Монгол Улсын Татварын ерөнхий газар (ТЕГ) нь АНУ-ын Олон улсын хөгжлийн агентлаг (ОУХА)-ийн санхүүжилтээр хэрэгжиж буй Бизнесийг дэмжих санаачилга төслийн дэмжлэгтэйгээр хөгжүүлсэн татварын цахим төлбөрийн шинэ системийн нээлтийг хийлээ. ТЕГ-аас 2014 оны 1-р сард шинээр нэвтрүүлсэн цахим татварын тайлангийн системийг одоогийн байдлаар татвар төлөгчдийн 70-аас илүү хувь нь ашиглаж байна. Татвар төлөлтийг хялбаршуулах ажлыг цаашид үргэлжлүүлэх зорилгоор интернет болон мобайл банкны үйлчилгээг өргөжүүлэн төрөлжүүлж, хэрэглэгчдэд таатай хоёр хувилбарыг нэмэх саналыг БДС төсөл гаргасан. Эхний хувилбарын тухайд татвар төлөгчид ТЕГ-ын цахим тайлангийн вэбсайтад хандаж, татварын төлбөрөө дебит/кредит картаар хийх бол хоёрдахь хувилбар нь хувийнхаа интернет банкны данснаас татвараа шууд төлөх боломжийг татвар төлөгчдөд олгох юм. Голомт, Хаан банк, Төрийн банк зэрэг арилжааны банкууд ТЕГ-тай хамтран хоёрдахь хувилбарыг амжилттай туршиж, нийт татвар төлөгчдийн 80 гаруй хувийг цахим татвар төлөлтийн системд холбох боломжийг бүрдүүллээ. ТЕГ цаашид энэ үйлчилгээг дотоодын арилжааны бүх банкаар дамжуулан татвар төлөгчдөд хүргэхээр төлөвлөж байна. Цахим татварын систем нь арилжааны банкуудын интернет болон мобайл банкаар дамжуулан татвар төлөх үйл ажиллагааг хөнгөвчилсөн бөгөөд өмнө нь татвар төлөгч банкны төлбөрийн баримтыг татварын байгууллагад аваачиж, төлбөр хийсэн эсэхийг татварын байцаагч шалган татварын системд оруулдаг байсныг халж байгаа юм. Шинэ цахим татвар төлөлтийн системийг нэвтрүүлснээр татвар төлөх процесс хялбар, хямд, найдвартай, шуурхай болоод зогсохгүй татвар төлөгчид банк болон татварын байгууллагууд руу биечлэн очих шаардлагагүй болно.
Энэхүү нээлтийн ажиллагааны үеэр ТЕГ болон арилжааны банкууд татвар төлөгчдөд зориулан шинэ татвар төлөлтийн системийг хэрхэн ашиглах тухай танилцуулга хийж, тайлбарлав. “Мэдээллийн технологийг сайжруулах нь татварын шинэчлэлийг хэрэгжүүлэхэд чухал үүрэг гүйцэтгэх бөгөөд МТА-ны үйл ажиллагааг шинэ шатанд аваачих юм. Энэ ажлыг гүйцэтгэхэд арилжааны банкуудтай амжилттай хамтран ажиллах нь Монгол Улсын хэмжээнд манай татвар төлөгчид бэлэн мөнгөнөөс бэлэн бус гүйлгээнд шилжихэд голлох үүрэг гүйцэтгэнэ” гэж ТЕГ-ын дарга Т. Батмагнай хэллээ.
ТЕГ болон арилжааны банк хоорондын хамтын ажиллагааны талаар Голомт банкны Гүйцэтгэх захирал Г. Ганболд “Татварын цахим төлбөрийн системийг ашиглах нь өөрийн харилцагч, үйлчлүүлэгчдэд тухтай, хүртээмжтэй, найдвартай санхүүгийн үйлчилгээ үзүүлэх Голомт банкны зорилготой нийцэж байгаа бөгөөд Монгол Улсын эдийн засгийн хөгжилд оруулах хувь нэмрийн нэг хэсэг” гэлээ.
Цахим төлбөрийн систем нь Монгол Улсад бизнес эрхлэх орчныг сайжруулах, хувийн хэвшлийн өсөлт хөгжлийг дэмжихийн тулд татварын тайланг цахимаар тушаах, татварыг цахимаар төлөх системийг нэвтрүүлэх замаар ТЕГ-ын үйл ажиллагааг орчин үеийн болгох, татварын хууль тогтоомжийг мөрдөлтийг татвар төлөгчдийн хувьд хялбаршуулах зорилгоор 500 гаруй татварын байцаагчид, 3,000 гаруй татварын тайлан бэлтгэгчдийн татварын үйлчилгээтэй холбоотой чадавхийг бэхжүүлэх, иргэдэд татварын тухай мэдлэг, боловсрол олгох кампанит ажил хэрэгжүүлэх зэрэг олон чиглэлээр БДС төслийн зүгээс 2011 оноос хойш ТЕГ-т үзүүлж буй техникийн туслалцааны нэг хэсэг нь юм. ТЕГ-ын хэрэгжүүлж буй цахимаар тайлан тушаах, татвар төлөх шийдлүүд нь Дэлхийн банкны “Бизнес эрхлэх нь” судалгааны “татвар төлөлт” шалгуур үзүүлэлтээр хэмждэг татварын төлбөр төлөх давтамж болоод цаг хугацааг нэлээд хэмжээгээр багасгана.
Нийслэлийн Засаг даргын санаачилгаар өнөөдөр буюу наймдугаар сарын 18-19-ний өдрүүдэд нийслэл хотноо Зүүн хойд Азийн Хотын дарга нарын “Хотын тогтвортой ба хүртээмжтэй хөгжил” форум эхлэх гэж байна. Гадаад харилцааны яамны хурлын танхимд эхлэх тус форумд оролцохоор Зүүн хойд Азийн зургаан улсын 120 гаруй төлөөлөгч манай улсад хүрэлцэн ирээд байгаа юм.
-12.00 цагт “Өргүй Монгол” ТББ-аас Монгол Улсын өрийн талаар мэдээлэл хийж, Засгийн газар, УИХ-ын гиш үүдэд мэдэгдэл хүргүүлэх болсон тухай хэвлэлийн хурал Монгол Ньюсд зарлалаа. 
Аргын тооллын наймдугаар сарын 18. Сумъяа гариг. Билгийн тооллын 23. Дөрвөн ногоон мэнгэтэй цагаагчин тахиа өдөр. Өдрийн наран 06.00 цагт мандан 20.00 цагт жаргана. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба хануур, төөнүүр хийлгэх, мал адгуус муулах, хагалгаа хийлгэхэд сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавихад муу. 
Сүүлийн үед дээд боловсролын чанар алдагдлаа гэсэн шүүмжлэл багагүй гарах болсон. Зарим мэргэжлээр илүүдэл үүсээд байгаа бол зарим мэргэжлийн хувьд боловсон хүчний дутмаг байдал ажиглагдах болсон. Тиймээс Боловсрол, шинжлэх ухааны яамнаас эрэлттэй мэргэжлийн чиглэлийн жагсаалтыг гаргасан байна.
Засгийн газрын 2014 оны наймдугаар сарын 14-ний өдрийн ээлжит 44 дүгээр хуралдаанаар ЦЕГ-ын дарга, бригадын генерал Б.Билэгтийг үүрэгт ажлаас нь чөлөөлж, тус газрын дэд дарга, тэргүүн дэд комиссар С.Баатаржавыг түр орлон гүйцэтгэгчээр томилсон. Түүнчлэн ЦЕГ-ын Мөрдөн байцаах газрын даргыг үүрэгт ажлаас нь чөлөөлсөн талаар мэдээлэл гарч эхэлсэн. Энэ талаар албаны эх сурвалжаас тодруулахад “Б.Билэгт даргыг үүрэгт ажлаас нь чөлөөлсөнтэй холбогдуулан хэвлэлээр “Б.Билэгтийг ээлжийн амралттай байхад нь “түгжилдсэн” нь Л.Гансүх мэдүүлэг өгч эхэлсэнтэй холбоотой юу”, “Мөрдөн байцаах газрын дарга, цагдаагийн хурандаа Ц.Батсүхийг үүрэгт ажлаас нь чөлөөлжээ”, “ЦЕГ-ын даргын марафон эхэлжээ”, “Б.Билэгтийн оронд очих магадлалтай гурван хүний нэр яригдаж эхэллээ”, “Б.Батзаяагийн араас Б.Билэгтийг чөлөөлснөөр “Алтангадас” “МоАХ”-ны хоорондын тэмцэл дайн боллоо” зэрэг гарчигтай баттай бус эх сурвалжийн мэдээллийг хуулбарлан нийгэмд түгээж иргэдэд улс төрийн өнгө, аяс оруулсан ташаа ойлголт, мэдээлэл өгч байна. ЦЕГ-ын даргыг үүрэгт ажлаас нь чөлөөлснөөр төв, орон нутгийн цагдаагийн аль ч байгууллагад ямар нэг томилгоо, боловсон хүчний өөрчлөлт хийгээгүй.Цагдаагийн байгууллага нь гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүрэг бүхий хууль сахиулах байгууллага бөгөөд үйл ажиллагаа нь хэвийн явагдаж байна” гэв.
