Category: нийгэм

Categories
мэдээ нийгэм

Энэ сарыг 16 настнуудад зориулжээ

МЗХ-оос жил бүр уламжлал болгон Ерөнхий сайдын ивээл дор “Иргэний андгай өргөх ёслол” зохион байгуулдаг. Үүнтэй холбогдуулан арваннэгдүгээр сарыг 16 настнуудын сар болгон зарлаж байгаа талаар өчигдөр Монголын залуучуудын холбооноос мэдээлсэн юм.

Монгол улсад 16 нас хүрсэн хүн иргэний үнэмлэхээ гардан авч, Монгол улсын иргэн болдог. Нэг ёсондоо 16 нас хүрч, өөртөө эзэн болох, нийгмийн амьдралд оролцох оролцоо, боломж нь нэмэгдэж, хариуцлага, үүргээ илүү ухамсарлах хүний амьдралын хамгийн сайхан үе юм.

Энэ сарыг 16 настнуудын сар болгосонтой холбогдуулан Монголын залуучуудын холбооноос орон даяар аян өрнүүлж, олон олон арга хэмжээнүүдийг зохион байгуулах гэж байна.Тухайлбал, тэдэн зориулан “Миний мөрөөдөл-Миний зорилго” мөрөөдлөө зорилго болгох алхам, сургалт лекцүүд, “Спортлог залуу нас” спортын арга хэмжээ, “Эрүүл, идэвхтэй амьдрал” 16 настнуудын явган аялал, “Эдийн засгийн харилцаа” мэдээлэл сургалт, тэдэн санхүүгийн хадгаламжийн үйлчилгээг хэвшүүлэх, “Иргэний андгай өргөх ёслол” зэрэг ажлуудыг зохион байгуулна.

Categories
мэдээ нийгэм

Цагдаагийн музейд 2000 гаруй үзмэр дэлгэгджээ

ЦЕГ-ын Төв архивын газар, Хэвлэл мэдээллийн төв хамтран тус архивын газарт хадгалагдаж байгаа цагдаагийн байгууллагын хөгжлийн түүхийг харуулсан баримт бичиг, фото зургийг олон нийтэд сурталчлах чиглэлээр үйл ажиллагаа зохион байгуулж эхэллээ. Тус музейд үе үеийн цагдаагийн алба хаагчдын эдлэж хэрэглэж байсан эд зүйлс, хувцас хэрэгсэл, одон медаль, ном товхимол бичиг баримтууд гээд 2000 гаруй үзмэр дэлгэгджээ.

Categories
мэдээ нийгэм

Элэгний хорт хавдартай тэмцэх 14 хоногийн аян эхэллээ

Хавдар судлалын үндэсний төв

Сүүлийн жилүүдэд манай оронд төдийгүй дэлхий дахинд хорт хавдрын өвчлөл, нас баралт нэмэгдэж байна.

Дэлхийн эрүүл мэндийн байгууллага, Олон улсын хавдрын судалгааны агентлагийн мэдээгээр 2012 онд дэлхийд 14,1 сая хорт хавдрын шинэ тохиолдол оношлогдсон ба 8,2 сая хүн хорт хавдрын улмаас нас барсан байна. Глобакан 2012 судалгаагаар 2025 он гэхэд дэлхийд жилд 19,3 сая хорт хавдрын шинэ тохиолдол бүртгэгдэнэ гэж тооцоолжээ.

Монгол улсын хүн амын нас баралтын шалтгааны дунд хорт хавдар нь зүрх судасны тогтолцооны өвчний дараа хоёрдугаарт орж, нас барж буй 5 хүний нэг нь хорт хавдрын улмаас нас барж байна. Ийнхүү хорт хавдрын нас баралт өндөр байгаа нь хорт хавдрын өвчлөлийн шинэ тохиолдлын 70 гаруй хувь нь хожуу буюу төгс эмчлэгдэх боломжгүй үе шатандаа оношлогдож буйтай холбоотой. Түүнчлэн манай хүн амын дунд архи, тамхины хэрэглээ өндөр, зохисгүй хооллолт, хөдөлгөөний хомсдол, таргалалт гэх мэт хорт хавдрын эрсдэлт хүчин зүйлсийн тархалт өндөр хэвээр байна. ДЭМБ-ын судалгаагаар орчны хортой нөлөө, хүний амьдралын буруу дадал заншил, зохисгүй хооллолт, архи, тамхи зэрэг эрсдэлт хүчин зүйлсээс сэргийлснээр хорт хавдрын гуравны нэгээс сэргийлэх боломжтой гэдэг нь батлагдсан.

Иймээс хавдрын эрсдэлт хүчин зүйлсээс сэргийлэх, хавдрыг эрт үед нь илрүүлж, эмчлэх боломжийн талаар олон нийтийн мэдлэгийг нэмэгдүүлэх, эрүүл амьдралын дадал, хандлага төлөвшүүлэх нь хорт хавдраас сэргийлэх арга замын нэг билээ.

Монгол Улсын Засгийн газрын 2001 оны 10 сарын 3-ны өдрийн 224 тоот тогтоолын дагуу жил бүрийн 11 сарын эхний 14 хоногт “Хавдартай тэмцэх” 14 хоногийн аян”-ыг зохион байгуулж ирсэн .

Энэ жил Эрүүл мэндийн яам, ДЭМБ-тай хамтран “Элэгний хорт хавдраас сэргийлье” уриан дор энэхүү аяныг зохион байгуулж байна.

Аяны хүрээнд өсвар үе, залууст зориулсан хорт хавдар болон түүнд нөлөөлөх эрсдэлт хүчин зүйлийн талаар Facebook group, twitter ажиллуулж санал солилцож зөвлөгөө мэдээлэл өгөх, хорт хавдар үүсэхэд нөлөөлөх халдварын бус гаралтай хүчин зүйлийн нэг болох зөв зохистой хооллолтын талаар цахим өдөрлөг зохион байгуулах, хорт хавдраас урьдчилан сэргийлэх талаар мэдээлэл, сургалт, сурталчилгааны ажлыг хэвлэл мэдээллийн хэрэгслээр болон санамж, зөвлөмж, зурагт хуудас бэлтгэн олон нийтэд түгээх мөн өдөрлөг, уулзалт зохион байгуулах зэрэг олон төрлийн үйл ажиллагаа хэрэгжүүлж байна.

Categories
мэдээ нийгэм

Азийн хотуудын нөөцийн цогц менежментийг хэлэлцэнэ

“Азийн хотуудын нөөцийн цогц менежмент: Хот байгуулалтын NEXUS бүс нутгийн дөрөв дэх удаагийн олон улсын бага хурал Туушин зочид буудалд эхэллээ. Энэ нь ХБНГУ-ын Эдийн Засгийн Хамтын Ажиллагаа, Хөгжлийн Яамны санхүүжилтээр Германы олон улсын хамтын ажиллагааны нийгэмлэг (GIZ) болон НҮБ-ын Ази, Номхон Далайн Эдийн засаг, Нийгмийн Хороо (UN ESCAP)-ноос 2013-2015 онд Ази, Номхон Далайн бүсийн 6 орны (Хятад, Вьетнам, Индонези, Тайланд, Филлипин, Монгол) 10 хотод хэрэгжүүлэх төсөл юм. Тус төсөлд Улаанбаатар хот 2013 оноос хамрагдаж эхэлжээ.
Азид хурдацтайгаар явагдаж буй хотжих үйл явцад хамгийн ихээр тулгамдсан эрчим хүч – ус – хүнс гэсэн гол гурван нөөцийн хүрэлцээгүй байдлыг харилцан уялдаатай, цогцоор нь төлөвлөж, удирдах аргачлалыг нэвтрүүлэх замаар хотуудын тогтвортой хөгжлийг хангахад төслийн зорилго чиглэгдэж байгаа юм. Хот байгуулалтын Nexus төслийн дөрөв дэх удаагийн бүс нутгийн олон улсын бага хурлын хөтөлбөрийг танилцуулъя.

Хөтөлбөр

Эхний өдөр: 2014.11.05, Лхагва гариг

08.00 – 08.30

Бүртгэл

8.30 – 9.30

Нээлтийн ажиллагаа

  • Хурлыг нээж Нийслэлийн Засаг дарга бөгөөд Улаанбаатар хотын захирагч ноён Э.Бат-Үүл үг хэлнэ (10 min),
  • Хурлыг нээж ХБНГУ-ын Элчин сайд ноён Герхард Тийдэман үг хэлнэ (10 min),
  • Байгаль Орчин, Ногоон Хөгжлийн Сайд хатагтай С.Оюун мэндчилгээ дэвшүүлнэ (10 min),
  • Зам Тээвэр, Барилга, Хот Байгуулалтын Дэд сайд хатагтай Г.Байгалмаа мэндчилгээ дэвшүүлнэ (10 min),
  • Уул Уурхай, Эрчим Хүчний Яамны мэндчилгээ дэвшүүлнэ (10 min)
  • Хурлыг нээж UN ESCAP-ийн Байгаль орчин, Хөгжлийн газрын Хот байгуулалт, тогтвортой хөгжлийн хэлтсийн дарга ноён Донован Сторэй үг хэлнэ (5 min)

09.30 – 10.00

Цайны завсарлага

10.00 – 12.30

Хуралдааны 1-р хэсэг: Танилцуулга

  • Nexus арга зам, Улаанбаатар хотод үзүүлэх үр нөлөө, Б.Бадрал, Улаанбаатар хотын Ерөнхий менежер (20 min),
  • Хот байгуулалтын Nexus концепцийн танилцуулга, ноён Донован Сторэй , UN ESCAP-ийн Байгаль орчин, Хөгжлийн газрын Хот байгуулалт, тогтвортой хөгжлийн хэлтсийн дарга (15 min),
  • Төслийн тойм танилцуулга, 2014 оны 6 дугаар сард болсон гуравдах удаагийн семинараас хойши гарсан ахиц дэвшил, хатагтай Рут Эрлбек, GIZ-ийн Хот байгуулалтын Nexus төслийн захирал (15 min),
  • Ногоон барилга, танилцуулга, ноён Андреас Кауфман, Германы Фраунховэрийн Барилгын физикийн институт (IBP), Барилгын дэвшилтэд технологийн төвийн дарга (20 min),
  • Ногоон барилга, танилцуулга, ноён Ёахим Лониен, Германы Стандартчилалын DIN институт (20 min),
  • Хэлэлцүүлэг

12.30-12.45

Хамтдаа зураг даруулах

12.45 – 13.45

Үдийн зоог

13.45 – 18.00

13.45 – 14.45

Хуралдааны 2-р хэсэг: Хот байгуулалтын Nexus аргачлалыг нэвтрүүлэхэд хуримтлуулсан Улаанбаатар хотын туршлага
Энэхүү хэлэлцүүлгээр Монголд хэрэгжиж буй төсөл арга хэмжээнүүдтэй уялдуулан Nexus санаачлагуудыг бэхжүүлэх боломжуудыг эрэлхийлж “Ухаалаг бөгөөд тогтвортой хот”-ын концепцийн хүрээнд Улаанбаатар хотод хийгдэж буй хөрөнгө оруулалтын үр ашгийг жишээ болгон харуулна.

Хэсэг A: Хот байгуулалт, төлөвлөлтийн үйл явц, тэр дундаа Монгол улсын Засгийн газраас сүүлийн үед баталсан төсөл арга хэмжээнүүдэд Nexus санаачлагуудыг нэгтгэн оруулах боломж, ач холбогдлыг харуулах презентаци хийгдэнэ, үүнд:

• MoMo төслийн хүрээнд Дархан хотын “Модульчлагдсан усны менежментийн концепци” төсөл, доктор Б.Шарав, Advanced System Technology (AST), Branch of Fraunhofer IOSB (20 min)
• “Гэр хорооллын хөгжил, дахин төлөвлөлт, үр дүн”, хатагтай Ц.Энхбаяр (20 min)
• ECO санхүүжилт, XAC банкны Гүйцэтгэх захирал М.Болд (20 min)

14.45-15.45

Хэсэг B: “Nexus санаачлагуудыг хөрөнгө оруулалтын шинэ төсөл арга хэмжээнүүдтэй нэгтгэх нь – санхүүгийн хамтын ажиллагаа нь энэ үйл явцыг боломжтой болгох чухал хүчин зүйл” сэдэвт дугуй ширээний ярилцлага (panel discussion)

Олон улсын санхүүгийн байгууллага, хандивлагчдыг урьж Nexus арга зам, хандлагын ач холбогдол, өөрсдийн үйл ажиллагааны хүрээнд хот байгуулалтын Nexus төслүүдийг санхүүжүүлэх боломжийн талаар санал бодлоо хуваалцана.

Оролцогчид: ADB, Asia Foundation, European Development Bank, JICA, KfW, KOICA, TIKA, UNDP, World Bank зэрэг байгууллагын төлөөлөгчид

15.45-16.15

Цайны завсарлага

16.15 – 17.00

Хэсэг C: Nexus санаачлагуудыг нутагшуулах, институтчилахад дөхөм үзүүлэх сэдвээр дунд түвшний байгууллага, холбоод презентаци хийнэ

  • Сэргээгдэх эрчим хүчний төв (10 min)
  • Ногоон барилгын консорциум (10 min)

17.00-18.00

Хэсэг D: “Ногоон барилга – хуримтлуулсан туршлага, тэргүүн туршлага, сургамж” сэдэвт дугуй ширээний ярилцлага

Хотжилт болон хүн амын огцом өсөлтийн эрин үед “Ногоон барилга” нь анхаарал хандуулах нэг чухал сэдэв бөгөөд ногоон бөгөөд нөөцөнд хэмнэлттэй технологийг ашигласнаар барилгын салбарын хөгжлийг шинэ шатанд гаргах боложтой. Энэ хуралдаан нь тэргүүн туршлагыг харуулах, тулгамдсан асуудал, гарах үр дүн, сургамжийг танилцуулах зорилготой юм.

18.30

Буудлаас Улаанбаатар зочид буудал руу хөдлөх

Хоёрдах өдөр: 2014.11.06, Пүрэв гариг

09.00-11.00

Хуралдааны 3-р хэсэг: Хотуудын Nexus төслүүдийн ахиц дэвшил

Энэ хуралдаанаар төсөлд хамрагдсан хотууд өөрсдийн тулгамдсан асуудал, байгаа боломж, хэрэгжилтийн талаар санал бодлоо хуваалцана. Энэ зорилгоор хот болгон 7 мин. презентаци хийх ба төгсгөл бүрт нь хэлэлцүүлэг хийнэ.
(Презентациийн удирдамжийг хүргүүлнэ)

11.00-11.30

Цайны завсарлага

11.30-13.00

Хуралдааны 3-р хэсэг: (үргэлжлэл)

Энэ хуралдаанаар хотуудын төлөөлөгчид хот байгуулалтын Nexus хандлагыг хот төлөвлөлтийн үйл явцад тусгах боломж, сорилтын талаар харилцан ярилцах бөгөөд дараах асуултуудыг чиглэл болгоно. Үүнд:

  • Хот байгуулалтын Nexus хандлагыг нэвтрүүлэхийн ач тус юу байх вэ?
  • Хотуудын өмнө тулгамдаж буй нийтлэг асуудал юу вэ? Бэрхшээлүүд нь хаана байна вэ?
  • Хөрөнгө оруулалтын төсөл арга хэмжээнүүдэд Nexus арга замыг тусгахад тулгамдаж буй асуудал, байгаа боломжууд юу вэ?
  • Nexus-ийн хандлагаар хот төлөвлөлтийн үйл явцад иргэдийн оролцоог хэрхэн бэхжүүлэх вэ?

13.00-14.00

Үдийн зоог

14.00 – 15.30

Хуралдааны 4-р хэсэг: Nexus хандлагыг хот төлөвлөлтөнд тусгах, институтчилах, тэргүүлэх чиглэл болгох нь

Энэ хуралдаанаар Nexus хандлагын засаглалын цар хүрээ, Nexus санаачлагуудыг үр дүнтэй хэрэгжүүлэхэд шаардагдах бүтэц зохион байгуулалтыг авч хэлэлцэнэ. Түүнчлэн төлөвлөлтийн үйл явцад Nexus хандлагыг институтчилахад тустай бусад арга хэрэгслүүдийг авч үзнэ.

  • ICLEI SEAS-ийн презентаци (20 min)
  • Nexus –ийн Gender-ийн цар хүрээ , GIZ-ийн презентаци (20 min)
  • Дугуй ширээний ярилцлага нь хот төлөвлөлтөнд Nexus хандлагыг тэргүүлэх чиглэл болгох боломжид төвлөрөх бөгөөд ингэхдээ:
    • Nexus Ажлын хэсэг (Nexus Task Forces)
    • Хот төлөвлөлтөнд Nexus-ийг институтчилахад тус болох хяналтын хуудас (Checklists) болон бусад арга хэрэгслүүд
    • Gender-ийн ач холбогдол зэргийг авч үзнэ.

15.30-16.00

Цайны завсарлага

16.00-17.30

Хуралдааны 5-р хэсэг: Хот байгуулалтын Nexus-ийг тэргүүлэх чиглэл болгох нь: Үндэсний хэмжээнд шаардлагатай бодлогын орчин

Төсөлд хамрагдсан бүх улсад Nexus-ийн гол салбаруудад хамааралтай, дэмжлэг болохуйц салбарын тусгай хууль тогтоомж байдаг. Гэхдээ эдгээрийг үр дүнтэй нэвтрүүлэх, мөрдлөгө болгох мөн түүнчлэн бодлогын зохицуулалт хийхэд дутагдал байсаар байна. Иймд орон нутгийн түвшинд шийдвэр гаргах орон нутгийн удирдлагын эрх мэдлийг нэмэгдүүлэхэд онцгой анхаарал хандуулах нь чухал. Энэ хуралдаан нь үндэсний бодлогын үүрэг роль, түүнчлэн хотуудын төлөөлөл үндэсний хэмжээний шийдвэр гаргагчид болон бусад оролцогч талуудтай хэлэлцүүлэг өрнүүлэх, хот байгуулалтын Nexus санаачлагуудыг дэмжих, нутагшуулах орчин нөхцлийг хэлэлцэх боломж олгоно.

17.30
18.00-19.00

  • Буудлаас хөдлөх
  • Говь үйлдвэрийн дэлгүүр орох

Гуравдах өдөр: 2014.11.07, Баасан гариг

09.00 – 11.00

Хуралдааны 6-р хэсэг: Бүс нутгийн хэмжээнд Nexus хандлагыг нэвтрүүлэх, түгээн дэлгэрүүлэх нь

Энэ хуралдаанаар бүс нутгийн түвшинд Nexus санал санаачлагуудын үзүүлэх үр нөлөө, потенциалыг танилцуулах боломж олгоно. Түүнчлэн хот байгуулалтын Nexus-ийг бүс нутгийн хэмжээнд хэрэгжүүлж буй төсөл арга хэмжээнүүддээ тусгах, өөрсдийн сүлжээгээрээ дамжуулан энэхүү концепцийг түүгээн дэлгэрүүлэх үйлсэд бүс нутгийн болон бүсийн хэмжээнд үйл ажиллагаа явуулдаг байгууллага, санхүүгийн нэгдлүүдийн гүйцэтгэх үүрэг ролийг гаргаж ирэх, боломжуудыг эрэлхийлэх болно.

  • “Хот байгуулалтын Nexus-ийн загвар төсөл, Нашик, Энэтхэг улс”, ноён Кумар Эмани, Ерөнхий нарийн бичгийн орлогч ба Гүйэтгэх захирал, ICLEI –South Asia (20 min)
  • “Төвлөрсөн бус ариутгах татуургын системийн удирдамж”, GIZ Nexus, (20 min)
  • “Монгол дах сургуулийн барилгын дулаан-техникийн шинэчлэлт”, ноён Бьёрн Вальштэдт, GIZ-ийн Эрчим хүчний үр ашгийн төслийн захирал (20 min)
  • Хэлэлцүүлэг

11.00-12.00

Дүгнэлт, хурлын хаалт
Categories
мэдээ нийгэм

Төл малыг гоц халдварт шүлхий өвчнөөс урьдчилан сэргийлэх вакцинжуулалтад хамруулж байна

Нийслэлийн Засаг Дарга ” Төл малыг гоц халдварт шүлхий өвчнөөс урьдчилан сэргийлэх вакцинжуулалтад хамруулах тухай” А/935 дугаар захирамж гаргасан. Үүний дагуу 10 дугаар сарын 5-ны өдрөөс 10 дугаар сарын 15-ны хооронд Нийслэлийн нутаг дэвсгэрт байгаа шүлхий өвчинд мэдрэмтгий малын төлийг уг өвчнөөс урьдчилан сэргийлэх вакцинжуулалтад бүрэн хамруулж, дахин 10 дугаар сарын 29-ны өдрөөс 11 дүгээр сарын 09-ний өдрийн хооронд төл малыг вакцинжуулалтад хамруулж байна.
Вакцинжуулалтын ажилд мал бүхий иргэд, аж ахуйн нэгж, орон нутгийн төр захиргааны байгууллагуудыг татан оролцуулан, ажиллах хүн хүч, тээврийн хэрэгсэл шатахуун болон бусад зардлаар ханган ажиллаж, тогтоосон хугацаанд вакцинжуулалтыг шуурхай зохион байгуулахыг дүүргийн Засаг дарга нарт үүрэг болголоо.
Гоц халдварт шүлхий өвчнөөс урьдчилан сэргийлэх вакцинжуулалтын ажлыг зохион байгуулж шаардагдах вакцин, эм урвалж, халдвар хамгаалалын хувцас, бусад материалаар ханган, мэргэжил арга зүйн зөвлөгөө өгч, ажлын явцад хяналт тавьж, цаашид ариутгал халдваргүйтгэлийн бодис, бензин шатахуун, вакцины нөөц бүрдүүлэн бэлэн байдлыг хангаж ажиллахыг нийслэлийн Мал эмнэлгийн газар, Мэргэжлийн хяналтын газарт тус тус даалгалаа. Мөн энэхүү захирамжийн хэрэгжилтэд хяналт тавьж ажиллахыг Нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэд үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Categories
арын-нүүр булангууд мэдээ нийгэм

Бактери хүртэл шинэ үеэ 20 минут тутамд төрүүлж байна

Олон улс, дэлхийн хэмжээнд судалгаа явуулж, сонирхолтой дүгнэлт гаргадаг хүмүүс байх юм. Саяхны нэгэн жишээг дурдахад дэлхий дээрх амьд организмуудын хөгжлийг авч үзжээ. Дэлхийн сээр нуруутан хийгээд хөхтөн, өвсөн тэжээлтэн болоод махан идэштэн амьтад байгалийнхаа хуулиар шинэ үеэ төрүүлж хувьсч байдаг гэсэн судалгаа гарч. Товчхондоо эдгээр амьтад дэлхийн уур амьсгалын өөрчлөлт явагдах бүрт дасан зохицсон шинэ үеэ байнга төрүүлдэг гэжээ.

Мөн нян бактериудыг устгахын тулд хүн төрөлхтөн жил, хагас жилд нэг нээлт хийдэг бол нян бактер нь 20 минут тутамд шинэ үеэ төрүүлэн гаргадаг байна. Энэ нь хүний биеийг идэгч, эд эрхтэнг устгагч бактертай тэмцэхээр бид хагас жилийн турш ажиллаж нэг эм гарган авлаа гэхэд 20 минутын дараа үр дүнгүй болж тэр эмэнд дасалтай бактерийн шинэ үе төрдөг гэсэн үг юм.

Харин улс орны буюу угсаатны шинэ үе, хөгжлийг судлахад харьцангуй өөр өөр хугацаа гарсан байна. Сонгуулиас сонгуулийн хооронд хөгжин өөрчлөгдөж байдаг улс орон энэ цагт бий болсон бол мянган жилийн турш өөрчлөгдөөгүй угсаатан ч байгаа гэнэ. Бас нэг зуун, нэг жаран гээд өөр өөр хугацаанд шинэчлэгдэн өөрчлөгддөг тухай ч сонстож байна. Манай улсын хувьд “хувьсан өөрчлөгдөх, шинэ үе төрж хөгжлийн дараагийн шатанд гарах үйл явц хэт удаан өрнөдөг” орнуудын жагсаалтад орсон бололтой. Гвинейн хүний махан идэштэн, төв Азийн малын махан идэштэн гээд урагшилж өөдөлдөггүй орнууд нэг мянганд шинэ үеэ төрүүлдэг гэж тодотгосон бололтой.

Л.МӨНХТӨР

Categories
мэдээ нийгэм

Зургаан цагаан мэнгэтэй цагаан луу өдөр

Аргын тооллын арваннэгдүгээр сарын 5. Буд гариг. Билгийн тооллын 14. Дэлгэрүүлэгч одтой, цагаан луу өдөр. Өдрийн наран 08.04 цагт мандан, 17.48 цагт жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл үйлдэх, хагалгаа хийлгэх, биеийн тамирыг сэргээх, хөгжмийн зэмсэг урлахад сайн. Гүүр тавих, газар малтах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд мал арвижна.

Categories
мэдээ нийгэм

СЕХ Олон улсын сонгуулийн байгууллагын Удирдах Зөвлөлийн гишүүн болжээ

Сонгуулийн ерөнхий хороо Азийн сонгуулийн байгууллагуудын Холбооны удирдах зөвлөлийн гишүүнээр сонгогдлоо.

Энэхүү шийдвэрийг 2014 оны өнгөрөгч 29-30-ны өдрүүдэд Энэтхэгийн Шинэ Дели хотноо болсон Азийн сонгуулийн байгууллагуудын холбооны хурлаас гаргажээ.

Тус хурлаар холбооны дүрэмд өөрчлөлт оруулж, мөн ОХУ, Малдив, Узбекистан улсуудыг гишүүнээр элсүүлэх асуудлыг хэлэлцэж зохих шийдвэр гаргасан байна.

Энэ байгууллагын дүрмийн дагуу Азийн сонгуулийн байгууллагуудын Холбооны дарга, дэд дарга, удирдах зөвлөлийн гишүүдийг шинээр сонгож, таван гишүүн бүхий удирдах зөвлөлд нь Монгол Улсын Сонгуулийн Ерөнхий Хороог сонгосон байна.Энэ нэр хүндтэй үүргийг манай байгууллага 2016 онд болох Азийн сонгуулийн байгууллагуудын Холбооны Ерөнхий Ассамблейн чуулган хүртэл гүйцэтгэх ажээ.

Энэтхэгийн нийслэлд болсон дээрх арга хэмжээнд Монгол Улсын Сонгуулийн Ерөнхий Хорооны нарийн бичгийн дарга Б.Алтанжаргал тэргүүтэй төлөөлөгчид оролцжээ.

Categories
мэдээ нийгэм онцлох-нийтлэл туслах-ангилал

Үндэсний үйлдвэр худалдааны төв байгуулна

Дотоодын үйлдвэрлэгчдийг дэмжих зорилготой Үндэсний үйлдвэр худалдааны төв үүдээ нээх гэж байна.

Хэрэглэгчдэд дотоодод үйлдвэрлэгдсэн бүхий л бараа, үйлчилгээг нэг дороос авах цэг байхаас гадна үндэсний үйлдвэрлэгчдийн борлуулалтыг дэмжсэн худалдааны төв болох аж.

Энэхүү худалдааны төв байгуулагдсанаар Монголд үйлдвэрлэл үйлчилгээ явуулж буй бүхий л үндэсний үйлдвэрүүд өөрсдийн бараа, бүтээгдэхүүнээ борлуулах юм.

Харин эл худалдааны төв нь “Нарантуул” олон улсын худалдааны төвийн хажуу талд байрлах Шөнийн захад байршихаар бэлтгэл ажлаа хангаж байна гэж ҮХААЯ-наас мэдээллээ.

Categories
мэдээ нийгэм

“Нийслэлийн орон сууцны хөтөлбөр”-ийг хэрэгжүүлэх ажлын хэсэг байгууллаа

Нийслэлийн Засаг даргын “Ажлын хэсэг байгуулах тухай” А/933 дугаар захирамжийн дагуу “Нийслэлийн орон сууцны хөтөлбөр”-ийг хэрэгжүүлэх, гэр хорооллын дахин төлөвлөлтийн хүрээнд баригдаж буй орон сууцны эрэлтийг дэмжих зорилгоор орон сууцны санхүүжилтийн оновчтой механизмыг боловсруулах чиг үүрэг бүхий Ажлын хэсэг байгууллаа.

Ажлын хэсгийн даргаар нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч С.Очирбат ажиллана. Орон сууцны санхүүжилтийн хувилбарыг боловсруулж Нийслэлийн Удирдлагын зөвлөлийн хуралд 2014 оны 12 дугаар сарын 15-ны өдрийн дотор танилцуулахыг тус Ажлын хэсэгт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.