Category: нийгэм

Баянзүрх дүүргийн  IX хорооны  Хар хошуу гэх газарт уулын оройгоос  толгой нь таслагдсан, маш олон гэмтэлтэй хоёр эмэгтэйн цогцос олдсон талаар ЦЕГ-аас мэдээлэл хийлээ. Хохирогч эмэгтэйн нэг нь 1995 онд төрсөн Өвөрхангайн харъяат эрхэлсэн тодорхой ажилгүй БЗД-ийн XIX  хороонд оршин суугч Б гэгч байжээ. Нөгөө нь 1994 онд төрсөн Ховд аймгийн харъяат Х байжээ.  Эмэгтэйчүүдийг зэрлэгээр хөнөөсөн хэрэгт сэжиглэн хоёр этгээдийг барьж, 461 дүгээр хорих ангид хорьж байгаа аж. Сэжигтэн И нь эмэгтэй, 1991 онд төрсөн, эрхэлсэн тодорхой ажилгүй. Нөгөөх нь БЗД-ийн  XX хороонд оршин суугч  З гэгч байжээ. Сэжигтэнүүд хэрэг үйлдэх үеэрээ ууж согтуурсан байжээ. Хохирогчид архи уусан байсан эсэх нь задлан  шинжилгээний дүгнэлт гарахад тодорхой болно. Хохирогч эмэгтэйн  толгойг амьд байхад нь эсвэл өөд болсон хойно нь тасалсан эсэх нь мөн задлан шинжилгээний хариу гарсны дараа тодрох гэнэ.

 Мөрдөн байцаалт үргэлжилж байна. Хохирогчид болон сэжигтэнүүд сэжигтэн З-гийнд танилцаад, ууж согтууран муудалцсны дараа ийм хэрэг гарсан байж болзошгүй байна.

Д.Сар     

Мэргэжлийн хяналтын ерөнхий газрын байцаагч нар хяналт шалгалтын төлөвлөгөөний дагуу эмнэлгийн шинжилгээ, эмчилгээ, оношлогоонд ашиглаж байгаа хэмжих хэрэгслийн хэмжилт үнэн зөв эсэх, даралтат савны угсралт, ашиглалт, аюулгүй ажиллагааг шалгалаа. Шалгалтад улсын клиникийн төв эмнэлгүүд, Эх, хүүхдийн эрүүл мэндийн үндэсний төв, Хавдар судлалын үндэсний төв хамрагдсан байна.

“Хэмжүүр, хэмжих хэрэгслийн хэмжлийн нэгдмэл байдлыг шалгах хяналтын хуудас”-аар үнэлэхэд  дээрх байгууллагууд багаас дунд эрсдэлтэй гэж үнэлэгдлээ. Харин “Даралтат савны үйл ажиллагааг шалгах хяналтын хуудас”-аар нэгдүгээр  төв эмнэлэг  33.3 хувь буюу дунд эрсдэлтэй гарсан бол хоёр, гуравдугаар эмнэлэг, төвүүд 57.71.9 хувь буюу их эрсдэлтэй байна. Иймээс дээрх газруудын “Байгууллагын дотоод хяналтын журам”-д техникийн хяналтын асуудлыг тусгахыг зөвлөлөө.   

Эмнэлгүүд “Хэмжих хэрэгсэлд баталгаажуулалт, шалгалт тохируулга хийх гэрээ”-гээ Стандартчилал, хэмжил зүйн газартай байгуулан тогтоосон хугацаанд хэмжих хэрэгслийг баталгаажуулалт, шалгалт тохируулгад хамруулсан. Нэгдүгээр эмнэлэг хүчилтөрөгчийн үйлдвэртэй болсноор хүчилтөрөгчийн хангамж хэвийн, найдвартай байх нөхцлийг бүрдүүлсэн ололттой тал байна.

Гэхдээ цусны даралт хэмжих зориулалттай аппаратыг  бүрэн баталгаажуулаагүй, хоёрдугаар эмнэлгийн 100 гаруй аппаратын баталгаажуулалтын хугацаа дууссан, Эх, хүүхдийн эрүүл мэндийн үндэсний төв, Хавдар судлалын үндэсний төв огт баталгаажуулаагүй, барилгын зоорийн давхарт болон шаардлага хангахгүй байр талбайд хийн баллон хадгалсан зэрэг 90 зөрчил илэрлээ. Улсын байцаагч нар дөрвөн зөрчлийг газар дээр нь арилгуулж, таван албан шаардлага өгч, 50 гаруй эмч, инженер техникийн ажилтанд мэргэжил, арга зүйн зөвлөгөө өгсөн байна.  

Нийслэлийн Баянзүрх дүүрэгт, Шар хадны эцсийн автобусны буудлын орчмоос өнгөрсөн лхагва гаригт /V.7/ 25-35 насны хоёр эмэгтэйн цогцос олдсон байна. Албаны хүмүүсийн мэдээлснээр энэ хэрэг санаатай байж болзошгүй бөгөөд нэг хохирогчийн толгой тасарсан, нөгөөгийн хөл, гар нь тасарсан байдалтай байсан байна.

Гадны нөлөөтэй, онц хэрцгийгээр хөнөөгдсөн 25-35 насны хоёр эмэгтэйн цогцос олдсонтой холбогдуулан өнгөрсөн амралтын өдрүүдэд цагдаагийн албан хаагчид өндөржүүлсэн бэлэн байдалд ажиллажээ. Цагдаагийн ерөнхий газрын Хэвлэл мэдээллийн төвөөс энэ хэргийн талаар өнөөдөр 14.00 цагт албан ёсны мэдээлэл хийх юм байна.

Э.Эрдэнэ

Монгол банк жижиг дунд үйлдвэрлэгч 2000 гаруй аж ахуйн нэгж, иргэдийн дунд судалгаа явуулахад 1400-аад нь үйл ажиллагаагаа цаашид үргэлжлүүлэхэд санхүүжилтийн хэрэгцээ зайлшгүй хэрэгцээтэй гэсэн хариу өгчээ. Тэдгээрт хөнгөлттэй нөхцлөөр тодорхой хэмжээний санхүүгийн дэмжлэг үзүүлэх шаардлагын хүрээнд Нийслэлийн удирдлагын зөвлөлийн ээлжит хуралдаанаар “Жижиг, дунд үйлдвэрийг хөгжүүлэх сангийн журмын төсөл”-ийг хэлэлцжээ.

Хөнгөлттэй зээл олгох, батлан даалтын үйлчилгээг цаашид “Жижиг, дунд үйлдвэрийг хөгжүүлэх сан”-гаар дамжуулан хийх бөгөөд журмаар зохицуулж өгөх юм. Ингэхдээ нийслэлийн Засаг даргын үйл ажиллагааны хөтөлбөрийн дагуу тухайн жилд ямар салбарт дэмжлэг үзүүлэх шаардлагатайг тодорхойлж,  жижиг, дунд үйлдвэрийг хөгжүүлэх сангийн зорилтыг дэвшүүлнэ. Үүний дагуу арилжааны банкинд зээл хүсэгчийн төслийг хүлээн авч, шалгаруулалтыг тухайн банк хийнэ. Харин аль банк энэ шалгаруулалтыг хийж, зээл олгох эрх авах уу гэдгийг нийт арилжааны банкуудаас сонгон шалгаруулалт хийх гэнэ. Тухайн банкны шалгуурыг давсан төслүүдтэй Жижиг, дунд үйлдвэрийг хөгжүүлэх сангийн зөвлөл танилцаж, зорилтод нийцэх эсэхээс хамаарч Батлан даалтын сангаас санхүүжүүлэн, хөнгөлттэй зээл олгох юм. Харин сүүлийн шалгаруулалтыг хийх сангийн зөвлөлд холбогдох албан тушаалтнаас гадна жижиг дунд үйлдвэрийн чиглэлийн төрийн бус байгууллагуудын төлөөллийг оролцуулахаар тусгажээ.

Энэ жил нийслэлийн төсөвт жижиг, дунд үйлдвэрийг хөгжүүлэхэд таван тэрбум төгрөгийг төсөвлөсөн. Үүнээс гурван тэрбумыг Батлан даалтын санд төвлөрүүлж, иргэдэд зээл олгохоор төлөвлөж байгаа юм. Удирдлагын зөвлөлийн гишүүд дээрх журмын төслийг дэмжсэн бөгөөд НИТХ-аар хэлэлцүүлэх нь зүйтэй гэж үзсэн байна.

М.Эрдэнэ

БНХАУ-ын Засгийн газраас Монгол Улсын Засгийн газарт олгох 500 сая ам.долларын экспортын хөнгөлттэй зээлийн хөрөнгөөр хэрэгжүүлэх төслийн жагсаалтыг 2013 оны гуравдугаар сарын 30-ны өдрийн Засгийн газрын хуралдаанаар хэлэлцэж, тодотгол оруулсан. Тогтоолын дагуу дэд бүтцийн салбарт санхүүжилт хийгдэх 235 сая ам.долларын хөрөнгөнөөс 193 сая ам.долларыг “Гудамж” төслийн “Туул голын хурдны зам төсөл”, “Яармагийн гүүр барих төсөл”-д зарцуулахаар шийдвэрлэжээ. БНХАУ-ын Засгийн газраас олгох 500 сая ам.долларын хөнгөлөлттэй зээлээс 193 сая ам.долларыг “Гудамж” төслийн Туул голын хурдны зам төсөл”, “Яармагийн гүүр барих төсөл”-д зарцуулж, төслийн гэрээг Хятадын талтай байгуулж хэрэгжүүлэхийг Эдийн засгийн хөгжлийн сайд Н.Батбаярт даалгалаа. Мөн төсөл тус бүрээр байгуулах тусгайлсан зээлийн хэлэлцээрийн төслийг Хятадын талтай хэлэлцэн тохиролцож, Засгийн газарт танилцуулахыг, төслүүдийн санхүүжилт дутсан тохиолдолд Хятадын талтай хэлэлцэж, нэмэлт санхүүжилтийн эх үүсвэрийг шийдвэрлэхийг тус тус даалгасан байна.

Цахилгаан шугам тоноглолд засвар хийх гэж байгаатай холбогдуулан тавдугаар сард  дараах хуваарийн дагуу түр хугацаагаар цахилгааны хязгаарлалтыг хэсэгчлэн хийж байгаа. Тэгвэл тавдугаар сарын 12-ны өдөр буюу өнөөдөр цахилгаан эрчим хүчийг түр тасалж, засвар хийгдэх газруудын мэдээллийг хүргэж байна. 

 Баянзүрх дүүрэг 10.30-17.30 цагт: 20-р хороо Хуандай амны бүх хэрэглэгчид, 85-р сургууль, Дэлгэр тур, Мөнхийн гэрээ, Скайтел, Түшигт хангай ХХК-иуд, 63-р цэцэрлэг, Гачууртын ЗДТГ, шинэ найдварын аян ТББ, Мобиком, Жимобайл, Эрүүл мэндийн төв, МЦХК-ийн салбар орчим;

Хан-Уул дүүрэг : 10.00-18.00 цагт: 3, 7-р хороо Автобус-1 ХК, НӨХГ, Монос фарм, Монгол Солонгосын техникийн коллеж, Хос өргөө хотхон, Яармагийн 9, 13, Жаргалантын 23-р гудамж орчимд;

Сонгинохайрхан дүүрэг: 10.00-17.00 цагт: Эмээлт прогресс, Геофизик, Мах импекс, Шунхлай ШТС орчимд;

Налайх дүүрэг: 10.00-17.00 цагт: Ус суваг /татах/ Их амны хэрэглэгчид;

Төв аймаг: 09.00-13.00 цагт: Аргалант сумын ЗДТГ, Эмнэлэг, Сургууль, Марс арвай ХХК, Аргалант цуглаан, Худаг, Аргалант-Атар ХХК тэр орчмын хэрэглэгчид;10.00-13.00 цагт: Зуунмод сумын Нацагдорж багийн байр, гэр хорооллын 1-9-р гудамж; 10.00-18.00 цагт: Хуучин Эрдэнэ сумын хэрэглэгчид; Зуунмод сумын Голын худаг, Уурын зуух, 19, 20, 21, 22-р байр, Дэнжийн 4,5-р гудамж, Энгэрийн 1-3-р гудамжны хэрэглэгчид; 14.00-18.00 цагт: Аргалант сумын гэр хороолол.

Нийслэлийн удирдлагын зөвлөлийн ээлжит хуралдаанаар “Жижиг, дунд үйлдвэрийг хөгжүүлэх сангийн журмын төсөл”-ийг хэлэлцлээ.

Хуралдаанд асуудлыг Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ танилцууллаа.

Нийслэлийн Засаг даргын 2013-2016 оны үйл ажиллагааны хөтөлбөрт тусгагдсаны дагуу 2014 оны зорилтын хүрээнд Жижиг дунд үйлдвэрлэлийг дэмжих сангаар дамуулан жижиг дунд үйлдвэрлэлийн санхүүжилт олгох боломжийг нэмэгдүүлэх, Жижиг, дунд үйлдвэр эрхлэгчдийн бүтээгдэхүүний үйлдвэрлэлийг нэмэгдүүлэх, байгаль орчинд ээлтэй үйлдвэрлэлийг дэмжихээр хөнгөлттэй зээл олгох, батлан даалтын үйлчилгээг нэвтрүүлэхээр төлөвлөж байна.

Хөнгөлттэй зээл олгох, батлан даалтын үйлчилгээг цаашид “Жижиг, дунд үйлдвэрийг хөгжүүлэх сан”-гаар дамжуулан хийх бөгөөд журмаар зохицуулж өгөх юм.

Монгол банкны судалгаагаар 2227 аж ахуйн нэгж, иргэдийн 69 хувь нь үйл ажиллагаагаа цаашид үргэлжлүүлэхэд санхүүжилтийн хэрэгцээ зайлшгүй байгаа, 28 хувь нь санхүүжилт авах шаардлагагүй гэж хариулжээ. Харин нийслэлийн Жижиг, дунд үйлдвэрийг дэмжих төвийн хийсэн судалгаанд 935 аж ахуйн нэгж, иргэн оролцсоноос 52 хувь нь хөнгөлөлтэй зээлд хамрагдах хүсэлтэй байна гэжээ. Эдгээр судалгаанаас үзэхэд жижиг, дунд үйлдвэр эрхлэгчдэд санхүүгийн бэрхшээл тулгарч байгаа бөгөөд тэдгээрт хөнгөлттэй үнээр тодорхой хэмжээний санхүүгийн дэмжлэг үзүүлэх шаардлагатай байна. Тиймээс одоогийн банк, санхүүгийн байгууллагаас үзүүлж буй зээлээс хялбар байдлаар иргэдэд хэрэгцээтэй зээл өгөх боломжийг бүрдүүлэх гэж байна.

Ингэхдээ нийслэлийн Засаг даргын үйл ажиллагааны хөтөлбөрийн дагуу тухайн жилд ямар салбарт дэмжлэг үзүүлэх шаардлагатайг тодорхойлж,  жижиг, дунд үйлдвэрийг хөгжүүлэх сангийн зорилтыг дэвшүүлнэ. Үүний дагуу арилжааны банканд зээл хүсэгчийн төслийг хүлээн авч, шалгаруулалтыг тухайн банк хийнэ. Харин аль банк энэ шалгаруулалтыг хийж, зээл олгох эрх авах уу гэдгийг нийт арилжааны банкуудаас сонгон шалгаруулалт хийнэ. Тухайн банкны шалгуурыг давсан төслүүдтэй Жижиг, дунд үйлдвэрийг хөгжүүлэх сангийн зөвлөл танилцаж, зорилтод нийцэх эсэхээс хамаарч Батлан даалтын сангаас санхүүжүүлэн, хөнгөлттэй зээл олгох юм. Харин сүүлийн шалгаруулалтыг хийх сангийн зөвлөлд холбогдох албан тушаалтнаас гадна жижиг дунд үйлдвэрийн чиглэлийн төрийн бус байгууллагуудын төлөөллийг оролцуулна.

Энэ жил нийслэлийн төсөвт жижиг, дунд үйлдвэрийг хөгжүүлэхэд 5 тэрбум төгрөгийг төсөвлөсөн. Үүнээс 3 тэрбумыг Батлан даалтын санд төвлөрүүлж, иргэдэд зээл олгохоор төлөвлөж байгаа юм.

Нийслэлийн удирдлагын зөвлөлийн гишүүд хэлэлцээд дээрх журмын төслийг дэмжиж, НИТХ-аар хэлэлцүүлэх нь зүйтэй гэж үзлээ. Харин нийслэлийн Засаг дарга “Олон жил жижиг, дунд үйлдвэрийг дэмжинэ гэсэн нэрийдлээр их хэмжээний мөнгийг хий дэмий зарцуулсан. Зорилтод бүлгийн хүмүүстээ хүрч чаддаггүй энэ зээлийн хөтөлбөрийг нийслэл жшиг байдлаар зохион байгуулж, үр дүн гаргах нь чухал” гэдгийг онцлон хэлсэн юм. Нийслэлийн “Жижиг, дунд үйлдвэрийг хөгжүүлэх сан” байгуулах, хэрхэн ажиллах журмын төслийг Нийслэлийн ИТХ-ын Тэргүүлэгчдийн хуралдаанаар хэлэлцэж, 05 дугаар сарын хуралдаанд өргөн барихаар боллоо гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхийлөгч Ц.Элбэгдорж өнөөдөр Налайх дүүрэг дэх Монгол-Германы хамтарсан Ашигт малтмал, технологийн их сургуулийн хичээлийн байрны өмнө мод тарьсныхаа дараа тус сургуультай танилцав. Ашигт малтмал, технологийн их сургуулийг Монгол Улсын Ерөнхийлөгч Ц.Элбэгдорж, ХБНГУ-ын Канцлер Ангела Меркел нарын санаачлагаар байгуулж, анхны хичээлийн жилдээ оюутан сургаж байгаа юм.
Тус сургуулийг байгуулах баримт бичгийг анх 2011 онд ХБНГУ-ын Канцлер Ангела Меркелийг Монголд айлчлахад үзэглэж байсан бол өдгөө ажил хэрэг болж хичээлийн байр, дотуур байр, үйлчилгээний төвтэй сургалтын том төв байгуулагджээ. Ингэснээр өмнө нь ХБНГУ-д оюутан сургаж эзэмшүүлдэг байсан инженер, техникийн мэргэжлийг Монголдоо сургаж, сайн технологи, сайн мэргэжлийг Монголдоо  нэвтрүүлэх гүүртэй болсон байна. Канцлерын айлчлалын үеэр мөн Монгол-Герман хоёр улс ашигт малтмалын салбарт хамтран ажиллах гэрээ байгуулж байсныг дурдаж байв.
Сургуультай танилцах үеэрээ Монгол Улсын Ерөнхийлөгч Ц.Элбэгдорж“Ашигт малтмалаа монголчууд ашиглая гэвэл дотооддоо бэлтгэсэн өөрийн боловсон хүчнийг үйлдвэр, уурхай дээр ажиллуулдаг болъё гэсэн санаачлагаар тус сургуулийг байгуулсан. Сургууль байгуулагдаж үйл ажиллагаагаа эхлүүлсэнд баяртай байна. Цаашдаа энд судалгааны төв, лабораторитой, багш, оюутнууд эндээ амьдардаг цогцолбор, хотхон болох ёстой. Нийслэл болоод Налайх дүүргийн зүгээс газрын асуудлыг нь шийдэх шаардлагатай байгаа. ХБНГУ-ын Канцлер Ангела Меркелд энэ санаачлагыг дэмжиж, хамтарсанд талархаж байгааг минь герман багш нар дамжуулж өгөөрэй” гэлээ. Энэ үеэр дэлхий дээр инженерийн чиглэлээр гардаг дөрвөн ном тутмын нэг нь герман хэл дээр гардгийг онцолж байв.

Ерөнхийлөгч химийн лабораторийг үзэж сонирхох үеэрээ “Монголын хамгийн том баялаг бол хүрэн нүүрс юм. Үүнийг түүхийгээр  нь гадагш зөөж гаргахад сайн үнэ хүрдэггүй. Зөвхөн коксжсон нүүрс авна гэдэг. Хүрэн нүүрсээ дотооддоо боловсруулъя гэвэл нүүрс-химийн асар том аж үйлдвэр хэрэгтэй. Тэгэхийн тулд 1970-80 оны үед бэлтгэгдсэн инженерүүдээ дахин сургалтад хамруулаад энэ үйл ажиллагаанд оруулах бүрэн боломжтой. Цаашдаа Монголд инженер техникийн ажилтнуудын хэрэгцээ өснө. 1990 оноос хойш болон одоо бэлтгэж байгаа мэргэжилтнүүдээ сайн боловсруулаад ажиллуулах хэрэгтэй. Дэлхийн хамгийн шилдэг 100 их сургуульд оюутан сургадаг, түүний эхний 20-д элсвэл тэтгэлэг өгдөг болсон. Энэ жил эхний 20-д 100 оюутан тэнцсэн байна. Санхүүжилтийг эхнээс нь хийгээд явж байна. Инженер, байгалийн шинжлэлийн чиглэлийн оюутны тоо нэмэгджээ. Энэ бол зөв хандлага юм.

Монгол Улсад инженерийн шинэ эрин үе эхэллээ гэж зарлаж болно. Монголчууд шинэ бүтээн байгуулалт, шинэ үйлдвэрлэл хийдэг болох гэж байна. Үүнд инженерүүд, шинжлэх ухааны лабораториуд, судалгааны ажил хэрэгтэй. Үүнийгээ бид дэмжихгүйгээр цаашаа явахгүй. Сургалт, судалгааг аж ахуйн нэгж, бизнестэй холбох хэрэгтэй. Үйлдвэрүүдийг их сургуулиудтай уялдуулах хэрэгтэй. Дэлхийд явж ирсэн зөв загвараар цаашаа хөгжих хэрэгтэй. Монголд газар нутгийн боломж байна. Инженерийн эрин үе рүү анхаарах боломж бүрдэж байна. Японд 3000 инженер бэлтгэнэ гэж байгаа. Тэдний эхний хоёр жилийн сургалтыг Монголдоо хийгээд Японд дадлага, гүнзгийрүүлсэн мэдлэгийг олгож болно. Дунд сургууль төгсөгчдийг хоёр жил үйлдвэр дээр дадлагажуулаад дараа нь онолыг заадаг чиглэлээр сургалт, судалгаа хийе. Энэ боломж улам цаашаа өргөжих боломжтой” гэлээ.
Зөвхөн нийслэлд сургуулиудыг төвлөрүүлэх бус, алслагдсан дүүрэг, аймгуудад сургалтын төвүүдийг барьж өргөжүүлэх хэрэгтэй байгааг Ерөнхийлөгч онцолж байв. Бусад зарим улс оронтой тус сургуулийн нэгэн адил орчин үеийн сургуулиудыг барих талаар хэлэлцэж байгаа юм байна. Төсөл сайн хэрэгжиж байгаад Төрийн тэргүүн талархал илэрхийллээ.

Өнөө шөнө нутгийн баруун хэсгээр, маргааш төвийн нутгаар хур тунадас, нойтон цас орж, ихэнх нутгаар салхи шуургатай байна.
13-нд зүүн зүгийн нутгаар, 14-нд баруун болон төвийн нутгийн хойд хэсгээр,15-16-нд зарим газраар хур тунадас, нойтон цас орно. Салхи 13-нд говь талын нутгаар түр зуур секундэд 18-20 метр, 15-нд зарим газраар секундэд 12-14 метр хүрч ширүүснэ. Ихэнх нутгаар сэрүүсч Алтай, Хангай, Хөвсгөл, Хэнтийн уулархаг нутгаар шөнөдөө 3-8 градус хүйтэн, өдөртөө 3-8 градус, Их нууруудын хотгор болон говийн бүсийн өмнөд хэсгээр шөнөдөө 3-8 градус, өдөртөө 14-19 градус дулаан, бусад нутгаар шөнөдөө 2 градус хүйтнээс 3 градус, өдөртөө 8-13 градус дулаан байх аж.

УИХ-ын дарга З.Энхболд бүх нийтээр мод тарих өдрөөр ойжуулах, байгаль дэлхийг ногооруулах үйл хэрэгт хувь нэмэр оруулсан, орон даяар энэ хөдөлгөөнд нэгдэн ажиллаж байгаа нийт иргэд, байгууллагуудад талархал илэрхийллээ.
Түүний хувьд Төв аймгийн Эрдэнэ сумын нэгдүгээр багийн нутаг “Элстэй” хэмээх газар мод тарив.

Тэрээр жилд хоёр удаа мод тарьдаг бөгөөд энэ удаад УИХ-ын гишүүн, Байгаль орчин, ногоон хөгжлийн сайд С.Оюун болон бусад албаны хүмүүс, “Эко Ази” дээд  сургуулийн 20 гаруй оюутан, ШУТИС-ийн 140 гаруй оюутан, Ногоон Ази төрийн бус байгууллагын төлөөллүүд мод тарих арга хэмжээнд оролцов.
Тэрээр “Монгол орны нийт газар нутгийн дөнгөж 8.3 хувийг ойн сан эзэлдэг гэсэн тоо байгаа ч жил ирэх бүр багасаж байна. Цөлжилт нийт нутгийн 60 хувийг хамарч байгаа төдийгүй цаашид өсч 90 хувьд ч хүрч болзошгүйг судлаачид анхааруулж байна.
Тиймээс бид мод тарих ажлыг бүх нийтийн үйлс болгон идэвхтэй өрнүүлэх зайлшгүй шаардлагатай. 2010 оноос Монгол Улсын Ерөнхийлөгчийн зарлигаар бүх нийтээр мод тарих үндэсний өдөртэй болсноос хойш иргэд, байгууллагууд мод тарих ажлыг жил бүр идэвхтэй өрнүүлж байгаа ч ойжуулах ажлын үр дүн нүдэнд харагдахуйц хэмжээнд хүрч чадаагүй хэвээр байна.
Мод тарих, арчлан ургуулах талаарх арга туршлага, менежментийн чадавхи сул байгаа нь үүний нэг шалтгаан болж байна. Мод тарих ажлыг тасралтгүй явуулж байгаа Сэрдарам багштай “Миний клуб” нэртэй оюутан залуучуудын онлайн клубт талархал илэрхийлье.
Монгол Улс мод тарих үндэсний өдөртэй болсон дэлхийн 33 дахь улс.
 Бидний тарьсан мод хэдэн тэрбумаар тоологдохуйц болж эх болсон тал нутаг маань өвч бүрэн ногоон хүрэмтэй болох болтугай