Category: нийгэм

Хан-Уул дүүрэг дэх Цагдаагийн I хэлтсээс алба хаагчдын ажлын ачааллаас үүдэлтэй сэтгэл санааны болоод стресс бухимдалыг тогтоох, түүнээс урьдчилан сэргийлэх зорилгоор Нийслэлийн Цагдаагийн газрын сэтгэл зүйчдийн багийг энэ сарын 7-10-ны өдрүүдэд урьж ажиллуулжээ. Тэд тус хэлтсийн алба хаагчидтай ганцаарчлан болон багаар уулзсанаас гадна 10 алба хаагчийг сонгон гэргийд нь “Халамжит хань” өргөмжлөл гардуулсан байна.

Үүнд, Хан-Уул дүүргийн Цагдаагийн нэгдүгээр хэлтсийн жижүүрийн шуурхай албаны жолооч, цагдаагийн ахлах ахлагч Г.Ганзоригийн гэргий Л.Дашдэлэг, хэв журмын офицер, цагдаагийн ахмад Ч.Машбаярын гэргий Р.Доржханд нарыг хэлтсийн даргын зөвлөлийн гишүүд хүлээн авч уулзжээ. Улмаар цагдаагийн алба хаагчийн хүнд хүчир, цаг наргүй ажлыг ойлгож, найдвартай ар тал, түшиг нь болж, дэмжин тусалж, үнэнч зөвлөх нь байж чаддагт талархал илэрхийлж, санал сэтгэгдлийг нь сонссон байна. Дашрамд дурдахад, сэтгэл зүйчдийн баг ажиллуулах үйл ажиллагаа нийслэлийн хэмжээний цагдаагийн бусад дүүргүүдэд үргэлжлэн зохион байгуулагдах юм байна.

АНУ-ын эртний их сургуулиудын нэг, Харвард их сургууль 1636 онд Массачүсэтт мужид анх байгуулагдсан.

1607-1638 онд Англи Улсаас АНУ-д Элчин Сайд байсан Жон Харвард Чарлестаунхувийн номын сан, өв хөрөнгөө байгуулагдаад удаагүй байсан коллежид өвлүүлэн үлдээсэнд талархаж Харвард Их Сургууль гэж нэршсэн.

Харвард их сургуулийн сургалт нь өндөр мэдлэг, чанартай боловсрол эзэмшүүлдэгээрээ дэлхийн эхний 5-т багтдаг сургууль юм.

Харвард их сургууль нь анх 9 оюутантай эхэлж байсан бол өнөөдөр зөвхөн нэг жилийн элсэлтэнд 20000 гаруй оюутнууд Баклавар,Мастер, Доктор мөн төрийн удирдах ажилтнууд дэлхийн өнцөг булан бүрээс хүрэлцэн ирж мэдлэг, чадвараа дээшлүүлэн суралцдаг.

Одоогоор Харвард их сургууль нь 13 мэргэшсэн салбар сургуультай ба богино хугацааны боловсролын программын гол хүчин зүйл нь Харвард Их Сургуулийн тусгай бэлтгэгдсэн суралцах арга барилаар суралцана.

Сургалтын программ нь амьдрал дээр үндэслэгдсэн, асуудлыг оновчтой шийдэх арга барил, харах өнцгийг нэмж, бодит байдал, боломж, шийдвэр гаргахад сургана.

Бодит амьдралд гаргасан амжилт, алдаанд тулгуурлан суралцагч өөрт байгаа ажлын туршлага, мэдлэгээ ашиглан шийдвэр гаргах түвшинд улс орны удирдагч, манлайлагч нарт ихээхэн хамааралтай сургалт юм.

АНУ-ын Харвардын их сургуульд 2014 оны 11 сарын сарын 14-20 ний хооронд болох 7 хоногийн ХАРВАРД ИХ СУРГУУЛИЙН МЭРГЭШҮҮЛЭХ ХӨТӨЛБӨР-ийн хүрээнд суралцах сертифкат олгох сургалтанд таныг урьж байна.

Сургалтын бүртгэл хийж дуусах хугацаа: 2014 оны 10 сарын 16 нд

Сургалтын төлбөр нэг хүн: $ 9500 уг үнэнд Монголоос ирж, очих онгоцны тийзний үнэ ороогүй ба сургалт, буудал, унааны төлбөр багтсан болно.

Сургалт зохион байгуулагч:

“TYSONS CONSULTING LLC”, ” МЭРГЭЖЛИЙН БОЛОВСРОЛЫГ ДЭМЖИХ САН”

Холбоо барих утас: 9911-5702, сургалтын хөтөлбөрийг otgonulzii@gmail.com хаягаар авна уу.

“Монгол нэр томьёо судлал” эрдэм шинжилгээний бага хурал боллоо. Уг эрдэм шинжилгээний хурлыг Монгол улсад нэр томьёоны коммис байгуулагдсаны 90 жилийн ойн хүрээнд Шинжлэх ухааны академи, Монгол судлалыг дэмжих сан, Төрийн хэлний зөвлөлтэй хамтран зохин байгуулж байгаа аж. Эрдэм шинжилгээний хурал өнөөдөр ШУА –ийн хурлын зааланд явагдаж байгаа бөгөөд ОХУ, БНХАУ-ын Өвөр монголын өөртөө засах орон, Бээжин хотын Үндэсний их сургуулийн монголч эрдэмтэд, Монгол улсын ШУА –ийн эрдэмтэн судлаачид нийлсэн 30 гаруй судлаачдын илтгэл тавигдах юм. Тус хуралдаанд Төрийн хэлний зөвлөлийн дарга Ц.Оюунгэрэлийн мэндчилгээг тус зөвлөлийн ажлын албаны дарга Ж.Нэргүй уншиж танилцуулан хурлыг нээсэн бөгөөд нэр томеёоны салбарын үүсэл хөгжил, тулшамдаж буй асуудлын талаарх илтгэлүүдийг хэлэлцүүлсэн юм. Улсын нэр томьёоны комисс нь 1924 онд байгуулагдсан бөгөөд анхны даргаар нь эрдэмтэн доктор Ж.Цэвээн сонгогдож байжээ. Энэ комиссын өнөө цагийн үйл ажиллагааны тухай ШУА -ийн Хэл зохиолын хүрээлэнгийн эрдэм шинжилгээний ахлах мэргэжилтэн О.Шинэбаяраас тодруулахад. “1990 он гарсаар хүний үг хэлэх, үзэл бодлоо илэрхийлэх эрх нээлттэй болсонтой холбоотойгоор нэг үйлийг өөр өөрөөр, олон талаас нь харах, тайлбарлах хэндлага бий болсон. Энэ илэрхийллийн будлиан үүсгэж байна. будлиан үүссэн болохоор аливаа зүйлийг тайлбарлахад саад болоод байгаа юм. ийм учраас нэр томьёрны салбар хороо ажлаа хийх хэрэгтэй байна.Олон улсын нэр томьёоны холбоо шиг тэдний жишгийг дагаж нэр томьёог хэвшүүлэх хэрэгтэй байна” гэсэн юм. Тус эрдмийн хурал нь хоёр өдөр үргэлжлэх бөгөөд хэлэлцүүлгийн дараагаар дүгнэлт боловсхуулан хэвлүүлэх аж.

З.Батхуяг

“Шинэ үе” продакшны жүжигчин Ц.Алдармаа, Д.Оюунтуул нарт холбогдох хэргийн шүүх хурал Эрүүгийн хэргийн II шүүхэд өнөөдөр 08.30 цагт эхэлсэн ч дахин хойшиллоо.

Тодруулбал, шүүгдэгч Д.Оюунтуулын өмгөөлөгч ирээгүй учир шүүхийг гурав хоногоор буюу энэ сарын 16-ныг хүртэл хойшлуулжээ. Шүүгчийн зүгээс шүүх хурлыг дахин хойшлуулахгүйг мэдэгдэж тэднийг Монгол Улсын хилээр гарахгүй байхыг анхааруулав.

Улаанбаатар хотын цагдаагийн даргыг анх удаагаа олон нийтийн санал асуулгаар тодруулах ажил өнгөрсөн долоо хоногт өрнөж, эцсийн дүн гарчээ. Улаанбаатар хотын цагдаагийн даргад олон нийтээс 80 оноо авсан Ч.Болдбаатарыг нэр дэвшүүлэх тогтоол гаргасан байна. Тэрээр Цагдаагийн дээд сургууль, ОХУ-ын Дотоод явдлын яамны Удирдлагын академи төгссөн, эрхзүйч төрийн болоод орон нутгийн удирдлагын менежер мэргэжилтэй, хууль зүйн ухааны магистр цолтой аж.

Өмнө нь Баянгол дүүргийн цагдаагийн хэлтэст мөрдөн байцаагч, Эрүүгийн цагдаагийн газарт төлөөлөгч, Дундговь аймгийн Засаг даргын дэргэдэх Цагдаагийн хэлтсийн дэд дарга, Эрүүгийн цагдаагийн газарт Тасгийн дарга, Сонгинохайрхан дүүрэг дэх Цагдаагийн хэлтсийн даргаар ажиллаж байгаад 2012 оноос Нийслэлийн цагдаагийн газрын дэд дарга, Хэв журам хамгаалах газрын дарга, 2014 оны хоёрдугаар сараас тус газрын даргын түр орлон гүйцэтгэгчээр ажиллаж байжээ. Цагдаагийн даргын албан тушаалд анх зургаан хүн өрсөлдсөн бөгөөд хамгийн сүүлд Ч.Болдбаатар, Д.Цэрэндорж нар тунаж үлдээд байсан билээ.

Аймгийн төвүүдийг нийслэлтэй хатуу хучилттай авто замаар холбох ажил үргэлжилж байна. Энэ хүрээнд аравдугаар сарын 30-ны дотор Өмнөговь, Хөвсгөл, Сүхбаатар аймгуудыг нийслэлтэй хатуу хучилттай авто замаар холбохоор Зам, тээврийн яам зам барилгын гүйцэтгэгч компаниудтай гэрээ байгуулан ажиллаж байгаа ажээ. Саяхан Өмнөговь аймгийн замыг ашиглалтад хүлээлгэн өгсөн бол энэ долоо хоногийн сүүлч гэхэд Хөвсгөл аймгийнхыг, ирэх долоо хоногт Сүхбаатар аймгийн замыг ашиглалтад хүлээж авахыг албаныхан мэдээллээ. Өнөөдрийн байдлаар Хөвсгөл аймгийн замаас 8 км-ын хучилт, Сүхбаатар аймгийн замаас 17 км-ын хучилтын ажил үлджээ.

БНХАУ-ын Тээврийн яамны төлөөлөгчид Улаанбаатар хотноо айлчлан хоёр орны Засгийн газар хоорондын Авто тээврийн хэлэлцээрийн явцын талаар харилцан мэдээлэл солилцжээ. Уулзалтын явцад Улаанбаатар-Тяньжины чиглэлд хоёр талаас тус бүр 10, нийт 20 ачааны автомашинаар тээвэр эхлүүлэх ажлыг ирэх оны хоёрдугаар улиралд багтаан зохион байгуулахаар тохиролцсон байна. Мөн уулзалтаар монгол, хятад хэл дээр тээврийн байгууллага болон жолооч нарт зориулсан гарын авлага боловсруулах ажлын явцтай танилцаж эцсийн хувилбарыг тохирчээ. Уг гарын авлага нь Монгол Улс, БНХАУ-ын автотээвэр, хилийн боомт, замын хөдөлгөөний хууль, дүрэм болон бусад холбогдох хууль тогтоомжийн холбогдох заалтуудыг агуулснаараа худалдаа, тээврийг хөнгөвчлөхөд чухал ач холбогдолтой болохыг Зам, тээврийн яамнаас онцоллоо. Азийн хөгжлийн банкаас санхүүжүүлсэн уг гарын авлагыг энэ онд багтаан хоёр улсын ажлын хэсэг боловсруулж дуусгах бөгөөд ирэх оны эхэнд хэвлүүлэн жолооч, хилийн болон тээврийн байгууллагуудад тараах юм байна.

-БАРИЛГА УГСРАЛТЫН АЖЛЫГ ӨВӨЛ Ч ХИЙХ БОЛОМЖТОЙ БОЛЛОО-

Барилгын салбарт их бүтээн байгуулалт авчрах төмөр бетон хана хийцийн “Weiler” үйлдвэр нээлтээ хийлээ. Тус үйлдвэрийг “Гранд байшин” ХХКБарилга хот байгуулалтын яамны “Барилга орон сууцны үнийг тогтворжуулах” бодлогын хүрээнд Монгол банкны санхүүжилтээр Улаанбаатар хотын банкаар дамжуулан санхүүжүүлж барьсан юм байна. Ингэснээр манай улсын барилгын салбар эрчимтэй хөгжих юм. Өөрөөр хэлбэл, барилгын ажлыг хүйтний улиралд зогсоодог үе өнгөрөх нь ээ. Учир нь жилийн дөрвөн улиралд, цаг агаарын ямар ч нөхцөлд барилгын ажил явуулах боломжтой болж байгаа аж.”Weiler” үйлдвэр нь угсармал бетон ханын хавтан хийц эдлэлийн хамгийн сүүлийн үеийн дэвшилтэт технологийг Монголын зах зээлд нэвтрүүлж орон сууцны үнийг тогтвортой барих, барилгын салбарт шинэ эрин үеийг бий болгох юм байна.

“Weiler” үйлдвэр нь жилд 200 мянган м2 барилгад шаардлагатай ханын болон бусад хавтангуудыг үйлдвэрлэх хүчин чадалтай юм байна. Дээврийн болон давхар дундын хучилтын хавтан, гадна болон дотор ханын гулдмай хавтан, дам нуруу, багана, шат үйлдвэрлэх иж бүрэн тоног төхөөрөмжтөй, бетон зуурмагийн үйлдвэртэй, олон улсын стандартад нийцсэн лабораторитой, бүрэн автоматжуулсан цогц үйлдвэр сүндэрлэн бослоо.

Тус үйлдвэр хүйтний улиралд ч барилга угсралтын ажил явагдах нөхцөлийг бүрдүүлснээр барилга угсралтын өртөгийг хамгийн багадаа 25 хувиар бууруулж хямд өртөгөөр чанартай барилга, орон сууцыг улирлын хамааралгүйгээр барих боломжийг олгож байгаа юм. Үйлдвэрийн хүчин чадал өдөрт 40 ширхэг хучилтын хавтан, 10 ширхэг гадна ханын даацын хавтан, 10 ширхэг дотор ханын хавтан, 16 ширхэг дам нуруу болон багана, хоёр ширхэг шат үйлдвэрлэх гэнэ.

Орчин үеийн иргэний болон үйлдвэрлэлийн барилга, эрчим хүч, зам, гүүрний барилга угсралтын материалын салбарт хүч түрэн орж ирж буй шинэ технологи бол бетон хавтангийн үйлдвэрлэл аж.Угсармал бетон хавтан ашиглан барилга барих нь маш хурдан технологи гэдгийг 1960-1980 оны сүүл хүртэлх 20 гаруйхан жилийн хугацаанд баригдсан хэдэн арван хорооллууд бодит жишээ болж батлан харуулснаар бидэнд нэгэнт хүлээн зөвшөөрөгдсөн билээ. Гэхдээ Орос технологийн барилгуудыг хүйтэн гэдэг ойлголт байдаг учраас угсармал барилга хүйтэн гэж ерөнхийд нь дүгнэх нь бий. Харин “Weiler” үйлдвэр нь энэ ойлголтоос ангид бөгөөд дулаан, дуу тусгаарлалт сайтай, чанартай, удаан эдэлгээтэй угсармал бетоныг үйлдвэрлэдэг аж.

Бүтээгдэхүүний чанарын болон хадгалах тээвэрлэх стандарт нь Монгол улсын MNS1070-2009, MNS3602-83, MNS5772-2011, MNS1008-82 чанарын стандартуудын шаардлагыг бүрэн хангасан “Weiler” компанийн тоног төхөөрөмжийг дэлхийн 32 улсад хэрэглэж байгаа аж. Уг технологиор Японд 68 давхар барилгыг барьж байжээ.

Үйлдвэрлэлийн хувьд бүрэн автомат технологитой учраас ажлын бүтээмж дээшлүүлж, хөдөлмөр зарцуулалтыг багасгаж байгаа аж. Үйлдвэрлэсэн бүтээгдэхүүн нь чанарын хувьд евро стандартыг хангаж үйлдвэрлэх бүтээгдэхүүнээ газар хөдлөлтийн 7,8,9 баллын чичирхийлэлд тооцож үйлдвэрлэдэг байна. Бүтээгдэхүүнүүд нь дулаан алдалт бага, дуу тусгаарлах чанараар толгой цохидог аж. Иргэний ба үйлдвэрлэлийн барилга угсралтын салбараас гадна эрчим хүч, зам гүүрийн барилгад шаардлагатай бүтээгдэхүүнүүдийг үйлдвэрлэх боломжтой юм билээ. Мөн зах зээл, хэрэглэгчийн хүсэлтээр бүтээгдэхүүний нэр төрлийн шинэчлэл хийж шинэ бүтээгдэхүүнүүдийг үйлдвэрлэх боломжтой аж. Тухайлбал, бүх төрлийн бетон хана хашаа, замын хашлага, төмөр замын дэр бетон, үерийн даланг хийж болох юм байна.

Барилга угсралтын явцад гарах давуу тал нь тоосгон даацын ханатай угсармал хучилттай барилгын бүтээцийн угсралтын схемтэй төстэй боловч барилгыг бүрэн угсармалжуулж чадсанаар монголын байгаль цаг уурын нөхцөлджилийн дөрвөн улиралд барилга угсралтын ажлыг явуулах боломжтой болж байгаа юм. Барилгын талбайн угсралтын ажилд ажиллах хүчийг тав дахин бууруулж байгаагаараа онцлог. Барилгын талбайд нойтон цутгалтын ажил маш бага хийгдэх юм билээ. Барилгын заслын ажлыг хоёр дахин багасгаж, материал зарцуулалтыг хэмнэнэ. Архитектурын онцлог шийдлийг инженерийн хийцлэлтэй хослуулан угсармал хавтан бүрт цахилгааны монтаж хийх, ариун цэврийн өрөөний плита, барилгад гарах нүхтэй бүтээгдэхүүнүүдийг хялбар найдвартай хийх боломжтой болох зэрэг олон давуу талуудтай юм байна.

“Weiler” брэндийн үйлдвэрийн талаар Барилга хот байгуулалтын яамны төрийн нарийн бичгийн дарга Р.Эрдэнэбүрэн “Үйлдвэрийн ач холбогдол бол Монголд өвөл байшин барьж, угсардаг болж байгаад байна. Бүх хана, цонх гээд барилгад хэрэгтэй зүйлээ үйлдвэр дотроо угсарчихаад л бүтээн байгуулалт болж байгаа газар нь аваачаад угсарчихана. Дээр нь Герман технологи, герман чанар буюу олон улсын евро стандарт руу шилжиж буй сайн талтай. Үүнийгээ дагаад өвөл ажил зогсож цаг хугацаа алдахгүй. Мөн хамгийн чухал зүйл нь барилгын материалын үнэ буурна. Тэгэхээр байрны м2-ын үнэ буурч эдийн засгийн ач холбогдол бий болгох юм. Энэ үйлдвэр ийм үндсэн гурван давуу талтай. Энэ үйлдвэрийг барилгын яам Монголбанкны хамтарсан барилгын материалыг дэмжих хөнгөлөлттэй зээлд хамруулсан. Энэ хөнгөлөлтүүдийг барилгын салбарын үнийг барих гэж гаргасан шат дараалсан үйлдвэрүүд ашиглалтад оруулж байгаагийн нэг нь юм” гэж онцоллоо.

“Weiler” брэндийг монгол оруулж ирж буй “Гранд байшин” ХХК-ийн гүйцэтгэх захирал С.Саруулсайханаас үйлдвэрийнх нь талаар сонирхлоо.

–Яагаад заавал “Weiler” технологийг оруулж ирж байгаа юм бол?

-Угсармал бетон хавтан ашиглан барилга барих нь маш хурдан технологи гэдгийн бодит жишээ нь 1960-1980 оны сүүл хүртэлх 20 гаруйхан жилийн хугацаанд баригдсан хорооллуудыг хэлж болно. III-IV хороолол, XI хороолол, XIII хорооллууд угсармал барилгуудыг жишээ татаж болж байна. Тухайн үед Зөвлөлт холбоот улсын үед буцалтгүй тусламжаар барьсан байдаг. Харин “Weiler” брэнд нь 1950-иад оноос хойш Герман улсад үйл ажиллагаагаа явуулж байгаа. Энэ брэнд Герман улсын стандарт болон евро стандартад нийцсэн бүтээгдэхүүн гаргадаг учраас 32 улсад хэрэглэдэг юм.

-“Weiler” технологийн давуу тал юу байна?

-“Weiler” технологи нь хавтангуудыг бетон бүхий холбоосоор холбож өгдөг. Мөн дулаалгыг маш сайн, чанарын өндөр түвшинд хийж дулаан алдалтын асуудлыг оновчтой шийдэж өгсөн учир угсармал барилга өвөл хүйтэн гэсэн ойлголтыг үгүйсгэж чадна. Энэ тал дээр 100 хувийн баталгаа өгч байгаа. Ийм технологиор барьсан барилга газар хөдлөлтийн есөн баллд тэсвэртэй байдаг.

–Барилгаас өөр зүйл хийх үү?

-“Weiler” үйлдвэр нь цаашид дан ганц байшин үйлдвэрлэх бүтээгдэхүүн үйлдвэрлээд зогсохгүй ирээдүйд бүтээгдэхүүнийхээ нэр төрлийг олшруулна. “Weiler” үйлдвэр нь бүх төрлийн бетон хана, хашаа, замын хашлага, төмөр замын дэр бетон, үерийн далан, хурдны зам болон нисэх онгоцны хатуу хучилттай замын үйлдвэрлэл явуулах бүрэн боломжтой.

–Өвлийн улиралд барих боломжтой гэсэн байхаа?

-Үйлдвэрт хана, бетонуудаа бүгдийг нь үйлдвэрлэчих юм. Гадаа хийх нойтон процесс нь бараг байхгүй болчихож байгаа юм. Бүрэн хатсан бетон эдлэлүүдийг гаргаад төслийг хэрэгжүүлж барилга барьж байгаа газраа маш богино хугацаанд угсарчихна. Үйлдвэрт угсарчихаж байгаа учраас чанарын доголдол гардаггүй юм.

“Танайх есөн давхар угсармал барилгыг хэр хурдан хугацаанд барьж дуусах вэ?

“Үйлдвэр дээр бүтээгдэхүүн нь байж байх юм чинь есөн давхар угсармал барилгыг сарын дотор л угсарчихна.

“Шинэ үе” продакшны жүжигчин Ц.Алдармаа, Д.Оюунтуул нарт холбогдох хэргийн шүүх хурал Эрүүгийн хэргийн II шүүхэд өнөөдөр 08.30 цагаас эхэллээ.

Ц.Алдармаа, Д.Оюунтуул нар Орхон аймагт тоглолтоор явж байхдаа маргалдаж, улмаар бие бие рүүгээ буцлам халуун ус цацаж хүнд гэмтэл учруулсан гэх хэргийг өнгөрөгч тавдугаар сараас эхлэн шалгасан юм.

Өнөөдрийн шүүх хуралд Ц.Алдармаа, Д.Оюунтуул болон “Шинэ үе” продакшны жүжигчид хүрэлцэн иржээ. Шүүх хурал үргэлжилж байна.