Дэлхийн 20 гаруй орны төлөөлөгчид ирж оролцох “ICE Mongolia-2014” Олон улсын барилгын үзэсгэлэн худалдаа өнөө өглөө “Буянт-Ухаа” спорт цогцолборт нээгдлээ. Тус үзэсгэлэнд барилгын материал зардаг, орон сууц барьдаг бүхий л байгууллага, компаниуд оролцохоос гадна, Япон, Хятад, Солонгос, Гана зэрэг 20 гаруй орны барилгын материал, орон сууцны компаниудаас төлөөлөл ирж оролцож байгаа юм байна. Энэ үеэр байгууллагууд барилгын материал болон, орон сууцны 3-10 хүртэлх хямдралтай худалдаа явуулах ажээ. Үзэсгэлэн энэ сарын 14-18-ны хооронд дөрөв хоног үргэлжилэх юм. Монголд жилдээ барилгын чиглэлээр 5-6 олон улсын болон дотоодын үзэсгэлэн худалдаа зохион байгуулагддаг аж. Энэ удаагийн үзэсгэлэн яармагийн онцлог нь Монголын барилгын салбарт гадаадын хөрөнгө оруулалтыг татах явдал гэнэ. Үзэсгэлэнг очиж үзэх сонирхолтой хүмүүст эдгээр өдрүүдэд драмын театрын урдаас цаг тутам автобусаар үйлчилх гэнэ.
Category: мэдээ
Урьдчилан төсөөлж байсан ёсоор Самир Насри Францын ДАШТ-ий бүрэлдэхүүнд багтсангүй.
Насри “Евро 2012”-н үеэр зохисгүй авир гаргаж, Францын хөлбөмбөгийн холбооноос гурван тоглолтоор торгуулсан юм.
Мөн түүнийг өнгөрсөн 3 сард Нидерландтай хийсэн нөхөрсөг тоглолтонд Дидье Дешам дуудаагүй.
Үүнээс улбаалан Насриг ДАШТ-д авч явахгүй гэсэн цуу яриа тархаад байсан. Ингээд мягмар гаригт Дешам 30 тоглогчын нэрийг зарлахад Насри байсангүй.
Насри-гийн багийн хамтрагч Гаель Клиши болон Монако-гийн ахмад хамгаалагч Эрик Абидаль дуудагдсангүй.
Бастиа-гийн Микаэ́ль Ландро́, Стефан Руффиерийн байрыг эзэлж 3-р хаалгачаар Бразилыг зорих боллоо.
Реал Сосьедадын Антуа́н Гризма́нн, Лиллийн Рио Мавуба, Лионы Клема́н Гренье́ гэсэн залуусыг Дешам багтаа урьжээ.
Энэ улиралд Ньюкэслийн төлөө 14 гоол оруулсан Лойк Реми-д багтах зай мөн үлдээсэн байлаа.
Франц Дэлхийн аваргад Хондурас, Швэйцарь, Колумбын багуудтай хамт багтсан.
Тэд эхний тоглолтоо зургадугаар сарын 15-нд Хондурасын эсрэг хийнэ.
ҮНДСЭН БҮРЭЛДЭХҮҮН
ХААЛГАЧ : Mickael Landreau (Bastia), Hugo Lloris (Tottenham), Steve Mandanda (Marseille)
ХАМГААЛАГЧ : Mathieu Debuchy (Newcastle United), Lucas Digne (Paris Saint-Germain), Patrice Evra (Manchester United), Laurent Koscielny (Arsenal), Eliaquim Mangala (Porto), Bacary Sagna (Arsenal), Mamadou Sakho (Liverpool), Raphael Varane (Real Madrid)
ХАГАС ХАМГААЛАГЧ : Yohan Cabaye (Paris Saint-Germain), Clement Grenier (Lyon), Blaise Matuidi (Paris Saint-Germain), Rio Mavuba (Lille), Paul Pogba (Juventus), Moussa Sissoko (Newcastle United), Mathieu Valbuena (Marseille)
ДОВТЛОГЧ : Karim Benzema (Real Madrid), Olivier Giroud (Arsenal), Antoine Griezmann (Real Sociedad), Loic Remy (Newcastle United), Franck Ribery (Bayern Munich)
ХҮЛЭЭГДЭЖ БУЙ : Remy Cabella (Montpellier), Maxime Gonalons (Lyon), Alexandre Lacazette (Lyon), Loic Perrin (Saint-Etienne), Stephane Ruffier (Saint-Etienne), Morgan Schneiderlin (Southampton), Benoit Tremoulinas (Saint-Etienne)
2014 оны ДАШТ эхлэхэд сар хүрэхгүй хугацаа үлдээд байгаа энэ үед шигшээ багийн дасгалжуулагчид эх орноо төлөөлөн Алтан цомын төлөө өрсөлдөх тоглогчидийн нэрээ урьдчилсан байдлаар зарлаж эхлээд байна.
Зургадугаар сарын 2-нд багууд эцсийн байдлаар 23 тоглогчийн нэрсээ зарлах болно.
2008, 2012 оны Европын, 2010 оны Дэлхийн аварга Испанийн шигшээ багийн дасгалжуулагч Висенте Дел Боске урьдчилсан байдлаар 30 тоглогчийн нэрсийг зарлалаа.
Хаалгачид: Икер Касильяс /Реал Мадрид/, Пепе Рэйна /Наполи/, Давид Де Хеа /Манчестер Юнайтед/
Хамгаалагчид: Серхио Рамос /Реал Мадрид/, Пике /Барселона/, Рауль Албиол /Наполи/, Хорди Альба /Барселона/, Дани Карвахал /Реал Мадрид/, Алберто Морено /Севилья/, Сезар Аспиликуэта /Челси/, Хави Мартинез /Байерн/, Хуанфран /Атлетико Мадрид/
Хагас хамгаалагчид: Шави /Барселона/, Шаби Алонзо /Реал Мадрид/, Андрес Иньеста /Барселона/, Коке /Атлетико Мадрид/, Санти Касорла /Арсенал/, Франческ Фабрегас /Испани/, Тиаго Алкантара / Байерн/, Хуан Мата /Манчестер Юнайтед/, Давид Сильва /Манчестер Сити/, Андер Иттураспе /Атлетик Бильбао/, Серхио Бускетс /Барселона/
Довтлогчид: Педро /Барселона/, Хэсүс Навас /Манчестер Сити/, Диего Кошта /Атлетико Мадрид/ Фернандо Торрес /Челси/, Давид Вилья /Атлетико Мадрид/, Альваро Негредо /Манчестер Сити/, Фернандо Льоренте /Ювентус/
Монгол Улсад цусны донорын тоо маш бага, байнгын донорын дутагдалтай байдаг ажээ. Ялангуяа оюутан, залуусын хичээл амарсан зуны цагт донорын тоо эрс багасдаг байна. Энэ нь манайд донор болж буй хүмүүсийн дийлэнх нь залуус байдагтай холбоотой аж. Тиймээс оюутан залуусыг тарахаас өмнө удаан хадгалдаг цус, цусан бүтээгдэхүүнийхээ нөөцийг бэлдэх үүднээс “Амьдрал бэлэглэе” нэг сарын аяныг Цус сэлбэлт судлалын үндэсний төв бол Монгол дахь олон улсын JCI төрийн бус байгууллагаас хамтран зохион байгуулах гэж байна. Аяны нээлт өнөөдрөөс эхэллээ. Түүнчлэн жил бүрийн зургадугаар сарын 14-нд тохиодог дэлхийн цусны өдрийг угтан аяныг явуулж байгаа аж.
Одоогоор манайд 2800 гаруй байнгын донор жилдээ хоёроос доошгүй удаа цусаа өгдөг байна. Цусны нөөцийн хувьд хадгалах байдлаасаа хамаараад 7-10 хоногийн нөөц байгаа гэнэ. Нэг хүний цуснаас гурван төрлийн бүтээгдэхүүн /ялтсан эсийн бүтээгдэхүүн, сийвэнгийн бүтээгдэхүүн, улаан эсийн бүтээгдэхүүн/ гарган авдаг тул дор хаяж гурван хүний амийг аврах боломжтой байдаг байна.
Цус сэлбэлт судлалтын үндэсний төв болон JCI байгууллагынхан бүх ард иргэдийг “Амьдрал бэлэглэе” аянд идэвхитэй оролцохыг уриаллаа.
Э.Номин
Өнгөрч буй улиралд тун сайн формтой байсан Карлос Тевесийг Аргентиний шигшээ багт дуудсангүй. Дасгалжуулагч Алеха́ндро Сабе́лья Бразил руу авч явах урьдчилсан бүрэлдэхүүнээ зарласан байна. 30 настай Тевес энэ улиралд Ювентусын өмсгөлтэй 19 гоол оруулж тэднийг аварга болоход онцгой үүрэг гүйцэтгэсэн. 2011 онд Сабе́лья-г Аргентинд ирснээс хойш Тевес шигшээ багтаа тоглоогүй байгаа юм.
Харин Бундеслигт ердөө 4-хөн гоол оруулсан Вердерийн Франко Ди Санто дуудагдсан нь маргаан дэгдээгээд байна.
Алеха́ндро Сабе́льягын дуудсан 30 тоглогчдын долоо нь тэмцээн эхлэхээс өмнө мөн хасагдах болно. Барса-гийн супер од Лионель Месси багийн ахлагчаар тоглоно.
Зургадугаар сарын 15-нд Босни-тэй хийх нээлтийн тоглолтын өмнө Аргентинчууд Тринидад-Тобаго, Словений багуудтай нөхөрсөг тоглолт хийх болно.
АРГЕНТИНИЙ УРЬДЧИЛСАН БҮРЭЛДЭХҮҮН
ХААЛГАЧ : Mariano Andujar (Catania), Agustin Orion (Boca Juniors), Sergio Romero (Monaco)
ХАМГААЛАГЧ : Jose Maria Basanta (Monterrey), Hugo Campagaro (Inter), Martin Demichelis (Manchester City), Federico Fernandez (Napoli), Ezequiel Garay (Benfica), Lisandro Lopez (Getafe), Gabriel Mercado (River Plate), Nicolas Otamendi (Atletico Mineiro), Marcos Rojo (Sporting Lisbon), Pablo Zabaleta (Manchester City)
ХАГАС ХАМГААЛАГЧ : Ricardo Alvarez (Inter), Ever Banega (Newell’s Old Boys), Lucas Biglia (Lazio), Angel Di Maria (Real Madrid), Augusto Fernandez (Celta Vigo), Fernando Gago (Boca Juniors), Javier Mascherano (Barcelona), Enzo Perez (Benfica), Fabian Rinaudo (Catania), Maximiliano Rodriguez (Newell’s Old Boys), Jose Sosa (Atletico Madrid)
ДОВТЛОГЧ : Sergio Aguero (Manchester City), Franco Di Santo (Werder Bremen), Gonzalo Higuain (Napoli), Ezequiel Lavezzi (Paris Saint-Germain), Lionel Messi (Barcelona), Rodrigo Palacio (Inter)
Монгол Улсын эдийн засгийн голлох үзүүлэлтүүдээс дотоодын нийт бүтээгдэхүүний өөрчлөлтийг статистикийн хорооноос мэдээллээ. Үйлдвэрлэлийн аргаар тооцсон ДНБ-ний хэмжээ 2014 оны эхний улиралд оны үнээр 3.4 тэрбум төгрөг, 2005 оны зэрэгцүүлэх үнээр 1.1 их наяд төгрөгт хүрч, өмнөх оны мөн үеийнхээс оны үнээр 18.3 хувь, зэрэгцүүлэх үнээр 7.4 хувиар өсчээ. Дотоодын нийт бүтээгдэхүүний өсөлтөд хөдөө аж ахуйн салбар, аж үйлдвэр, барилгын салбарын өсөлт чухал нөлөө үзүүлжээ. Ялангуяа зэрэгцүүлэх үнээр дотоодын нийт бүтээгдэхүүний өөрчлөлтөд хөдөө аж ахуйн салбар 18.4 хувиар, аж үйлдвэрийн салбар 15.7 хувиар өссөн байна. Аж үйлдвэрийн салбарын үйлдвэрлэлийн индекс 2014 оны дөрөвдүгээр сард өмнөх оны мөн үеийнхээс 19.6 хувь, өмнөх сарынхаас 8.6 хувь, жилийн эцсийнхээс 3.2 хувиар өссөн байна. Өмнөх оны мөн үеийнхээс уул уурхай, олборлох аж үйлдвэрийн салбарт газрын тос, зэсийн баяжмал зэрэг бүтээгдэхүүний олборлолт 52.3-83.3 хувиар өссөн бол боловсруулах аж үйлдвэрийн салбарт ган төмөр хийц, нарийн боов, бууз, банш, шингэн сүү, цэвэр ус, барилгын модон хаалга, цонх, цемент, гурил, гоймон, вакуум цонх хаалга, зүсмэл материал зэрэг бүтээгдэхүүний үйлдвэрлэл 3.1 хувиас 2.8 дахин өссөнийг онцоллоо.
Үйлдвэр хөдөө аж ахуйн яамнаас өгсөн мэдээллээр одоогоор авсан төлийн 99 хувь нь бойжиж байгаа бөгөөд нийтдээ 11.3 сая төл аваад байгаа юм. Мөн малын хорогдол 50 хувиар буурсан аж. Том малын зүй бус хорогдол 2014 оны эхний дөрвөн сард улсын хэмжээнд 150.2 мянган толгой болж, өмнөх оны мөн үеийнхээс 193.8 мянган толгой буюу 56.3 хувиар буурчээ.
Өнөөдөр “Мишээл экспо” худалдааны төвд “Камертон” хамтлагийнхан “Camerton Best hits Unplugged” тоглолтоо хийх гэж байна. Тоглолт оройн 19.00 цагаас эхлэх бөгөөд ганцхан удаа болох юм. Тасалбарын үнэ нь 50 мянган төгрөг аж. Тэд энэ удаагийн тоглолтдоо сонсогчдын хүртээл болж байсан дуунуудаа амьд хөгжимтэй дуулахаас гадна, тус тусын бие даасан уран бүтээлүүдээсээ толилуулах гэнэ.
Э.Эрдэнэ
Нийслэлийн удирдлагын зөвлөлийн хуралдаанаар хонхны баяртай холбоотой асуудлыг хэлэлцжээ. Хурлаас оюутан, сурагчид төгсөлтийн баяраа зөв зохистой тэмдэглэхэд сургуулийн захиргаатай хамтран ажиллаж, цагдаагийн хүчийг нэмэгдүүлэх шийдвэр гаргасан байна. Мөн гол, ойн бүс газарт эргүүл гаргаж, төгсөгчдийн аюулгүй байдлыг хангахад анхаарч ажиллах болжээ. Харин цэцэрлэг, бага ангийн сурагчдыг төгсөлтийн баяр тэмдэглэхийг хориглож, мөнгөн хураамж цуглуулсан тохиолдолд сургууль, цэцэрлэгийн захиргаанд хариуцлага тооцохоор шийдвэрлэлээ. Мөн төгсөлтийн баярын үеэр хүүхэд залуусыг архидан согтуурахаас сэргийлэхийн тулд архи, согтууруулах ундаа худалдан борлуулдаг 297 аж ахуйн нэгжид албан мэдэгдэл өгчээ.
Жил бүрийн зургадугаар сарын эхний долоо хоногийн бямба гарагийг бүх нийтээр биеийн тамир, спортыг дэмжих, “Автомашингүй өдөр” болгон “Улаанбаатар-Марафон” олон улсын гүйлтийн тэмцээнийг зохион байгуулдаг уламжлалтай. Монгол Улсын Засгийн газрын Олон улсын спортын тэмцээн, наадам зохион байгуулах тухай 325 дугаар тогтоол, нийслэлийн Засаг даргын А/161 дугаар захирамжийн дагуу энэ жилийн тэмцээнийг нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэлээр ахлуулсан ажлын хэсэг зохион байгуулж байна.
Олон улсын хэмжээнд зохион байгуулагдах “Улаанбаатар-Марафон” гүйлтийн тэмцээн нь зургадугаар сарын 07-нд болох бөгөөд тэмцээнд оролцогчдыг Нийслэлийн Биеийн тамир спортын газарт бүртгэж байна. Харин тавдугаар сарын 15-наас нийслэлийн дүүргүүдийн Биеийн тамир спортын хороо, Нийслэлийн Боловсролын газар, Монголын Залуучуудын холбоо, Монголын Оюутны холбоон дээр бүртгэх ажил эхэлнэ.
Гүйлтийн тэмцээний үеэр марафон, сонирхогчдын гүйлт гэсэн 2 төрлийн тэмцээн болно. 18-аас дээш настай марафон гүйлтээр тогтмол хичээллэгчдийн дунд хагас марафон /21975 м/, бүтэн марафон /42195м/ гүйлтийн тэмцээн, Сонирхогчдын гүйлтийг 4 насны ангиллаар 4 зайд зохион байгуулна. Тодруулбал:
– 17 нас хүртэл 4000 м /эр, эм, зөвхөн сонирхогчдын дунд/
– 18-35 нас 8000 м, /эр, эм, зөвхөн сонирхогчдын дунд/
– 36- 49 нас 5000 м /эр, эм, зөвхөн сонирхогчдын дунд/
– 50-иас дээш нас 4000 м /эр, эм, зөвхөн сонирхогчдын дунд/
Харин тэмцээнд оролцогчид дараахь байдлаар бүртгүүлнэ.
• Бүртгэл 06 дугаар сарын 06-ны өдрийн 17:00 цаг хүртэл Нийслэлийн Биеийн тамир, спортын газар /Соёлын төв өргөөний 1 дүгээр давхарын 13 тоот/, Нийслэлийн Боловсролын газар, дүүргүүдийн Биеийн тамир спортын хороо, Монголын Залуучуудын холбоо, Монголын Оюутны холбооны байранд явагдана. Бүртгэлд биеэр ирж болон онлайнаар хамрагдаж болно. /www.sport.ub.gov.mn/
• Бүртгэлд хамрагдах гүйгчид иргэний үнэмлэх болон өөрийнхөө төрсөн он, сар, өдрийг баталгаажуулах бичиг баримт, тухайн тамирчны оролцох зайд гүйж болохыг зөвшөөрсөн эмчийн бичиг, гадаадын тамирчид эрүүл мэндийн даатгал зэргийг авч ирнэ.
• Хагас, бүтэн марафон гүйлтэнд оролцогчид гараанд гарахаас өмнө эмчийн хяналтад хамрагдан даралтаа хэмжсэн байна. Бусад зайд гүйгчид гүйлт болохоос 3 хоногийн дотор эмчийн үзлэгт хамрагдан зүрхний цохилт, даралтаа хэмжүүлсэн байна.
• Хөдөө, орон нутгаас оролцож байгаа тамирчдын байр, хоол, ирэх, буцах унааны зардлыг тэмцээнд оролцуулж байгаа тухайн байгууллага буюу тухайн тамирчин өөрөө хариуцна.
• Гүйлтийн 42195 м, 21975 м, 8000 м-ийн зайд уралдах гүйгчид 15000 төгрөг, 4000 м, 5000 м-ийн зайд уралдах монголын гүйгчид 2000 төгрөгийн хураамж төлнө гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.