилгээний тоног төхөөрөмж тус тус худалдан авах
16 БНХАУ-ын Засгийн газрын хөнгөлөлттэй зээлийн хөрөнгөөр хэрэгжүүлэх төслийн тухай Төслийн нэр:Замын цагдаагийн ойролцоох гүүрэн гарцын төсөл
Төслийн нэр:”Гудамж” төслийн хүрээнд хэрэгжүүлэх дэд төслүүд, Туулын хурдны зам (урьдчилсан байдлаар дөрвөн дэд төсөл, Яармагийн гүүр орсон)
Ноос, ноолууран хувцас үйлдвэрлэгч “Говь” компани Монголын үндэсний дизайнеруудын холбоотой хамтран ноолууран бүтээгдэхүүний “Nomadic Chic by Gobi Cashmere” загварын шоуг зохион байгуулах гэж байна. Энэхүү загварын шоу нь анх удаагаа, бүжиг болон нугаралт хосолж байгаагаараа онцлог аж. Монголын нэр хүндтэй бүхий л загварын агентлагийн нэртэй модель, загвар өмсөгчид оролцохоос гадна, мэргэжлийн бүжигчид, нугараачид “Говь”-ийн хувцсыг өмсөж үзүүлбэр үзүүлэх юм. Бас нэг онцлох зүйл нь “Nomadic Chic by Gobi Cashmere” шоуг загварын ертөнцийн хамгийн том “FTV” суваг сурвалжилж, дэлхийн 193 оронд цацах гэнэ. Мөн АНУ алдарт топ модель Тайра Банкийн удирдан явуулдаг “American next top model” шоуны шүүгч, зурагчин “Jo Lance” хүрэлцэн ирнэ. Тус загварын шоу ирэх 16-ны өдөр “Мираж” зоогийн газарт болно. 
УИХ дахь МАН-ын бүлэг Ашигт малтмалын тухай хуульд өөрчлөлт оруулах төсөл, 2014 оны Төсвийн тодотголын асуудлаар хуралдсан байна. Бүлгийн хуралдааны талаар УИХ дахь МАН-ын бүлгийн дарга С.Бямбацогт болон Ч.Хүрэлбаатар, Я.Содбаатар мэдээлэл хийлээ.
Үндэсний статистикийн хорооноос Монгол Улсын нийгэм эдийн засгийн байдлыг мэдээлэв. Оны эхний дөрвөн сарын байдлаар хэрэглээний үнийн улсын индекс 2014 оны дөрөвдүгээр сард өмнөх сарынхаас 1,0 хувь, өмнөх оны мөн үеэс 12,3 хувиар өслөө. Ерөнхий индекс өмнөх сараас1,0 хувиар өсөхөд хүнсний бараа, ундаа усны бүлгийн үнэ, дүнгээрээ 2.1 хувь, бөс бараа , гутлын бүлгийн үнэ дүнгээрээ 0.7 хувь, тээврийн бүлгийн үнэ дүнгээрээ 0.3 хувь өссөн нь нөлөөлжээ. 
Баянзүрх дүүргийн IX хорооны Хар хошуу гэх газарт уулын оройгоос толгой нь таслагдсан, маш олон гэмтэлтэй хоёр эмэгтэйн цогцос олдсон талаар ЦЕГ-аас мэдээлэл хийлээ. Хохирогч эмэгтэйн нэг нь 1995 онд төрсөн Өвөрхангайн харъяат эрхэлсэн тодорхой ажилгүй БЗД-ийн XIX хороонд оршин суугч Б гэгч байжээ. Нөгөө нь 1994 онд төрсөн Ховд аймгийн харъяат Х байжээ. Эмэгтэйчүүдийг зэрлэгээр хөнөөсөн хэрэгт сэжиглэн хоёр этгээдийг барьж, 461 дүгээр хорих ангид хорьж байгаа аж. Сэжигтэн И нь эмэгтэй, 1991 онд төрсөн, эрхэлсэн тодорхой ажилгүй. Нөгөөх нь БЗД-ийн XX хороонд оршин суугч З гэгч байжээ. Сэжигтэнүүд хэрэг үйлдэх үеэрээ ууж согтуурсан байжээ. Хохирогчид архи уусан байсан эсэх нь задлан шинжилгээний дүгнэлт гарахад тодорхой болно. Хохирогч эмэгтэйн толгойг амьд байхад нь эсвэл өөд болсон хойно нь тасалсан эсэх нь мөн задлан шинжилгээний хариу гарсны дараа тодрох гэнэ.
Мэргэжлийн хяналтын ерөнхий газрын байцаагч нар хяналт шалгалтын төлөвлөгөөний дагуу эмнэлгийн шинжилгээ, эмчилгээ, оношлогоонд ашиглаж байгаа хэмжих хэрэгслийн хэмжилт үнэн зөв эсэх, даралтат савны угсралт, ашиглалт, аюулгүй ажиллагааг шалгалаа. Шалгалтад улсын клиникийн төв эмнэлгүүд, Эх, хүүхдийн эрүүл мэндийн үндэсний төв, Хавдар судлалын үндэсний төв хамрагдсан байна.
Төрийн орон сууцны корпорацийн Маркетинг борлуулалтын хэлтсийн дарга Т.Гэрэлт-Од “Хагас галзуу юм шиг л сууж байна” гэв. “Буянт-Ухаа1” хорооллын сугалаанд оролцогчдоос байранд орох эрх авсан нэг нь баяртай, аваагүй нэг нь гомдол санал тээн Төрийн орон сууцны корпорацийг зорьцгоож байна. Олон хүн сугалаанд хожсон эсэхээ лавлахаар энд иржээ. Сугалаанд аз таараагүй хүмүүсийн хувьд үлдсэн 224 байрыг яах бол хэмээн сонирхож буй. Энэ талаар Т.Гэрэлт-Одоос лавлав. 9094 хүн ТҮЦ машинаар бүртгүүлсэн тухай ТОСК-ийнхан өмнө нь мэдээлж байсан. Гэтэл сугалаанд оролцох эрхтэй хүмүүсийн тоо 5935 буюу харьцангуй доогуур гарсан нь ямар учиртайг түүнээс мөн асуулаа. 
Нийслэлийн Баянзүрх дүүрэгт, Шар хадны эцсийн автобусны буудлын орчмоос өнгөрсөн лхагва гаригт /V.7/ 25-35 насны хоёр эмэгтэйн цогцос олдсон байна. Албаны хүмүүсийн мэдээлснээр энэ хэрэг санаатай байж болзошгүй бөгөөд нэг хохирогчийн толгой тасарсан, нөгөөгийн хөл, гар нь тасарсан байдалтай байсан байна.
Монгол банк жижиг дунд үйлдвэрлэгч 2000 гаруй аж ахуйн нэгж, иргэдийн дунд судалгаа явуулахад 1400-аад нь үйл ажиллагаагаа цаашид үргэлжлүүлэхэд санхүүжилтийн хэрэгцээ зайлшгүй хэрэгцээтэй гэсэн хариу өгчээ. Тэдгээрт хөнгөлттэй нөхцлөөр тодорхой хэмжээний санхүүгийн дэмжлэг үзүүлэх шаардлагын хүрээнд Нийслэлийн удирдлагын зөвлөлийн ээлжит хуралдаанаар “Жижиг, дунд үйлдвэрийг хөгжүүлэх сангийн журмын төсөл”-ийг хэлэлцжээ.