“Намрын ногоон өдрүүд” нэгдсэн арга хэмжээний хүрээнд “Шилмэл мал-2014” гойд ашиг шимт үржлийн малын үзэсгэлэн, дуудлага худалдаа есдүгээр сарын 12-14-ний өдрүүдэд “Хүй долоон худагт” зохион байгуулах гэж байна. Үйлдвэр, хөдөө аж ахуйн яамнаас хоёр дох жилдээ зохиож буй тус үзэсгэлэн худалдаа нь шинжлэх ухааны үндэслэлтэй мал сүргийг эрүүлжүүлэх, ашиг шим, үржлийн чанарыг дээшлүүлэх, малын удмын санг хамгаалах, сайжруулах, баяжуулах үйл ажиллагааг олон түмэнд танилцуулах зорилготой аж.
Энэ жилийн үзэсгэлэн яармагт Франц цлсаас 20-иод аж ахуй нэгж урилгаар оролцох гэж байгаа нь анхаарал татаж байна. Монгол, Францын хооронд хөдөө аж ахуйн салбар дахь хамтын ажиллагаа сүүлийн хоёр жилд эрчимжин хөгжиж Франц улсын Гадаад харилцааны сайд Лоран Фабиусыг 2013 оны аравдугаар сард Монгол Улсад хийсэн албан айлчлалын үеэр “Монгол-Францын хөдөө аж ахуйн салбарт хамтран ажиллах Санамж бичиг”-ийг байгуулан бататгасан билээ.
Монгол Улсын Засгийн газрын хот суурин газрын хүн амыг шинэ сүү, сүүн бүтээгдэхүүнээр тогтмол хангах зорилтыг хэрэгжүүлэх зорилгоор эрчимжсэн фермерийн аж ахуй нэгжүүд эрчимтэй байгуулан өндөр ашиг шимтэй үүлдэрийн малыг импортлон оруулж ирэх болсон билээ. Энэхүү хэрэгцээг хангахаар Франц улсаас мах, сүүний чиглэлийн үхэр, ямааг Монголын аж ахуй нэгжүүд оруулж ирж байна. Эдгээр аж ахуй нэгжүүдийн үйл ажиллагаа, Францын өндөр ашиг шимт үүлдрийн малыг Монголын хэрэглэгчдэд таниулах зорилгоор энэ жилийн “Шилмэл Мал 2014” үзэсгэлэн яармагт Францын аж ахуй нэгжүүд оролцож байгаа юм.
Дашрамд дурдахад Франц улсаас оруулж ирж буй мах, сүүний чиглэлийн үхэр, ямааг хэрхэн нутагшуулах болон малын үржил, селекцийг францууд хэрхэн явуулдаг талаар арга туршлага солилцох зорилго бүхий семинарыг Монгол Улсын ҮХААЯ, БН Франц Улсаас Монгол Улсад суугаа ЭСЯ, Францын Мал аж ахуйн хүрээлэнтэй хамтран өнөөдөр ҮХААЯ-нд зохион байгуулж байгаа юм.
лэл хийлээ. Тэдний мэдэгдсэнээр энэ хичээлийн жилд тус сургуулийн сургалтын төлбөр 13 хувиар нэмэгдсэн ч багш, оюутнуудад зориулсан ямар ч үйлчилгээ явуулаагүй, нэмээгүй байна. Тус сургуулийн төлбөр өнгөрсөн жил нэг кредит нь 44515 байсан бол энэ жил 53000 болжээ. Ингэхээр нийт төлбөр нь хоёр сая гарч байгаа аж. Оюутны холбооны зүгээс төлбөр нэмсэн үндэслэлийг албан ёсны тайлбарлуулахыг хүссэн боловч хариу ирүүлэхгүй байгаа аж.
БНХАУ-ын Засгийн газрын буцалтгүй тусламжаар хэрэгжүүлж байгаа Бээжингийн гудамжны 0.9 км авто зам, 74 у/м гүүрийн өргөтгөл, шинэчлэлтийн ажил явагдаж байгаа билээ. Уг ажлын хүрээнд энэ сарын 20-ноос эхлэн арав хоногийн хугацаатай ШУТИС-ийн уулзвараас зүүн тийш авто замын хөдөлгөөнийг бүтэн хаахаар болжээ. Энэ хугацаанд өнгө асфальт бетон хучилт, тэмдэг тэмдэглэгээний ажлыг хийх юм байна. 
Баянгол дүүргийн Засаг даргын Тамгын газраас хөл газрын ургамалтай тэмцэх ажлыг зохион байгууллаа. Энэ ажлын хүрээнд хийсэн ажлын тайлангаа Захирагчийн ажлын албаны Тохижилт хог хаягдлын удирдлагын хэлтэст ирүүлсэн юм. Нийт БГД-ийн 20 хорооны орон сууц, гэр хорооллын аж ахуйн нэгж байгууллага, иргэд нийтийн эзэмшлийн болон байгууллага ойр орчмыг 150 байршлын шарилж, хогийн ургамлыг цэвэрлэсэн. Энэ үеэр Баянгол Шинэ-Өргөө ОНӨААТҮГ дүүргийн хэмжээнд шарилж цэвэрлэх ажлыг зохион байгуулсан. Тус цэвэрлэгээгээр хог тээврийн 28 машин, нэг дугуйт ковш ачигчаар 77 удаагийн рейс хийн 358.1 тонн хогийг ачиж тээвэрлэсэн байна.
“Шилмэл мал-2014” арга хэмжээг маргааш Хүй долоон худаг дахь “Монгол наадам цогцолбор”-т зохион байгуулахаар болжээ. Hоёр өдрийн турш үргэлжлэх тус арга хэмжээ нь үржлийн шилмэл мал шалгаруулах, үнэ хаялцуулан худалдаалах, өндөр ашиг шимтэй мал, амьтныг сурталчилан олон нийтэд таниулах зорилготой ажээ.
МУИС-ийн номын сангийн барилгын шавыг тавих ёслол маргааш тус сургуулийн хичээлийн нэгдүгээр байрны дэргэд 11.40-13.00 цагийн хооронд болох аж. Ёслолд Боловсрол, шинжлэх ухааны сайд Л.Гантөмөр, МУИС-ийн захирал А.Галтбаяр болон бусад хүмүүс оролцох аж. МУИС-ийн шинэ номын сан баригдсанаар номын сангаас зургийн үзэсгэлэн, номын нээлт, эрдэм шинжилгээний уншлага хийх, санаачлах, зохион байгуулах бусад салбаруудтай хамтран эрдэм шинжилгээний төсөл хэрэгжүүлэх зэрэг олон талт үйл ажиллагаа явуулах бүрэн боломжтой болно хэмээн үзжээ.
Монгол улс 1990 онд НҮБ-ын Хүүхдийн эрхийн тухай конвенцид нэгдэн орсноос хойш хэрэгжилтийн талаарх тав дахь удаагийн үндэсний тайлан илтгэлээ боловсруулжээ. Хүүхдийн эрхийн конвенцийн хэрэгжилтийн үндэсний 5 дугаар тайлан илтгэлийн Ажлын хэсгийн өргөтгөсөн хэлэлцүүлэг өнөөдөр болох юм байна.
“Гал үндэстэн” холбооны тэргүүн Ц.Мөнхбаяр шоронд хоригдож байгаа билээ. Тэрээр өнгөрсөн хугацаанд монгол бичиг сурсан бөгөөд Ерөнхийлөгчид хандан захидал бичжээ. Тэрээр захидалдаа “Монгол улсын Ерөнхийлөгч Цахиагийн Элбэгдорж танд Гомдол хүсэлт өргөн мэдүүлэх нь