Category: нийгэм

АНУ-ын визний системд гэмтэл гарсны улмаас тус улсын визний өргөдөл авах, виз олгох асуудал өнгөрсөн долоо хоногт түр хугацаанд саатсан билээ.

Тэгвэл визний системийн алдааг арилгахын тулд дахин хэдэн долоо хоног шаардагдана хэмээн Төрийн Департаментын консулын албаны хэвлэлийн төлөөлөгч Мари Харф өчигдөр мэдээлсэн юм.

Түүний хэлснээр визний систем зөвхөн өнгөрсөн долоо хоногоос доголдож эхэлсэн биш харин өнгөрсөн саруудад ч мөн ийм явдал тохиолдож байсан гэжээ.

Дээрх системийн доголдол аль нэг улс эсвэл визийн төрлөөс шалтгаалаагүй төдийгүй дэлхий дахинд буй АНУ-ын Дипломат консулын газруудыг нийтэд нь хамарсан.

АНУ-ын Төрийн Департаментын консулын алба уг гэмтлийг засахаар ажиллаж байгаа. Систем ойрын хугацаанд хэвийн ажиллаж эхэлнэ гэж албаны хүмүүс мэдээлсэн юм.

Австралийн хөрөнгийн биржид бүртгэлтэй “Aspire Mining” болон “Noble Group” хамтран Нүүрстэй ордод өрөмдлөг хийж эхлэх гэж буйг proactiveinvestors.com.au цахим хуудсанд мэдээллээ. Ордын хойд хэсэгт нийт 20 цэгт (дунджаар 100 метрийн гүнд) өрөмдлөг хийх бөгөөд үүнд 500.000 ам.доллар зарцуулах тооцоо гарчээ. Өрөмдлөгийн үр дүнг “Нүүрстэй” төслийн урьдчилсан ТЭЗҮ-ийг бэлтгэхэд ашиглах юм байна. Уг ажлыг энэ сард эхлүүлэн есдүгээр сард дуусгах аж. Улмаар лабораторийн шинжилгээний дүнг дөрөвдүгээр улиралд хүлээн авах гэнэ.

Нүүрстэй орд нь Мөрөн сумаас баруун урд зүгт 10 орчим км зайд, “Aspire Mining”-ийн эзэмшлийн коксжих нүүрсний Овоот ордтой ойролцоо байрладаг аж. “Aspire Mining”-ийн охин компани “Northern Railways” нь Эрдэнэт-Овоотыг холбосон 547 км төмөр замыг концессийн гэрээгээр барих зөвшөөрлийг Засгийн газраас хүлээж буй юм. Нүүрстэй ордын “хар алт”-ыг Мөрөн, Эрдэнэтийн хооронд барьж буй (ирэх оны эцсээр ашиглалтад орох) авто болон төмөр замаар тээвэрлэх боломжтой юм байна. Дээрх мэдээлэл цацагдсаны дараа тус компанийн хувьцааны ханш өчигдөр 5.2 хувиар дээшлэн, 0.040 ам.доллар болсон байна.

“Aspire Mining” нь “Эх говийн чулуу” компанийн 50 хувийг “Xanadu Mines”-аас өнгөрсөн зургадугаар сард худалдан авсан билээ. “Эх говийн чулуу”-гийн үлдэх 50 хувийг “Noble Group” эзэмшдэг байна. “Noble Group” нь “Нүүрстэй” төслийн 60 хувийг эзэмшдэг бөгөөд дээрх тоог 90-д хүргэх боломжтойг өмнө нь мэдээлж байв.

Өнөөдөр өглөөний  8.30 миунтын үед 100 орчим Хятад иргэд Чингисийн талбай цугларчээ.

Хятад иргэдийн ийнхүү цуглах болсон шалтгаан нь “Бэрэн” ХХК-иас цалингаа авч чадаагүйтэй холбоотой гэнэ. Тэд цалингаа өгөхгүй байгааг эсэргүүцэж суулт хийхээр Чингисийн талбайг зорьсон бололтой.

Цагдаагийн албан хаагчид энэхүү үйлдлийг нь болиулан Хятадын элчин сайдын яаманд нь хүргэжээ. Цагдаа нараас гадна Босоо хөх монгол, Хас монгол,Ногоон хас зэрэг бүлгийн гишүүд ч оролцсон юм байна.

Баянзүрх дүүрэгт өнөөдрөөс эхэлж буюу наймдугаар сарын 02-ноос арваннэгдүгээр сарын 01-нийг хүртэл долоо хоног бүрийн бямба, ням гарагт дүүргийн “Сайн өдөр”-ийн зах ажиллахаар болжээ. Сайн өдрийн захууд Засаг даргын Тамгын газрын өмнөх талбай, Жуковын талбай, 13 дугаар хорооллын автобусны буудлын зүүн талд Торгоны зам дэлгүүрийн өмнөх талбай, Сансарын тунелийн талбай гэсэн дөрвөн цэгт ажиллах юм байна.

Үндэсний үйлдвэрлэлээ дэмжих, иргэд, худалдан авагчиддаа ченжгүй худалдан авалт хийхэд нь зориулж, дүүргийн Засаг дарга Д.Пүрэвдаваа “Сайн өдөр”-ийн зах ажиллуулах захирамж  гаргасан хэмээн дүүргийн Хэвлэл мэдээллийн албанаас мэдээлсэн.

Өнөөдөр 09.00 цагаас эхлэн долоо хоног бүрийн хагас, бүтэн сайнд дээрх дөрвөн байршилд гарах асар бүхий захад худалдаа үйлчилгээ хийх иргэдийн бүртгэлийг дүүргийн Засаг даргын Тамгын газрын Нийгмийн хөгжлийн хэлтэст авч байгаа юм байна.

Тус хэлтэст бүртгүүлсэн үндэсний үйлдвэрлэл эрхэлдэг, эх орны хөрсөндөө тарьсан хүнсний ногоо тариаланчид болон сүү, сүүн бүтээгдэхүүний худалдаачид “Сайн өдөр”-ийн захад худалдаа хийхдээ ямар ч түрээс, шимэтгэл төлөхгүй бөгөөд харин тухайн долоо хоногийн бямба гарагийн өглөө хамгийн түрүүнд ирсэн иргэд хамгийн сайн байрлалд зогсож худалдаа эрхлэх боломжийг авах эрхтэй гэдгийг зохион байгуулагчид анхааруулж байсан.

 Харин худалдан авагчдын хувьд үндэсний үйлдвэрлэлээ үйлдвэрлэгчийн гараас нэмэгдсэн үнэгүйгээр худалдан авч байгаагаараа онцлогтой юм байна. Тиймээс иргэд та бүхэн ирэх бямба гарагаас эхлэх сайн өдрийн захаас өөрийн хэрэгцээт бараагаа цуглуулахдаа бэлтгээрэй.

Баянзүрх дүүрэгт гарч байгаа “Сайн өдөр“-ийн зах дүүргийн Засаг даргын Тамгын газрын өмнөх талбай, Жуковын талбай, 13 дугаар хорооллын автобусны буудлын зүүн талд Торгоны зам дэлгүүрийн өмнөх талбай, Сансарын тунелийн талбай гэсэн дөрвөн цэгт гарах юм байна. 

Үндэсний бүтээн байгуулалт Их Майдар төслөөс II  Богд Лувсандамбийдонмэгийн мэндэлсний 290 жилийн ойг тохиолдуулан Монголын анхны шашин төрийг хослон баригч, Монголын бурханы шашныг үндэслэгч Богд Жавзандамба хутагтын өргөөг байгуулахаар болжээ. Уг өргөөний шавыг тавих ёслол энэ сарын 4 буюу ирэх даваа гаригт болно. Шав тавих ёслолын үеэр Майдар эко сити төслийн албан ёсны нээлтийн үйл ажиллагаа болох юм.

Ёслолд МБШТөв Гандантэгчэнлин хийдийн тэргүүн их хамба лам, Гавж          Д.Чойжамц, Ламын гэгээний 8-р дүр Данзанжамбалчойжишэнин,  Манзушир хутагтын 7-р дүр Данзанжамъян, Одсэр ринбүүчи, Далай ламын Найчин Чойжин Түвдэн Готов нар морилон саатаж сүсэгтэн олонд айлдвар сургаалиа айлдана. Мөн үеэр Ламын гэгээн болон Манзушир хутагтын лаврангийн шав тавих ёслолыг зохион байгуулах юм. Ёслолд зориулан бэсрэг наадам зохион байгуулах бөгөөд Төв аймгийн аварга шалгаруулах “Адуучин” тэмцээн, хурдан дааганы уралдаан, халх сурын харваа болж, түрүүлсэн адуучин болон дааганы уяачид Майдар бурхан гардуулна.

Шав тавих ёслол Төв Аймгийн сэргэлэн сумын нутаг, Их Майдар төслийн бүтээн байгуулалтын талбайд болно. Жавзандамба хутагтын өргөөний шав тавих ёслол-бэсрэг наадамд сүсэгтэн олон та бүхнийг хүрэлцэн ирэхийг Их Майдар төслийнхөн урьж байна.

МАНЗУШИР ХУТАГТЫН ӨРГӨӨНИЙ ШАВ ТАВИХ ЁСЛОЛ, МАЙДАР ЭКО СИТИ ТӨСЛИЙН АЛБАН ЁСНЫ НЭЭЛТИЙН ҮЙЛ АЖИЛЛАГААНЫ ХӨТӨЛБӨР

 

Хэзээ:             2014 оны 08 дугаар сарын 04, Даваа гарагт

Хаана:            Төв аймаг, Сэргэлэн сум, Их Майдар Цогцолбор, Майдар эко сити төслийн төлөвлөж буй газарт, Улаанбаатар хотоос 50 км

Хүндэт зочид:

Монгол Улсын Ерөнхийлөгч Цахиагийн Элбэгдорж, ЕТГ-ын төлөөлөл

МБШТөв Гандантэгчэнлин хийдийн тэргүүн их хамба лам, гавж Д.Чойжамц

Брайбүн хийдийн хамба Гэвш Лхаарамба Лувсандамба

Ламын Гэгээний VIII дүр Данзанжанбалчойжишийнэн

Манзушир хутагтын VII дүр Данзанжамьяандорж

Далай ламын Найчин Чойжин Түвдэнготов

Богдын лаврин төвийн Одсэр Ринбүүчи, Түгсээ Ринбүүчи

Жавзандамба хутагт төвийн төлөөлөл

Соёл, Спорт, Аялал Жуулчлалын Яам

Барилга, Хот Байгуулалтын Яам

Төв аймгийн ЗДТГ, ИТХ, Төв аймгийн Сэргэлэн сумын ЗДТГ, ИТХ

Европын холбооны хот төлөвлөлтийн RSAА компаний төлөөлөл

Германы WDRтелевизийн баг

Бурханы шашны үйл ажиллагаа явуулдаг байгууллагуудын төлөөлөл

Сүсэгтэн олны төлөөлөл

 

ЕРӨНХИЙ ХӨТӨЛБӨР:

Нээлт:

 

11:30   Монгол Улсын Ерөнхийлөгч Цахиагийн Элбэгдорж нээж үг хэлнэ

11:40   МБШТ Гандантэгчэнлин хийдийн тэргүүн их Хамба лам гавж Д.Чойжамц нээж үг хэлнэ

11:48   Анхдугаар Богд Өндөр Гэгээн Занабазар хутагтаас IX Богд Жавзандамбахүртэлх хутагтуудын түүх намтрын танилцуулга, Ламын Гэгээний түүх намтрын танилцуулга

12:00   Их Майдар төслийг санаачлагчУГЗ зураач, дизайнер Д.Эрдэмбилэг нээж үг хэлнэ

12:02   Их Майдар төслийнтанилцуулга видео

12:15   Төв Аймгийн ИТХ-ын дарга Ц.Мэндсайхан нээж үг хэлнэ

12:17   Майдар Эко сити төслийг төлөвлөлтийн багийн ахлагч Stefan Schmitz (PhD) танилцуулна

 

Шашны зан үйл:

 

12:20   Богд Жавзандамба хутагтын Лавринг төлөөлж Одсэр ринбүүчи ламтан ном айлдана

12:25   X Богд Жавзандамба хутагтын түргэн залрахын залбиралыг лам хуврага нар уншина

12:45   Дээрхийн Гэгээн XIVДалай ламын Найчин Чойжин Түвдэнготов ном айлдана

12:50   Шав тавих, газар хөндөх ёслол

13:30   Майдарын ногоон морь сэтэрлэх зан үйл

 

Урлаг соёлын арга хэмжээ:

 

13:40   Морин хуур

13:45   Хүрээ цам-108 цамын бүжиг

14:00   “Богд багшид өргөх дуу”дуучин Ариунбаатар /Аялгуут Галбингаа ТББ/

14:05   “Зуун лангийн жороо луус”дуучин Ариунбаатар /Аялгуут Галбингаа ТББ/

 

Адуучин тэмцээн:

 

14:30   Хурдан дааганы уралдааны бариа

14:50   Халх сурын харвааны сум тавих

15:10   Аймгийн аварга шалгаруулах АДУУЧИН тэмцээн

            /Адуу бугуйлдах, эмгэг сургах/

Хаалт:

 

16:10   Хурдан дааганы уралдааны айргийн таван даага цоллох, шагнал гардуулах

16:20   Аймгийн аварга шалгаруулах АДУУЧИН тэмцээний 1, 2-р байрны шагнал гардуулах

16:25   Орон нутгийн удирдлагуудад талархал гардуулах

16:30   Их Майдар төслийн хандивлагч иргэд, байгууллагуудад талархал гардуулах

Цагдаагийн ерөнхий газрын Олон нийтийн аюулгүй байдлыг хангах газраас “Саатуулах байрны өнөөгийн нөхцөл байдал, цаашид авах арга хэмжээний талаар” сэдэвт нээлттэй хэлэлцүүлгийг ЦЕГ-ын хурлын танхимд  зохион байгууллаа.

Уг нээлттэй хэлэлцүүлэгт ЦЕГ-ын Гэмт хэрэгтэй тэмцэх газрын дарга туслах комиссар Д.Батжаргал, ОНАБХГ -ын дарга туслах комиссар Ж.Амгалан, Нийтийн хэв журам хамгаалах газрын Төлөвлөлт зохицуулалтын хэлтсийн дарга, цагдаагийн хурандаа Б.Бат-Өлзий болон Нийслэлийн цагдаагийн газрын удирдлага, Дүүргүүдийн цагдаагийн хэлтсийн дарга нар, Нийтийн хэв журам хамгаалах газрын тасгийн дарга, Саатуулах байрны эмч зэрэг нэр бүхий 70 орчим алба хаагч оролцож өөрсдийн санал бодлыг солилцсон юм.

“Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хууль”-д 2013 оны долдугаар сарын 05-нд орсон нэмэлт өөрчлөлтөөр албадан эрүүлжүүлэх үйл ажиллагааг эрүүл мэндийн байгууллага хариуцан гүйцэтгэхээр заасан байдаг.

Мөн түүнчлэн Саатуулах байрны үйл ажиллагаанд хяналт тавих, хэрэгжүүлэх бодлого, арга зүй, үйл ажиллагааны стратеги, стандарт, дүрэм, журам, заавар, зөвлөмжийг боловсруулах, боловсронгуй болгох, биелэлтийг хангах чиг үүргийг Олон нийтийн аюулгүй байдлыг хангах газар хариуцан хэрэгжүүлэхээр Цагдаагийн албаны тухай хуулийн 13 дугаар зүйлийн 13.7.1. дэх хэсэгт хуульчилсан.

Харин Хууль зүйн сайдаас өгсөн хэрэгжүүлэх арга хэмжээний чиглэлд:

Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хуулийн 5.1-д заасаныг үндэслэл болгон өөрийн үйлдлээ удирдан хянах чадваргүй болтлоо согтсон этгээдийг эмнэлгийн байгууллагад хүлээлгэн өгөх,

Согтууруулах ундаа хэрэглэсэн үедээ зөрчил гаргасан этгээдийг албадан саатуулах чиг үүргийг гүйцэтгэхтэй холбогдуулан одоогийн ашиглаж байгаа эрүүлжүүлэх байрыг албадан саатуулах байрны зориулалтаар өөрчлөн зохион байгуулах, мөн баривчлах, албадан саатуулах төвийн байранд согтууруулах ундаа хэрэглэсэн үедээ зөрчил гаргасан этгээдийг албадан саатуулж байх, саатуулагдсан этгээдэд хордлого тайлах, эмнэлгийн анхан шатны тусламж үзүүлэх зорилгоор эрүүл мэндийн ажилтныг ажиллуулах, согтууруулах ундаа хэрэглэсэн үедээ гэмт хэрэгт сэжиглэгдсэн этгээдийг шүүхийн шийдвэр гүйцэтгэх байгууллагын харъяа  цагдан хорих байранд Эрүүгийн байцаан шийтгэх хууль, Сэжигтэн, яллагдагчийг баривчлах, цагдан хорих шийдвэрийг биелүүлэх тухай хуулийн хүрээнд саадгүй хүлээн авахыг заасан байдаг.

Энэ хэлэлцүүлгийн хүрээнд согтууруулах ундаа хэтрүүлэн хэрэглэж зөрчил гаргасан иргэнийг  албадан саатуулах үйл ажиллагааг хэрэгжүүлэхдээ  24 цаг дотор зөрчлийг шийдвэрлэх, согтуу хүмүүсийг эрүүл хүмүүстэй хамт байлгахгүй байх талаар арга хэмжээ авах, дүүргүүдийн саатуулах байрны ачаалалыг тэнцвэржүүлэх ажлыг зохион байгуулж цаашлаад саатуулах байрны үйл ажиллагааг хүний эрх, эрх чөлөөг дээдлэн олон улсын жижигт ойртуулах зэрэг олон чухал асуудлыг нээлттэй байдлаар хэлэлцсэн юм. 

Засгийн газрын хуралдаан Булган аймгийн Хутаг-Өндөр суманд наймдугаар сарын 1-нд боллоо. Тус хуралдаанаар ирэх жилээс “Адуучин” тэмцээнийг Үндэсний их баяр наадмын хөтөлбөрт тусгаж зохион байгуулах нь зүйтэй гэж Засгийн газрын гишүүд үзлээ. 21 аймгаас шилдэг 21 адуучин эр зориг авхаалж самбаагаа сорьж, “Эр зориг” буюу уурга ташуур шүүрэх, морьтой буюу явган уургалах, бугуйлдах, эмнэг хангал булгиулах 4 төрлөөр өрсөлддөг “Адуучин” тэмцээн энэ сарын 23-нд Хүй долоон худагт болно. Ерөнхий сайдын ивээлд болдог энэхүү тэмцээнд энэ жил мөн аймаг, сумдаасаа шалгарсан шилдэг 21 адуучин оролцоно.

Монгол нүүдэлчдийн түүх соёл, ёс заншил, Монгол адууны уламжлалт соёлыг тээн хадгалж, үндэснийхээ түүх соёлыг бодитоор нотлон харуулахад энэхүү тэмцээн нь ач холбогдолтой гэж Соёл, спорт аялал жуулчлалын сайд Ц.Оюунгэрэл танилцуулаад уламжлал болгон зохион байгуулах нь зүйтэй гэж саналаа хэллээ.

Ирэх жилээс “Адуучин” тэмцээнийг Үндэсний их баяр наадмын хөтөлбөрт тусгаж зохион байгуулах нь зүйтэй гэж Засгийн газрын гишүүд үзлээ. Мөн аймаг, сумын “Адуучин” тэмцээний товыг оны өмнө тодорхой болгож, аялал жуулчлалын хуанлид тусгаж байхаар боллоо гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Анх нэгдүгээр төрхийн хүлээлгийн танхимийг хувийн хөрөнгөөрөө засварлаж байсан “Шинэ үе” продакшны жүжигчин МУСТА  Г. Ундармаагийн сайн үйлсийн аян үргэлжилж “Итгэлийн танхим” нэртэй ТББ санаачлан ЭХЭМҮТ-ийн хүүхдийн хүлээлгийн танхимийг засварлаж өчигдөр /08.01/ хүлээлгэн өгсөн юм. Энэ үеэр түүнтэй хэсэг зуур ярилцсанаа уншигч таньд хүргэж байна.

-Юуны түрүүнд хувь хүнийхээ үүднээс нийгэмд тустай зүйл хийхээр сэтгэл зүтгэлээ зориулж яваад тань уншигчдынхаа өмнөөс баяр хүргэе. Энэ удаа яагаад хүүхдийн хүлээлгийн өрөөг тохижуулж өгөв?

-Маш их баярлалаа. Энэ удаагийнх миний гурав дахь ажил минь. Өмнө нь I төрхийн хүлээлгийн танхим болон Яаралтай түргэн тусламжийн хүлээлгийн танхимуудыг тохижуулж байсан. Хүүхдийн хүлээлгийн өрөөг тохижуулахгүй байхын аргагүй юм. Эд нар чинь Монголын ирээдүй шүү дээ. Энд ирсэн хүмүүс үйлчилгээ авахын тулд өглөө эрт дугаар авдаг.Тэгээд өөрийнхөө ээлж болтол хэдэн ч цагаар хамаагүй хүлээх болдог. Тиймээс өвчиндөө зовиурлаж шаналж байгаа хүүхдүүдэд, сандарч тэвдсэн эцэг эхчүүдэд бага ч гэсэн сэтгэлийн дэм болох үүднээс энэ танхимыг тохижуулж өглөө.

-Хөрөнгө санхүүгээ яаж бүрдүүлдэг вэ?

-Би чинь хүнээс юм гуйх дургүй хэрнээ энэ ажилд бол ёстой нэг хамаагүй гуйна шүү дээ/инээв.сур/Ийм ажил хийх гэж байна чадахараа туслаач гээд л хаа сайгүй явж өгдөг. Монголд маш сайхан бизнес эрхлээд, туслалцаа үзүүлээд явж байгаа олон хүмүүс байна. Ер нь бол хүн бүрт эх орноо гэсэн сэтгэл байна.  Юм хийж эхэлбэл Монгол улс хэдхэн хоногийн дотор  хачин гоё өөрчлөгдөх байх гэж боддог юм.Манайхан чинь энэ тийм байна тэр ч тийм байна гээд л шүүмжлээд л явдаг уг нь өөрсдөө үлгэр дууриалал болчихвол зүгээрсанагдах юм.

-Энэ удаагийн ажилаа хэзээнээс эхэлсэн бэ?

-Арван сард бид өмнөх ажилаа дуусгаад 11 дүгээр сард Эх нялхсын эмч нартай ирж уулзсан. Зураг төсөлөөгаргаад ажилаа эхлээд явж байтал надад ажил явдал гараад хэсэг завсардсан. Зургадугаар сарын 1-нээс эхэлж засвартай орсон. Хүүхдийн баярын өдөр байсан учраас бэлэгшээжажилааэхэлүүлсэн.

-“Итгэлийн танхим” төрийн бус байгууллагт нэгдсэн залуучуудынхаа талаар яриач. Тэднийг энд дурсахгүй өнгөрч болохгүй болов уу?

-Энд сэтгэлээрээ нэгдсэн маш олон  хүмүүс бий. Зарим нь өөрсдөө гар бие оролцож тусладаг бол бусад нь мөнгө санхүү гээд маш олон зүйлээр тусалж сайхан зүйлийг хамтдаа хийж яваа тусархаг залуучууд байдаг.

-“Итгэлийн танхим”-ынханцаашид ямар ажил хийхээр төлөвлөу байгаа вэ?

-Бид дараагийнхаа эмнэлгийг сонгочихсон байгаа. Зураг төсөл, төлөвлөгөөгөө гаргачихаад хүмүүст хэлнэ.

-Анх яагаад энэ ажилуудыг хийж эхлэхээр болов оо?

-Бид чинь үзэгчдийнхээ алга ташилт, хайр хүндэтгэл, урамын үгнээс маш их эрч, урам зориг авч түүгээрээ тэжээгдэн амьдарч байдаг. Тийм ч учраас тэднийхээ үйлчлүүлдэг газрыг засч, янзалж тэдэндээ бага ч гэсэн урам зориг өгч хариу барихыг л хүссэн.

-Ажил дууссаны дараах сэтгэгдэл ямар байна вэ?

-Энэ хоёр сарын хугацаанд бараг л өдөр болгон засварын ажил дээрээ туслалцах, барилгын материаланд явах гээд олон өдөр унжсан бэлтгэлийн өмдтэй муу л хувцастай ирдэг байсан. Ямар сайндаа өнөө өглөө энэ шатаар өгсөж явахдаа ингэж нэг даашинзтай ирдэг өдөр байдаг юм байна гэж дотроо бодож инээж явлаа. Үнэхээр сайхан эерэг өөрчлөлтүүдийг нэг л мэдэхэд хийгээд бүр үүндээ дурлаад явж байна.

-Энэ удаагийн төсөл дээр хэр олон хүмүүс хамтарч ажилласан бэ?

-Хүүхдийн хүлээлгийн өрөөг тохижуулахад 37 хувь хүн болон, албан байгууллагууд хандив өргөлөө. Санхүү, бараа материал, технологи, тоног төхөөрөмж, мөн өөрсдөө биечлэн оролцсон гээд маш олон хүмүүсийн хүч хөдөлмөр шингэсэн ажил боллоо. Хамгийн дээд тал нь 10 гаруй сая төгрөг хандивласан.

ЭХЭМҮТ-ийн Хүүхдийн зөвлөх полиникийн хүлээлгийн өрөөг тохижуулахад хандив өргөсөн “GooBayn Health” компанийн гадаад харилцаа хариуцсан төлөөлөгч Д.Үүрцайхтай хэдэн хором ярилцлаа.

-Анх энэ ажилд яагаад хамтарч ажиллах болсон талаар яриагаа эхэлье?

-Манай компанийг “GooBayn Health” гэдэг.Хар багын хоёр найзтайгаа хамтарч компаниа байгуулсан. Д.Үүрийнтуяа, Д.Уранбилэг гээд бүсгүйчүүд байгаа бид гурав гурвуулаа гадны оронд амьдардаг. Д.Үүрийнтуяа маань Ундармаа эгчийг таньдаг байсан юм билээ. Нэг өдөр ийм сайхан зүйл хийж байгаа юм байна бүгдээрээ тусалъя гэсэн санааг гаргасан бид хоёр ч дэмжсэн тэгээд л холбогдсон.

-Ямар туслалцаа үзүүлсэн бэ?

-Бид гурав хүлээлгийн танхимд тоглоомын өрөөтэй болгож тоглоомын туслалцаа үзүүлэхээр болсон. “Тоглоомны өрөөний” тоглоомуудыг Америкаас хүүхдэд ээлтэй эрүүл ахуйн шаардлага хангасан модон тоглоомуудаар чимсэн. Харин “Инээдэг толь”-ийгХятад-аас захиалсан байгаа.

-Хэр их хэмжээний зардал гарсан бэ?

-Энэ удаагийн ажилд барагцаагаар 13 сая төгрөг хандивласан. Манай компани цаашид ч хүүхэд эмэгтэйчүүдийг дэмжсэн ажилд тодорхой хэмжээгээр хамтарч ажиллаж тус дэм болно гэсэн бодолтой байгаа.

Д.АМАРТҮВШИН

Эх сурвалж www.medee.mn

Монгол улсад хэрэгжүүлсэн сэргээгдэх эрчим хүчний хамгийн анхны салхин паркийн төсөл АНУ-ын Сангийн яамны нэр хүндтэй шагнал хүртсэн байна.  “Салхит” салхин паркийн төсөл нь хүнсний аюулгүй байдал хангах, ажлын байр бий болгох, дэд бүтцийн хөгжил болон боловсрол, эрүүл мэндийн салбаруудыг дэмжих талаар дорвитой хувь нэмэр оруулсан өөр зургаан төслийн хамтаар шалгарсан юм.  АНУ-ын Сангийн яам нүүрсний цахилгаан станцаас ихээхэн хамааралтай Монгол улсын нийслэл Улаанбаатар хотыг агаарын бохирдол хамгийн өндөртэй хот гэж онцолжээ.