Оюутнууд амарч, ихэнх хүмүүс зуны амралтаараа хөдөө гадаа явсан тул Цусны төвд цусаа өгөх иргэдийн тоо эрс багасч, хомсдолд оржээ. Ер нь зун болгон ийм асуудал тулгардаг хэмээн тус төвийн ажилтнууд мэдээлж байсан юм. Цусны нөөц багассанаар нэн даруй цус сэлбэх шаардлагатай өвчтөнүүд хүндрэлд оржээ.
Өчигдрийн байдлаар гэхэд найман хүүхэдтэй 50 настай ээжид гуравдугаар бүлгийн цус их хэмжээгээр, 23 настай дөнгөж төрсөн нялх биетэй ээжид хоёрдугаар бүлгийн цус, хоёр настай бяцхан хүүд хоёрдугаар бүлгийн цус, 17 настай хүүд дөрөвдүгээр бүлгийн цус яаралтай хэрэгтэй байгаа аж. Иймд иргэдийг цусаа хандивлаж, бусдын амийг авран буян үйлдэхийг Цус судлалын үндэсний төвөөс уриалж байна.
Улаан хоолойны дагуу эсвэл цээжний орчимд залгиур дээр хорсож, халуу оргих нь ходоодны хүчил ихэссэнтэй холбоотой аж. Зарим үед цээж хорсох нь зүрхний цус хомсрох өвчний илрэлтэй андуурагддаг бөгөөд зүрхний орчим, өвчүүний цаана халуун оргидог. Хорсолт нь улмаар улаан хоолойг түлж, салслаг бүрхүүлийг гэмтээдэг. Цээж хорссон ч эмчилгээ хийлгэхгүй бол маш богино хугацаанд ходоодны архаг үрэвсэл, улаан хоолойн үрэвсэл эсвэл шархлаа өвчинд нэрвэгдэх аюултай. Тиймээс ийм өвчтэй хүмүүс эмчид яаралтай үзүүлэх шаардлагатай аж.
Үндэсний Бүтээн Байгуулалтын Корпорацийн барьж байгаа “Буянт-Ухаа 2″ хорооллын барилга угсралтын ажил эхлээд хоёр сарын хугацаа өнгөрсөн бөгөөд ажлын явц 17 хувьтай үргэлжилж байна. Энэ хугацаанд ТОСК- ийн зүгээс барилга тус бүрийн үе шатны ажлаар хяналт тавьж, мэдээ гаргаж байгаа юм. Одоогоор “Буянт-Ухаа 2″ хорооллын нийт 48 барилгын газар шорооны ажил болон суурийн ажил бүрэн дууссан бөгөөд 36 барилгын зоорийн буюу гражийн давхрын бетон цутгалтыг хийгээд байна. Мөн 19 барилгын нэгдүгээр давхрын ажил дуусч, 18 барилгын хоёрдугаар давхрын бетон цутгалтын ажил дуусах шатандаа ороод байна. Түүнчлэн таван барилгын гуравдугаар давхрын ажил хийгдэж байгаа бол 109, 110 дугаартай хоёр барилгын гуравдугаар давхрын бетон цутгалтын ажил дуусч, дөрөвдүгээр давхрынхаа хэв хашмал, арматурчлалын ажлыг эхлүүлээд байна.
“ Мах Маркет” компани Монголын хамгийн урт зайдсыг танилцуулж, бүртгэх түүхэн үйл ажиллагаа 2014 оны 06 сарын 28-ны өдөр 13:00-15:00 цагийн хооронд Үндэсний Соёл Амралтын Хүрээлэнд болжээ. 3000 хүнд хүрэлцэхүйц хэмжээний амталгаа зохиогдсон бөгөөд азтай 500 хүн Монголын хамгийн урт зайдсыг үнэгүй амталжээ. 
Ашигт малтмалын газрын гурван геологич Баянхонгор аймагт 20 хоногийн хугацаатай ажиллаж байхдаа тус аймгийн Баян-Өндөр сумаас 120-130 км зайд “Идрэнгийн нуур” гэдэг газар явж байхад машинынх нь дугуй хагарч цааш явах боломжгүй болсон аж.
Монгол Улсын Эрүүл Мэндийн Яам, “Мишээл Групп” ХХК, “Монолаб” ХХК, БНХАУ-ын Шанхай хотын SCIS ХХК, Эмнэлгийн Инженерүүдийн Нийгэмлэг хамтран “Эмнэлгийн тоног төхөөрөмжийн олон улсын анхдугаар үзэсгэлэн”-г 2014 оны 08 дугаар сарын 27-29-ний өдрүүдэд зохион байгуулах гэж байна.