Элсэлтийн ерөнхий шалгалт эхлэхэд сар ч хүрэхгүй хугацаа үлдээд байна. Шалгалтад бүртгүүлсэн шалгуулагчид өнөөдрөөс эхлэн суудлын хуваариа татаж авах боломжтой болж байна. Тодруулбал, бүртгүүлэгчид өнөөдрөөс эхлэн Боловсролын үнэлгээний төвийн www.eec.mn цахим хуудас дахь шалгуулагчийн булангаар ороод, бүртгэлийн дугаар, нууц үгээ ашиглан суудлын хуваариа хэвлэж авах юм.
Энэ жилийн хувьд шалгуулагчид монгол хэл, бичгийн шалгалт өгснөөр элсэлтийн шалгалтад орох эрхтэй болж байгаа. Уг шалгалтад зургаадугаар сарын 14-ны өдөр орон даяар явагдана. Монгол хэл бичгийн шалгалт өгсөн шалгуулагчийн бүртгэлийн хуудсанд хянагч багш нар ялтас нааж шалгалтад орсон гэдгийг нь баталгаажуулах юм байна.
Өмнөх оны төгсөгчид бүртгэлийн хуудсандаа Боловсролын үнэлгээний төвийн даргын тамга даруулж, гарын үсэг зуруулах шаардлагатай ба ингэснээр бүртгэлийн хуудас хүчинтэй болно. Хэрэв тамга, гарын үсэггүй бол шалгалтад оруулахгүй аж.
Шалгуулагчид шалгалт өгөхөөр ирэхдээ суудлын хуваарь бүхий шар хуудас, бүрт гэлийн хуудас, бүрэн дунд боловсролын гэрчилгээ, иргэний цахим үнэмлэхээ заавал авч ирэх шаардлагатай.
Газрын тосны газрын дарга асан Д.Амарсайхан 461 дүгээр хорих ангид нас барсан нь хүний эрхийг ноцтой зөрсөн явдал гэж УИХ-ын гишүүн Хүний эрхийн дэд хорооны дарга Д.Ганбат, УИХ-ын гишүүн Ц.Оюунбаатар нар өчигдөр мэдэгдлээ. Тэд 2014 он гарсаар урьдчилан хорих 461 дүгээр төвд нийт таван хүн нас барсан тухай дуулгав. Талийгаач Д.Амарсайханаас өмнө тэнд ял эдэлж байсан дөрвөн иргэн амиа алджээ. Нэг нь Малайз улсын иргэн байсан гэнэ. 
“Улаанбаатар төмөр зам”-аас хотын тээвэрт анх удаагаа РА-2 маркийн төмөр замын автобус буюу “Railbus”-ийг оруулж ирэн нийтийн тээвэрт явуулахаар болсон билээ. Тус автобусны нээлтийн ажил өнөөдөр “Улаанбаатар” төмөр замын өртөөн дээр боллоо. 
Нээлтийн арга хэмжээнд Зам тээврийн сайд А.Гансүх, Улаанбаатар хотын захирагч Э.Бат-Үүл болон бусад албаны хүмүүс оролцсон юм. Албаныхны мэдээлснээр “Railbus” төмөр замын автобус нь 136 хүний суудалтай, 350-400 хүн зорчих боломжтой ажээ. Тус автобусаар нэг замтай үед өдөрт гурван удаа, хос замтай үед өдөрт зургаан удаа 100 км цагийн хурдтай Толгойт-Амгалангийн чиглэлд 47 минут, Амгалан-Толгойтын чиглэлд 45 минут зорчих боломжтой юм байна. Ийн түргэн шуурхай үйлчилснээр цаашид түгжрэл буурах, иргэдийн цаг завыг хэмнэх ач холбогдолтой аж. Зам тээврийн сайд А.Гансүх “Railbus”-ын тоог цаашид ч нэмэгдүүлнэ гэж байлаа.
Харин Улаанбаатар хотын захирагч Э.Бат-Үүл “Өнөөдөр их чухал өдөр болж байна. Учир нь нийслэлийн нийтийн тээврийн үйлчилгээнд нэгэн шинэ дэвшлийг авч ирлээ. Энэхүү “Railbus “бол метроны эхлэл. Энэ автобусыг үйлчилгээнд нэвтрүүлснээр хамгийн чухал нь нийслэлийг шинэ суурьшлын бүс болгож, цаашид шинэ төлөвлөлтийг хийхэд асар том бололцоо олгож байгаа гэдгээрээ онцлог” гэв. 
МАН-ын дарга М.Энхболд, МАН-ын бүлгийн дарга С.Бямбацогт нар сая Ерөнхий сайдтай уулзаж, шаардлага өгчээ. Шаардлагадаа “Сүүлийн үед эрх баригч нам, эвслийн хоорондын дотоод зөрчлийн улмаас төрийн үйл ажиллагааны хэвийн явагдах нөхцөл алдагдаж байгаад УИХ дахь Монгол Ардын Намын бүлэг харамсаж байна.
ҮХАА-н сайд асан Х.Баттулга үйлдвэр, хөдөө аж ахуйн салбарын нийт ажиллагсад, үйлдвэрчид, малчид, тариаланчдад хандан мэдэгдэл гаргажээ. Мэдэгдэлдээ “Миний бие Үйлдвэр, хөдөө аж ахуйн сайдаар ажиллах хугацаандаа Хөдөө аж ахуйн бирж компанийг байгуулан ажиллуулж, Хөдөө орон нутагтаа ая тухтай амьдрах нөхцлийг сайжруулан “Шинэ сум” төсөл, “Малчдын орон сууц” төслийг тус тус санаачлан хэрэгжүүлсэн.
Ерөнхийлөгчийн Хуулийн бодлогын зөвлөх Ч.Өнөрбаяр Шилэн дансны тухай хуультай холбоотойгоор мэдээлэл хийлээ. Энэхүү хуулийг Ерөнхийлөгч Ц.Элбэгдорж “Том төрөөс ухаалаг төр рүү” санаачлагын хүрээнд боловсруулж, УИХ-д өргөн бариад байсан ч УИХ-ын нэгдсэн чуулганы хуралдаанаар дээрх хуулийг хэлэлцэх шаардлагагүй гэж үзсэнээр хууль санаачлагчид буцаасан юм.
Өнгөрсөн сарын 16-нд осолдож 300 хүүхдийн амийг авч одсон Өмнөд Солонгосын «Севол» онгоцны осолдсон шалтгааныг тогтоожээ. Онгоц чиглэлээ огцом өөрчилсний улмаас осолдсон хэмээн албаныхан мэдээлсэн байна. Тус улсын “Yonhap” мэдээллийн агентлагт нийтэлснээр «Севол» хөлөг арлын ойролцоох нарийн хоолойгоор өнгөрч явахдаа 15 градусын огцом эргэлтийг хийсэн аж. Ингэснээс онгоц хазайн хажуугаараа унан живсэн байна.
Дөнгөж саяхан хотын төвийн А цэгт Тоёота Прадо маркийн УБЗ 3389 улсын дугаартай автомашин онхолдсон осол гарав. Осол болсон даруйд Замын цагдаагийн газрын бие бүрэлдэхүүн замын хөдөлгөөнийг хааж, хэмжилт хийлээ. Үүний дараа ачилтын автомашиныг дуудан, осолдсон тээврийн хэрэгслийг ачуулав.
2007 оноос хойш БНСУ-д хөдөлмөрийн гэрээгээр ажиллаж байгаад эх орондоо буцсан иргэд БНСУ-ын талд төлсөн тэтгэврийн даатгалын шимтгэлээ буцаан аваагүй байгаа бол БНСУ дахь Нийгмийн хамгааллын үйлчилгээний төвд хандана уу. Одоогоор БНСУ-ын Үндэсний Тэтгэврийн албанд бүртгэлтэй манай улсын 2300 гаруй иргэн хүсэлтээ гаргаж өөрийн мөнгөө буцаан аваагүй байна. Тухайн иргэн нас барсан тохиолдолд албан ёсны өв залгамжлах эрх бүхий этгээд нь хандах боломжтой. 2007 оноос өмнө ажиллаж амьдарч байсан иргэдийг дахин шалгасны үндсэн дээр тэтгэврийн даатгалыг буцаан олгох асуудлыг шийдвэрлэнэ.