Бөөрөнхий улаан дотор 40, 50 гэсэн тоо байдаг. стандарт мэддэг хүн бол үүнийг хараад шууд мэдэрнэ. энд машинтай хүний тухай бичээд буйг ойлгож байгаа биз дээ. замын хажууд үзэгдэх энэ тэмдгийг хараад 40, 50 км цагийн хурдтай давхих юм байна гэдэг бодол бидний толгойд автоматаар буух ёстой. Хаазаа хасч, хурдаа тааруулж, орчноо мэдрэх хэрэгтэй. Манайхаас бусад орныхны ой ухаанд бол нэгэнт суучихсан стандарт. Бөөрөнхий дотор 20, 40,
50 гээд л биччихсэн бол оросууд хэдэн милийн хурдтай, америкчууд хичнээн майлтай давхихаа хэнээр ч хэлүүлэлтгүй мэддэг. Хүн хорвоод мэндэлж, ухаан орохдоо аав, ээжийгээ бусдаар заалгалгүй таньдагтай адил. Өглөө бүхэн сайн байна уу гэж өөр хоорондоо мэндэлдэгтэй ижил ой тойнд нь суусан орчин үеийн ёс зүйн код.
тэд яарч байсан ч дүрмээ баримтална. замаар ганцаараа давхилаа ч стандартаа мөрдөнө. Машиндаа хүнтэй, хүнгүй хамаагүй зөвхөн бөөрөнхий улаан дотор юу гэж бичсэнийг л дагадаг. Яагаад гэвэл тэр тоо шинжлэх ухааны судалгаагаар тогтоосон хурдны хязгаар юм.
уг нь Богд уулын араас Яармаг руу тавьсан шинэ замд яг энэ хурдны хязгаар үйлчилдэг юм билээ. тэмдэгт бичсэн тоонд багтаж, хурдаа хязгаарлавал аваар осол хийхгүй, хүний алтан аминд хүрч, хувь заяагаараа тоглохгүй л гэсэн үг. гэтэл манайхан тэр тоог хардаггүй. Хараад юу ч ойлгодоггүй. ойлголоо гэхэд тоодоггүй. Уралдааны замд хөлгийнхөө тэнхээг мэдэн давхих шиг хурдалдаг. уяан дээрээс мориндоо мордсон монгол хүн ихэнхдээ чүү гээд ухасхийдэгтэй адил сайхан замд орсон машинтай монгол хүн хаазаа гишгэдэг.
Ер нь монголчуудад нэг муу зан бий. Хэзээ тийм юм байлаа гэдэг. Дүрэм, журам, стандарт ярихаар ингэж л хэлдэг. Үүнийгээ хээгүй, гүндүүгүй монгол хүний зан гэж сайхнаар тайлбарлах нь бий. гэвч толь шиг зам байлаа ч зоргоороо давхиж болохгүй. Хэзээ тийм юм байлаа гэдэг хээгүй, гүндүүгүй зан ч хэрэггүй. зам дээр найраа байхгүй, цаанаас тогтоосон хурдны хязгаарыг л баримтлах ёстой. орчин үеийн хүн төрөлхтний ёс зүйн энэ кодыг тархиндаа суулгаагүй аваас монголчууд хэзээд ч хэдэн зуугаараа нисч үхэхэд бэлэн болжээ гэдгийг зайсангийн шинэ замаар давхигсад сануулаад байна.
Я.МӨНГӨНЦЭЦЭГ
Аялал жуулчлал, түүнтэй холбоотой үйл ажиллагаа явуулдаг олон салбарынхны хувьд хүлээлт үүсгээд байсан “Найрсаг Улаанбаатар” хөтөлбөр батлагджээ. Зөвхөн нийслэлийн биш Монгол улсын аялал жуулчлалын хөгжилд онцгой чухал нөлөөтэй, нарийн судалгаанд суурилсан, зүй тогтол, гадаад дотоод хүчин зүйлийг тооцож чадсан хэмээн салбарын зөвлөгөөнөөр үнэлэгдэж байсан хөтөлбөрийг хэрэгжүүлэхэд жил бүрийн нийслэлийн төсвийн 5 хувийг зарцуулах аж. Хөтөлбөрийг танилцуулах үеэр нийслэлийн Засаг дарга бөгөөд Улаанбаатар хотын захирагч Э.Бат-үүл “Нийслэлчүүдээ ажлын байртай, ашиг орлоготой болгох гол арга зам нь аялал жуулчлалыг хөгжүүлэх явдал юм. Иргэддээ эдийн засгийн боломж олгохын тулд бид найрсаг Улаанбаатарыг цогцлоох болно.” гэж онцолсон бол нийслэлийн Аялал жуулчлалын газрын дарга Э.Баттулга “Боломж, өрсөлдөөнөөр дүүрэн жуулчлалын зах зээлд өөрийн нөхцөл байдал, бололцоог бодитой дүгнэж, түүнд тохирсон менежментийг цаг алдалгүй хэрэгжүүлж чадсан улс, хот, бизнес эрхлэгчид л амжилт гаргаж байна. Дараагийн жаранд бид одоогийнхоос илүү хурдтай, шинэлэг менежменттэй бүс нутгийн тоглогч байхыг хичээнэ.” гэсэн юм. Дашрамд дурьдахад энэ онд Монгол улсад аялал жуулчлалын салбар үүсч хөгжсөний 60 жилийн ой тохиож байгаа юм.
Эрүүл мэндийн яамны дэргэд Шуурхай удирдлагын төв байгуулагдаж, өнөөдөр нээлтээ хийлээ. Тус төв нь олон улсын эрүүл мэндийн дүрэм, шинэ болон сэргэж буй халдварт өвчинтэй тэмцэх, сэргийлэх стратегийн хүрээнд нийгмийн эрүүл мэндийн ноцтой үйл явдал, халдварт өвчний дэгдэлт, цар тахал, гамшгийн бэлэн байдал, хариу арга хэмжээг шуурхай удирдан зохион байгуулах, шийдвэр гаргагчдыг үнэн зөв, бодит мэдээллээр хангах, салбарын болон салбар хоорондын үйл ажиллагааг уялдуулан зохицуулах үндсэн үүрэгтэй аж.
Өнгөрөгч долоо хоногийн хугацаанд нийслэлийн хэмжээнд золгүй байдлаар нийт 23 хүн нас баржээ.
Нийслэл Улаанбаатараар овоглосон хамгийн анхны Улаанбаатарын Их сургууль МУИС-аас тусгаарласнаа өнөөдөр зарлалаа. Тус сургууль хуучин дөрвөн жилийн турш МУИС-ийн салбар сургууль гэдгээр үйл ажиллагаагаа явуулж байсан. Харин өнөөдөр ийнхүү нийслэлийн харъяа Улаанбаатарын их сургууль болж нээлтээ хийлээ. Улаанбаатарын их сургууль нь БЗД-ийн Кино үйлдвэрийн буудлын хойно байрладаг. Өнөөдрийн нээлтэд Нийслэлийн засаг дарга бөгөөд Улаанбаатар хотын захирагч Э.Бат-Үүл, Нийслэлийн Засаг даргын Нийгмийн хөгжлийг асуудал хариуцсан орлогч Ц.Энхцэнгэл болон тус сургуулийн захирал доктор, профессор С.Байгальсайхан нар оролцлоо. Мөн сургуулийн багш ажилчид болоод үе үеийн төгсөгчдийн төлөөлөл хүрэлцэн ирэв. 
Дүнжингарав худалдааны төвд “Намрын ногоон өдрүүд” арга хэмжээ болж байгаа билээ. “Намрын ногоон өдрүүд”-ийн хүрээнд Монголын хөрсөнд тарьж ургуулсан жимс ногоо, хүнсний бүтээгдэхүүний үзэсгэлэн гарч байгаа. 
Нийслэлийн Баянзүрх дүүргийн 26 дугаар хороонд баригдаж буй “Илсон Деволепмент” компанийн захиалгаар барьж байгаа “Труэ-Эл” орон сууцны 103 дугаар барилгаас өчигдөр орой 18 настай охин унаж, амиа алджээ. 
Булган аймгийн Баяннуур суманд галзуу өвчин гарчээ. Тодруулбал тус сумын хоёрдугаар багийн малчны үхэр үхсэн тухай дуудлагын дагуу энэ сарын 17-ны өдөр малын эмч газар дээр нь ажиллан, галзуу өвчний шинж тэмдэгээр үхсэн болохыг оношилжээ. Улмаар сумын Гамшгаас хамгаалах штабаас албаны бүрэлдэхүүн гарч, үхсэн үхрээс дээж авч аймгийн мал эмнэлгийн лабораторид хүргүүлжээ. Улмаар үлдэгдлийг заавар, журмын дагуу шатаан булж, ариутгал халдваргүйжүүлэлтийг хийжээ. Шинжилгээний дүнгээр галзуу өвчин болох нь тогтоогдсон тул сумын Засаг даргын захирамжаар энэ сарын 18-наас 14 хоногийн хугацаатай хорио цээрийн дэглэм тогтоогоод байгаа юм байна.
Энэ жилээс эхлэн зуслангийн газар өмчлүүлж байгаа билээ. Эхний ээлжинд Сүхбаатар дүүргийн 15 дугаар хорооны Ар хустай, 22 дугаар хорооны Цолмон, Цээнэ, Чингэлтэй дүүргийн 19 дүгээр хорооны Жигжид, Яргайт гэсэн таван байршилд газар өмчлүүлэхээр болсон.
Сэлэнгэ аймгийн Зэлтэрийн боомтыг хөгжүүлэх зөвшөөрлийг Монголын Хил Боомтын үндэсний зөвлөлөөс авчээ. Уг зөвшөөрөлд “Ерөнхий Хөгжлийн төлөвлөгөө”-г батлаад, Хилийн Боомтын ерөнхий газрыг Prophecy Coal-ийн хөгжлийн төвлөгөөг хэрэгжүүлэхэд нэн даруй арга хэмжээ авч ажиллахыг даалгажээ.