Category: нийгэм

Өдөрт тогтмол 7-8 цаг унтах нь эрүүл амьдралын үндэс. Гэхдээ нас ахих тусам бага унтах нь ахимаг, өндөр настангуудад тустай гэнэ. Энэ нь ахмадуудын ой санамж зүрх судасны үйл ажиллагаа зэрэгт их унтах нь сөргөөр нөлөөлдөг байна. Тэдгээрээс заримыг дурдъя:

Олон цагаар унтах нь тархины үйл ажиллагаанд сөргөөр нөлөөлж бие махбодийг идэвхигүй болгодог. Тиймээс олон цагаар нозоорч унтахын оронд өдөрт хэдэн удаа богино хугацаагаар дугхийх нь эрүүл мэндэд тустай. Бага нойртой байх нь тийм ч муу биш гэнэ. Гол нь тогтмол цагт нойртой хонох нь чухал. Сайн унтах амрахын тулд нойрсохоос 4-6 цагийн өмнө кофе, халуун ногоо согтууруулах ундаа, эм тан зэргээс зайлсхий. Оронд орохын өмнө дасгал гимнастик бүү хий. Аль болох дуу чимээ багатай тайван орчин нойронд эерэгээр нөлөөлнө. Ядарч туйлдсан буюу зүүрмэглэсэн үед нойроо сэргээх гэж хүчлэх хэрэггүй. Үд дунд ч бай хэдхэн минут дугхийхэд л тархины үйл ажиллагаа сэргэнэ.

М.Эрдэнэ

Нийслэлийн Тээврийн газрын даргын баталсан хуваарийн дагуу тус газрын хяналт шалгалт, шуурхай зохицуулалтын хэлтсийн улсын шөнийн тээврийн үйлчилгээний автобус болон такси үйлчилгээнд шалгалт хийлээ.

Шалгалтын бүрэлдэхүүнд Хан-Уул дүүрэг, Чингэлтэй дүүргийн замын цагдаагийн тасгийн албан хаагчид, “С1” телевизийн сурвалжлах групп оролцжээ. Шалгалтад нийт 44 тээврийн хэрэгсэл шалгаснаас гэрээ хэлцэлгүй нийтийн тээврийн үйлчилгээ эрхэлсэн бага оврын 2 автобус, такси үйлчилгээ эрхэлсэн 2 суудлын авто машиныг, түр саатуулах байранд саатуулж, мэргэшсэн жолоочийн үнэмлэхгүй зорчигч тээвэрлэсэн 2, хууль бус тээвэр эрхэлсэн 5 жолооч, зогсоолын байрлал буруу эзэлсэн 2 жолоочид асуудлыг шийдвэрлэхээр бичиг баримтыг хураан авсан байна.

Мөн нийтийн тээврийн шөнийн үйлчилгээний шалгалт хийж зөрчлийг таниулан, зорчигчийн ая тухтай зорчих нөхцлийг хангах талаар мэргэжлийн арга зүйн зөвөлгөө өгч ажилжээ.

Э.Эрдэнэ

Гаалийн бүрдүүлэлтэд зарцуулах цаг хугацааг багасгах оновчтой арга, төлөвлөгөөг боловсруулан ажиллахаар боллоо.

Улаанбаатар хот дахь Гаалийн газарт Гаалийн бүрдүүлэлтэд зарцуулах “Цаг хугацааг хэрхэн тооцох” сэдэвт үндэсний сургалт долдугаар сарын 29-өөс наймдугаар сарын 1-ний хооронд зохион байгуулав.

Энэхүү сургалтыг Гаалийн ерөнхий газар, Азийн хөгжлийн банк, Дэлхийн гаалийн байгууллага, Мэргэжлийн хяналтын ерөнхий газар, Монголын Үндэсний Худалдаа Аж Үйлдвэрийн Танхим, УБТЗ зэрэг байгууллагууд хамтран зохион байгуулж оролцлоо.

Бараа, тээврийн хэрэгслийг хилээр нэвтрүүлэх, худалдааг хөнгөвчлөх явцад гарч байгаа хүндрэл шалтгааныг судлах, шийдвэрлэх зорилгоор гаалийн бүрдүүлэлтэд зарцуулж буй “Цаг Хугацааны Судалгаа”-г Монголын гаалийн байгууллага болон сургалтанд оролцсон дээрх байгууллагууд хамтран зохион байгуулахаар  төлөвлөж байгаа бөгөөд уг ажлын хүрээнд эхний шатанд судалгаа хийх ажлын хэсэг байгуулж, судалгааны ажил хийх ажилтнуудад зориулсан сургалтыг зохион байгуулж байна. 

Сургалтад оролцогсод гаалийн бүрдүүлэлтэд зарцуулах “Цаг хугацааг хэрхэн тооцох” талаар арга зүйн мэдлэг, чадвар олж авах бөгөөд цаашид “Цаг хугацааны судалгаа”-г хийх чадамжтай болж, судалгааг үндэсний хэмжээнд хийх, гарах үр дүнд тулгуурлан гаалийн бүрдүүлэлтэд зарцуулах цаг хугацааг багасгах оновчтой арга, төлөвлөгөөг боловсруулан ажиллах юм.

Нийслэлийн Засаг дарга бөгөөд Улаанбаатар хотын Захирагч Э.Бат-Үүлийн захирамжаар хотын хог хаягдлын менежментийг сайжруулах хөтөлбөрийн хүрээнд нийслэлийн айл өрхүүдэд хог хаягдлын зориулалтын уут тараахаар болсон.

    Нийслэлээс энэ есдүгээр сараас эхлэн ирэх оны хоёрдугаар сар хүртэлх хогны уутанд нийт 2,7 тэрбум төгрөг зарцуулжээ.

Хогны уут тараах ажил энэ оны тавдугаар сар хүртэл үргэлжилж зарим иргэний зүгээс дэмий зүйлд мөнгө зарлаа гэх эсэргүүцэлтэй тулгарч зогсоход хүрсэн. Улмаар НЗДТ-ын ажлын хэсэг байгуулагдан иргэдээс санал хураахад 60 гаруй хувь нь дэмжиж энэхүү ажлыг үргэлжлүүлж, ирэх сарын 1-ээс эхлэн хогны уут тараахаар болжээ.

Мөн иргэдээс ирсэн саналын дагуу сэнжтэй болон сэнжгүйг үйлдвэрлэж байгаа аж. Нийт 15ш уутыг гэр хорооллынхонд 50х75 хэмжээтэйг, орон сууцныханд 45х65 хэмжээтэйг сард нэг удаа тараах гэнэ. Гэр хорооллын болон орон сууцны нэг өрхөөс гарах хогны хэмжээнээс хамаарч хэмжээний хувьд өөр өөр байгаа гэнэ. Нэг ширхэг уутны үнэ 95-100 төгрөгийн өртөгтэй гэнэ. Нэг өрхийн сарын хэрэглээнд олгож буй 15ш хогны уутны зардал 1425 төг байгаа нь айл өрхүүдээс авч буй хогны хураамжийн 2000-2500 төгрөгийг уут хэлбэрээр буцаан олгож байгаа аж.   

Өмнө нь хэсгийн ахлагч хогны уутыг тараадаг байсан бол есдүгээр сараас эхлэн өрх бүрт талон тараагдана. Хогийн уут авах газрыг харъяалагдах хорооноос хуваарилж өгөх ба олны хөл хөдөлгөөн ихтэй байршил буюу үйлчилгээний газар эсвэл  гэр хороолол дахь ус түгээх газраас хогийн уутаа тухайн талоноор авах гэнэ. Нийслэлээс энэ есдүгээр сараас эхлэн ирэх оны хоёрдугаар сар хүртэлх хогны уутанд нийт 2,7 тэрбум төгрөг зарцуулжээ.

Хог хаядлын хураамжийн болон хогны уутанд зарцуулах мөнгийг хүүхдийн эмнэлэг, сургууль барихад зарцуулах хэрэгтэй хэмээн зарим иргэд шүүмжилдэг. Гэтэл хог хаягдлын тухай хуулийн 20-р зүйлд хогны хураамжийг зөвхөн хог тээвэрлэх, устгах, хог хаягдлыг бууруулах үйл ажиллагааг дэмжих, мэдээлэл, сургалт, сурталчилгаанд л зарцуулна хэмээн заасан байдаг. Тиймээс хуулиараа бол энэхүү хөрөнгийг өөр зүйлд зарцуулах боломжгүй гэж Нийслэлийн захирагчийн ажлын албаны ахлах мэргэжилтэн Б.Баярмаа хэлсэн юм. 

Олон нийтийн цагдаагийн ажилтнаар ажиллуулах 190 иргэнийг бүртгэж, эрүүл мэндийн нэгдсэн үзлэгт хамруулжээ. Цагдаагийн албаны тухай хуулийн 24 дүгээр зүйлд Олон нийтийн цагдаагийн ажилтны эрх зүйн байдлыг хуульчилж өгсний дагуу хууль, дүрэм, журмын хэрэгжилтийг хангуулах зорилгоор Нийслэлийн цагдаагийн газраас олон нийтийн цагдаагийн ажилтнаар ажиллуулах 190 иргэний судалгааг гарган, бүртгэж, долдугаар сарын 30, 31-ны өдрүүдэд сэтгэл зүйн сорил болон хандлага тогтоох ярилцлагыг хийж, наймдугаар сарын 01-ны өдөр эрүүл мэндийн нэгдсэн үзлэгийг Батлан хамгаалах, хууль сахиулах алба хаагчдын нэгдсэн эмнэлэгтэй хамтран зохион байгуулсан байна.

Цагдаагийн ерөнхий газрын даргын тушаалаар батлагдсан Олон нийтийн цагдаагийн ажилтны сургалтын хөтөлбөр, төлөвлөгөөний дагуу Цагдаагийн ерөнхий газрын Сургалт, дадлагын төвтэй хамтран сургалтыг 21 хоногийн хугацаатай, хоёр үе шаттайгаар тус төвийн байранд өнөөдрөөс эхлүүлэхээр болсон байна.

Цаашид Олон нийтийн цагдаагийн ажилтны хувцас, тусгай хэрэгслийг 2014 оны наймдугаар сард багтаан хийлгэж бэлэн болгохоор ажиллаж байгаа аж. 

Япон элчингийн урд талын 0,26 км авто замыг засах ажил долдугаар сарын 24-нд эхэлсэн.

Тус ажлын хүрээнд Гэндэнгийн гудамжны уулзвараас Солонгос улсын элчин сайдын яамны урд талын уулзварын хооронд тээврийн хэрэгслийн хөдөлгөөнийг энэ сарын 01-ний 23 цагаас эхлэн хязгаарласан билээ.

Энэ хугацаанд 260 м газарт асфальтбетон хучилтын ажлыг хийсэн аж. Зам засварын ажлыг өнөөдөр 18 цагт дуусахаар төлөвлөсөн байна.

Э.Эрдэнэ

Энэ сарын 9, 10-ны өдрүүдэд Казах үндэстний соёл урлагийн “Алтан бүргэд” их наадам зохиогдно. Тус наадмыг Баян-Өлгий аймгийн Нутгийн зөвлөл, “Алтан бүргэд” их наадмын санаачлагчид, Соёл, спорт, аялал жуулчлалын яам, Налайх дүүргийн Засаг даргын тамгын газраас зохион байгуулж байгаа аж.

Энэхүү наадмын гол зорилго нь Монгол Улсын үндэстэн, угсаатны соёлын олон талт өв уламжлалыг хамгаалан хөгжүүлэх, түгээн дэлгэрүүлэх талаархи төр, засгийн бодлогыг хэрэгжүүлэх хүрээнд казах үндэстний соёл урлаг, ёс заншил, өв уламжлалыг иргэд, олон нийтэд сурталчлан таниулах юм.

Төв аймгийн Сэргэлэн суманд Дээрхийн гэгээн Богд Жавзандамба хутагтын өргөө болон Ламын гэгээн, Манзушир хутагтын өргөөний шав тавих ёслол, Майдар эко сити төслийн албан ёсны нээлтийн үйл ажиллагаа өнөөдөр болох гэж байна. 

Улаанбаатар хотоос 50 км-ийн зайд орших энэ газар болох үйл ажиллагаанд Монгол Улсын Ерөнхийлөгч Ц.Элбэгдорж, Гандантэгчинлэн хийдийн тэргүүн хамба лам, гавч Д.Чойжамц, Ламын Гэгээний VIII дүр Данзанжанбалчойжишийнэн, Далай ламын Найчин Чойжин Түвдэнготов нарын хүмүүс болон сүсэгтэн олон оролцох ажээ. 

Газар хөндөх, шав тавих ёслол өнөөдөр болохоос гадна Майдарын ногоон морь сэтэрлэх зан үйлийг хийж, шашны олон ном айлдах юм байна

Монгол Улсын Ерөнхий сайд Н.Алтанхуягийн урилгаар БНХАУ-ын Ляонин мужийн Ардын гадаадтай найрамдлаар харилцах нийгэмлэгийн даргаар ахлуулсан 100 хүүхэд, зочид төлөөлөгчид манай улсад зочилж байна. 

Монгол Улс- БНХАУ хооронд дипломат харилцаа тогтсоны 65 жилийн ой, “Монгол Хятадын соёл, урлаг, хүмүүнлэгийн солилцооны жил”- ийн хүрээнд зочилж буй 100 хүүхдийн төлөөллийг Ерөнхий сайд Н.Алтанхуяг Олон улсын хүүхдийн найрамдал зусланд 16:00 цагаас хүлээн авч уулзах юм байна.

Технологийн салбарын хүчирхэг акулуудыг нэг Samsung шинэ бүтээгдэхүүн болох Galaxy Note 4-ийг ирэх есдүгээр сарын 3-нд танилцуулахаар болсон тухай зарлажээ.

Тус компанийн хамгийн хүчтэй өрсөлдөгч Apple компани шинэ загварын iPhone гар утсаа мөн есдүгээр сард танилцуулна хэмээн яригдаж байгаа ч хараахан тов  нь зарлагдаагүй байгаа юм. Тиймээс Samsung компани өөрийн хүчтэй өрсөлдөгчөөсөө түрүүлж шинэ бүтээгдэхүүнээ танилцуулах нь тодорхой болоод байна.

Galaxy Note 4 нь 5,7 инчийн OLED дэлгэцтэй байх ба спортлог загвар бүхий металл гадаргуутай байна гэж Korea Times мэдээлжээ.

М.Эрдэнэ