“Miss World Mongolia-2014” тэмцээний финалын шалгаруулалт өнөөдөр 18.00
цагаас УДЭТ-т болно. Шилдэг арван миссээс нэг нь үндэсний ялагч болж,
дэлхийн миссийн тэмцээнд эх орноо төлөөлөн оролцох юм.
Дэлхийн миссийн тэмцээнд оролцох Монголын арав дахь мисс өнөөдөр УДЭТ-ын тайзнаас тодрох юм. Шилдэг арван мисстээ амжилт хүсье!
“Норжин” худалдааны төвөөс лаазтай загас
автал улаан өтнүүд байна ямар учиртайг шалгаж өгнө үү” гэсэн иргэний
мэдээллийн дагуу 2014 оны тавдугаар сарын 15-ны өдөр Баянзүрх дүүрэг дэх
Мэргэжлийн хяналтын хэлтсийн улсын байцаагчид “Сонгинохангай” ХХК-ийн
“Миний дэлгүүр-102” салбарт худалдаалагдаж байсан “Монгол саплай чэйн”
ХХК-ийн ОХУ-ын “Титан” ХХК-аас импортоор оруулж ирсэн 2013 оны 12 дугаар
сарын 13-ны өдөр үйлдвэрлэгдсэн, 4680009030015 цувралын дугаартай
“Сайра” нэрийн нөөшилсөн загасны дээжийг МХЕГ-ын хүнсний үндэсний
лавлагаа лабораторид шинжлүүлэхэд паразитлогийн шинжилгээнд оруулжээ.
Ингэхэд /”Асоnthocepha-laeocantpcepala” скребни/ нэртэй загасанд
шимэгчилэн амьдардаг шимэгч хорхой үхсэн хэлбэрээр илэрсэн байна.
Иймд “Сонгинохангай” ХХК-д улсын
байцаагчийн акт хүргүүлэн дээрх үйлдвэрлэсэн огноо, цувралын дугаартай
нөөшилсөн “Сайра” загасны худалдаалалтыг хориглож, 26595 ширхэг сайра
загасыг худалдааны сүлжээнээс татан авахуулж, олон нийтэд сэрэмжлүүлэг
хийсэн байна. Уг цувралын бүтээгдэхүүн нь 2014.04.15-нд ОХУ-аас
Алтанбулаг боомтоор 36000 ширхэг орж ирсэн байна. Татан авсан
бүтээгдэхүүнээс давтан түүвэрчилэн дээж авч, МХЕГ-ын хүнсний үндэсний
лавлагаа лаборатори, Нийслэлийн мэргэжлийн хяналтын газрын төв
лаборатори, Улсын мал эмнэлгийн ариун цэврийн тев лабораториудад нийт
110 дээж шинжлүүлсэний 20 ширхэг бүтээгдэхүүнд буюу 18.1%-д дахин шимэгч
хорхой илэрсэн байна.
Тиймээс МХЕГ-аас экспортлогч ОХУ-ын
Улаан Үд хотын Титан ХХК-д энэ талаар мэдээлж, харилцан зөвшилцсөний
үндсэн дээр МХЕГ-ын даргын 1/2376 тоот албан тоотоор нөөшилсөн загасыг
экспортлогч ОХУ-ын “Титан” компанид буцаах шийдвэр гарчээ. Ингээд 2014
оны 09 дүгээр сарын 16-ны өдөр “Монгол саплай чейн” ХХК-ий түгээлтийн
нэгдсэн төвд битүүмжилсэн 26220 ширхэг бүтээгдэхүүнийг Монгол Улсын
хилээр гаргаж байгаа аж.
Тус шийдвэр нь хамтын шийдвэр байсан
бөгөөд МХЕГ, үйлдвэрлэгч тал, импортлогч тал харилцан зөвшилцсөний
үндсэн дээр шийдвэрлэсэн асуудал юм байна. Үйлдвэрлэгч тал болон ОХУ-ын
хяналтын байгууллагын зүгээс тайлбарлаж байгаагаар тухайн үхсэн шимэгч
хорхойн хүний биед сөрөг нөлөөгүй гэж тайлбарлаж байгаа аж, Гэвч олон
улсад мөрдөгдөж байгаа САС-ын стандартаар нөөшилсөн хүнсний
бүтээгдэхүүнд гадны хольц байхгүй гэсэн заалтыг үндэслэн тухайн
үйлдвэрлэгчийн технологийн алдаанаас үүдэлтэй гэж үзсэн байна.
Соёл, спорт аялал жуулчлалын яам, “Номын
соёлт ертөнц” төрийн бус байгууллагаас зохион байгуулж буй “Номын баяр”
өнөөдөр Чингисийн талбай дээр болж байна.
Уламжлал ёсоороо 16 дахь баярын хүндэт зочид нь ахмад зохиолчид байх
бөгөөд хүндэтгэлийн улаан хивсний ёслол юм. Мөн харааны бэрхшээлтэй
иргэдийн номын сангийн эрх зүйн орчин, номын сангийн шинэлэг үйлчилгээ,
номын зах зээл сэдвээр илтгэл тавигдана.
“Номын баяр” өдрөөр тэргүүний уншигч хүүхдүүдэд шагнал гардуулах, үнэт
ховор номын үзэсгэлэн, хамгийн их уншлагад гарсан, уншлагад гараагүй
номын үзэсгэлэн, Ардын уран зохиолчдын бүтээлийн үзэсгэлэн, хамгийн их
уншигддаг уран зохиолын номын рейтингийг тогтоох юм. Мөн номын сангийн
шинэлэг үйлчилгээг танилцуулах, ахмад зохиолчид хүндэтгэлийн дэвтэрт
дурсгалын үг бичих, зураг авахуулах, номын хандив, зохиолчдын гарын
үсэгтэй худалдаа, шинэ номын нээлт, зохиолчидтой хийх уулзалт зэрэг ном
тойрсон олон олон үйл явдал болж байна.
Ахмад зохиолчид өөрсдийн ном бүтээлээ сурталчлан оролцож, гарын үсэгтэй
худалдаалах юм. Мөн ном эрхлэн гаргагч байгууллагууд номоо 5-50%
хямдруулан худалдаална. Зохион байгуулагчдын зүгээс төрийн болон
бизнесийн байгууллагуудад хандан номын салбарын хөгжилд хувь нэмрээ
оруулж, ном худалдан авч, тархи оюунаа цэнэглэн оюундаа хөрөнгө
оруулахыг уриалж байгааг дуулгалаа.
“Номын баяр” өнөөдөр буюу есдүгээр сарын 20-ны 11.00-19.00 цагийн хооронд болно.
Төв аймгийн Алтанбулаг сумын хоёрдугаар багийн малчин А-гийн азарга
галзуурчээ. Уг азарга унага татаж байсан хүний бугалганаас хазаж
гэмтээсэн байна. Галзуурсан азарганд хазуулсан хүн Улаанбаатар хотод
эмчлүүлж байгаа аж. Харин галзуу өвчний сэжигтэй үхсэн азарганаас дээж
авч, Улсын мал эмнэлэг, ариун цэврийн төв лабораторид хүргүүлжээ. Уг
азарга өнгөрөгч долоодугаар сарын нэгэнд чононд ноцуулсан аж. Тухайн үед
уг чоныг авлан тархи, хэл, ходоод, засаа зэргийг нь хэд хэдэн хүн авч
хэрэглэсэн мэдээтэй байна.
б
Үүнээс гадна Булган аймгийн Баяннуур сумын хоёрдугаар багийн малчны үхэр
үхсэн дуудлагын дагуу энэ сарын 17-ны өдөр малын эмч газар дээр нь
ажиллан, галзуу өвчний шинж тэмдэг болохыг оношилжээ. Улмаар сумын
Гамшгаас хамгаалах штабаас албаны бүрэлдэхүүн гарч, үхсэн үхрээс дээж
авч аймгийн мал эмнэлгийн лабораторид хүргүүлэн, үлдэгдлийг заавар,
журмын дагуу шатаан булж, ариутгал халдваргүйжүүлэлтийг хийжээ.
Шинжилгээний дүнгээр галзуу өвчин болох нь тогтоогдсон тул сумын Засаг
даргын захирамжаар энэ сарын 18-наас 14 хоногийн хугацаатай
хязгаарлалтын дэглэм тогтоогоод байна.
Энэ онд нийслэл хот орон сууцны хороолол дотор болон нийтийн зам талбай
орчмын таван байршилд нийт 3,5 км борооны ус зайлуулах шугам хоолойг
угсрах ажилд Замын сангийн хөрөнгөөс 2.6 тэрбум төгрөг зарцууллаа.
Нийслэлийн Худалдан авах ажиллагааны газар эдгээр ажлын тендер зохион
байгуулалтыг оны эхний хагаст багтаан дуусгаж шуурхай ажилласан байна.
3-5 сард шалгарсан компаниудын гэрээ байгуулагдсан бөгөөд өнөөдрийн
байдлаар гүйцэтгэл 100 хувь дуусч, комисст хүлээлэн өгчээ.
Чингэлтэй дүүргийн 1-р хороо, Жуулчны гудамжаас Жигжиджавын гудамж
орчимд “Наран тойром” ХХК, Баянгол дүүргийн 3-р хороо, Төмөр замын ЗЦГ,
Ган зам зочид буудлын орчимд “Нэмэх сүлжээ” ХХК, Баянзүрх дүүргийн 13-р
хороолол, 21-р байр орчимд “Гэрэлт ой” ХХК, Чингэлтэй дүүргийн 5, 6-р
хорооны нутаг дэвсгэрт “Есөн талст оргил констракшн” ХХК,
Амгалан-Ботаникийн троллейбусны эцсийн буудлаас Улиастайн гүүр хүртэл
“Набсан” ХХК тус тус борооны ус зайлуулах шугам хоолойг суурилуулж
дуусгалаа. Ингэснээр тус хэсэгт борооны ус тогтохгүй, шавар шалбааг
үүсч, нарийн тоос шороо босохооргүй болжээ.
“Хьюндэй моторс” компанийн зүгээс өчигдөр буюу есдүгээр сарын 19-ны өдөр
Хэвлэлийн хүрээлэнд сэтгүүлчдэд мэдээлэл хийлээ. Зарим телевизийн
сувгуудаар “Соната 8” автомашиныг худалдаж авбал дугаар хязгаарлалтад
хамаарахгүй” гэсэн агуулгатай мэдээлэл цацагдсан. Энэхүү асуудлаар
“Хьюндэй моторс” компанийн зүгээс өчигдөр (09.19) мэдээлэл хийлээ.
“Хьюндэй моторс” компанийн маркетингийн менежер А.Амартүвшин “Бид
өнгөрсөн долдугаар сараас эхлэн “Соната-8” авто машины талаарх
мэдээллийг иргэдэд хүргэж эхэлсэн. Ингэхдээ уг авто машиныг худалдан
авсан худалдан авагч дугаарын хязгаарлалттай нэг өдөр авто машины
хязгаарлалтад ажлаа амжуулах бүрэн боломжтой боллоо.” гэсэн мэссэжийг
тараасан. Энэхүү мэссэж олон нийтэд хүрснээс хойш сошиал ертөнцөд
тархсан. Харин зарим телевизийн твиттер дээр бичигдсэн үгээс үндэслэн
буруу ташаа мэдээлэл таржээ. Телевизийн твиттер хуудас дээр ““Соната 8”
машиныг худалдаж авснаар дугаарын хязгаарлалтад хамаарахгүй” гэж бичсэн
байсан. Твиттер хуудасны зайны хэмжээнээс хамааран мэдээлэл дутуу
хүргэгдсэн байна. Текстийг уншихад “Дугаарын хязгаарлалтад
хамаарахгүйгээр ажлаа амжуулах бүрэн боломжтой боллоо гэсэн утгатай
байсан” юм. Харин нийгмийн сүлжээгээр буруу мэдээлэл тарсан учир
тайлбарыг хүргэж байна. “Хьюндэй моторс” нь “Улаанбаатар” такси
компанитай гэрээ хийсэн. Энэхүү гэрээний зорилго нь “Соната-8” худалдаж
авсан хүн гурван сарын хугацаанд тухайн авто машинаа гардаггүй өдөр
өөрийн жолоочтой өөрийн машинтай явж байгаа юм шиг “Улаанбаатар” такси
компанийн такси болон жолоочийг бүтэн өдөр үнэ төлбөргүй хөлсөлж явна
гэсэн үг. Гурван сарын хугацаанд гэхээр нийтдээ 12 удаа энэ хөнгөлөлтийг
эдэлнэ. Ингэхдээ нэг өдөр 80 км-ээс хэтрүүлж явахгүй бөгөөд хэтэрсэн
тохиолдолд таксины мөнгийг нь төлөх аж. Энэ үйлчилгээ нь машин худалдаж
авсан үнэдээ багтсан. Харин зарим телевизээр гарсан мэдээллийн дагуу
буруу ойлголт иргэдэд хүрсэн бололтой. Энэ бол “Хьюндэй моторс” компаний
маркентинг, чөлөөт сэтгэлгээ байсан юм. юм гэв.
Мөн тэд Бид авто машины улсын дугаараар хязгаарладаг замын хөдөлгөөний
зохицуулалтыг эсэргүүцээгүй юм. Бид нийгмийн хариуцлагаа алдаж,
Нийслэлээс, Замын цагдаагаас авч буй үйл ажиллагааг дэмжихгүй байна
гэсэн үйлдэл биш юм. Бид дугаарын хязгаарлалтыг дэмжиж байгаа. Нийгмийн
хариуцлагатай үйл ажиллагаагаа идэвхтэй явуулж ирсэн.” гэв.
Улсын төсвийн орлого найман сарын
байдлаар 623.4 тэрбум төгрөгөөр тасарчээ. Тиймээс зарим ажил
үйлчилгээний зардлыг хумих талаар Сангийн яамнаас анхаарах болсон байна.
Төсвийн хөрөнгөөр худалдан авахаар есдүгээр сарын 19-нөөс хойш гэрээ
байгуулсан бараа, ажил, үйлчилгээний санхүүжилтийг энэ онд олгохгүй
байх, төсөвт байгууллагуудын санхүүжилтийн болон зарцуулалтын мөнгөн
хөрөнгийг бууруулж олгох, шинээр өр төлбөр үүсгэхгүй байхыг Сангийн
сайд, Төсвийн бүх шатны эрх захирагч нарт даалгасан байна. Одоогийн
байдлаар 85.6 тэрбум төгрөгийн дүнтэй хөрөнгө оруулалтын 75 төсөл, арга
хэмжээ, барилга байгууламжийн тендер зарлагдаагүй, гэрээ
байгуулагдаагүй, ажил нь эхлээгүй байгаа аж.
О.САР
Монголын
Залуучуудын холбооны дэргэдэх Залуу дугуйчин клубынхан байгуулагдсан
цагаасаа эхлэн унадаг дугуйн аялал, “Унадаг дугуйтай Улаанбаатар” төслийг
дэмжиж дугуйн парад зохион байгуулах, иргэдийг эко тээврийн хэрэгсэл унахыг
уриалах зэрэг ажлыг зохион байгуулж байгаа. Тэгвэл тус клуыбнхан маргааш Ажиа
Гэгээний санаачлан байгуулсан “Хүүхдийн цусны эмгэг, хавдрын эмнэлэг”-ийн эргэн
тойрныг ойн төгөл болгохоор эхний моддыг тарих юм байна. Энэхүү ажилд
“Цэцэрлэгжилт” ХХК 700 мянган төгрөг үнэтэй модны үндсээр туслалцаа үзүүлж
байгаа бөгөөд мод тарих зааварчилгааг ч өгөх юм аж. Залуу дугуйчин клубынхан
тарьсан модоо Эх нялхсын эмнэлгийн хамт олонд хүлээлгэн өгөх юм байна.
Энэ
оны тавдугаар сард болсон “Energy Mongolia 2014 ” олон улсын хурал,
үзэсгэлэнгийн үер Солонгосын “Asia Holding”, “Hyundai Heavy Industries”,
“Meritz Securities” байгууллагуудтай Улаанбаатар хотын агаарын бохирдлыг
бууруулах, гэр хорооллын цахилгаан ба дулаан хангамжийг сайжруулах зорилгоор
Багц Цахилгаан Станцыг (PPS)-ыг барьж байгуулах, ашиглах боломжийн талаарх
судалгааны төслийг хамтран хэрэгжүүлэхээр “Харилцан ойлголцлын санамж бичиг” ийг
байгуулсан юм. Энэ санамж бичгийн хүрээнд Улаанбаатар хотын гэр хорооллын
хамгийн их утаатай тодорхой байрлалуудад Монгол орны нөхцөлд хямд өртгөөр
дулаан цахилгааныг хослон үйлдвэрлэдэг Багц цахилгаан станцыг суурилуулах
техник эдийн засгийн үндэслэл боловсруулах ажлыг эхлүүлэхээр ЭХЯ-ны харъяа
Эрчим хүчний эдийн засгийн хүрээлэн, Солонгосын “Asia Holding”компанитай
хамтран ажиллах гэрээнд гарын үсэг зурлаа.
Судалгааны
ажлыг 90 хоногийн хугцаанд хийхээр төлөвлөж байгаа бөгөөд судалгааны үр дүнгээс
шалтгаалж Монгол Улсад зөөврийн багц цахилгаан станцыг барьж байгуулах, дулаан,
цахилгаан үйлдвэрлэх асуудал шийдэгдэх юм. Дашрамд дурдахад ЭХЯ-ны харъяа Эрчим
хүчний эдийн засгийн хүрээлэн нь судалгаа, эрдэм шинжилгээний төсөл хөтөлбөрүүд
хэрэгжүүлэх, эрчим хүчний зураг төсөл боловсруулах үйл ажиллагаа эрхэлдэг
төрийн өмчит үйлдвэрийн газар юм.
Сүхбаатар дүүргийн Засаг даргын
Тамгын газар, Хөдөө аж ахуйн их сургуулийн оюутны холбоо хамтран өнгөрсөн жил
Чингисийн талбайг угааж, цэвэрлэн нийслэл хотоо цэвэр цэмцгэр байлгахыг уриалж
байсан.
Тэд энэхүү ажлаа маргааш буюу есдүгээр сарын 20-нд зохион байгуулах гэж байна. Уг ажилд
ХААИС-ийн 2000 оюутан оролцож Чингисийн нэрэмжит талбайг угааж цэвэрлэх юм.
Нийгмийн хариуцлагаа ухамсарлан
нийгэмд хандсан бүтээлч үйл ажиллагаа явуулж буй залуусыг дүүргийн Засаг даргын
Тамгын газраас дэмжин ажиллаж байгаа юм байна.