“Цэцэрлэгийн хашаанд хэсэг залуучууд ахуйн газ үнэрлэн мансуурч орилоод байна” гэсэн мэдээлэл Чингэлтэй дүүргийн цагдаагийн хэлтэст бүртгэгджээ. Тус хэлтсийн алба хаагчид ахуйн хэрэглээний газ үнэрлэн мансуурч байсныг таслан зогсоож шалгаж байна.
Энэ тухай бид олон удаа сонин хэвлэлээс уншиж, телевиз радиогоос үзэж, сонсож байсан ч онцолж, анзаарч үр хүүхдүүддээ хэлж ойлгуулж анхааруулсан нь хэд билээ. Миний хүүхэд яалаа гэж ийм юм хийхэв дээ гэж бодож явтал, хүүхэд нь газ үнэртэж цагдаад дуудагдан шалгагдаад ирэхээр нь сая ухаарсан эцэг эхчүүд олон байна.
Муу ёр гэж мухар сүсэглээд орхих биш нийгэмд бас нэгэн түгшүүр болоод байгаа энэ асуудалд сэрэмжтэй хандаж, хор уршгийг нь хүүхэд залуусдаа ойлгуулах, энэ төрлийн гэмт хэргээс урьдчилан сэргийлэх ажил зохион байгуулах шаардлагатай байна.
Энэ сарын 26 ны өдөр буюу Баасан гарагийн 12.00 цагт Жавзандамба Хутагт Төвд Жононгийн урсгалын болоод зурхайн ухааны эрдэмтэн лам Бэри Агваандорж Зурхайн ухаан болон Цагийн хүрдэн гэж юу болох, таны өдөр тутмын амьдралын мөрт хэрхэн нөлөөлдөг тухай сонирхолтой лекц айлдвар айлдах гэж байна.
Энэ сарын 21-нээс 22-нд шилжих шөнө Зохион байгуулалттай гэмт хэрэгтэй тэмцэх газраас хар тамхины томоохон хоёр бүлэглэл илрүүлжээ. Тодруулбал, Баянгол дүүргийн тавдугаар хороонд орших нэгэн зочид буудлаас долоон хүн, Чингэлтэй дүүргийн дөрөвдүгээр хороонд байрлах бас нэгэн зочид буудлаас таван хүнийг хар тамхи татан мансуурч байхад нь баривчилсан байна. Тэд 25-31 насны залуус байсан бөгөөд тэднийг хорих 461-р ангид цагдан хориод буй юм байна.
Цагдаагийн ерөнхий газрын даргын 2014 оны 08 дугаар сарын 04-ний өдрийн 487-р тушаалаар Баянзүрх дүүрэг дэх цагдаагийн гуравдугаар хэлтсийг байгуулахаар шийдвэрлэсэн. 2014 оны 09 дүгээр сарын 15-ны өдөр тус хэлтэст ажиллах офицер, алба хаагчийн бүрэлдэхүүнийг томилж, үйл ажиллагааг нь эхлүүллээ. 
Манайд төдийлөн идэвхтэй хөгжөөгүй шувууны аж ахуйг тэлэхийн тулд Шинэчлэлийн Засгийн газар хувийн хэвшлийг бодлого, хөрөнгөөр дэмжсэнээр сүүлийн хоёр жилд өндөгний үйлдвэрлэл хоёр дахин нэмэгдэж, тахианы махны үйлдвэрлэл бий болж, шувууны тэжээлийн импортыг 40 хувь буурууллаа гэж “Бүтээн байгуулалтын цаг” уулзалтаар ҮХААЯ-ны Төрийн нарийн бичгийн дарга Х.Золжаргал хэллээ. 
Улаанбаатар хотын хүн амын ундны усны аюулгүй байдлыг хангах хөтөлбөрийг НИТХ-ын ээлжит XIX хуралдаанаар хэлэлцэн баталлаа. Хөтөлбөрийг хэрэгжүүлэх ажлын хүрээнд Улаанбаатар хотын ундны усны эх үүсвэрийн энгийн болон эрүүл ахуй, онцгой дэглэмийн бүсэд хяналт хийж, хашаа хайс, харуул хамгаалалтыг сайжруулах ажлыг үе шаттайгаар зохион байгуулна. Ундны усны эх үүсвэрийн бүсэд барилга байгууламж барьж, айл өрх дураараа буухыг зогсоон, амралт, рашаан сувилал, аялал жуулчлалын үйл ажиллагаа явуулж буй газруудад байгаль орчны нөлөөллийн үнэлгээг дахин явуулах юм. Мөн Туул голын сав газарт хууль зөрчин ашигт малтмал хайсан аж ахуйн нэгжийн тусгай зөвшөөрлийг нь цуцлах, үйл ажиллагааг нь зогсоох арга хэмжээ авна. Ундны усны эх үүсвэрийг гадны халдлагад өртөх, санаатай болон санамсаргүй хүчин зүйлийн нөлөөллөөр бохирдохоос сэргийлэх зорилгоор хяналтын сүлжээг бүрэн автомат системд шилжүүлснээр мэдээлэл удирдлагын шуурхай байдлыг хангах юм.
Дорнод, Ховд, Өмнөговь, Баян-Өлгий аймгийн нисэх буудлууд хөгжлийн бэрхшээлтэй зорчигчдод зориулсан авто машины зогсоолтой болжээ. Олон улсын иргэний нисэхийн байгууллагын зөвлөмжийн дагуу ИНЕГ-аас нисэх буудлуудад хөгжлийн бэрхшээлтэй иргэдэд зориулсан үйлчилгээ бий болгох үүднээс эхний ээлжинд авто машины зогсоолыг тусгайлан тэмдэгжүүлэх, нисэх буудалд орох, гарах тусгай зам тавих ажлуудыг хийгээд байгаа аж. 
Өнөөдөр Уул уурхайн яам болон, Ашигт малтмалын газраас Хайгуулын тусгай зөвшөөрлийг солбицлоор олгох асуудалтай холбогдуулж хэвлэлийнхэнд мэдээлэл хийхээр болжээ. Хэвлэлийн бага хурал 11:30 цагт Уул уурхайн яамны байранд болно.