Эрүүл мэндийн яамны шуурхай удирдлагын төвөөс мэдээлж байна.
2014 оны 11 дүгээр сарын 12-ны өдрийн 10.00 цагийн байдлаар:
МОНГОЛ УЛСАД:
Завхан аймагт хүний боом өвчний сэжигтэй тохиолдол бүртгэгдлээ
Завхан аймгийн Тэс суманд хүний боом өвчний сэжигтэй тохиолдол бүртгэгдсэн байна. Өвчтөн “Л” 54 настай, эрэгтэй. Урьдчилсан байдлаар өвчтөнөөс авсан эхний сорьцоос хүний боом төст нян илэрсэн байгаа бөгөөд лабораторийн шинжилгээ үргэлжилж байна.
Эх сурвалж: ХӨСҮТ
ДЭЛХИЙ ДАХИНД:
Эбола вируст халдвар, дэлхий дахинд
2014 оны 11 дүгээр сарын 04-ний өдрийг хүртэлх хугацаанд эбола вируст халдвар дэлхийн 9 улсад бүртгэгдэж, 13334 хүн өвчилж, 5009 (37%) хүн нас барсан байна. Нийт 549 эрүүл мэндийн ажилтан өвчилсөнөөс 311 (52%) нь нас баржээ.
Эх сурвалж: ДЭМБ
Шуурхай удирдлагын төв
Нийслэлийн Засаг Даргын Тамгын газар болон Улаанбаатар Цэвэр Агаар төслөөс хамтран “Улсын нийслэлдээ Утаагүй амьдарцгаая” гар зургийн уралдааныг нийслэлийн ерөнхий боловсролын сургуулиудын Эко клубуудын дунд зохион байгууллаа.
Нийслэлийн Засаг дарга бөгөөд Улаанбаатар хотын захирагч Э.Бат-Үүл “Газар эзэмшүүлэх, ашиглуулах эрхийг баталгаажуулах тухай” А/918 дугаар захирамж гаргаж 47 иргэн, аж ахуйн нэгж, байгууллагын газар эзэмших эрхийг шинээр баталгаажууллаа. Газар эзэмших эрх нь баталгаажсан иргэн, аж ахуйн нэгж, байгууллагуудтай холбогдох хууль тогтоомж, журмын дагуу гэрээ байгуулж, гэрчилгээ олгож, хэрэгжилтэд хяналт тавьж ажиллахыг нийслэлийн Өмчийн харилцааны газарт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Нийслэл болон дүүргүүдийн цагдаагийн хэлтсүүдийн архидан согтуурахтай тэмцэх тасгаас сүүлийн үед архидан согтуурахтай холбоотой эрүүгийн нөхцөл байдал хүндрэх төлөвтэй байгаа тул цагдаагийн албан хаагчийн хууль ёсны шаардлагыг биелүүлэхгүй удаа дараа зөрчил гаргаж цаг хэтрүүлдэг болон зохих байгууллагын зөвшөөрөлгүйгээр хууль бусаар үйл ажиллагаа явуулж буй баарны эздийг хууль тогтоомжид заасны дагуу захиргааны журмаар албадан баривчилж эхэлсэн байна. Үүний дагуу “Доргио” шөнийн клубын үйл ажиллагааг зогсоож тус баарны захиралд захиргааны журмаар баривчлах арга хэмжээ авчээ. Цаашид иймэрхүү зөрчил дутагдал гаргахгүй байхыг аж ахуйн нэгж иргэдэд анхааруулж байгаа бөгөөд хяналт шалгалтаа улам сайжруулж ажиллана гэж Нийслэлийн Цагдаагийн газраас мэдээллээ. 
Агуулга, хэлбэрийн зөрчил бидний үндэсний үзэл дээр жинхэнэ илэрч байна даа.Хэлбэрийг нь авч үзвэл бид дэндүү үндсэрхэг үзэлтэй. Эх орон гэж цээжээ дэлдэгсэд зурагтын дэлгэцээр дүүрэн. Төрийн түшээд, удирдлагууддаа “Хужаагийн эрлийз”, “Урвагч” хэмээх шошгыгядах юмгүй зүүчихдэг. Хятадуудыгүзэн ядагсад, хийрхэгсэдхаа сайгүй. Агуулгаар нь авч үзвэл бид үнэндээ үндсэрхэг ард түмэн гэж үү. “Солонгосчууд зөвхөн үндэсний үйлдвэрлэлээ дэмждэг” гэж харь оронд хүнд хөдөлмөрт нухлагдаад ирсэн олон хүн ярьдаг. Хангүгчүүд үндсэрхэг ард түмэн юм байна. Харин бид дэлгүүрт ороод Үндэсний үйлдвэрлэлдээ “За” гэдэггүй. Эх оронд маань гэтэл бидний хуурамч хайр, нялуун үг нэмэргүй. Эх оронч үзэлэнгийн зүйлээс эхэлдэг юм байна. Монголдоо хөрөнгө оруулах, эх орондоо үйлдвэрлэсэн бүхнийг илүүд үзэхээсэхэлдэг.Эх орны үйлдвэрийнх гэхээрээ л итгэл сэтгэл мааньдундраад явчихдаг байж таарахгүй. Эх орны үйлдвэрийн сүү, тараг байвал гадаадын йогуртыг сонгож магадгүй. Эх орны үйлдвэрийн архи дарснаасхэл үсэг нь танигдахгүй харийнхыгилүүд үзэх вий.Харийн гэсэн бүхэн илүү мундаг санагддаг. Гадаадын хөрөнгө оруулагчдыг тахих шахдаг.Дотоодын хөрөнгө оруулагчиддоохнуур үнэлэгдэнэ.Харийг шүтэх үзэл хэдийнээс бидний тархинд гүн гүнзгий суучихаа вэ. Ах нарын амыг харсан социализмын дал, наян жил биднийг дорд сэтгэлгээтэй болгочихсон юм болов уу. Эх оронч үзлээ хаанаас хайх вэ?
Нийслэл Улаанбаатарт тулгамдаж буй томоохон асуудалд хаягжилт зүй ёсоор багтана. Баар, ресторан, дэлгүүр хоршоо, томоохон худалдааны төв, компаниудын гадна байрласан хаягийг уншихад харийн оронд амьдраад байгаа мэт сэтгэгдэл төрдөг нь нууц биш. 
Иргэний харьяалал, шилжилт хөдөлгөөний ерөнхий газар зорчигчдыг цахим гарцаар улсын хил нэвтрүүлэх төхөөрөмжийг өнгөрөгч 10 дугаар сард үйлчилгээнд нэвтрүүлж, албан ёсны нээлтээ хийсэн билээ. Тэгвэл зорчигчид өөрийн хурууны хээ, цээж зураг, гадаад паспорт, иргэний үнэмлэх эсвэл оршин суух үнэмлэхний мэдээллийг Иргэний харьяалал, шилжилт хөдөлгөөний ерөнхий газрын Буянт-Ухаа дахь газарт урьдчилан бүртгүүлж, энэ сарын 17-ны өдрөөс эхлэн цахим гарцаар улсын хил нэвтрэх боломжтой болжээ. 
Монголын сэтгүүлчдийн эвлэл, Монголын Сайтуудын холбоо, Хэвлэлийн хүрээлэн, Өдөр тутмын сонины холбоо, Радио телевизийн академи зэрэг байгууллагууд сэтгүүлчдийн шинэ жилийн баярыг хамтран зохион байгуулахаар болжээ. Сэтгүүлчдийн шинэ жилийн баярыг тэмдэглэхдээ улстөрийн хүчин, бизнесийнхэнээс хараат бусаар тэмдэглэх бөгөөд урлаг соёлын оддыг урин зардал гаргахгүй гэдгээр онцлог юм байна.
Улаанбаатар хотын Захирагчийн Ажлын албаны Тохижилт хог хаягдлын удирдлагын хэлтсээс “Хоггүй хороо, хоггүй гудамж” болзолт уралдааныг зохион багуулсан. Тус уралдаанд шалгарсан 11 талбайн үйлчлэгч, гурван жолооч, хоёр хог тээврийн машины ачигч, нэг цэцэрлэгжүүлэгч гээд нийт 17 ажилтныг Хонгконг Сингапур руу аялах эрхийн бичгээр шагналаа. Шилдэг ажилтнууд 11 дүгээр сарын 27-ноос 12 дугаар сарын 2-ныг хүртэл таван шөнө зургаан өдрийн аялалд оролцож туршлага судлахаас гадна Хонгконг Сингапуртай танилцах аж. 
Баянхонгор аймагт Хөдөө аж ахуйн биржээр дамжуулан анх удаа амьд малын арилжааг амжилттай зохион байгуулсан бөгөөд цаашдаа даваа, лхагва, баасан гараг бүр арилжаа хийж байхаар болсон. Одоогийн байдлаар тус аймагт амьд малын арилжаа хийх техникийн бэлтгэл ажил бүрэн жигдэрсэн ч мал худалдан авах захиалга ирэхгүй, үнийн хэлцэл тохирохгүй байгаа учраас дахин арилжаа хийгээгүйг Хөдөө аж ахуйн биржийн захирал Ж.Эрдэнэбат хэллээ. Тодруулбал, малчид малын амьдын жингийн нэг кг-ыг 3000 төгрөгөөр худалдана гэж байгаа нь худалдан авах хэлцэл хийх боломжгүйд хүргэж буй ажээ.