Category: нийгэм

Төв аймгийн Эрдэнэсум Цонжинболдогын орчимд тов оврын шуудангийн автобус осолдож томоохон осол гарсан талаар бид мэдээлсэн. Хэргийн газарт, налайхын эмнэлэг дээр холбогдох байгууллагууд бүрэлдэхүүнтэйгээр ажиллаж буй аж. Баруун-Уртаас Улаанбаатарын чиглэлд явсан уг автобус Сүхбаатараас 44 зорчигчтой гарсан бөгөөд замын дунд Мөнххаан дээр 2 зорчигч бууж 4 зорчигч нэмж суусан аж. Ослын шалтгаан одоогоор тодорхойгүй байгаа бөгөөд автобус далан руу унасан байдалтай байжээ. 40 гаруй хүн хүнд хөнгөн гэмтэл авч, нэг жирэмсэн бүсгүй зулбасан гэсэн мэдээлэл байна.

Аймгийн авто тээврийн газраас хохирогчдын арга гэрийнхнийг зөөх ажлыг зохион байгуулж буй ар гэрийнхэнд нь мэдэгдэх ажлыг явуулж байна.  Өчигдөр оройн шуудангаар явсан хүмүүсийн ар гэрийнхэн 96514444 утсаар холбогдон мэдээлэл авах боломжтой гэнэ.

Наадам дөхөөд ирэхээр хүн бүхний сэтгэл гэгэлзээд ирдэг. Хурдан морь, бөх ярьсаар өдөр хоног нэг л мэдэхнээ хаяанд тулсан байдаг билээ. Энэ зуур хотол түмэн дэнж хотойтол наадахдаа ямар хувцасаар хэрхэн гоёх тухай бодож бас яггүй шаналаад авдаг. Тэгвэл танд хэрэгтэй зарим мэдээллийг хүргэе.

Улсын их дэлгүүр ,“Номин” бусад томоохон худалдааны төвүүдээр энгийн хийцтэй монгол дээл 200 мянган төгрөгөөс дээш үнэтэй байна. Харин “Тосон торго”, “Зосон торго” зэрэг хотын төвийн дэлгүүрүүдэд торго нэг метр нь 30- 45 мянган төгрөг, үйтэн хуар 40-65 мянган төгрөг, даавуу 15 мянгаас дээш төгрөгийн үнэтэй юм. Эдгээр газрууд дэргэдээ ихэвчлэн оёдол захиалгатай. Тэнд дээл захиалгаар оёулахад загвар, хийцээсээ шалтгаалаад 100 мянган төгрөгөөс дээш үнэтэй. “Гранд плаза”-д байрлах үндэсний хувцас захиалгын газарт торго, даавуугаа өөрийн сонголтоор авч очоод дээл хийлгэхэд 120-150 мянган төгрөг гэсэн.  “Монгол костюмс”-д энгийн хийцтэй дээл захиалахад торгоны чанараас шалтгаалан 300 мянгаас дээш төгрөг. “Шилмэл загвар” агентлаг загвараас шалтгаалаад хамгийн багадаа 350 мянган төгрөгөөр захиалга авч байгаа аж. Дээлийг 7-14 хоногийн дотор оёно гэсэн. Харин  “Нарантуул” захад торго метр нь 3-18 мянган төгрөг, даавуу 8-18 мянган төгрөг, үйтэн хуар төрлөөсөө хамаараад 20-35 мянган төгрөгийн үнэтэй. Харин бэлэн дээл 60-180 мянган төгрөгийн үнэтэй аж. 

Нийслэлийн өнгө төрхийг сайжруулах, иргэдийнхээ ая тухтай амьдрах орчинг бүрдүүлэх үүднээс Улаанбаатар хотын Захирагчийн   ажлын алба, Нийслэлийн нийтийн тээврийн газар, Нийслэлийн авто замын газартай Худалдаа хөгжлийн банк хамтын ажиллагааны гэрээ байгуулан  нэгдсэн стандарт бүхий нийтийн тээврийн зогсоол барьж эхэллээ.  

Гэрээний хүрээнд гүйцэтгэгч компаниуд Францын “JCDecaux” группээс холбогдох зөвлөгөө тусламжийг аван Улаанбаатар хотын 200 цэгт автобусны буудал, гудамж талбайн байршил заасан чиглүүлэгч, тээврийн хэрэгсэл, такси, метро, дугуйн замын зогсоолын  хүлээлгийн талбайд байгууламж барина.  

Автобусны зогсоол нь нар салхинаас хамгаалах хамгаалалтын саравчтай, зэвд тэсвэртэй төмрөөр хийгдсэн автобусны чиглэл, буудлын нэрийг тодорхой бичсэн, олон улсын стандартын дагуу халуун цайраар шүршсэн төмөр хийцтэй байх юм. 

Мөн мэдээллийн самбарууд нь давхар Say-ray усны хамгаалалттай, тог бага зарцуулдаг led гэрэлтүүлэгтэй.

Хөгжлийн бэрхшээлтэй иргэдэд зориулсан мэдээлэл түгээх аудио төхөөрөмжтэй. Энэхүү төхөөрөмж нь нарны энергиэр ажилладаг  нэмэлт зай хураагууртай 5 м радиуст дуу авиаг дамжуулна. 

Автобус хүлээж буй иргэдэд зориулан  20 минут үнэгүй интернет хэрэглэх wifi төхөөрөмж суурилуулж байгаа юм.  

2014 онд 69 автобусны буудал барих бөгөөд 31 буудлыг наадмын өмнө үлдснийг наймдугаар сард багтаан ашиглалтад оруулна

Яармагийн гүүрнээс Нисэх-Нисэхийн товчоо, Сонсголонгийн уулзвараас
Яармагийн товчоо хүртэлх 13.7 км авто замын өргөтгөл, шинэчлэлтийн ажлын
хүрээнд өнөөдрөөс эхлэн Яармагийн гүүрнээс “Вива сити” хорооллын зүүн
урд тал хүртэлх 600 метр авто замын урд талын урсгалыг нэг сарын турш
хаахаар боллоо.

Сүхбаатар дүүргийн 14 дүгээр хорооны нутаг дэвсгэр болох Завсрын автобусны буудлын “Кольцо” дэлгүүрийн зүүн талын авто зам дээр зам тээврийн осол гарчээ. Марк, дугаар нь тодорхойгүй автомашин иргэн Д-г мөргөж, хохирогчийн биед хүнд зэргийн гэмтэл учруулан хэргийн газраас зугтжээ.

Тиймээс уг ослыг харсан хүнийг ЦЕГ-ын Мөрдөн шалгах ажиллагаанд дэмжлэг үзүүлэх мэргэжлийн газрын Тусгай субьектийн үйлдсэн гэмт хэрэг мөрдөн шалгах хэлтэстэй 88007660, 96661856 дугаарын утсаар холбоо барихыг хүсч байна. Мэдээллийн нууцыг чанд хадгалах ба өндөр шагналаар урамшуулах аж.

Налайхын замд тов оврын автобус осолдож зургаан хүн амиа алдсан талаар мэдээлэл хүргэсэн. Тэгвэл тус автобусанд явсан 40 гаруй хүн хүнд хөнгөн гэмтэл авсан бөгөөд хүнд гэмтэлтэй ихэнх хүмүүсийг Гэмтэл согог судаллын үндэсний төвд яаралтай хагалгаанд оруулж байгаа аж. Түүнчлэн тэр дунд зорчиж явсан би давхар нэг эмэгтэйн ураг зулбасан гэсэн мэдээлэл байна. 

Үндэсний их баяр наадмын үеэр худалдаа үйлчилгээ эрхлэх 900 орчим
зөвшөөрлийг ирэх долдугаар сарын нэгнээс харъяа дүүрэг бүр олгож эхэлнэ.
Хүй долоон худагт худалдаа, үйлчилгээ эрхлэх зөвшөөрлийг 15 мянган
төгрөгөөр, төв цэнгэлдэх хүрээлэнд 20 мянган төгрөгөөр олгох гэнэ.

Авто
замын өргөтгөл, шинэчлэл завсарын ажилтай холбогдуулан тодорхой
байршлуудад замын хөдөлгөөнийг хэсэгчлэн хааж байгаа. Сүхбаатар дүүргийн
нутаг, олимпийн гудамж, Замын цагдаагийн газрын баруун урд уулзварын
хойд талыг өнөөдөр хаахаар болсныг холбогдох байгууллагуудаас анхааруулж
байна. Тодруулбал, өнөөдөр 17:00 цагаас эхлэн зургадугаар сарын 23-ны
06:00 цагийн хооронд тус замын хөдөлгөөнийг бүрэн хааж дулааны шугам
шинээр суурилуулах ажил явагдах юм байна.