Category: нийгэм

-ТЭД БҮСЧИЛСЭН ХАМГААЛАЛТ БУУСНЫ ДАРАА ҮҮРЭЭР ОРГОСОН АЖ-

Цагдан хорих 461 дүгээр ангид хоригдож байсан хоёр хүн өчигдөр үүрээр оргожээ. Өчигдөр биднийг тус хорих ангид очиход алба хаагч нь мэдээлэл өгөх албаны хүн байхгүйг онцлоод Шүүхийн шийдвэр гүйцэтгэх ерөнхий газар (ШШГЕГ)-т шаардлагатай мэдээллийг хүргүүлсэн гэсэн юм. Өөр эх сурвалжийн мэдээлснээр уржигдар ОХУ-ын Ерөнхийлөгч В.Путин манай улсад ажлын айлчлал хийх үеэр ШШГЕГ-ын харьяа нийслэл дэх хорих ангиудад бүсчилсэн хамгаалалт авчээ. Өөрөөр хэлбэл, хамгаалалтыг чангаруулж, хорих ангийн алба хаагчид өндөржүүлсэн байдалд ажилласан байна. Цагдан хорих 461 дүгээр анги ч бүсчилсэн хамгаалалттай байсан аж. Хамгаалалт айлчлал дууссаны дараа буужээ. Харин хоригдож байсан иргэд өчигдөр өглөө 04.00 цагийн орчимд оргосон аж. Тухайн үед хамгаалалт буусан, хуягуудын анхаарал суларсан байсныг оргосон хүмүүс ашигласан бололтой юм. ШШГЕГ-аас болсон явдлын талаар тодруулахад “Хоригдож байсан хоёр хүн оргосон. Тэд хулгайн гэмт хэргээр шалгагдаж байгаа. Одоогоор баривчлаагүй байна. Үүнээс илүү мэдээлэл өгөх боломжгүй” гэлээ.

Оргосон хҮмҮҮс

хэн бэ

Үүрээр оргосон хоёр хүн онц хүнд гэмт хэрэгт шалгагдаж, яллагдагчаар татагдаад байжээ. Тэдний нэгийг Энхсайханы Гантөмөр гэдэг. Тэрбээр 23 настай. Э.Гантөмөр хүн амины болон залилангийн хэргээр шалгагдаж байсан аж. Тодруулбал, Эрүүгийн хуулийн 91 дүгээр зүйлийн 91.1 буюу хүндрүүлэх нөхцөл байдалгүйгээр хүнийг санаатай хөнөөсөн хэрэгт холбогджээ. Мөн Эрүүгийн хуулийн 148 дугаар зүйлийн 148.4-т зааснаар яллагдсан байна. Хуулийн тус зүйл ангид “Бусдын эд хөрөнгийг залилан мэхэлж авах гэмт хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл үйлдсэн, түүнчлэн энэ хэргийн улмаас онц их хэмжээний хохирол учирсан бол эд хөрөнгийг хурааж, арваас дээш арван таван жил хүртэл хугацаагаар хорих ял шийтгэнэ” гэж заасан байдаг.

Оргосон өөр нэг яллагдагчийг Буян-Өлзийн Амарбаясгалан гэдэг. Тэрбээр 22 настай. Хулгайн хэргээр шалгагдаж байхдаа оргожээ. Б.Амарбаясгаланг Эрүүгийн хуулийн 145 дугаар зүйлийн 145.4 буюу “Бусдын эд хөрөнгийг хулгайлах хэргийг булаах, дээрэмдэх, уулгалан довтлох гэмт хэрэгт шийтгүүлсэн этгээд, түүнчлэн онц аюултай гэмт хэрэгтэн, гэмт бүлэглэл үйлдсэн, энэ хэргийн улмаас онц их хэмжээний хохирол учирсан бол эд хөрөнгийг хурааж, арваас дээш арван таван жил хүртэл хугацаагаар хорих ял шийтгэнэ” гэх зүйл ангиар ялласан аж.

Тэд баригдвал холбогдсон дээрх хэргээс гадна оргон зайлсан гэх зүйл анги нэмэгдэх юм.

Оргодлуудыг өчигдөр нийслэлд эрэн сурвалжилсан ч 19.00 цагийн байдлаар олдоогүй байсан юм. Тэд гэрийнхэнтэйгээ холбоо бариагүй аж. Мөн гар утсаар бусадтай ярьсан гэх сэжиг илрээгүйг эх сурвалж хэллээ. Мөн нийслэлээс гараагүй байх магадлалтай аж. Учир нь нийслэлээс гарах бүх постуудад оргодлуудын талаарх мэдээллийг хүргүүлж, цагдаагийн алба хаагчид эрэн сурвалжилж байгаа аж.

Хаалгаар гарЧ оргосон уу

Цагдан хорих 461 дүгээр ангийн хашааны хаалгаар л биш бол оргох боломжгүйг эх сурвалж онцолсон. Тиймээс хоригдож байсан хоёр иргэн хамгаалалт суларсан үед хашааны хаалгаар гарсан байх магадлалтай аж. Эх сурвалжийн мэдээлснээр сүүлийн жилүүдэд Цагдан хорих 461 дүгээр ангийнхны ажлын хариуцлага суларсан. Хоригдож байгаа хүмүүс хуяг, харуулуудынхаа өрөөгөөр орж гараад явж байдаг болсон гэнэ. Наадмын өмнө мөн тэндээс нэг хүн оргоод хоёр цагийн дараа баригдсан аж. Энэ талаарх мэдээллийг дотооддоо нууцлаад өнгөрсөн гэдгийг эх сурвалж мэдээлсэн. Үүний дараа тухайн өдөр ажилтай байсан хуягт цалингийн хувиар торгох хариуцлага тооцоод өнгөрчээ. Энэ удаад хоёр хоригдол оргосон талаарх мэдээллийг өчигдөр өглөө 9.00 цагийн орчимд ШШГЕГ-т мэдэгдсэн байна.

Цагдан хорих 461 дүгээр ангид шүүхээр хэрэг нь шийдэгдээгүй байгаа сэжигтэн, яллагдагч, шүүгдэгчийг шүүгчийн захирамжаар хорьдог. Өөрөөр хэлбэл, гэмт хэрэгт холбогдсон ч гэм буруутай нь нотлогдоогүй байгаа иргэд тэнд эрх чөлөөгөө хязгаарлуулдаг гэсэн үг. Тиймээс ч анх хоригдож байгаа, шүүгдэхээ хүлээж байгаа иргэдийн сэтгэл санаа ялтнуудтай харьцуулахад тогтворгүй яаж ч мэдэхээр байдаг аж. Тэр утгаараа цагдан хорих ангийн харуул хамгаалалт маш сайн байх ёстой гэдэг шаардлага тавигддаг. Бас оргон зайлж магадгүй, дахин гэмт хэрэг үйлдэж болзошгүй, мөрдөн байцаалтын явцад саад учруулж мэднэ гэж үзсэн хүмүүсийг шүүхийн шийдвэрээр төрийн хамгаалалтад хорьдог. Тэр утгаараа төр тухайн хүний амь нас, аюулгүй байдлыг хангах үүрэг хүлээдэг. Гэтэл Цагдан хорих 461 дүгээр ангид төрийн хамгаалалтад байсан хүн амиа алдсан хэрэг гарсан. Мөн “Дижитал” хамтлагийн ахлагч Баавар өрөөндөө шатсан хэрэг гарсан. Түүний өрөөнд гал гаргахуйц эд зүйл оруулснаараа төр буюу хорих ангийнхан үүргээ гүйцэтгээгүй гэсэн үг. Энэ удаад ч цагдан хорих ангийнхны харуул, хамгаалалт муугаар гэмт хэрэгт шалгагдаж байсан хоёр хүн оргожээ.

Ц.ӨрнӨх

-ХҮҮХДҮҮД ТОЛГОЙНЬ ХҮЧТЭЙ ӨВДӨХ, ОГИХ, ТАТАЛТ ӨГӨХ УХААН АЛДАХ ЗЭРЭГ ШИНЖ ТЭМДЭГ ИЛЭРЧЭЭ-

Баян-Өлгий аймагт 90 гаруй хүүхэд хоолны хордлогод орж энэ сарын 3-ны орой эмнэлэгт хэвтжээ. Хүүхдүүдийн биеийн байдал тааруу байгаа гэнэ. Аймгийн нэгдсэн эмнэлгийн хордлогын тасагт 40 гаруй хүүхэд хэвтэн эмчлүүлж байгаа юм байна. Энэ талаар Баян-Өлгий аймгийн албаны эх сурвалжтай холбогдож хүүхдүүдийн биеийн байдал, ямар хүнсний зүйлээс болж хордсон талаар мэдээлэл авсан юм.

Энэ сарын 3-нд 19:00 цагт Баян-Өлгий аймгийн зургадугаар сургуулийн дотуур байрны 126 хүүхэд оройн хоол идсэн гэнэ. Тухайн өдрийн хоолны цэсэнд хар цай, ногоотой шөл, хоёр хэрчим талх зэрэг байсан гэнэ. Тус сургуулийн дотуур байрны хоёр тогооч хүүхдүүдэд оройн хоолыг бэлтгэж өгчээ. Дотуур байранд амьдардаг хүүхдүүд оройн хоолоо идэж дуусаад 30 орчим минут болоод биеийн байдал тавгүйрхэж эхэлжээ. Өнөө жил дунд сургуульд орсон нэгдүгээр ангийн гурван хүүхэд толгой нь эргэж, бие нь салгалж чичирч эхэлсэн байна. Нэгдүгээр ангийн хүүхдүүдэд дээрх шинж тэмдэг илэрсний дараа сургуулийн эмчийг дуудсан байна. Сургуулийн эмчийг гэрээсээ дотуур байранд ирэх хооронд 90 гаруй хүүхдийн дотор нь муухай оргиж, огиулж, зарим хүүхдэд таталт өгч эхэлсэн байна. Байрны багш, тогооч, сургуулийн багш, захирлыг ирэх үед дотуур байрны тасаг бүрт хүүхдүүд босч чадахгүй байдалтайгаар орон дээрээ эвхрэлдэн хэвтэж байсан аж. ингээд Баян-Өлгий аймгийн нэгдсэн эмнэлгийн түргэн тусламжийн машин, онцгой байдлын газрын автомашинаар хүүхдүүдийг эмнэлэг рүү зөөсөн байна. Эмч нар хүүхдүүдэд хийсэн анхны үзлэгээр “Хүүхдүүд хүнсний төрлийн ямар нэгэн зүйлд маш хүчтэй хордсон. Хордлогын улмаас хүүхдүүдийн бие салганах, дотор муухай оргих, бөөлжих, тархи толгой нь хүчтэй өвдөх зэрэг шинж тэмдэг илэрч байна. Хордлого тайлах эмчилгээ хийж эхэллээ. Хүүхдүүдийн биеийн байдал маш хүнд байгаа учир ар гэрийнхэнтэй нь холбоо барьж дууд” гэжээ.

Шинжилгээний

хариу ирэх дОлОО хоногт гарна

Дотуур байрны хүүхдүүд хоолны хордлогод орж эмнэлэгт хүргэгдсэнтэй холбоотойгоор Баян-Өлгий аймгийн хөдөө орон нутгаас хүүхдүүдийн аав, ээжийг дуудах ажил хийгдэж эхэлсэн байна. Харин Баян-Өлгий аймгийн цагдаагийн хэлтсээс дотуур байрны хоёр тогоочид Эрүүгийн хэрэг үүсгэн шалгаж эхэлжээ. Эх сурвалжийн хэлж буйгаар ямар нэгэн химийн бодис хоолонд нь хийж хүүхдүүдийг хордуулсан байж магадгүй хэмээн цагдаа нар үзэж тогооч нарыг саатуулсан гэнэ. Харин хүүхэд хордсонтой холбогдуулан Баян-Өлгий аймгийн Мэргэжлийн хяналтын газрын байцаагч нар тухайн өдрийн хоолны материал, хоолны дээж зэргийг битүүмжилж лабораторийн шинжилгээ хийлгэхээр явуулжээ. Шинжилгээний хариу ирэх долоо хоногт гарах юм байна. Хүүхдүүд хордлогод орохоосоо өмнө ногоотой шөл, хар цай, талх идсэн байна. Хүүхдүүдийн хэлж буйгаар тухайн өдрийн хоолонд ирсэн хоёр хэрчим талх идсэн хүүхдүүд хордлогод орсон гэнэ. Харин шөлөндөө талх дүрж идээгүй хүүхдүүдийн биед хордлогод орсон шинж тэмдэг илрээгүй байна. Дотуур байрны тогооч хүүхдүүдэд өгөх талхаа өөрсдөө хийдэг байна. Тухайн өдөр хийсэн талхандаа түргэн исгэгч, элсэн чихэр, бага зэргийг масло хийсэн байна. Хүүхдүүд талхны ямар төрлийн хольцноос болж хордсон гэдэг нь тодорхойгүй байгаа гэнэ. Харин хоолны хүнсний ногоог нутгийн иргэдээс гэрээгээр худалдан авдаг байна. Тогооч нар талх барихдаа түргэн исгэгчийг дэлгүүрээс худалдаж авсан гэж ярьсан байна.

Шинэ бүтээн байгуулалт” дунд
хугацааны зорилтот хөтөлбөрийн хүрээнд Монгол Улсын Хөгжлийн банкны
санхүүжилтээр  2012 оны зургадугаар сарын
25-наас энэ сарын 01-ний хооронд гэрээ байгуулан хэрэгжүүлсэн
Баянзүрхийн товчооноос Богд уулын араар Яармагийн гүүр хүртэлх 17.6 км авто зам
өнөөдрөөс байнгын ашиглалтад орлоо.

Автозамын ажлыг хүлээж авах, нээлтийн үйл ажиллагаанд Монгол Улсын Ерөнхий сайд
Н.Алтанхуяг, нийслэлийн Засаг дарга бөгөөд Улаанбаатар хотын Захирагч Э.Бат-Үүл
болон албаны бусад хүмүүс оролцлоо.
Тус барилгын ажлыг “ЭСТО” ХХК хийж гүйцэтгэсэн бөгөөд барилгын ажлын явцад өдөр
тутмын ажлын зөвлөхийн хяналтыг “Монконсалт” ХХК хийжээ. Уг зам нь 8 м өргөн
зорчих хэсэгтэй, хоёр талдаа тус бүр 1.5 м өргөн хөвөөтэй, 70 цэгт хиймэл
байгууламж, төмөр зам дээгүүр гарсан 24.7 у/м хүчитгэсэн төмөрбетон гүүр, 19
у/м ган дам нуруут гүүр, суурьшлын бүс буюу Зайсан орчимд 1.2 км хэсэгт
гэрэлтүүлэгтэй. Тойруу ихтэй, огцом эргэлтүүдтэй учраас 6 760 м замд 
аюулгүйн туузан хашилт, анхааруулга, таних тэмдгүүдийг байршуулсан бөгөөд
хурдны зам биш гэдгийг жолооч нарт анхааруулж байгаа юм. Нээлтийн үйл
ажиллагааны үеэр нийслэлийн Засаг даргын захирамжаар Улаанбаатар хотын замын
түгжрэлийг бууруулахад онцгой үүрэг гүйцэтгэх 17,6 км автозамыг гэрээний дагуу
хийж гүйцэтгэсэн нийт замчдад шагнал гардууллаа

Нийслэлийн Засаг дарга бөгөөд Улаанбаатар хотын Захирагч
Э.Бат-Үүл “Буцалтгүй тусламж олгох тухай” А/751 дугаар захирамж гаргалаа.
Захирамжийн дагуу 2014 оны энэ
сарын 01-ний өдөр албан үүргээ гүйцэтгэж яваад автомашины ослын улмаас
харамсалтайгаар амь насаа алдсан нийслэлийн Онцгой байдлын газрын Багануур
дүүргийн Онцгой байдлын хэлтсийн дарга, онцгой байдлын хурандаа С.Цэндсүрэн,
гамшгаас хамгаалах улсын хяналтын ахлах байцаагч, онцгой байдлын ахмад
Ж.Эрдэнэбаяр, гал түймрийн улсын хяналтын байцаагч, онцгой байдлын ахмад
Ч.Ганхүү, нягтлан бодогч, онцгой байдлын ахмад Б.Намжилмаа нарын ар гэрт тус
бүр 1.000.000  төгрөгийн буцалтгүй тусламж  олгохоор шийдвэрлэжээ.

УИХ-ын дарга
З.Энхболд өөрийн твитертээ   “ Эрдэнэтэд Монгол-Оросын хамтарсан молебдин боловсруулах
үйлдвэр ашиглалтад орлоо. 250 байнгын ажлын байр” хэмээн мэдээлжээ.

Зам тээврийн сайд А.Гансүх өөрийн
хариуцдаг салбарын тэргүүлэх инженерүүдийн нэг Ц.Батын жиргээгээр шүүмжилсэнийх
нь төлөө эрүүгийн хэрэг үүсгүүлэхээр гомдол гаргасан билээ. Түүний гаргасан
гомдлын дагуу өдгөө Ц.Бат 100 хоногийн хугацаагаар баривчлах ял авч хоригдоод
байгаа. Ц.Батыг эрх чөлөөгөө хасуулснаас хойш долоо
хоногийн дараа сайд Гансүх түүний жиргээнд хэрхэн гомдсон тухайгаа Монгол
ТВ-ийн  “Оргил цаг” хөтөлбөрийн үеэр анх удаа ам нээж, ингэхдээ
Ц.Батыг өөрөөс нь “албан тушаал гуйсан, мөн Ц.Бат нь удирдах албан тушаалд
тэнцээгүй” гэх мэтээр буруутгасан юм.

Сайд А.Гансүхийн ярилцлагын дараа
цахим ертөнцийн жиргээчид Ц.Батыг үнэхээр иргэний нисэхийн салбарт дарга болж
чадах хүн мөн эсэхээр шуугилдаж эхэлсэн юм. Зарим нь түүнийг мэргэжлийн сайн
удирдагч байх байсан гэж үзсэн бол зарим нь сайд эгчийнхээ оролцоотойгоор албан
тушаалд хүрэх гэж оролдсон гэж үзэж буруутгасан юм. Гэвч Ц.Батын эгч
Ц.Оюунгэрэл дүүгээ салбарынх нь сайдтай зөвхөн уулзуулж өгсөн, дүү нь
мэргэжлийн хувьд салбартаа үнэхээр хүлээн зөвшөөрөгдсөн нэгэн хэмээн хариу
мэдэгдээд байгаа юм.

Баримтаас үзэхүл Ц.Бат, А.Гансүх
нарыг ИНЕГ-ын асуудлаар УИХ-ын гишүүн Ц.Оюунгэрэлийн өрөөнд уулзахаас дор хаяж
 хоёр сарын өмнө, тухайн үед Зам тээврийн сайдад нэр нь нэгэнт дэвшээд
байсан, УИХ-аар орж батлагдахаа хүлээн дуншиж байсан сайд А.Гансүхийн нэр дээр
нисэхийн салбарын дөрвөн холбооноос Ц.Батыг Иргэний Нисэхийн
Ерөнхий газрын даргад нэр дэвшүүлж, дэмжиж өгөхийг хүсч хамтарсан уриалга
илгээж байжээ.  

онголын Нисэх буудлуудын холбоо,
Монголын нисгэгчидийн холбоо, Монголын агаарын хөлгийн инженер техникийн
ажилчидын холбоо, Монголын агаарын спортын холбоодоос тус тус хамтран илгээсэн
уг уриалгад Ц.Батын нисэхийн салбарт хийж бүтээсэн зүйлийг салбарынхан нь
хэрхэн өндрөөр үнэлдэгээ сайд болох А.Гансүхэд мэдэгдсэн нь тэр байж.

Яармагийн
гүүрнээс Нисэх-Нисэхийн товчоо, Сонсголонгийн уулзвараас Яармагийн товчоо
хүртэлх 13.7 км авто замын ажлын явц 90 хувьтай үргэлжилж байна. Уг ажил улсын
төсвийн хөрөнгө оруулалтаар хэрэгжиж буй.  Замын  нийт
 уртад суурь хучилт, 9 км замд өнгө хучилт, 10 км замын хоёр хажуугаар
явган хүний зам хийгээд байна. 2012 оноос он дамжин баригдаж байгаа энэхүү
замыг есдүгээр сардаа багтаан ашиглалтад өгөх юм.
Замын зорчих хэсгийн өргөн – 11.5*2=23 м, Явган хүний зам  4 м,
Тусгаарлах зурвас 8 м, Замын нийт өргөн 46 м байх юм.  Хучилтын хийцийн
хувьд асфальтобетон хучилт дээд үе – 4 см, доод суурь хучилт 5 см, буталсан
чулуун суурь үе – 20 см, Хөлдөлтөөс хамгаалах үе – 45 см байна гэж
Нийслэлийн Автозамын газраас мэдээллээ.

Хуш
модны самрын болц аравдугаар сарын 15-наас эхэлдэг бөгөөд “Ойн дагалт баялаг
хамгаалах, зохистой ашиглах журам”-аар энэ үеэс самар түүх албан ёсны
зөвшөөрлийг олгодог гэж МХЕГ-аас мэдээлэв.

Журмаар
иргэн, аж ахуйн нэгж байгууллага ойгоос шинжилгээ, судалгааны зориулалтаар нэг
удаа 10 кг хүртэл, иргэнд ахуйн зориулалтаар нэг удаа 25 кг хүртэлх дагалт
баялаг түүж бэлтгэхийг зөвшөөрдөг байна. Зөвшөөрлийг орон нутгийн Ойн ангиар
дамжуулж олгох бөгөөд ойн анги байхгүй тохиолдолд тухайн нутаг дэвсгэрийн
байгаль хамгаалагч олгоно.

Болц
гүйцээгүй боргоцой нь мөчрөөс салж унахдаа хялбар биш учир модны гол ишийг
мунаар хүчтэй цохиж, мөчрийг хугалан түүж, хуш модны гол иш, титмийг гэмтээдэг.
Түүнчлэн болц гүйцээгүй самар нь давирхайлаг учир нян, вирусаар амархан
бохирдож, халдварт өвчин тараах нөхцөл болдог аж. Иймд холбогдох хууль, журамд
заасан хугацаанд нь самрыг түүж бэлтгэх хэрэгтэй юм.

Манай
орны байгалийн ойн талбайн 5.6 хувь, ойн нөөцийн 9.2 хувийг хушин ой эзэлдэг
аж.

 Буянт-Ухаа хорооллын хямд үнэтэй
гэгдэх орон сууцанд орохыг хүсэгчид олон ч банкны зээл авч чадахгүй олонхи нь
бүдэрсэн. Байрны урьдчилгаа 30 хувийг төлнө гэдэг жирийн иргэдийн  хувьд хүнд даваа болсныг Буянт-Ухаа тойрсон
үйл явдлууд  харуулсан билээ. Юутай ч
нийслэлийн удирдлага  хүн амын төлбөрийн
чадварт нийцсэн орон сууцанд анхаарал хандуулахаар шийдсэн бололтой. Нийслэлийн Засаг дарга “Зөвлөгөөн зохион байгуулах тухай”  захирамж гаргасан талаар   Нийслэлийн ЗДТГ-ын Хэвлэл мэдээлэл, олон
нийттэй харилцах хэлтсээс мэдээллээ.  

 Зөвлөгөөнийг зохион байгуулах ажлын
хэсгийн даргаар нийслэлийн Засаг даргын Хот байгуулалт, хөрөнгө оруулалтын
асуудал хариуцсан орлогч С.Очирбат ажиллаж байна. “Төлбөрийн чадварт нийцсэн
орон сууцны зорилтот бүлгийг оновчтой тодорхойлох нь” сэдэвт төрийн болон
төрийн бус байгууллагуудын хамтарсан зөвлөгөөн энэ
сарын 09-нд болно.  Хамтарсан зөвлөгөөнийг зохион байгуулахад
шаардагдах 8.750.000 төгрөгийг Тамгын газрын батлагдсан урсгал зардлын төрийн
өмнөөс гүйцэтгүүлэх ажил, үйлчилгээний зардлаас санхүүжүүлэхийг Нийслэлийн Засаг
даргын Тамгын газрын даргад үүрэг болгосон гэнэ шүү.