Category: нийгэм

ЭМЯ-ны Шуурхай удирдлагын төвөөс мэдээлж байна

Монгол Улсын хэмжээнд энэ сарын 09-нөөс 16-ны өдрийн хооронд амбулаториор нийт 157.863 хүн үйлчлүүлсний 7.675 (4.9%) нь Томуу, томуу төст өвчтэй гэж оношлогджээ. Энэ нь өмнөх 7 хоногоос 0.3, өнгөрсөн оны мөн үеэс 0.2 хувиар тус тус их байгаа юм.

Мөн 10,000 хүн амд 29.0 тохиолдол бүртгэгдсэн нь өмнөх 7 хоногоос 4.2, өмнөх оны мөн үеэс 2.4 тохиолдлоор нэмэгдсэн үзүүлэлттэй байна.

Томуу томуу төст өвчин нь вирусээр үүсгэгддэг амьсгалын замын цочмог халдварт өвчин. Халдвар нь амьсгал, агаар дусал, ахуй хавьтлын замаар халдварлана.

Иймээс Томуу, томуу төст өвчнөөс хэрхэн сэргийлэх зөвлөгөөг хүргэж байна.

• Хүйтэн, сэрүүний улирал эхэлж байгаатай холбоотой тохируулан хувцаслах, даарч хөрөхгүй байх

• Гэр сургууль, цэцэрлэг, ажлын байрны өрөө тасалгаанд цаг тутамд 10-15 минут цэвэр агаар оруулж, өдөрт 2-оос доошгүй удаа чийгтэй цэвэрлэгээ хийх

• Илчлэг сайтай, амин дэмээр баялаг хоол хүнс, жимс, жимсгэний шүүс хэрэглэх

• Гараа савандаж угааж хэвших

• Хүүхдийг цэвэр агаарт салхилуулах, хамрын хөндийг байнга цэвэрлэж байх

• Томуу томуу төст өвчнөөс сэргийлэх цэгчилсэн иллэг хийж хэвших

• Үзвэр, үйлчилгээ, олон нийтийн газраар сэлгүүцэхгүй байх

• Ханиах найтаах үедээ ам, хамраа нусны алчуур, сальфеткаар таглах, цэр нус, шүлсээ ил задгай хаяхгүй байх, амны хаалт зүүх

• Томуугийн эсрэг вакциныг ХӨСҮТ-ийн сайн дурын дархлаажуулалтын кабинет (101 тоот өрөө), 21 аймгийн Эрүүл мэндийн газрын дархлаажуулалтын кабинетэд хандан тариулах

• Томуу, томуу төст өвчний шинж тэмдэг илэрвэл гэртээ өөрийгөө тусгаарлах шаардлагатай.

Томуу томуу төст өвчний үед илрэх шинж тэмдэг:

• Халуурах

• Ханиалгах

• Толгой өвдөх

• Үе мөч булчингаар өвдөх

• Хоолой хөндүүрлэх нус гоожих битүүрэх

• Цөөн тохиолдолд бөөлжих суулгах шинж тэмдэг илэрнэ.

Дотоодын нийт бүтээгдэхүүн энэ оны эхний есөн сард өмнөх оны мөн үеэс 5.3 хувиар өсчээ. Аж үйлдвэрийн салбарын үйлдвэрлэл 40 орчим хувь нэмэгдэн 4,8 их наяд төгрөгт хүрсэн нь энэ өсөлтөд гол нөлөө үзүүлсэн гэдгийг Ерөнхий сайд дуулгав. Тэр дундаа уул уурхай 45 хувь, боловсруулах аж үйлдвэр 27 хувь, эрчим хүч үйлдвэрлэл, усан хангамжийн салбар 21 хувь, малын тоо толгой 13 хувь, тариалсан талбайн хэмжээ 6.6 хувиар өссөн байна.

Гадаад худалдааны бараа эргэлт оны эхний 9 сарын байдлаар 8 тэрбум ам.долларт хүрсэн нь өмнөх оны мөн үетэй харьцуулахад 1.8 хувийн өсөлттэй байна. Экспорт 30 хувь өсч, импорт 16 хувь буурснаар гадаад худалдааны алдагдал бараг тэглэгдсэн. Улсын нийт экспортын 90 хувийг бүрдүүлдэг уул уурхайн бүтээгдэхүүн, тэр дундаа нүүрсний ханш дэлхийн зах зээл дээр 31 хувиар буурсан нь манай эдийн засаг, улсын төсөвт олон бэрхшээл үүсгэж байна. Нүүрсний экспорт өмнөх оноос 2,5 сая тонноор нэмэгдсэн ч төлөвлөсөн орлого 300 шахам тэрбум төгрөгөөр тасарсан тул төсөв, санхүүгийн олон зохицуулалт хийх шаардлага үүсгэж байна.

Олон сарын турш тогтвортой хэрэгжүүлсэн бодлогын дүнд инфляцийн түвшин саарч, гадаад валютын төгрөгтэй харьцах ханш тогтворжиж байна. Инфляцийн түвшин гэхэд сүүлийн 3 сарын хугацаанд 14,9 хувиас 13 хувь хүртэл буураад байна. Бүртгэлтэй ажилгүй иргэдийн тоо өмнөх оны энэ үеэс 10 хувиар цөөрч 33,9 мянга болсон ч ажилгүйдлийн түвшин төдийлөн буураагүй байна.

ДЭМБ-ын санхүүжилтээр манай улсад “Далд давсны үйлдвэрлэл хэрэглээг бууруулах бодлого, эрх зүйн орчин бүрдүүлэх” төсөл хэрэгжүүлж буй. Уг төслийн хүрээнд НЭМҮТ-ийн захирлын 2014 оны 09 дүгээр сарын 24-ний өдрийн 239 тоот тушаалаар “Давсны хэрэглээг бууруулах үндэсний стратеги боловсруулах”, “Хүнсний бүтээгдэхүүний шошгололтын үндэсний стандарт боловсруулах”, “Хүн амд зориулсан мэдээлэл сурталчилгааны материал боловсруулах” гэсэн гурван ажлын хэсгийг байгуулан ажиллаж байна. Уг ажлын хэсэг “Давсны хэрэглээг бууруулах үндэсний стратеги боловсруулах” ажлын хэсгийн эхний хурал зохион байгуулагдаж, үндэсний стратегийн эхний төслийг боловсруулаад байгаа аж.

Монгол Улсын Гадаад харилцааны яам, БНХАУ-ын Гадаад хэргийн яам хоорондын хамтын ажиллагааны протоколын дагуу БНХАУ-ын Гадаад хэргийн яамны Азийн газрын дэд захирал Хоу Яньци тэргүүтэй төлөөлөгчид 2014 оны 10 дугаар сарын 14-17-ны өдрүүдэд Монгол Улсад айлчлав. Айлчлалын үеэр төлөөлөгчдийг Гадаад харилцааны яамны Төрийн нарийн бичгийн дарга Б.Болдбаатар, Хөрш орнуудын газрын захирал Т.Төгсбилгүүн нар тус тус хүлээн авч уулзсанаас гадна хоёр улсын ГХЯ-дын залуу дипломатуудын танилцах уулзалт хийв. Айлчлалын хүрээнд төлөөлөгчид Зайсан толгой-цогцолбор, Гандантэгчинлэн хийд, Богд хааны ордон-музейтэй танилцаж, орон нутагт зочлов.

НҮБ-ын Хүнс, хөдөө аж ахуйн байгууллагын БНАСАУ дахь төлөөлөгч Белай Дерза Гага (Belay Derza Gaga) “Хойд Солонгос улс 3-4 жилийн дараа ард иргэдээ өөрийн хүчээр хүнсээр хангаж чаддаг болно. Энэ жил тус улс 6 сая тонн буудай хурааж авна. Ургацын хэмжээ жил ирэх тусам нэмэгдэж байгаа. Хэдийгээр Хойд Солонгост цахилгаан эрчим хүч, түлш, техник дутагдалтай байгаа ч хөдөө аж ахуйн салбар хөгжиж байна” гэж мэдэгджээ.

Тэрбээр мөн Хойд Солонгос хүнсний бүтээгдхүүнээр ард иргэдээ бие даан хангаж чаддаг болоход Монгол улс их үүрэг гүйцэтгэж байгааг дурдаад “Монгол улс 10 мянган толгой мал Хойд Солонгост нийлүүлэх төлөвлөгөөтэй байгаа. Монгол малыг тусгай бүс нутагт үржүүлэн маллаж, Хойд Солонгосын мал аж ахуйн шинэ хөгжлийн бааз суурь тавигдах юм” гэж хэлсэн байна.

“Шүгэлүүгийн аялал” нэртэй бага насны хүүхдэд зориулсан замын хөдөлгөөний дүрмийн тухай ном шинээр гарчээ. Уг ном нь хүүхэд багачуудын насны онцлог, сэтгэхүйд тохирсон мэдлэг олгох комик болсон хэмээн номын зохиогчид хэлж байгаа аж.

Цаг уур, орчны шинжилгээний газраас ирүүлсэн мэдээллээр өнөөдөр баруун болон төвийн нутгийн хойд хэсгээр, 19-нд нутгийн хойд хэсгээр, 20-нд төв болон зүүн зүгийн нутгийн зарим газраар бага зэргийн хур тунадас орох ажээ. Салхи 18-нд зарим газраар секундэд 12-14 метр, 19-нд ихэнх нутгаар, 20-нд говь талын нутгаар секундэд 16-18 метр хүрч шороон шуурга шуурна. Хугацааны эхээр Алтай, Хангай, Хөвсгөл уулархаг нутгаар шөнөдөө 1-6 градус хүйтэн, өдөртөө 6-11 градус, говийн бүс нутгаар шөнөдөө 2-7 градус, өдөртөө 15-20 градус дулаан, бусад нутгаар шөнөдөө 3 градус хүйтнээс 2 градус дулаан, өдөртөө 11-16 градус дулаан байна. Харин маргааш нутгийн хойд хэсгээр, 20-нд төв, зүүн зүгийн нутгаар хүйтрэх юм байна.

Өмнөговь, Баянхонгор, Хөвсгөл, Сүхбаатар, Дундговь, Дорноговь аймгийн төвүүдийг нийслэлтэй хатуу хучилттай замаар холбож дууслаа. Бүтээн байгуулалтын ажилд гар бие оролцож, замаа хугацаанд нь барьж дуусгасан зам, барилгын гүйцэтгэгч, зөвлөх компаниудад Зам, тээврийн сайд А.Гансүх өчигдөр батламж гардууллаа. Шинэчлэлийн Засгийн газар 2016 он гэхэд бүх аймгийн төвийг нийслэлтэй хатуу хучилттай авто замаар холбох томоохон зорилтыг дэвшүүлээд байгаа бөгөөд нийтдээ 5400 гаруй км авто замын ажил хийхээр төлөвлөсөн юм. Үүнээс сүүлийн хоёрхон жилийн хугацаанд 2500 км авто замыг барьж, бүтээн байгуулж чадсан байна. Өнгөрөгч онд Дорноговь, Дундговь, Баянхонгор аймгийн төвүүдийг нийслэлтэй хатуу хучилттай замаар холбосон бол энэ жил Өмнөговь, Хөвсгөл, Сүхбаатар аймгуудыг нийслэлтэй хатуу хучилттай авто замаар холбоод дуусч байна. Өнөөдрийн байдлаар Хөвсгөл аймаг дөрвөн км, Сүхбаатар аймаг 10 гаруй км замын хучилтын ажил л үлдээд байна. Энэ нь ирэх долоо хоногт Сүхбаатар, Хөвсгөл аймгуудын замын ажил үндсэндээ дуусах аж.

Амгалангийн дулааны станц ашиглалтад орсноор нийслэлчүүд өвлийг айх аюулгүй давна гэж албаныхан мэдэгдэж байсан. Тэгвэл байдал эсрэгээрээ эргэж, хотын зүүн хэсгийн оршин суугчдын хувьд өвөлжилт хүндрэх эрсдэл тулгараад байгаа талаар Монголын эрчим хүчний инженерүүдийн холбооны хараат бус гишүүн болох Д.Самдан, А.Бямбадорж, Ч.Сэдэд нар мэдээллээ.

Амгалангийн дулааны станцыгарваннэгдүгээр сард ашиглалтад оруулахаар төлөвлөж байсан ч тодорхой шалтгааны улмаас 2015 оны тавдугаар сараас өмнө ашиглалтад орох боломжгүй болжээ. Үүнд төмөр замын газар доорх бетон байгууламж, станцын бохирын асуудал, технологийн тоног төхөөрөмжийн хяналт хийгээгүй зэрэг гол шалтгаанууд нөлөөлж байгаа аж.

Энэ талаар Монгол Улсын эрчим хүчний салбарын тэргүүлэх инженер, зөвлөх Д.Самдан “Хотын зүүн хэсэгт ашиглалтад орох ёстой дөрөвдүгээр цахилгаан станцын зарим эх үүсвэр 2015 оны дөрөвдүгээр сар хүртэл ашиглалтад орох боломжгүй болсон. Учир нь удирдлага хяналтын системийн ажил хугацаандаа хийгдээгүйн улмаас энэ жил арванхоёрдугаар сарын дундуур турбин ачааллаа бүрэн авч чадахгүйд хүрсэн. Үүнээс үзэхэд энэ жилийн оргил ачааллын үед дахин Оросоос өр тавьж цахилгаан худалдаж авах нөхцөл үүслээ” гэв.

“Хурд” хамтлаг ойдоо зориулж олон арга хэмжээг зохион байгуулж, сонсогч фенүүддээгэнэтийн бэлгүүдийг барьсаар ирсэн билээ. Тус хамтлагийнхан олон гайхалтай үйл ажиллагааныхаа үргэлжлэл болгож өчигдөр орон нутгийн эмнэлгүүдэд хүүхдийн эмчилгээний өндөр үнэ бүхий орчин үеийн техник тоног төхөөрөмжийг хандив болгон өглөө. Уг техник тоног төхөөрөмжийг худалдан авах санхүүжилтийг сонсогч фенүүддээ амласан ёсоороо өнгөрсөн оны арваннэгдүгээр сарын 29,30-нд “Улаанбаатар палас”-ын концертын их танхимд зохион байгуулсан ойн тоглолтынхоо орлого болон алтан пянзныхаа дуудлага худалдааны мөнгөөр бүрдүүлсэн ажээ. Тэд эмнэлгийн тоног төхөөрөмжийг Ховд, Завхан, Баянхонгор, Говь-Алтай зэрэг аймгуудын амаржих газар, хүүхдийн тасгийнханд олгосон юм.